مرحبا من جديد

[rose rose]

مرحبا بكم جميعا

واحب اقول لجميع الاعضاء الاعزاء (مشتاقيييين)

اولا اسفة عالانقطاع الطويل وكانت له اسباب و ضروف خاصة
منها فكرة سفرنا الى هولندا التي لم تحصل لان احدهم وعدنا بالحصول على فيزة و بعدها لم نحصل على اي شيء بالحقيقة كانت صدمة لانا تورطنا و ضيعنا الوقت...ف احب انبهكم من هيج اشخاص...
لا اطول و املل في الحديث عليكم
لكن احب ان اسال اليوم عن موضوع جماعة تركيا و الرفوضات اني حسب معلوماتي انو ماكو رفض بتركيا خاصة لاميركا حالات نادرة جدا شنو هل اخبار الي دا اسمعها مئلمة حقا الله يساعدكم و يكون بالعون؟؟بس احب اسئل شنو اسباب الرفض ارجوكم انتظر اجابتكم باقرب وقت لاننا مفكرين نسجل بتركيا يعني راح نرجع للخطة القديمة بس اذا الرفض هواية هاي تخوف طبعاا؟؟؟
كم نسبة الرفض قياسا لناس المقبولين نسبة بالمية تقريبية ؟؟؟؟؟
هل فعلا يو ان تركيا راح تنسد بهل شهر ما اعرف بالشهر القادم؟؟؟؟
بحالة نسدت يو ان تركيا هل هي مستمرة في لبنان و عمان؟؟؟؟
جماعة تركيا ساعدوني بهل اسئلة ارجوكم كلش تعبانة نفسيتنا بالبيت كلة ارجوووووكم

[عكعك التطوى]

اهلا وسهلا اختي بوجودك مره اخرى والله يعوضكم خير انشاءالله واتمنالك التوفيق انشاءالله

ولا يوجد عندي اجوبه على اسئلتك سوى ان اليو ان لاتغلق ابوابها ولن تغلق امام اللاجئين


تحياتي وانشاءالله الفرج القريب باذن الله

[ابو روزا]

مرحبا جميعا

 اختي مثل مكال عكعك ابواب اليو _ ان متنسد
 اما بخصوص الوضع في المقابلات القبول والرفض موجود وانتي تريدين تعرفين نسبة المرفوضين في تركيا فهذا شي محد يعرفه الا اليو-ان واللي ذكرو الآخوان في مواضيع سابقه على اللجنه الاخيره فهو غير مؤكد
دائما نسمع الاخبار من جانب واحد يعني كالو تم رفض رقم معين بس ولا واحد ذكر كم عدد المقبولين واحب اذكر حادثه صارت بالمقابله ويه اللجنه الاخيره نقلها لي احد اصدقائي من صاحب الحادثه انو لما دخل ع المحلفين اكتفو منه بترديد القسم فقط وهايه صارت ويه عائلتين زين
اني بنفسي سمعت اخبار الرفض من المنتدى ورحت الى افيون اختلف الرقم  بكوتاهيا غير شي رحت الى اسطنبول فسمعت ارقام فلكيه مما اكد لي ان الشغله فيها مبالغه .......... كل واحد والكيس مالته وحظه
بعدين اكو شغله مهمه تره عامل الوقت جدا مهم انتو موكاعدين صارلكم شهور تفكرون وين نروح اي لعد همه ليش يكدون على المصداقيه وانتو بعد بكيفكم واتمنالكم كل التوفيق

[BaghdadGhost]

اختي روز ,,,,


الف هلا بيج مرة ثانيه ,,,,,, مكتنج خالي بالمنتدى ,,,,,, و الحمد لله بان كشفتوا الكذاب بالوقت المناسب ,,,,,,

[angie-dawood]

اهلا وسهلا بعودتك بيننا وانشاللة ربي يعوضك بفرصة ثانية ربي يوفقكم

[الضايع]

وحياة عينا احنا اهل المبالغات الرقم انظربه بعشره اهلا بيج اختي روزا والله ايسهل امركم وانسوا شغلة الفيز لانه اليطلع قجق يحلم ايشوف لجوء باوربا

[lionofiraq]

اهلا وسهلا بيج اختي و هلا برجعتج النا منورة المنتدى

[john simon]

عزيزتي روز
تحية طيبة
ممكن اتوضحين اكثر ليش ماقبلوكم في هولندا, اذا مايصير زحمة علييج لانه ةهذا الموضضوع مهم الي وشكرا
جوسي البغدادي

[بغداد بقلبي]

اهلا وسهلا فيكي روز اذا امكن باي بلد انتو هسه اذا انتو هسه وبالموفقيه يارب وتره هسه الفرص كلش اهواي عن طريق الامم المتحده بس يرادلها قصه واثباتات والل ولي التوفيق ارجوا منك تقبل مروري

[مراد علم دار]

سلام يااخت روزا انا اتفق مع الاخ بغداد بقلبي ولا تيئسى فالحياه تجارب قدمي اوراقكي الى اليو أن والله يسهل عليج  واعتمدي على نفسكي  لاني جنت بتركيا مده ثلاث سنوات في محافضه افيون من 98 في ذاك الوقت جانت اليو أن جدا صعبه بس الله سهل وسافرت  الله يفتحه عليكم