((( فرحـــَـة مــؤجــلـة ))) ؟؟؟

[راهب الحب]

مرحبـا أخواني وأخواتي الاعضاء المحترمين الصابرين المرابطين والأقوياء بالصبر والإيمـان وأتمنالكم الفرج القريب إن شاء الله .....

قبل ساعة من إجيت للنت خابرت من التلفون الأرضي للصالة على منظمة الهجرة العالمية في دمشق وعلى الرقم ::: 6121370  وبعـد دقائق من الإنتظار جاوبوني وسألتها أريد أستفسر على ملفي وگالت وين توطينك وجاوبتها على اميركـا ... فحولتني عليهم وحجيت ويا الموظفة وجانت بقمة الروعة صراحةً ....
وبعد ما جيكـّت رقمي وإسمي گالت أنته عندك ربط قوي ويا اهلك طبعاً جوابي كان نعم ...
گالت :: أنته مخلّص كلشي وبقتلك إجراءات بسيطة جداً گلتلها يعني الأمنية مالتي وصلت گالت إي ...
وقامت مشكورة بتجييك باقي الاهل وإحنـا خمس كيسات ومن ضمنهم أمي وأختي الصغيرة بنفس الكيس ويا أبوية يعني مجموعنـا الكلي سبعة ...  والحمدلله وصلت كلهم إلا اخوية الكبير ؟؟
هسة بدأ عندي شك جديد لأنهُ أخوية الكبير بمقابلة الوفد ما گال آني حرس جمهوري ولكن هذا مذكور بدفتر الخدمة العكسرية وتم إبرازه ألهم بالمقابلة لكنهُ ما سأله أي شيء عن الحرس بتاتـــاً ..... ؟؟؟؟؟
 علماً إنه هو دافع بدل نقدي سنة 1998 يعني ما خدم بس مركز التدريب وخادم إحتياط مرتين لمدة شهرين شهرين بسنين متفاوتة ....
والموظفة جاوبت بإنه إحتمال يطول وعليكم ان تنتظروه ......
تمنياتي للجميع بالإستقرار والتوفيق ودمتم بألف الف خيـــر ... †







                                   أخــوكــُم / وسـام بهنـام داؤد الخابــوري

[بغداد بقلبي]

السلام عليكم اخي العزيز ان شاء الله يوم السفر والف مبروك وبالنسبه لاخوك ماكو شي ابدا لاتقلق والف مبروك

[ابو خالد]

الله يسهل عليك اخوي العزيز وانشالله السفر السريع ويفتحها بوجهكم انشالله ولاتقلق من ناحية اخيك طالما دافع البدل النقدي سوف تأتي موافقته انشالله
بس حبيت اسألك اخوي العزيز انت مقابل المحلف في اي شهر ومتى استلمت النتيجه ...والحمدلله ان الموظفه بنت اوادم وذكرت لك بأن الموافقه الامنيه خالصه لان طبيعتهم بسوريا مايتكلمون عن الموافقه الامنيه من الواحد يسألهم فقط يقولون باقي اجرآت فألف الحمدلله طمنتك

[مريمانه]

ياربي تفرح دوم ويوم السفر القريب نشالله الك ولعائلتك..وبالتوفيق يارب



مريمانه

[Anfal]

عيني راهب الحب الف مبروووك وان شاء الله ما بقى الا القليل ـبس مو تسافر قبلي الى فيغاس ـ  انا اول حتى اكتب لك بالمنتدى  لا والله اتمنى تتسهل امورك يا رب.
تحياتي
انفال

[راهب الحب]

أخي العزيز بغداد بقلبي ::
أشكرك على دعواتك وأمنياتك الصادقة إلي وإن شاء الله ما تتأخر وشكراً لمرورك الكريم ....





أخي العزيز أبو خالــد :::
أني إتأكدت وكلتلها يعني الأمنية جاية كالت :: إي ... أما بخصوص مقابلاتنا فأني ذاكرها سابقاً أكثر من مرة وتدلل راح اذكرها ::::::
مقابلة توطين ( كفر سوسـة ) :: 19/3/2009
مقابلة IOM أولـى ( المزّة ) :: 20/4/2009
مقابلة IOM ثانية ( المزّة ) :: 21/4/2009
مقابلة المُحـّلف ( الوفد ) ( كفر سوسـة ) :: 28/5/2009
الفحص الطبي :: 8-9/6/2009
الإتصـال بالكفيـل وتوقيع الأوراق في لاس فيغاس    :: 18/6/2009
إستلام الظرف بالموافقة :: 7/7/2009  

[ابو خالد]

نشكرك اخوي العزيز راهب الخير على الرد والله يسهل عليك امورك انشالله وبالتوفيق يارب

[عاشق تراب العراق]

اخوية وسام اني مثل اخوك هم جنت حرس جمهوري و هم دافع بدل بس عادي وصلت امنيتي و باقية بس مال زوجتي فلتخاف ان شاء الله تجي باسرع وقت و همة عادي بسوريا كل ما تتصل تكول اجراءات و ممكن تطول 

[Revolver]

الله يسهلكياها وتسافرون كلكم ان شاء الله

تحياتي

[يوجد امل]

الف مبروك الامنية
ان شاء الله تصل لاخوك الكبير باسرع وقت وتسافرون كلكم
الله يكمل معاك
اخوك يوجد امل

[راهب الحب]

أشكركم إخواني على مروركم ومشاعركم ودعواتكم الطيبة تجاهي وتجاه كل الاخوة الباقيين ويا رب يديم هذا الموقع إللي يخلينا متعاونين ومتكاتفين والله يبارك بالجميــع .... †





                           أخــوكــُم / وسـام بهنـام داؤد الخابــوري