اخوني شنو قصة مفوضيه الاجئين بعمان

[سمير1966]

مرحبا
شنو قصة الموفوضيه في عمان دخلت سبات اشو ولااحد دنسمع متصلين به واشاعه قويه يقولون انها سوف توقف عمليتها نهاية سنه وهل هذا يخص المتوطنين وغير متوطنين

[وين اروح]

 الله يخليك اخ سمير منين جبت هذا الخبر ...
 زين واحنه العدنه توطين شلون مامعقوله اكيد هذا خبر مو صحيح
 هاي اني اول مره اسمع منك انته هذا الخبر يعني اكو احد كالك
 هذا الخبر لان مستحيل يكون هذا الخبر صحيح .. مع تحياتي

[الفريدو]

اخويه سمير هاي الدعايه سمعتها  من جانت الهجره على الجمال وهسه صارت بالطيارات

ياخويه ليش اللجوء بس للعراقيين ؟؟؟ مو اكو سودانيين واثيوبيين وغيرهم وغيرهم

ليش هي وكفت ع العراقيين حتى يسدوها .. صدكوني مستحيل القبول يتوقف وماكو هيج حجي مستحيل  بس هاي الدعايات نسمعها من نوكف يم الشباب العراقيين بالبلد او بجبل الحسين او يم المفوضيه من كثر ما يأسو من القبول يبثون هاي الدعايات وهي ما الها اي صحه



اخوكم : الفريدو

[سمير1966]

والله اخواني اني مثلكم اسمعت والذي ديكد هذا شياء ان ولااحد سمعت منه قابل وافد او دزو عليه واني واحد منهم وعسى ان تكون اشاعات غير صحيحه والله يفرجها على جميع

[arch.s]

صار فترة لا  اتصال  ولا خبر  من  اليو ان
احد يعرف  الارقام  مالتهم  محتاجيهم ضروري
لانه  بس رقم واحد عدنا ومحد ديرد عليه

[arch.s]

صار فترة  لا خبر ولا  اتصال  ولا  اي شي
الله  الي يستر بس
...
احد يعرف  رقم  التلفونات مالتهم لانه راح من  عندي اذا  امكن

[سمير1966]

هذا دليل ان كلام صحيح ان ولااحد ديتم اتصال به

[deemofy]

مرحبا اخ سمير
ارقام اليوأن  5502141 والرقم الثاني وابد محصلتهم عليه 5502140 وقبل اسبوع حصلتهم بس ابطلعان الروح ويفضل قبل انتهاء الدوام ابخمس دقائق اي ساعه 3 ألا خمسه وانشاءالله اتحصل.
اختكم ديموفي

[وين اروح]

  اخواني الاعزاء اني اتصلت قبل اسبوعين يوم الاحد ساعه 9 ونص الصبح وحصلتهم
 وسالتني الموضفه شنو قضيتج كلتلها اني مقابله الوفد السويدي ومحد رجعلي خبر
 عن وضعي شنو كالت اني راح اتابع الملف ونتصل بيج وبالفعل اتصلت الخميس القبل
 هذا الراح وكالت قسم التوطين لمن يريدج هم يتصلون بيج وسالتها شنو الوضع كالت
 انشالله خير .. بس اني حاولت اجرجرها بالكلام لاكن هي كالت ماعندي معلومات
 هذا الي اعرفه اني ... والله اعلم

[سمير1966]

اخوني هو ظاهر لايوجد اي وفد ديقابل في المفوضيه
ودليل انهم لم نسمع باي شخص تم ارسال عليه من قبل مفوضيه
فقط اي او م دتصل على جماعة المتحولين على امريكا
اذا لدى تفاصيل اخر خلي يكتبها لنا نستفاد منها
ولكم جزيل الشكر

[ام عبدو]

السلام عليكم
اخواني كل نهاية ينة ايصير ركود بسيط لان لاتنسون ان الوفود اجنبية يعني عندهم عطل بسبب اعياد الميلاد وصدكوني البارحة احد اقارب زوجي وهو اعزب قابل على التوطين باليو ان على امريك ولاتنسوا (لايأس مع الحياة ولا حياة مع اليأس) والله بعون الجميع




                                                             

[мαяyαи]

عيني هاية الاشاعة كل نهاية السنة نسمعها ماكو هيجي حجي لعد امريكا مو كالت راح تقبل 30 مدري 38 الف يعني كلها اشاعات ولا تصدكون وهذا الهدوء هما كل سنة يسوون سنه مالية فد 20 يوم او شهر ويرجعون وانشاء الله تكون معلوماتي صحيحة ومن الله النوفيق. اختكم ماريان

[الشاعر الجريح]

كلام الجميع صحيح

الفترة الاخيرة لم يتصلو باي شخص ,ولكن قبل اسبوع اتصلو وانطو خطوط رحلة لصديقي.

حسب ما عرفت انو  جماعتنا بالعراق دا يطالبون بعودة اللاجئين الى البلد لأن اكو امان حسب ادعائهم ويغطون على سرقتهم من البلد هذولة المسؤلين دمرونا والله ...

