الموافقه الامنيه

[ام عبداللة العراقية]

السلام عليكم
شكرا على ردودكم الحلوه
عندي سؤال
قصدكم بالموافقه الامنيه هو استلام المغلف الي هو عباره عن
ظرف وبداخله ورقه وبيه اربع مربعات
ضروري تردون
ولكم جزيل الشكر

[ابو خالد]

لا اختي ليس هذا الظرف هذا المغلف يعتبر موافقة المحلف يختلف عن الموافقه الامنيه

الموافقه الامنيه تجيك امني يتحققون عن الشخص عن طريق اسمه وبصماته ويتم اخبارك عنها من خلال الاتصال بالمنظمه اذا وصلت موافقتك الامنيه

[kubaisy]

اختي ام عبدالله
الظرف اللي تقصدينه والورقة اللي بداخلة هوة موافقة المحلف ولا علاقة للظرف بالموافقة الامنية حيث ان الموافقة الامنية تعني التجييك الامني على الشخص وتشمل البصمات وهل ان الشخص عليه مؤشر امني في امريكا او لا وتجييك اسمه ان كان متشابها مع اسم شخص ثاني عليه منع من دخول امريكا وما الى ذلك و تاتي تلك الموافقة بعد نتيجة المحلف وقراره وليس لها وقت محدد حيث ان بعض الناس تستلم الموافقة خلال شهر واحد والبعض كما في حالتي تطول مدة انتظارهم الى ما يقارب السنة او اكثر والله المعين.

[ام عبداللة العراقية]

اخوتي الاعزاء اني تقابلت هيئة محلفين واخذوا بصماتي اني وزوجي
يعني تقصدون بصمات جديده ويدخل بيه ابني
يامعودين هبتوا معنوياتي ترى اني طلللللللللللللللللللللعت روحي
                                               


                                        سلامممممممممممممي للكل

[القرش الاسود]

اختي العزيزة الله سهل امرك 

[ابو خالد]

اختي العزيزه ام عبدالله الجميع يأخذون بصماتهم في يوم مقابلة المحلف ولكن نتيجة البصمات والمعلومات هذه يسمونها الموافقه الامنيه واكو ناس تأتي موافقتهم الامنيه خلال شهر او شهرين يعني مو شرط تتأخر وخاصة اذا ظهر ان لايوجد تشابه اسماء او مشكله لاقدرالله بالبصمات والله يبعدكم عن جميع هذه الاشكالات وانشالله تجيك الموافقه الامنيه باسرع وقت وتهلهل كما اتت الى ناس كثيرين بظرف شهر او شهرين والله يسهل عليكم يارب

[ام عبداللة العراقية]

اخويه ابو خالد الحترم
الله يوفقك ويخليك ويفرجه علينه وعليك لانه تعبتك بالرد على اسالتي
قصدك مقابلت المحلفين الي تقابلته اني وزوجي اذا قصدك هذي فاني اتقابلت بشهر 3 وبعدها باسبوع استلمت المغلف الي قلتلكم علي
لو قصدك مقابلت ابني للمحلفين بعدها انتظر شهر او شهرين
شكرا الك

[مريمانه]

حبيبتي ..انتي قابلتي المحلفين بشهر 3 واخذتي الظرف ابو المربعات الي هو جواب المحلف او بالاحرى قرار المحلف بالموافقه ...هاي انتي خلصتي مرحله ..
اما الموافقه الامنيه فهي مرحله ثانيه بعد قرار المحلف..وباذن الله بعد الامنيه تنظرين ختم الملف وعامه ختم الملف ميطول يجوز ياخذله سبوع او سبوعين..وبعدها السفر..وبالتوفيق يارب



مريمانه

[غريب اني]

اختي ام عبدالله المحترمة انا مثلك تقريبا والله اعلم قابلت المحلف 18/3/2009  وفي شهرالرابع استلمت


المغلف وهذا يعتبر الموافقة المبدئية يعني موافقة المحلف هاي غير الموافقة الامنية هذيج وحد يرادله صبر شوية


طبعا ها ذا الشي كله بيد الله سبحانه وتعالى في ناس ورة شهر اجت الموافقة  واكو ناس شهرين واكو سنة

صارلهم وبعدهم ينتضرون انكول الله كريم ربج يفرجه عليكم وعلينه واني حاضر لاي سؤال




                                           اخوكي غريب اني