الى الموجودين في امريكا الرجاء الدخول واجابتي مهم جدا

[العزاوي 55]

اخوتي الاعزاء
السلام عليكم ورحمة الله وبركاته
اعزائي لديه ابنتي وزوجها وولدهم في سان دييغو نشنال ستي دلتا ستريت وصلو بتاريخ 6/8/2009 والمنظمه المسؤوله عنهم اسمها افريكانوللاسف تعاملهم معهم سيئ جدا والمسؤوله اسمها منال وهي عراقيه وعند ذهاب زوجها لهم لغرض الاستفسار منهم ترفض مقابلته وتخبر السكرتيره انها مشغوله ماذا يريد علما مراجعته من اجل فاتورة الانترنيت وصلتهم للشهر الاول 165 دولار وقالت له سوف اناقشهم لا تدفعها وقامت الشركه بتحميل المبلغ ضريبه لتاخير الدفع مما اجبروه على الدفع والشهر الحالي 130 دولار ولكن عند المراجعه لا يحصل منهم على شي الرجاء افيدونا اصحاب الخبره  وماذا يفعلون مع شكري وتقديري
عمكم ابو سرمد

[Abo Andrew]

اخي العزيز

طبعا هية المنظمة تكدر اتسهلك امر واتسوي شي لان اني سمعت هواية المنظمة ساعدتهم حتة ال Activation fees  شالوهة

بس العتب على اللاجئيين من يجون مدا ايعرفون شيسون وبصراحة اني شفت هواية هيج صاير بيهم والسبب انه من انروح انسوي خدمة منعرف شنحجي

اخي العزيز اول قائمة تجي هواية لان اكو Activation fees  اني اللي اعرفة لشركة كوكس هو 20 دولار وهسة حتة التلفون صاير التفعيل 20 دولار وياخذون منك Deposit تامينات

بس اني هاي كلها مسويتهة وطبيت بعيونهم من اجيت لان عرفت اشلون اتفاهم وياهم (هذولة الشركات كلهم حرامية)

اخي العزيز بصراحة منال كلش حقنة ومتنجرع (تدري عراقية)
اني اخابر كل مرة اريد استفسر عن قضية اهلي ومتجاوب
راح انطيك رقم سارة هاي امريكية وهي بنفس المنظمة وهي مسؤولة اكثر من منال هناك خابروها وكلولهم منال مدا اتساعدنا وكلولها مدا اتجاوب واتغلس انتو اكيد مراح تلكوها بس عيفولها مسج

رقمها هو رقم المنظمة نفسة بس ال  ext هو 42 او من تحجون وية الاستعلامات كلولهم حولوني على سارة

وانشاء الله ايصير خير

تحياتي

[ابو عبد الله التكساسي]

اخي العزيز بصراحة منال كلش حقنة ومتنجرع (تدري عراقية)
حلوه هاي مال عراقيه والله ماتنلام

 عمي اسؤا الاحتمالات ممكن الرجال يتصل بالشرطه ويكلهم وضعه بالتفصيل بس اذا مو قع عقد  ويا شركه الانترنيت كلشي مراح ايحقهم ولا احد يكدر ايسويلهم شي لان العقد ياكل بامريكا ويجب على الاخوه العراقيين لا يتورطون بتوقيع اي ورقه قبل ما يفتهمون شنو السالفه لان بعد التوقيع على اي عقد راح اتروح حقوقهم
والسلام

اخوك ابو عبد الله من هيوستن

[Abo Andrew]

اخي العزيز بيرج

شوية اختلف وياك

لان المنظمات المسؤوولة عن اللاجئين من مسؤليتهة كلش هواية اتسوي هيج امور (بس مثل مكلت متدفع اجور القوائم) بس اتساعد في حل هاي الامور وخاصة في التكلم معهم..............

وحسب ما اعرف اكو مسؤوولة بالكاثوليك جارتي حتة الاكتيفيشن مال خدمات اتسويلهة الغاء
واني من اجيت وقدمت على خدمة الكهرباء لغولي التامينات لان الكاثوليك جارتي جانو حاجين وياهم وصارت ببنية اعرفهة من قدمت على الكهرباء جتيهة القائمة بيها تامينات 60 دولار تقريبا
ورحت اني وياها لشركة الكهرباء وكلونا ميصير لازم ادفعوهة بعدين رحنا للكاثوليك جارتي ومن حجت وياهم راسا همة خابرو شركة الكهرباء ولغو التامينات

بس بحالة الاخ يمكن مراح ايكدرون ايسون شي لان هاي خدمة خاصة هو مقدم عليهة بس امانة اني سامع خدة الاكتيفيشن مال انترنيت ايكدرون المنظمة يلغولك ياة

تحياتي

[العزاوي 55]

الاخ العزيز pirg  تحياتي لشخصكم الكريم انا اشكرك جدا جدا جدا ولحسن الصدف العائله التي قمت بزيارتهم هي نفس عائلة ابنتي  والذي كلفك بهم ابو سالم فبارك الله فيك وحماك وهذه هي الاخلاق العراقيه الاصيله التي تعودنا عليها شكرا أخي الغالي والله يكثر من امثالك لمساعدة بعظكم بعضا
عمك العزاوي55

[Abo Andrew]

بارك الله بيك اخ بيرج

الله ايوفقك لمساعدة الجميع

[العزاوي 55]

الاعزاء ابو اندريو وابو عبدالله الله يبارك فيكم ويحميكم وشكرا على ردودكم والله يديمكم

[alwismy]

البارحه قمت بزيارة المجمع الواقع في ناشينال ستي دلتا ستريت,,
المجمع يتكون من سبع عوائل عراقيه,,
زرت احد العوائل وتفقدت احوالهم,,

راسلني واعطني اسم الشخص,,
وانا مستعد للذهاب مره ثانيه وتقديم المساعده,,


الاخ بيرج الغالي

ربي يحفظك ويخليك ويحرسك من كل مكروه

ياخي شنو هالاخلاق اللي تحملها شنو هالغيرة اللي تحملها لابناء وطنك

انا ما اقول الا الله يكثر من امثالك

بالفعل انت شهادة نعتز بيها ووسام على صدورنا

اخوك
alwismy