وسمعت انو هاي السنة راح تصير سنة تصفية الملفات للعراقيين بالاردن

وين اروح ...انت شوكت قابلت الوفد السويدي؟؟

شنو ولا واحد متصلين عليه؟؟


 

[سمير1966]

اخواني انا قابلة التوطين والذي قابلني اجنبيه قالة لي انك سوف تعرض على وفود الاوربيه
لاني رفضت من قبل استراليا وامريكا بسبب مقابلة التوطين الاولى
التي كتب في قصتي اشياء انا لم اتكلمها
ودفعت انا وعائلتي ثمن
الان نتظر الوفود الاوربيه اي بلد يحن علينه
هل صحيحه انك اذا حصلت على كارت الازراق لابد ان يتم توطينك حسب الاتفاق مع حكومه الاردنيه
من لديه معلومات نستفاد منها افيدونا ولكم جزيل الشكر

[وين اروح]

   الاخ الشاعر الجريح انا قابلت الوفد السويدي يوم 25/5/2009 وكانت عندي
 ورقه ناقصه بعد مقابلتي مع الوفد السويدي دزو عليه بالمفوضيه وطلبوها مني
  وحصلتها الهم بعد شهر وديتها للمفوضيه ونضافت للملف مالتي
  لاكن لحد هسه اني ما اعرف شنو وضعي لااني اني مقبوله من السويديين لو لا
 لان محد اتصل بيه وكال انتي مرفوضه لو مقبوله وكل ما اتصل بيهم يكولون خير نشالله
 وبالنسبه للاخ سمير الكارت الازرق بمثابة اقامه الك بالاردن يعني انته معترف بيك
 كلاجئ رسمي لان اني عندي الكارت الازرق وهو صادر من الامم المتحده ووزارة
 الداخليه الاردنيه ... تحياتي للجميع

[arch.s]

مرحبا اخوان
شنو  قصة  تصفية الملفات العراقية الي بالاردن
يعني شنو ؟؟؟
يعني يرجعونا للعراق ؟؟؟؟؟؟؟؟؟؟؟؟؟؟لو  يوطنونا بدولة  ثالثة ؟؟؟؟؟؟لو شنو هي التصفية
؟؟؟؟؟
والى حد  هسة  طبعا  مدنكدر انحصل اليو  ان ولا  اي خبر منهم 

[الشاعر الجريح]

الاخ الشاعر الجريح انا قابلت الوفد السويدي يوم 25/5/2009 وكانت عندي
 ورقه ناقصه بعد مقابلتي مع الوفد السويدي دزو عليه بالمفوضيه وطلبوها مني
  وحصلتها الهم بعد شهر وديتها للمفوضيه ونضافت للملف مالتي
  لاكن لحد هسه اني ما اعرف شنو وضعي لااني اني مقبوله من السويديين لو لا
 لان محد اتصل بيه وكال انتي مرفوضه لو مقبوله وكل ما اتصل بيهم يكولون خير نشالله
 وبالنسبه للاخ سمير الكارت الازرق بمثابة اقامه الك بالاردن يعني انته معترف بيك
 كلاجئ رسمي لان اني عندي الكارت الازرق وهو صادر من الامم المتحده ووزارة
 الداخليه الاردنيه ... تحياتي للجميع


وين اروح

والله ما اعرف شنو نقول بس الله كريم

يعني خلونا مثل المعلقين لا احنا نقبولين ولا انعرف احنا مرفوضين

بس ننتظر ونقول الصبر

انا قابلت يوم 17\5\2009

وكالو راح نتصل بيك بعد 15 يوم ...؟؟؟!!!!!!!!؟

ان شاء الله خير يا رب

شكرا لكم جميعا

بس ياريت نسمع خبر طيب منكم واي واحد يسمع خبر يقول

[saeed2009]

الاخوان الاعزاء ارجو منكم الرد على اسئلتي للمساعده
1/من هم المحلفين
2/ماهي الاسئله التي تنطرح
3/من هم الموجوده اسماءهم في ال black list and security risk
4/هلنقل المعامله الى عمان يسرع من انجازها
5/من هم المرفوضين ولماذا وهل يشمل الرفض الذين عملوا مع الامريكان 4 سنوات
6/لدي معاملتين على ال اي او ام وعلى اس اي في والاثنين حاصل على الكيس نمبر ولحد الان بدون مقابه هل هذا الامر معقول او لا
7/ماهو القسم الذي يطلبه المحلفين
كيف اعرف ان اسمي غير موجود في ال black list /security risk
8/لدي رسائل من مدرائي المباشرين يتعهدون بسلامة موقفي واخلاصي هل هي مفيده ويتكفلوني ايضا
9/هل تايتن هي نفسها glsلان صديقي امريكي يقول ان كل العاملين بتايتن غير موجودين ب gls وكيف احصل ورقه من ال اج ار لان لا تايتن ولا ال3 موجودين
10/كيف اعلم بموافقة رئيس البعثه هل يتصلون بيه او بس عن طريق الايميل
شكرا شكرا والله يوفق كل من يساعدني واني الان محتاج لكل معلومه لان اموري تعبانع كلش

[tanea iraq]

الاعزاء ، الاسبوع الماضي اتصلوا باقربانا وتحول ملفهم توطين الى امريكا ، ومقابلتهم الاثنين المقبل بالمفوضية (مقابلة اولى توطين ) ، بالاضافة الى الاسبوعين الماضيين تحولوا عوائل كثيرة الى استراليا ، القصد بان المفوضية تعمل ، وانشاء اللة قريبا تتصل بكم