للاخوان الي بكندا وخصوصا ب اونتاريو شنو صار من الاضراب مال جماعة اجازات السياقة ؟؟؟؟؟؟

[fadi82]

اخوان اني سمعت انه الامضربين الموظفين مال اجازات السياقة فتحو الاضراب بس على الامتحان النظر واختبار النظر !!!!!!!! بس المشكة انه مامتاكد انه صحيح او لا ؟؟؟ فاذا احد عندا خبر اكيد ارجو ان يسعفني لانه اني محتاج الاجازة باسرع وقت ممكن .............وعلى فكرة اني عايش ب ميسيساكا ف الي عندي اي سوال اني حاضر.......

اخوكم فادي

[fadi82]

شباب ما كو  احد يكدر يجاوب ؟؟؟ محد يعرف ؟؟ لانه كلش محتاج الاجازة هسه .......

اخوكم فادي

[عبسي]

اخي فادي الانباء تشير الى قرب فتح الاضراب وعلى اساس الان ومن يوم الخميس الفائت فتح مركز امتحان لل جي 1 في تورنتو

اخوك عبسي

[بغداد بقلبي]

السلام عليكم فادي اكو عندك نت بالبيت وممكن ان تبحث عن الموضوع بالشبكه يمكم واتشوف بعدين اكو  الجرايد اليوميه يمكم هم لان همه بس ايريدون ايكتبون عن فد شي وما عدهم مواضيع غير هاي الاشياء وتقبل مروري

[fadi82]

اخ عبسي ممنون حبي بس المشكلة انه رحت سالت امبارحة ببرامتن وكالو ماكو هيج شي جانو الموظفيين برة ولازمين اللافتات مالهم مال اضراب يعني كلش ما فتحو اني هم سمعت انه على اساس فتحو ال G1 و الامتحان مال النظر بس ماكو هيج شي ....
والاخ بغداد بقلبي  ادري بالانترنيت بس المشكلة مرات الناس تعرف كبل الانترنيت هو ماتكلي شعدنا غير الانترنيت ؟؟ والجرايد هيه ماتكلي وحدة اثنين ؟؟؟ يعني لازم الزم 100 جريدة يومية وادور بيها ...هخخخخخ

شكرا للجميع