تاليها غسل مواعين

[windy]

 الله بالخير ..............يعني مو معقول بعدالدراسة والتعب نروح نغسل مواعين ...........شنو الحل .............المعادلة صعبة وماديا صعبة واذا توفق الشخص وعادل راح يفضلون المتخرجين بعمر العشرينات ...........سمعت من ناس انه ينطون قرض واذا حصلت عمل بعد المعادلة يقسطون المبلغ على الراتب ......صدك لو لا؟.....ياناس طمنوني 

[volca]

والله وعيونك حته شهاده العداديه ميعترفون بيه عادي اوصل الارض الاحلام وشوف الاحلام كم حلم اتحقق

تحياتي

[عكعك التطوى]

اطمن

[الذكي]

عمي محظوظ انت اذا لكيت غسل مواعين ليش هية صاحة بيد كل واحد هسة عمي دلكة شغلة بغسل المواعين وبعدين عادل شهادتك العافية درجات خوية والناس دتفتر من الصبح لليل علة غسل المواعين وحتى المواعين مراضية بيهم

[زيوس]

الاخ صاحب الموضوع الوردة

تم طرح مثل هكذا موضوع مرارا وتكرارا وبعد القراءة والاطلاع تبين انه كل شخص يستطيع ان يحقق احلامه وهذا كلام صحيح ومنطقي واعتقد انه الاختلاف هو  فقط في عامل الوقت واعتقد انه انت لو تقارن وضعك اليوم وتقارن وضعك بعد عشرة سنوات شنو راح تصير ؟ اذا انت مواضب وتشتغل وشاطر اكيد وضعك يتغير نحو الافضل . وبالنتيجة راح تطلع مستفيد ليش؟ لان اذا تقارن وضعك بالعراق بعد عشرة سنوات وما اريد اصير متشاءم بس اعتقد انت راح تضل تراوح في مكانك مع احترامي الشديد لشخصك ولشهادتك بس بالعراق الدراسة الي تتكلم عنها حضرتك راح تخليك اليوم موظف وبعد عشرة سنوات هم راح تكون موظف (اد الدنيا) لا اكثر ولا اقل واحتمال راتبك يزيد فد 100 الف دينار !!!
اخي الفاضل عن نفسي اني بديت اشتغل واني عمري عشر سنوات ولحد الان والحمدلله رب العالمين لذلك ما اعتقد راح اواجه مشكلة من اروح الى امريكا
والي اقصده انه هاذي المسالة مال امريكا ارض الاحلام لو لا ؟ هاذي مسالة تقدير شخصي لا اكثر ولا اقل وحضرتك اذا تتصور العراق بيه حظ ليش مدوخ نفسك ورايح لامريكا

تحياتي  وارجو ان تتقبل مروري

زيوس

[hussein5582]

اخي هذا الموجود شنسوي
اخويه هسه الامريكان اهل البلد الي عدهم شهايد ديعسلون مواعين علمود ايدفعون قروضهم مال البيت و السياره و الدراسه و يمكن همه احسن منه ما عدهم قرض سفر ههههههههه
اخويه اتوكل بالله البداييه دائما صعبه

[شجرة الدر]

مشوار الالف ميل يبدأ بخطوة اخي انظر للامام وشوف ولاتنظر للخلف وتكول كنت   اختكم شجرة الدر

[القرش الاسود]

اخوان العافية درجات ومن جد وجد لا تستنكفون سبحان الله توجع بيد الي ميريدها جنت بس اريد امريكا بس مصارحت والحمد لله على كل شي



اخوكم

القرش الاسود

[мαяyαи]

مرحبا الاخ windy اني اشوف ان الشغل مو عيب العيب هو الواحد يمد ايدة وموعيب انك تصعد الدرج شوية شوية محد راح وخلوه موظف بدائرة رسمية فيا اخي الكريم انت من رحت امريكا كان لازم تفكر بهذا الشي ومثل ماكالت اختنا شجرة الدر ( مشوار الالف ميل  يبدأ بخطوة ) نتمنالك الموفقية

[storm2]

حبي والله اني مقدر الي انت بي وحقك بس فعلا ومثل ماكالو الاخوة مشوار الالف ميل يبدا بخطوة دائما

