محتار والله ما اعرف شسوي

[bode]

السلام عليكم اخواني
في البديء اذكر عند كتابتي للكيس اني ذكرت انه شقيق زوجتي كان يشغل منصب
في النضام السابق ولكن هو غير حزبي
فهل هو هذا الشيء الذي اخر وعرقل اموري عند اليو ان
فما هو الحل
ارجو ممن لديه اي معلومه بخصوص هكذا اشياء ان يفيدني بها
ولكم مني جزيل الشكر

[Safaa Alkhrkhy]

اخي شنو كان بمنصب وشنو ماكان بعثي؟؟؟؟!!!!!!
هوة ليش بزمن النظام السابق اكو واحد يدخل الجامعة الا اذا كان حزبي؟؟ الا حالات نادرة وقليلة !!!
تعرف اني المحلف دايسألني عن الخدمة العسكرية مالتي فقلت له((اني كنت جندي مكلف لمدة 17 شهر في معسكر الرشيد)) فرد وراية ((يس..يس..كدمة هسنة عندك!! مأسكر الرشيد هواية كبير)) يعني انه بس كتلهة اني خادم 17 شهر عرف بية انه اني ماغايب ولايوم بخدمتي واتسرحت قبل شهر"خدمة حسنة" زين رحمة لأبوك بس فسرلي شغلتك هاي شنو كان بمنصب وشنو مامنتمي للحزب؟؟!!

[ام فائز]

اخونا العزيز
اولا انت لويش ذكرت وجبت طاري اخو زوجتك انت شلك علاقه بيه لا اب لا اخ  شنو هالحرشه
ثانيا  هما ما يلاحقون العائله كلها الى سابع ظهر مو مثل بعض الانظمه
ثالثا اني اعرف احد اصدقائنا ابوه كان مدير عام بالنظام السابق وبعثي لللوحه ومدير عام بالتصنيع وعسكري جبير وما شاء الله هو الان بامريكا ما الها علاقه
 وطبعا اني اعرف يقين عدد لا باس بيه من المدراء العاميين بالنظام السابق مكانو بعثيين لا من قريب ولا من بعيد وكانو للعلم بالتصنيع 
الله يوفقك ويوفق الجميع

[سيزر]

حتى لو اخوك مو اخو زوجتك ما تأثر ... امريكا هاي مو العراق .... الله يخليهم للانسانيه

[بغداد بقلبي]

اخي العزيز هذا الشي مياثر  المهم انته تكون حياتك مهدده وامقدملهم اتباتات وقصه زينه واصبر اكو ناس كانوا يشتغلون وياهم وسنتين وثلاث يله انقبلوا واكو ناس انرفضوا وموجود بعض الاخوه الذين كتبوا عن تجاربهم اتصفح المنتدى وشوف والله ولي التوفيق وتعقيبا على كلام الاخوة الافاضل الي قبلي انا اعترض على كلامك انهم اهل الانسانيه لا اكلكم همه اهل الدمار والتشريد

[ام عبداللة العراقية]

اخويه المحترم مسالت نسيبك ما تاثر اني بابا عسكري بدرجه عاليه وطلعلي لجوء لامريكا بقالي بس اضافة ابني وان شاءالله باجر اضيفه ب iom والدوره والموافقه الامنيه يعني اخويه المحترم هذا التاخير ما اله اي صله بموضوع عسكري او حزبي
والله يفرجه عليك