بوسطن ماسوشيوتس لادراسه ولاشغل

[عراقي وكرادي]

السلام عليكم
نطلب منكم اخواني وخواتي اذا احد يعرف شغل بهاي الولايه او مدرسه لتعليم اللغه لايبخل علينه طكت روحنه صارلنه 3 شهور تقريبا من وصلنه اني ساكن بكونزي
اخوكم عراقي وكرادي بوسطن

[Wingo]

توكل على الله يا أخوي العزيز و إن شاء الله تفرج و تحصل على الشغل و الدراسة اللي تسعدك.
أكيد أول فترة في بلد المهجر راحتكون صعبة بس شوية شوية الأمور تنفرج و تتحسن و تبدي تاخذ طريقك نحو الإستقرار و النجاح
و الله يا أخوي ما أعرف إيمتى راح نرتاح ، لا اللي سافر مرتاح و لا اللي ينتظر مرتاح ، الله يسعدنا جميعاً و يريح بالنا.
بالعراق كنا عايشين بالتعاسة و بس ردنا نطلع ، و صلنا دول الجوار عبالنا راح نرتاح بس طلعنا عايشين بسراب ، و بعد الهجرة لبلد التوطين إن شاء الله تكون الخاتمة سعيدة ، لأن بعد ما ظل غير مكان.
الله يفرجها و تنزاح الغمة ، و يا عيني بعد الوقت مبكر فلا تستعجل و ظل حاول و لا تفقد الأمل أبداً
كل شيء في بدايته صعب ، و بعدين شوية شوية يصير أسهل و أحسن و أفضل.
إن شاء الله نسمع أخبارك الطيبة قريباً و إن شاء الله يساعدك الأخوة في بوسطن و ضواحيها و أنا واثق انه رب العالمين إلا ما يرسلك من يساعدك و يعينك على قضاء حاجاتك.

تحياتي
wingo

[hussein5582]

اخويه قدم بالستورات الكبار الي يمكم عادتا ياخذون عدد كبير بهاي الفتره

target wallmart بس روح للستور نفسه وقدم و كللهم اريد اشوف ال hr واحجي وياهه و على وضعك

والاعمال المطلوبه اغلبيته باليليل من 10 بالييل الى 6 الصبح او ال 4  الفجر الى 12 الظهر
حاول بلكي يفيدوك و اتصل بالمنظمه مالتك تكدر هي تتصل بهاي الستورات

[abu shahed]

اخي الغالي عراقي وكرادي الله يكون وياكم وتحصل على عمل الله يفتحه بوجهك يارب والله انت تستاهل كل الخير بس اخويه مثل ما اتفضل اخونا ونكو  البدايه صعبه الله يسر امرك وترتاح وانشاء الله الايام الجايه ايام خير اتمنالك الموفقيه يارب امين



                                                                                   اخوك
                                                                                79 النرجس

[سالم 1980]

يا اخوية الله يفتحه بوجهك بجاه الحبيب المصطفى (ص) واكلك شغلة وحدة انت لا تفقد الامل انت كده وكدود وان شاء الله تفرج ربك ما ينسة عبدة اخوك سالم 1980

[النورس الحزين]

السلام عليكم ورحمة الله وبركاته

يمك ابو محمد سرمد وشتغل وهو كلش مرتاح اذا تريد انطيك رقمه بلكي يكدر يقدملك شي

اني بشيكاغو جان بدي اساعدك بس اني نهايت طريقي راجع لان امريكا مو بلد الاحلام

[بغداد بقلبي]

السلام عليكم اخي العزيز النورس الحزين اني اتفق وياك يا احلا م اسم مو على مسمى هاي بس بالافلام والانسان الطموح والي يحب النجاح باي مكان يكدر يوصل للي ايريده وكل انسان ونصيبه بالحياه والفقر مو عيب بس ثقافه الكمال الي الناس صاروا يامنوا بيها بسبب الظروف الي مرت بالعراق مراح اتطول وراح تنتهي مع نهايه اصحابها

[MAGGIC]

الاخ العزيز عراقي وكرادي

اصبر شويه والله يفتحها الك من اوسع ابوابه وان شاء الله تفرج عليك وعلى الكل بدون استثناء


