الفودستامب ممكن تدويره من شهر لاخر

[عاشق الوزة]

السلام عليكم
الاخوة في اميركا ممكن استخدام قسيمة الغذاء مثلا لشهر تموز واستخدامها في شهر اخر كلها او جزء منها
تحياتي للردود البناءة

[BaghdadGhost]

خويه عاشق الوزة ,,,,

هو وين تلحك عليهه ,,,, تنصرف تنصرف ,,,,,, 

[toofy]

اخي العزيز عاشق الوزة...
ادخل على هاذ الموضوع الرد 32 من الاخ الاداري بيرج وراح تلكى الجواب لسؤالك

http://www.ankawa.com/forum/index.php/topic,334045.0.html

تمنياتي لك بالتوفيق
تحياتي toofy

[haitham40]

اخي عاشق الوزة الجواب على سؤالك نعم الرصيد الذي يدفع لك في بطاقة الفود ستامب يبقى معك حتى تصرفه ولا يزول وانما يضاف اليه كل شهر وحدث معي نفس الشيء اعتقدة ان كارد الفود ستامب توقف نهائيآ وبعد فترة ثلاث اشهر او اكثر ذهبت الى الاي تي ايم مكينة السحب الالي وجد الكاش يعمل ومبلغ كبير في الكارد عدة الى البيت واتصلة على الرقم المجاني واداخلة الكارد نمبر ووجدت الفود ستامب مبلغ يكفي لي سنه كامله مسواك ههههه واتصلة على الولفير منعآ لي اي اشكال وقالت لي الموظفه الفلوس الي في الكارد هي لك ولا ترجع what ever In ur cared is your's

[رشا بنت بغداد]

واكو معلومة هم عرفتها جديدة بعض الولايات اذا اول شهر سحبت كل الكاش وصفرت قيمة الفود ستامب ممكن انة الشهر الي بعدة تزداد القيمة هاي المعلومة من احد العاملين في المنظمات والله اعلم

[القرش]

                                   السلام عليكم

اخي العزيز الفود ستامب لمدة شهر ولازم يخلص ومو ممكن يتدور للشهر القادم يعني تخلصه قبل يوم 30 بالشهر والا يروح عليك ويتجدد كل يوم 1بالشهر .

ابو انس
شيكاغو

[عماد الاشوتي]

بالنسبة الي وما يخص كارد الفود ستامب واني في ولاية اريزونا ابدا ما يكطعون المبلغ المتبقي واذا خلص الشهر واكو رصيد ينضاف على الشهر التالي وهكذا,  هاية في ولاية اريزونا اما غير ولاية ما اعرف صراحة (ينعلس ينضاف همة وضميرهم ) اهنا باريزونا ضميرهم صاحي بعدة ما نايم  مع خالص تحياتي  تقيل مروري 

[عاشق الوزة]

الاخوان تعارضت الردود
هل السبب ان هناك اختلاف بين الولايات
الاخ توفي الرابط الذي ذكرته يشير الى امكانية تدوير الرصيد لقسائم الغذاء ولكن رد القرش بالنفي
ممكن كل اخ يرد بالايجاب اوالنفي يذكر اسم ولايته
مع التقدير

[القرش]

                                  السلام عليكم

اخويه مو تتدلل يمعود بس لاتزعل علينه ..اني بشيكاغو ومتأكد من كلامي 100%

ابو انس

[toofy]

اخي العزيز عاشق الوزه.....اني بعدني كاعد بعمان انتظر المحروسه تجي
بس من خلال اجابات الاخوه يبدو ان كل ولايه الهه طريقتهه الخاصه بهذه المساله ..
انته لو تحدد الولايه المتجه الهه حتى الاخوان اللي بولايتك مكن يفيدوك اكثر
تحياتي toofy

[البحار68]

أفضل شي من خلال تجارب الاخوة في المنتدى هو ان تتفق وي احد من الجيران او الاصدقاء قبل نهاية الشهر تشتريله بالباقي وتاخذ انت كاش منه واتصور هاي افضل طريقة للاستفادة من المبلغ المتبقي بالكارت وطبعا انت راح تكون خادمه بهاي الموضوع لان توفر عليه ضرايب زائد المواصلات

امنياتي الحلوة

[jujiaro]

اخوية العزيز عاشق الوزة

لا اتدوخ ترة كل ولاية شكل اكو ولايات اليدورون المبلغ و اكو قسم لازم اتخلصه بنهاية الشهر لأن اروح عليك
جيك هاذة الشي بولايتك احسن

تحياتي

[اوركي]

شلونك عاشق الوزة
والسلام موصول الى الاخوة الاعزاء
احبارك وين وصلت يا عاشق الوزة بعدك تفكر بالمجئ الى تكساس .. أن شاء الله ربي يوفقك .. طبعا الفود ستامب مهم جدا للاجئين والامريكيين اصحاب الدخل المحدود .. في تكساس مدة الفود ستامب اربع اشهر قابلة للتجديد  .. وسؤالك على المبلغ يداور لو لا .. طبعا اخي العزيز يداور مثلا انا يداور كل شهر يوم 9 لان استلمته اول مرة يوم تسعة يعني المبلغ يبقى برصيدك تصرفه بالشهر الاول او الثاني بكيفك .. وهنالك معلومة مهمة قبل ما تنتهي الاربع اشهر سوف يبعثون لك استمارات بالبريد كي تجدد الفود ستامب ويحددون لك مقابلة بالهاتف وهي روتينية أو تجعل المنظمة المشرفة عليك هي التي تقوم بهذا الاجراء .

[عاشق الوزة]

الاخوة  والاخوات
اوركي- جوجيارو- البحار-توفي-القرش-عماد-رشا-هيثم-شبح بغداد
مشكورين وصلت الفكرة
الاخ اوركي انتظر الموافقة الامنية من سوريا
لوتكساس لو ماريد