بعد عناء دام 58 يووم مع ال SIV واخيرا استلمت COM ابروفل

[silver_d]

مرحبا شباب ... بعد عناء دام تقريبا 58 يووم من المعانات مع جماعه SIV واخيرا وليس اخرا استلمت COM ابروفل .. راح اذكر التواريخ من يووم ارسال اول رساله الى حين استلام كوم ابورفل

في البدايه .. كانت اول رساله مني على SIV baghdad يووم 7-8-2009 . ووصلتني رساله اوتو ربلاي بأنهو انتضر من 6-8 اسابيع لحين الرد على القضيه مالتي

وبعد اسبووع من ارسالي اوول رساله في يووم  14-8-2009 وصلتنياول رساله يذكرون بيها معلومات على اخر عملين الي واني كنت ذاكرها بال DS157 بس رادو توضيح عليها وبنف اليووم رديت على الرساله الي دزوها الي ودزيت نفس الفور دي اس بالاضافه الى رساله مرافقه سويتها اتاج ودزيتهاالهوم ووصلتني اوتو ربلاي من 6-8 اسابيع لحين انتضار الرد على القضيه مالتي .

وبعد سبوع من ارسال الرساله الثانيه في يووم 21-8-2009 وصلتني  رساله ثانيه من SIV يذكروون بيها انو الملف المرافق للدي اس منفتحت يمنه عيد ارساله الرساله من جديد على JPGE,PDF واني  دزيتها على احد البرنامجين الي ذكرتهوم بنفس اليوم ووصلتلي رساله اوتو ربلاي من 6-8 لحين الرد على طلبي .

ووراها موصلتني اي رساله من SIV


وفي يوم  6-9-2009 اجالي الظابط الي اشتغل ويا كالي جماعه Chief Of Mission راسلوني وسألوني 6 اسئله عنك واني جاوبتهوم ودزولي رساله اوتو ربلاي .

وفي يوم 16-9-2009 جتيني  رساله من الSIV يذكرون بالرساله انو حسب معلوماتنه انو انته اتضح النه حاصل على الجواز العراقي ابعث بصوره من الجواز العراقي واني  بنفس اليووم دزيت صوره من الجواز مالتي  طبعا اكيد ال G .ودزيتها الهم بس ومصلتني اي رساله اوتو ربلاي اضاهر جان متوقف الفتره معينه .د

وفي يوم 23-9-2009 اجتيلي  رساله من السفاره ذاكرين بيها انو الملف مالتك تحت الدراسه انتضر القرار النهائي من Chief Of  Mission .

وفي يوم 5-10-2009 الي هوه كان يوم السعد بالنسبه الي فتحت الايميل مالتي ساعه 11 باليل لاكيت جايتني رساله اني هم كلت اكيد هاي دعايات من الياهو ميل . بس اشو من فتحتها طلعت الشغله غير شي انو يكولي تهانينا لعد تمت الموافقه على الملف مالتك وهاك الجيف  ومنريد انشووف  شكلك بعد ولتنسه اتدزهوم على واحد من العنواوين الي مذكوره اسفل الرساله .
 وفي اخر المطاف يوم 6-10-2009 دزيت الاوراق المطلوبه مني عن طريق البريد العسكري .

وهسه راح اتحوول الى جماعه  NVC جماعه بحر الضلمات والله كريم والرزق على الله .


شباب ابد ما انسه دعوات امي الي  واني من اول يووم بهذا شغلي ااتكلت على يسووع ومريم العذراء همه الي  حفظوني واكيد همه الي نورولي طريقي وانشالله  تجي عدله كدامي وكدام الكل يا رب



اخوكوم سلفر الكمش

[shaklawe]

الف الف مبروك
تحفظك العذراء و ينور دربك الملك العظيم يسوع المسيح له المجد


ويوم نخلص منك و توصل لامريكا

تحياتي

شقلاوي اسطنبول

[osama5477]

الف مبروك وان شاء الله يوم وصولك لامريكا

[مازولا]

الاخ العزيز سلفر ... هذا رابط عن كل المواعيد اللي استلموهه الاخوان قبلك من طقطق الى سلامو علكم مثل ما يكولون المصريين و تحياتي ... اخوك مازولا
http://www.ankawa.com/forum/index.php/topic,267544.0.html

[vincenzo]