بس والله يااخي اصدقائي كلهم صار اربع وخمسة وست اشهر من وصلو وكاعدين يفيكون على المنظمات كلشي شغل جابولهم وهم كاعدين يتبطرون من اجة الوكت وراح تخلص المساعدات روح شوفهم وانطيك عناوينهم واسالهم بنفسك كلهم ديشتغلون وشغلات محترمة مثل واحد يشتغل بمصنع مال قطع غيار مال كومبيوتر وهو خريج قانون وجان هنا موضف بلجنة النزاهة والثاني يشتغل هسة بالوالمارت بالمخازن وهو خريج ايضا وجان هنا يشتغل بقسم السلامة وبشركتي واحد يشتغل بفندق وهواي غيرهم اخوية والله اصبر الصبر مفتاح الفرج وحب ماتعمل حتى تعمل ماتحب

تقبل مروري اخي الكريم

[صابرين]

اخي العزيز ... الشغل مو عيب مادام شريف وخلي ايمانك بالله واكيد هي مرحلة وتمر وبالنسبة للسؤال فعند اخذ قرض سوف يقطع بالتقسيط من الراتب الذي سوف تستلمه عند العمل وانا اعرف احد هسة ديدرس ويشتغل بنفس الوقت في امريكا لانه عند اخذ شهادة من هناك سوف يفرق الراتب وحتى لو قطعوا منه فهي فترة ويصير كل الراتب لك وحسب معلوماتي ان بعض الناس اللي تدرس تدرس لمدة سنتين يعني مو اكثر حتى القرض ما يكون كثير وبنفس الوقت الفترة تكون قليلة يستطيع بعدها ان يشتغل ويسد القرض
وتقبل منا تمنياتنا لك بالتوفيق والنجاح ولا تيأس
اختك صابرين

[Revolver]

سبحان الي خلق مُحمد عليه افضل الصلاة والسلام راعي غنم, وسبحان الي خلق عيسى أبن مريم عليه السلام نجار ...

[بغداد بقلبي]

اخي العزيز بارض الاحلام غسل الامواعين متطور جدا يعني مو بيديك اكو جهاز مثل الغساله اتحطهن بيه وهو ايقوم بالازم بس انته بالاخير اتبخص الميه عليها حبيت اتشاقه وياك اخي الغالي واكو فد ملاحظه لكل الاخوه اوجها ومن غير ما احد يزعل مني تره اني اخوكم الصغير  ياررض احلام تحجون عليها تره انتو اهواي متاثرين بالافلام عمي كولوا يالله ليش الي خلق امريكا ما خلق غيرها وارجوا من الاخوان الاعزاء الي داخل الولايات ان ايفهموا الوضع اهناك ارجوكم وبمنتهى الصراحه وتقبلوا مروري البارحه بالاخبار الجثث المجهوله الهويه عبت الثلاجات ليش يابه لان الناس ماعندها افلوس مال عمليه الدفن متدفع الجثه ايركوها وينطوك رمادها ذبه بالبحر  يااحلام

[مهند هادي]

اخوية العزيز

اصبر ان الله مع الصابرين صحيح البداية صعبة لكن الفرج جايك وقريب ان شاء الله . العمل في العراق مهما يكن حتى تكون مرتبة عالية بالدولة فهو ممل واي عدالة ماكو بالعراق لكن بأمريكا تشوف فرق لأنهم يقدرون البشر وكل شخص يعاملوه على مقدار العمل الذي يعمله وثانيا" الشغل موعيب ان اعرف ناس وعدهم عوائل يغسلون مواعين جانوا وبعدين درسوا لحد اخذوا الجنسية وحاليا" يعمل في بريطانيا بصفة مدير مكتب والحمد لله عايشين احسن عيشة هذا اليغسل مواعين بأمريكا بس احنا العرب نستهزأ بهاي الشغلات همه لا امريكا ارض الاحلام فهاي فرصة وحقق حلمك والله يكون معك ويوفقك

[راهب الحب]

أخي العزيز windy :::
أكو مقولة تعجبني حيـل وبيها مغزى كلش كبير تقووووول ::
( عليـك ان تمس الأشــواك ....  قبل أن تصل إلى رحيق الازهــار ) ؟؟؟؟
وين ما جنت  بيا بقعة بالأرض لازم تتعب قبل ما تلعب والشغل مو عيب بس العيب أن نمد إيدنـا ونطلب الصدقة من الناس .....
تمنياتي إلك بالتوفيق والله يمهلكم الصبر والصبر والصبر حتى تگدر تقاوم ظروف الحياة الصعبة وماكو ضيگ إلا وراه فرج ودمت بألف الف خيـــر .... †





