ساعدوني رجاء!!!

[سامر السامرائي]

السلام عليكم .....
اشكركم لتعاونكم لبعضكم ببعض واتمنى ان تساعدوني بسبب ظروفي القاسيه
اني من مواليد 1989 وصلت لداستي لسادس اعدادي ومكملت لان توفى ابويه ونجبرت ان اساعد اهلي بهاي الظروف القاسيه واشتغلت بلمنطقه الخضراء لمده خمس سنوات والحمد الله الراتب مكفينه مع العلم اني عندي 3 اخوات وامي ونسكن بيت ايجار وماعدنه اي مورد غير بس راتبي تركت الشغل لاسباب .
واني هسه اشتغل عمل حر بس الحياه قاسيه وماكدر اكفي واسد حاجات عائلتي وماكو اي مساعده غير شغلي بس فكرت بان اسافر حتى اكدر اشتغل واعين اهلي بس ماكدر اسافر .
اني هاي قصتي وطرحتها الكم حتى تساعدوني لحصولي للجوء او اي مساعده الي .
واشكركم مره ثانيه لتعوانكم

[عكعك التطوى]

عليكم السلام ورحمه الله وبركاته


اخي الفاضل اذا تريد تطلب لجوء هناك برنامجين تكدر تقدم عليهم على لجوء لامريكا من العراق وشوف اذا الشروط
عليك

SIV و IOM

http://www.travel.state.gov/pdf/SIVArabictranslation.pdf

http://www.ankawa.com/forum/index.php/topic,294296.0.html

[سامر السامرائي]

تسلم اخويه العزيز وبارك الله بيك بس حبيت اسئل سؤال المراسله بلغه الانكليزيه والعربيه لو بس الانكليزيه ؟؟وجزاك الله خير

[البحار68]

أبن عمي الورد اولا انت شنو كان شغلك بالمنطقة الخضراء اذا كان بشكل مباشر مع الامريكان او بشكل غير مباشر عن طريق شركة متعاقدة مع الامريكان فالحالتين تسمحلك على التقديم وطبعا المراسلة تكون بالانكليزي وترفق مع الايميل كل الاثباتات الي عندك واهم شي ايميل الشخص المسؤول عليك حتى يكدرون يراسلوه ويتاكدون ..
ةاذا ترجع شوية وادور بالارشيف مال المنتدى راح تلكي هواية مواضيع تفيدك بهذا الخصوص

امنياتي الحلوة

[Baghdady73]

اخ سامر

تمنياتي لك بالموفقية ويسر الحال ولكن حبيت اعرف هل تود وحدك الخروج وتقديم اللجوء او جميع العائلة خصوصا وانك تقول انك مورد الرزق الوحيد لهم!!
الاخوان شرحولك طريقة التقديم باللنكات المرفقة وبحالتك هذه "وهذا رايي الشخصي" فمن الافضل التقديم كعائلة واحدة خصوصا وانك المعيل الوحيد..

موفق انشاءالله
بغدادي

[سيزر]

للي بظروفك ووضعك ... احسلك قدم لجؤ IOM مو هجره SIV علمود تاخذ عائلتك وياك وهناك الله الرزاق ... كل اللي تحتاجه ترسللهم رساله على العنوان التالي :  BaghdadInfoCenter@iom.int 
وترفقلهم بالرساله اثباتات عملك مع الامريكان زائداً صور من جناسي العائله ... بس انت لازم تنتظر اشويه لان سالفتهم طويله بعض الشي يعني يجوز تاكل سنه ... اهم شي تقرأ اللينكات اللي وضعهن الك الاخ عكعك وتشوفلك فد صديق الك وابن حلال علمود يراسلك اذا كنت ما تعرف انكليزي ... ووين ما توكف شغلتك هذا المنتدى موجود اسئل فقط وستجد الاخوان الاعضاء يتسابقون من اجل اجابتك وفقهم الله على هذه الروح الطيبه ... والله يوفقك يا ورده


سيزر

[سامر السامرائي]

مشكورين ع المساعده وانشالله اسوي خطوه بخطوه مثل مكتولي بس ادعولي الله يسهلي

[ابو عبد الله التكساسي]

اخي الغالي اي شي تحتاج يمك اخوك ابو عبد الله راسلني عالخاص وانطيك ايميلي وبيك خير وتدلل