ضروري بشأن تحديد السفر

[ام عبداللة العراقية]

السلام عليكم اني اول مره اشارك
هجرتي اني وعائلتي كامله يعني باقيه على خط الرحله
وعائلتي تتكون من زوجي واني وابني عمره 5 اشهر الخميس الي راح اتصلت ب iom وشرحتلهم الوضعيه قالولي انتظري من عدنه اتصال حتى انضيف الطفل لانه المفوضيه مامحولين ملف الطفل وبنفس اليوم اتصلو بعد 3 ساعات تقريبا وقالو عدكم مقابله يوم الاربعاء لاكمال اجرائات الطفل قلتلهم شنو يعني اجرات الطفل قالو اضافته للملف ويتقابل هيئة تحليف يعني يشوفو ويتاكدون هو ابني وقالو بعدها دورة التثقيف وبعدها تسلمون جوازاتكم وتنتظرون السفر سؤالي هو ولو طولت عليكم
1-يوم الاربعاء يقولولي موعد الدوره
2-وتتوقعون سفري مطول وشنو اسوي

اسف اذا طولت عليكم وزعجتكم

[lionofiraq]

اول شيء مبروك على الدورة التثقيفية و اما بالنسبة لأبنج فأجراءاته مطول و اني متاكد بأذن الله سفركم قريب بس هم لازم ياخذون اجراءاتهم

[بغداد بقلبي]

اجراءات عاديه وروتينيه لا تقلق ابدا بس وان شاء الله موعد السفر قريب هسه الاجراءات كاعد تمشي بسرعه والف مبروك على الدوره وبالموفقيه

[الفريدو]

اهلا وسهلا اخت ام عبدالله في منتدانا الرائع بين اخوانك واخواتك

بالنسبه الى سؤالك(-وتتوقعون سفري مطول وشنو اسوي ) اكيد ماراح تسوين شي غير انك تبدين تحضرين امور السفر  لان بعد الدوره احسبي مده قليله وبعدها السفر انشالله

بس اريد اعرف انتي عندك طفل وعمره 5 شهور صح ؟؟ وين كنتي كل هاي المده ؟؟ ليش ماسجلتي بالمفوضيه ودخلتي اسمه وشهادة الميلاد جان اختصرتي هاي المقابله وخلصتي ؟؟

المهم الف مبروك مقدما وانشالله الشهر القادم يكون سفرك وبالتوفيق


اخوك : الفريدو

[ام عبداللة العراقية]

احبائي شكرا على ردودكم الحلوه بالنسبه لاضافة ابني اني اول ما جبته وديته للمفوضيه وضافو وقالولي راح نحوله لل iom وانتضري اتصال منهم بس همه هاي المده كله ما حوله لما اتصلت حتى حولو
حتى لما اتصلت قالولي ال iom ما بنعرف المفوضيه كيف يشتغلوا 
وسؤالي فهمتو غلط ماحددولي بالتصال موعد الدوره بس اني اسال يوم الاربعاء بمقابلت ابني راح يقولولي موعد الدوره 
سؤال اخر مامعنى موافقه امنيه تقصدون المغلف لان اني استلمته وموافقين علينه
ولكم جزيل الشكر على ردودكم الحلوه

[الفريدو]

اختي ام عبدالله الموافقه الامنيه هي يجيكون اسمك على اماكن في امريكا هل يوجد شي عليكي يعني مجرد روتين يشوفون عدكم مشاكل بامريكا او لا وهاي مده من شهرين الى ثلاث اشهر وبعدها  السفر انشالله






اخوك : الفريدو

[ام عبداللة العراقية]

اعزائي شلون اعرف الولايه الي راح اسكن بيه ممكن تقولولي

[الفريدو]

اختي العزيزه راح تتبلغين لما تدخلي الدوره التثقيفيه 

وبالتوفيق ياربي







اخوك : الفريدو

[abn iraq]

اختى العزيزة ام عبدالله
اولا الف مبروك على المولود الجديد ويارب يجعلة من ابناء السلامة
اختى العزيزة بالنسبة لاضافة الطفل سوف تذهبين يوم الاربعاء لاضافتة على الكيس ومن ثم بعد ذلك تنتظرين موعد لمقابلة محلفين وبعدها الامنية للطفل ومن ثم تنتظرين تحديد الولاية وختم الملف ومن ثم تحديد موعد سفر
اختى هذا الكلام نحن مرينا بية حيث قابلنا محلفين فى الشهر الثالث من هذة السنة وكانت زوجتى حامل وبعدها ولدت وتم اضافة الطفل ودخلنا محلفين والان اعطونا موعد سفر فى 19\10
اختى نتمنى لك الموفقية
وتقبلى تحياتى

[hussein5582]

بما ان الطفيل 5 اشهر
راح يشوف المحلف بس اوراق ثبوتيه تثبت انوا ابنكم من شهادة ميلاد او هوية الاحوال

و ان شاء الله شغلته متتاخر لانوا الطفل ماكو عليه تجيك امني مثل ما علينه

و ان شاء الله الشغله متاخركم
و بالنسبه للسؤال ما اعتقد راح يحددون موعد الدوره بهاي المقابله يمكن يعده  بمده قليله اذا امنياتكم كامله و شكرا