                               أخــوكــُم / وسـام بهنـام داؤد الخابــوري

[البحار68]

( النظافة من الايمان )


امنياتي الحلوة

[WRONGED]

اخوان تره هوايه حجينه بهاي المواضيع  بين امريكا والعراق والخيار ايهما وميت مره كلنه انو كل انسان يشوف الاشياء من منضور معين فخلي كل واحد يجمع معلومات على الشيء الي يريده وهو يقرر
وكلنه موضوع السفر قرار فردي والمفروض كل واحد يحترم راي الاخر
اكو واحد مرتاح بالعراق محد يجبره يطلع
واكو واحد امريكا زينه الله رح يروح ويعيش احسن عيشه
اما المتردد تره لو وين ميروح مرح يرتاح
وشكرا

[MONSTER]

اخويه العزيز...اقرب جسر عالمطار اكدي جوا مو بس اغسل ماعين بس خل اطلع

[geb]

اشو اخوية هم صاير حديقة بتكساس

[القرش]

                                    السلام عليكم

اخويه هنا في امريكا مو عيب تشتغل اي شغل موجود ومتوفر المهم تشتغل حتى تمشي امورك وعيب من تبقى بطال بطال وتعيش على المساعدات . وهنا الكل يعمل ومهما كان العمل .

ابو انس
شيكاغو

[blackwater]

نصيحة من اخوكم الصغير ...

امريكا ليست للكسالى ... وليست للراديكاليين ...وليست للذين يفكرون بالقيم العشائرية والقبلية .. ليست للذين لا يطورون انفسهم ..

ليس دفاعا عن امريكا ..لكنها الحقيقة هنا ...

[مراد علم دار]

اخوي امريكا مثل القرش الموجد في الصور مال القرش متشوف شلون جاي يقاوم علمود يصعد انت هم قاوم علمود تصعد بمواعين بتنضيف مكاتب اي شى  خلي معنوياتك اكبر في موطنك الثاني ترى بعدين راح ياكلك القرش       موفق انشالله 

[اريد وطن]

اخويه العزيز صاحب المقال

اخوانا الصابرين والمجاهدين للبقاء في الحياه (العراقيين)

اخويه العزيز لو لكيت شغل في بلدي وامان واستقرار واشتغل زمال شوارع بلدي جان كعدت بس مع الاسف اخوانا ينسون مو حتى عمال نضافه قتلوهم وذبوهم مثل حيوان

اخي واصدقائي في المنتدى اذا حاط بالك تبقى طول العمر تغسل مواعين هذا خط من شخص ياخوان اكيد بدايتها صعبه وخليها نعتبرها فتره انتضار يعني الانتضر سنه و2 واكثر لمن وصل الى الدوله المراده اكيد صبر وتعب وقلق يعني خليها زياده تعب 1 او 2 ولابد بالخير تصير انسان ذو شان ومهم  انشاء الله

ياخواني والله من تجربه شخصيه حتى دول العربيه متفيد يعني لو تكعد بيها سنين ذلك لابيها تقدم ولاشي
يكفي في الغرب تشعر انك انسان ممكن تعمل وناس تضحك بوجهك مو دائما مكشره وحاقده عليك او تاكل راتبك لو لو لو

ياخونا شخصيا اني انتضار سفر وبقلق الى كندا ومتاكد يوجد امامي تعب ودراسه لغه وممكن مالاكي غسل صحون بس اني بعمان والحمد لله يمكن وضعي بعد تعب وجهد احسن من غيري بس شنو النتيجه لاشيء كالت الاقامه وادفع غرامات والعدد ماشي يعني كل يوم من الصبح تحط حصاله وتحط بيها 1.5 دينار واحسب عدد افراد الاسره وشكد حتطلع خويه اغسل صحون اشتغل زبال بس اجهد حالك وانشاء الله بعدها فرج وراحه .

اخوكم الصابر اريد وطن / عمان ---  اسف اذا بيها اساء لاي شخص او بيها مخالف الى رائي احد اخواني مع الشكر