مبروك حبيبي كموش وبس لا اني هم يعتبروني كمش ويدزولي الابروفال قريب لان اني اريد تاخير
واني مقدم من 21 بشهر السادس وتقريبا بالعشر رسائل استلمت منهم وجاوبتهه كلهه اللا شغله دزولياهه بالبداية انه الريكومنديشن لازم تتغير بيهه كم كلمة (بمكان his company leader لازم تصير his direct supervisor واللي اعتقد تعني نفس الشي بس يمكن همه هم كمش) واني دزيتله للظابط بامريكا بس همزين هو بارد برود مو طبيعي ولحد الان ماكو منه جواب غير I'm working on it هههههههه
وراهه طلبوا مني هواي شغلات غير هاي ودزيتهه بس لحد هسه ما كالولي انت تحت الدراسة لان الظاهر هاي العبارة اليريدون اغيرهه هي الي معطلتهم
شتكول؟؟

[عكعك التطوى]

الف مبروك وبالتوفييييييييييييييييييييييييييييييييييييييييييييييييييييييق انشاءالله

تحياتي

[angie-dawood]

الف مبروك انشاءللة التوفيق في جميع امورك

[BaghdadGhost]

اخي سلفر ,,,,,


مبروك على الاجراءات الي صارت ,,,,, الصراحه وقت جيد ,,,, اتعجب من تكول عناء ,,,, يمعود كول يا الله حته ربك يسهل عليك باقي الخطوات ,,,,

بالتوفيق ان شاء الله ,,,,

[سيزر]

مبروك وشايف كل الخير ... الباقي سهل انشاء الله ... يله شد حيلك للمرحله الثانيه ام الــ I360


سيزر

[suzie83]

مبروك ...  وبالموفقية يا رب   ... 

[ShadowMan]

مبروك استلام الكوم بروفل وال58 يوم ما يتسمى انتظار يمعود هذولة مداريك وامشيك على السريع لان اكو هواية جماعة من شهر الرابع والخامس لحد هسة ماكو شي الله ايوفقك ويسهل امورك

[silver_d]

احب اشكركووم شباب  على كل  التهاني الي دزيتوها الي  والله اتمنه من كل الي مقدم صارله مده طويله  وانشالله ياخذوون البروفل ويكمل الاوراق  مالته انشالله ...  وبالنسبه الك اخ vincenzo اني  نصيحتي  مني  الك انو تنتضر لان اني  وره 3 اسابيع يله دزولي رساله بأنهو اوراقي  صارت تحت تالدراسه بس اريدك تذكرلي انو شوكت اخر شي دزيت الهوم رساله بالطلبات الي همه ليطلبوها منك وبالنسبه للركمنديشن  انتا ارفق رساله نوت بالورد اكتبها واكتب  الهوم انو هذا كل الي عندي من الركمنديشان من المسؤلي المباشر يعني  حسب القضيه مالتك ودزها الهوم من يردوها حبي وانشالله يراسلووك حبي واتمنه الخير للكل شباب وشكرا للجميع



اخوكوم سلفر الكمش 

[koka75]

مبروك وشايف كل الخير اخوية العزيز وعلكولة اخونة شبح بغداد كول الحمدالى الله لان اخوووك والي هوة اني قدمت من يوم واحد شهر السابع لسنة 2009 واخيك لحد الان كلشي ماكو وقصدي كلشي ماكو انه دزولي يريدون استفسار عن الخدمة العسكرية دزيتلهم رسالة بيها كل الاجوبة ووراها دزولي رسالة يكولون الضابط الي داز رسالة التزكية مو هوة المسؤل عنك يعني مو هوة نقطة الارتباط فدزيت رسالة للضابط وفهمته بالحجي مالتهم وهوة مشكورا دزلهم رسالة ووضحلهم ليش مكدرت احصل رسالة من الشخص او الضابط المسؤل  ووافقو عليه وعالتزكية مالته واخرها دزولي رسالة يسالون شسويت من سنة 2000 الى سنة 2004 بحياتي وماعرف ليش سالة هالسؤال علكلن دزيتلهم كل الس سويتة بهاي السنيين ومن هذاك اليوم الي هوة قبل شهر تقريبا لحد الان انتضر النتيجة ونشالله الله يمشيها عدلة وياية ويجيني الكووووم الله كريم ولو اني نشالله ناوي ارجع للعراق يوم 11 بهاذا الشهر لان حجزت وثبتت الحجز ونشالله اشوف خير اهناك ادعوووولي شباب الله كريم   اخوووك ابو محمود

