طلب اللجوء لاغراض انسانيه من بغداد افتونااااااااااا

[ريم عبد]

الاخوه الراسخون في العلم
ولو الموضوع مو جديد بس اكو هيج حاله واريد الاستشاره من عدكم قبل منورط اصحاب الشان
طلب لجوء لاغراض انسانيه يعني ممشتغل ويه الامريكان بس اتعرض لخطف (من صدك مو كلاوات) وعنده اوراق شرطه ومادفع فديه واطلق سراحه ومعرض لتهديد وايريد يطلب لجوء
هوه حاليا ابغداد اكيد ميشمله التقديم على IOM بغداد بس هوه راسلهم وطبعا راح توكف من ايطلبون منه تزكيه الموظف الامريكي
السوااال هوه
ايصير ايقدم على IOM عمان عن طريق الايميل(AmmanInfoCenter@iom.int)   وهوه ابغداد وأيروح للمقابلات فقط ويرجع
لو لازم يبدي التقديم من عمان مباشرة
واذا راد ايروح لعمان هل ايساعدوا بالدخول
ياريت تنطونا الطريقه الحلوه المرتبه حتى يبدي بيها بدون اشكالات
ولكم الاجر والثواب
اختكم ريم

[WRONGED]

اخي العزيز
برنامج الاي او ام او ال اس اي في
هو فقط للعاملين مع قوات التحالف او لم الشمل درجه اولى اما تريد تقدم عليه من بغداد او عمان نفس الشي حبيبي هو نفس البرنامج ونفس الشروط
معناه لا اذا بغداد  رادوه اوراق منك فنفس الاوراق يريدوهه بعمان الطريق الوحيد الك هو ان تلع تسكن باحد دول الجوار وتقدم على اليو ان العادي وليس لك الحق في التقديم المباشر على الاي او ام

[ريم عبد]

تسلم اخ WRONGED على الاجابه
يعني ماممكن يبدي من بغداد براس الشليله عن طريق ايميل ومن ايطلبوا ايسافر لعمان
حتى يكسب الوقت ويطلب مساعدتهم بالدخول لعمان
لو لازم من البدايه ايشيل عائلته ويطلع يله ايقدم من عمان
الي عنده جواب لهاي الحاله اذا ممكن ايساعدنا
اختكم ريم

[WRONGED]

اذا هو ممشتغل ويه الامريكان مرح ينشمل على برنامج الاي او ام سواء من بغداد او عمان وتكون فرصته الوحيده انو يشيل عائلته ويروح لبلد مجاور ويقدم يو ان وينتضر

[ريم عبد]

اخي WRONGED
شكرا على اهتمامك والاجابه
زين اذا راح لعمان يبدي من ال يو ان وينتضر توطين
لو ممكن ايروح مباشرة على IOM ايقدم
 لان احنا مقدمين من بغداد وهاي شغلات عمان مااعرفلها
اختكم ريم

[WRONGED]

عزيزتي هو ممشتغل ابد ويه الامريكان وماعنده اي ريكونديشن لو اي لتر معناهه ميقدم على الاي او ام يقدم من البدايه على اليو ان وينتضر رحمتهم وهو وعائلته وميطلع افضل يكون من المكان الي يقدم بيه

[مهاجرين بلا حدود]

اختي العزيزة ريم

IOM ,,,,, تقديم مباشر في عمان اذا كان يعمل مع القوات الامريكية او احد شركاتها (ممكن تسجيل العائلة معه)
SIV ,,,,, فيزة للهجرة الخاصة والتقديم ايضا مباشر بعد الخدمة لسنة او اكثر ,,,ويمكنها التقديم ايضا اثناء خدمته معهم (غير ممكن تسجيل العائلة )

UN >>>>> تقديم حاله حال الناس ,,,,ويعتمد على القصة وقوتها ...وانتظارها بيد رب العالمين (لجميع افراد العائلة )

تحياتي
ابو محمد
دمشق

[ريم عبد]