بالنسبه للاخ العزيز النورس الحزين

ليش تريد ترجع ممكن تفيدنا بالصعوبات الي وصلتك لهذا القرار المصيري يعني بعد تعب طويل وانتضار ومقابلات ومحلفين والامنيه وووووو ومن وصلت قررت ترجع ليش؟؟ الصراحه احنا ما نعرف ضروفك وكل انسان له ضروفه الخاصه بس ممكن تفهمنا ليش وشلون اتخذت هذا القرار ممكن الاخوان بالمنتدى يساعدوك باراء غائبه عن بالك وعلى كوله المثل حجايه منا وحجايه منا تفيد


تقبلو مروري

[عراقي وكرادي]

السلام عليكم
مشكورين اخوان على دعائكم الي والله يسهل عليكم جميعا يارب ونشالله الكل تتوفق وتحقق الي تريده يارب
اخويه وحبيبي النورس الحزين اصبر اشويه انه الله مع الصابرين واني اخوك هنا الي اكدر عليه اساعدك اكتبلي تلفونك على الخاص ونشالله اتصل بيك يارب يارب يارب وفق الجميع
اخوكم عراقي وكرادي بوسطن

[القرش]

                                  السلام عليكم

الله يكون بعونك يااخويه ..والله احنا هم هنا بشيكاغو الشغل صعب ويبقى على المعارف والاصدقاء وانت تدري الوضع شويه صعب بهل السنين الاخيره ..بس ان شاء الله تفرج قريبآ لان الوضع بدآ يتحسن واحسن من الاول ..اصبر ياعيني وخليها على الله وربك ماينسى عبده ..وانت هسه اذا لكيت اي شغله ومهما تكن لاتتركها وحاول تتأقلم معها وفي المستقبل تلكي شغل احسن .اتمنالك التوفيق وان شاء الله قريبآ نسمع اخبار احلى منك .

ابو انس
شيكاغو

[beepeep]

أخي العزيز
شوف هذا الموقع بلكي يفيدك

http://www.bostonlanguage.com/index.html

و هاي مال التعليم المستمر هي بفلوس بس تمشي

http://ccde.umb.edu/credit/fall09/

[أبن خير]

عراقي كرادي

الله يسهل امرك وأمر الجميع لا تياس والله ترة يفتحها من حيث لا تدري ولا تعلم
تحياتي لك وتمنياتنا لكم بالتوفيق

أخوك أبن خير

[عكعك التطوى]

اخويه العزيز الله يسهل ويقرج عليك انشاءلله وانته بعدك باول المشوار قوي عزيمتك واربط جأشك ولا تستسلم لليأس توكل على الله فبيده الخير وهو على كل شي قدير

اتمنلك التوفيق باذن الله

[مظلومه سوادي]

ياجماعه تره الكابه صعدت للديلكو

هاي شبيكم يامعودين استهدوا بالرحمن
واحد مديلاكي شغل والثاني راح يرجع شنو السالفه 

ياجماعه اصبروا والله الصبر حلال المشاكل

عيني اول مااجينه لماليزيا وبالاخص اول 3 شهور كل اسبوع اريد انتحر انه وابو دواس
ماليزيا بلد غريب عجيب لا الناس اشكالهه مالوفه ولاالجو طبيعي ولااكوشي يشبه الوطن العربي
اما الشغل فكلما تروح تقدم على شغل يباوعولك عبالك جاي من الفضاء ودتطلب المستحيل
ومع ذلك الحمد لله والشكر الله فرجهه شويه شويه صحيح عشنه ايام سوده مصخمه لانكدر ندفع الاجار ولااكو اقامه وهينوب اظلمت الدنيا بس تره ماكو واحد يموت من الجوع
وشوفوا شكد عراقيين هنا عايشين وناس تاقلمت وماتريد حتى تطلع منا

دعائي للجميع بالفرج القريب
والاستقرار والرزق وراحة البال
خصوصا للاخ عراقي وكرادي
والنورس الحزين

خويتكم اللي تدعيلكم ليل نهار
مظلومه سوادي فلك حثل مسحوول 

[عاشق تراب العراق]

يمعودين كولو يا الله الصبر مقتاح الفرج و ان شاء الله متضيق الا تفرج و اخوية النورس الحزين شوية صبر و طو ل بالك ترة اللي تريد تسوي قرار مصيري و صدكني بس شوية تستعدل الامور راح تبدي تحس نفسك على الطريق الصحيح و ماش خطوة خطوة و هواية اعضاء كانو مثلك ووصلو اعلى درجات الياس بس بعدين استقرو بدو يرتبون حياتهم اتمنالك الموفقية