[ابو العينتين]

مبروك عليك اخي العزيز على استلام الcom وانشاء الله يوم الالي واذبح طلي لان صارلي خمس اشهر دا انتضر الوحي ينزل وماكو شي لحد الان
الله يوفقك ويسهل امرك
اخوك الفكر ابو العينتين

[lionofiraq]

الف الف مبروك و اتمنالك الموفقية بالوطن الجديد

[silver_d]

تسلمولي يا احلى وروود بالدنيه وانشالله اتمنه من كل الي مقدم تجيله الموافقه وانشالله اللكل تعبها ميرووح بلاش لان كلنه تعبانين بشغلنه وبهاي الخطوره بس اكو الله هوه الي  يسهلها علينه شباب واتمنه الكل تيلها موافقه حته يبلشوون بالمراحل الايه من البرنام اني بالنسبه الي ديت اوراقي على نبراسكا والله كريم هوه الي  يسهل امرنا شباب وهاي صارلي  5 تيام من دزيتها والتسهيل من الله ومريم العذراء اتمنالكوم الموفقيه وشباب اتمنه اي واحد يحتاج مني مساعده بالفقره الاولى DS157 انتي  راح اكوون حاضر  وانشالله الي  اكدر عليه  راح اساعد اشكركوم هوايه والموفقيه للجميع

اخوكوم سلفر الكمش 

[vincenzo]

صديقي الكمش سألتني على اخر رسالة دزولي ووجاوبتهم
وكانت بيوم 1 بهالشهر
يعني قبل اسبوعين
علما انه اني ولا مرة دازلهم استفسار او استعجال للابروفال مالتي وخالهم براحتهم

[سالم 1980]

السلام عليكم ورحمة الله وبركاته طبعا الف الف مبروك وان شاء الله اسهل عليك ان شاء الله امرك اخوية اني محتاج كلش مساعدتك  اني عندي عمي اريد اقدم على SIV ومنعرف وين او اي مكان او ايميل انقدم علية فاذا ما اضوجك تساعدنا بايميل او عنوان او اي شي نكدر انقدم بي وهو للعلم انه جان مقدم على اي او ام وارفض وقدم استئناف ورفض وهو اريد اقدم على التوطين الى امريكا على SIV والله اخليك ويسهل امرك ان تجاوبنا باقرب وقت وشكر ا اخوك سالم 1980

[silver_d]

 مرحبا شباب انشالله اتكونون بخير يا احله شباب عينكاوا كوم
بالنسبه الك اخويه العزيز vincenzo الصراحه اني مفتهمت الراساله مالتك بالضبط اتمنه اتوضحلي اكثر لان ايل افتهمته انو انته دازلهوم رساله يوم 1 بالشهر لو اشون اتمنه اتوضحلي اكثر حته اكدر اساعدك وبالنسبه الك اخويه العزيز سالم 1980 اني بالخدمه بالي اتريده حبي بس حبيت اكوك شغله اني بالنسبه الي ما اعرف ضرووف الي مرفوضين على اي او ام اكو عمالقه واكث مني يعرفون بس انته اسائل واتمنه يصير يكدر يقدم على الهجره الخاصه واذا اكو بيه امل اني بالخدمه وراح اساعدك بالي اتريده مني اني بالخدمه

اخووك سلفر الكمش

[vincenzo]

بالنسبة لاخوية سالم فهذا البرنامج تره مخصص بس للي اشتغلوا وية الامريكان لسنة او اكثر مع الاثباتات وتكدر تدخل على موقع السفارة الامريكية ببغداد بالانترنت وتلكه كل تفاصيله وبيك حيل واقره او تكدر تجيك اخر موضوع لBaghdadGhost بالمنتدى او موضوع فالكون بارشيف اهم المواضيع

اما اخوية الفضي الكمش فصديقي اخر مرة دزولي ايميل وجاوبته هو كان واحد بهالشهر ورادوا شغلات دزيتهه الهم مع العلم اني دازهه الهم سابقا ومن جاوبتهم راسا اجاني اوتوربلاي كالعادة

[ايات]

الف الف مبروك وان شاء الله السفر السريع ......اختكم ايات/ مصر

[silver_d]

شكرا جزيلا للموجودين والي قدمولي تهاني وشكر خاص للعزيزه ايات وانشالله الموفقيه للجميع


اخوكوم سلفر

[Revolver]

شايف كل الخير ان شاء الله