شكرا اخيWRONGED 
وشكرا اخي مهاجرين بلا حدود
تسلمون على الاجابه يعني هسه اذا سافر الى عمان وقدم على اليو ان وينتضر رحمة رب العالمين
 وبعدين توطين ؟
وبعدين يله تبدي اجراءات المقابلات الباقيه الي نعرفها؟
يعني فد سنه اقامه بعمان حسب خبرتكم؟؟؟
علما هوه عنده اقارب من الدرجه الاولى في امريكا.. هل هذا ياثر بالتسريع؟؟
ياريت اسمع تاكيدات منكم بس حتى ننطي فكره واقعيه وميتورطون
وكلش اكون شاكره لتعاونكم
اختكم ريم

[بغداد بقلبي]

اختي العزيزه ريم اذا مجرد عنده حجيه قويه انه حياته معرضه للتهديد ممكن خلال شهر يكون متوطن ومتحول لمنظمه الهجره العالميه ومثل ماذكرتي بانمه عنده اقرباء درجه اولا  فمن المؤكد انهم سيحولون ملف للولايات المتحده وااه ايوفقه وان شاء الله مو اكثر من سنه

[ريم عبد]

اخي بغداد بقلبي
والله حجيك حلو ومتفائل
 هوه انخطف واتثبتت واقعة الخطف باوراق الشرطه
بالنسبه للتهديد ماعنده اثبات رسمي
يعني اكله يتوكل على الله وايسافر؟
اختكم ريم

[ريم عبد]

اخواني
اذا راح لعمان مع عائلته وقدم يكدر يرجع او ترجع عائلته للعراق في اثناء انتضار المقابلات
علما انه هوه متهدد في منطقته ومن يرجع او ترجع بس عائلته وهوه يبقى ينتضر الى مناطق اخرى او خارج بغداد
فهل هذا ينقضله سبب اللجوء ام سبب كونه ميكدر يرجع لبيته ويستقر هذا سبب كافي لقبوله
مع الشكر
اختكم ريم

[عكعك التطوى]

اخواني
اذا راح لعمان مع عائلته وقدم يكدر يرجع او ترجع عائلته للعراق في اثناء انتضار المقابلات
علما انه هوه متهدد في منطقته ومن يرجع او ترجع بس عائلته وهوه يبقى ينتضر الى مناطق اخرى او خارج بغداد
فهل هذا ينقضله سبب اللجوء ام سبب كونه ميكدر يرجع لبيته ويستقر هذا سبب كافي لقبوله
مع الشكر
اختكم ريم

اختي اكيد تاثر وتضعف من قوه قضيته

[ريم عبد]

شكرااااااااا اخ عكعك لمرورك
واكيد دائما نستنير باجاباتك
اختكم ريم

[بغداد بقلبي]

اختي العزيزه ريم بالنسبه لروجعه للعراق من بعد التقديم ايصير بس انه قضيته مراح تاخذ اولويه وحيتشككون بوضعه فمن الافضل ان ينتظر بالاردن وبقاءه بالاردن هم دليل على انه وضعه بخطر اذا دخل العراق وميصير ايكللهم انه يكدر ايروح لمحافظه اخرى او يكدر ايعيش او ايدبر نفسه بمكان اخر بالعراق هم اتاثر عليه هاي الشغله لازم ايظلمه عليهم وايخليهم ايفكرون بحل التوطين اله يعني اختي ريم الشغله مو سهله عن طريق المفوضيه ويمكن تتم بشهر ويمكن تاخذ سنين واي سؤال او استفسار اني بالخدمه

[ريم عبد]

الله اينور عليك اخي بغداد بقلبي
فعلا اجابتك منطقيه وهذا الي اريد اوصله حتى واحد يحسب احسابه لكل ضرف
هوه بعد تعرضه للخطف طلع من بغداد وبقه فتره في عمان وفي سوريا وبعدين من اتحسن الوضع رجع
وهسه ديريد ايقدم لان عنده اقارب درجه اولى بامريكا كلاجئين
فهسه لازم هم يرجع ايخربط وضعه ويترك وظيفته وايروح للاردن حتى يبدي من جديد
فكلت انشوف شلون انرتبله تقديم باقل الخسائر  ولذلك داستعين باخواني بالمنتدى وكل واحد ينطينا راي ممكن ايفيدنا
وياربي ايسهل امر الجميع
اختكم ريم