سؤال لأخواني المحترمين بخصوص الاجهزة الكهربائية

[ابو وسام]

السلام عليكم اخواني الطيبين ياريت اللي عنده معلومات مايبخل علينا
سؤالي هو : عندي بعض الاجهزة الكهربائية مثل سشوار , dvd , بلاي ستيشن
هل ابيع هاي الاجهزة لو اخذها وياي واذا اخذتها تشتغل هناك لأن الكهرباء بامريكا 110 فولت اخواني بشنو تنصحوني والله يسهل امركم ومشكورين.

[Safaa Alkhrkhy]

اخي بصراحة افضل انه تبيعهة هنا بالعراق وتستفاد من فلوسهة وياك .........ز لانه في البداية انك سوف تحتاج الى كل دولار لتمشية امورك وشيء اخر هو انك تستطيع ان تشتري من هناك مثلهة او افضل منهة باسعار رخيصة ثم ان هذه الاشياء ستحسب عليك ضمن الوزن المسموح به وبدلا عنها استثمر الوزن المسموح به في اشياء افضل وانفع.......اما الاجهزة الصغيرة جدا والغالية نوعا ما (كالكاميرات الرقمية واجهزة الهاتف........................) فمن الافضل ان تاخذها معك ..........ز واولا واخرا الموضوع راجع لك لكن تذكر انه الجهاز اللي يجب ان تاخذهة وياك يجب ان يكون يعمل على فولتية 110 حتى لاتدوخ بيهة........ونصيحة انه اخذلك جهاز رسيفر(ستلايت) جديد ونوعية جيدة وصغيروني حتى تستفاد منهة هناك لانه اجهزة الرسيفر ((وحسب مانقل لي الكثير من الاصدقاء)) غالية نوعا ما............تقبل تحياتي ...............اخوك صفاء الكرخي

[ابو وسام]

مشكور اخويه صفاء الكرخي والله يوفقك.

[الفريدو]

اخي ابو وسام انا اتفق مع اخونا صفاء

بالوصول راح تشوف الشغلات الاحسن والارخص فحاول ان تتخلص من كل جهاز وفلوسها تنفعك لما توصل

والتوفيق من الله





اخوك : الفريدو

[ابو وسام]

مشكور اخويه الفريدو والله يوفقك و يوفق الجميع.

[عاشق الوزة]

الاخوة الاعزاء
1-جميع الاجهزة ذات السحب العالي والتي عادة تحتوي على مسخن اتركوها ولاتاخذوها معكم الى اميركا او كندا مثلا
الافران الكهربائية والمايكروويف والسشوار وانواع الغلايات ومحمصة الصمون وصانعة القهوة والدفايات الكهربائية بانواعها (الهيترات) حتى وان كانت صغيرة الحجم او الوزن
2- الاجهزة ذات الاستهلاك المتوسط ذات قدرات تصل الى 400 وات او اقل ممكن شراء محولة 110-220 فولت قدرة 500 واط بالامكان شرائها من اي محل ثلاجات مستعملة قديمة توجد في الثلاجات الامريكية القديمة او في بغداد من باب الشرقي او من محلات الاجهزة الالكترونية او محلات الكهرباء جماعة القدرة باور
مثلا
ماكنة خياطة منزلية وليست صناعية فانها غالية جدا ومن المؤسف بيعها في بلادنا بتراب الفلوس
مكائن الحلاقة الكهربائية
الخلاطات الصينية او اليابانية ذات قدرة اقل من 400 واط
اجهزة الالعاب الكترونية جميعها والسي دي والدي في دي وجميع شواحن الجوالات واجهزة ازالة الشعر والاجهزة الصوتية ومكبر الصوت الخاص بالكومبيوتر اذا واحد عنده نوعية راقية مثل الكرييتف فان احسن نوعية لاتتجاوز ال 100 واط كاها ممكن تشغيلها عن طريق المحولة بامان
3-جميع الاجهزة التي تعمل اوتو 110-220 مثل اجهزة الدجتال ممكن تاخذوها معكم بدون الحاجة الى محولة
البعض يسال بان هذه المحولة ثقيلة وكبيرة بالامكان وضعها باحد الجنط مع اللحفان او ملابس خفيفة وهي شر لابد منه
ممكن عمل وصلة واير مع تقسيم كهربائي نفس المستخدم بالعراق ابو الفتحات الدائرية من جهة ال 220 فولت وابقاء راس الواير للاجهزة ال220 فولت مثل ماهو في مناطقنا وربط جهة ال 110 فولت للمحولة براس اميركي خاص مثل ما شرح بعض الاخوان
انا افضل المحولة 500 واط لان حجمها كبير بس مقبول والي عنده اجهزة كثيرة 220 فولت ممكن ياخذ معه محولتين ولكن ذلك صعب فالمحولة ثقيلة جدا
ممكن استخدام اكثر من جهاز واحد وتشغيله على هذه المحولة بنفس الوقت بواسطة التقسيم المحلي مثل المستخدم بالعراق على ان لاتتجاوز القدرة الكلية للاجهزة عن 400 واط
تشغيل اجهزة بقدرة 500 واط على محولة 500 واط سيعطلها بعد فترة اي نشغل  100 واط اقل
كل جهاز كهربائي مكتوب على احدى جهاته قدرة الجهاز بالواط او Watt  فمثلا خلاط 350watt او ماكنة حلاقة رجالية 10watt
ممكن تسالون عن اي جهاز يهمكم وانا حاضر للاجابة

[ابو عبد الله التكساسي]

عمي عاشق  ماشاءالله صاير توب هباي السوالف
لو ميت سنهبعد ما اكتب مثلك

اخي صاحب الموضوع اني ءايد الخ عاشق الوز بالي كاله 10000% لان الاجهزه الترفيهيه اهنا عاليه ((هيوستن))
وبعد ما اعرف بعد بغير ولايه
لكنهيوستن تعتبر صناعيه تجاريه وانت قيس

اخوكم ابو عبد الله من تكساس























5

[Abo Andrew]

ابو عبد الله شنو سالفتك وية العربي ؟؟؟؟

انت مو زين لو الكيبورد شارب نفط؟؟؟

بس فهمنا يرحم والديك

كل ما اقرا موضوع اتكتبة احتاج ادقق واحلل شنو معنة الكلمة

تحياتي   

[ابو وسام]

مشكورين اخواني ( عاشق الوزة , ابو عبد الله , Abo Andrew) على ردودكم والله يسهلها عليكم وما تشوفون الا الخير.

[القرش]

                                السلام عليكم

اخويه نصيحه لاتجيب كلشي وياك لان مايشتغل وهنا المواد الكهربائيه متوفره ورخيصه كلش كلش ..سشوار ايطالي 15دولار dvdاصلي 30دولار  dvd اصلي 30 دولار تلفزيون 42بوصه 450دولار والصغير 80دولار ست البيت 15دولار مايكرو ويف 60دولار مكنسه كهربائيه 40دولار يعني كلشي رخيص واذا تشتري صيني درجه اولى يكون ارخص وارخص ..فلا تتعب نفسك وتحمل وتجيب ..واتمنالك التوفيق.

ابو انس
شيكاغو

[ابو وسام]

مشكور اخويه ابو انس ورحم الله والديك.