مواصفات الكفيل

[علي الحلي]

اخواني اكو موضوع من زمان اريد اطرحه بس اكول مو وكته بس هسه ويعد ما اجاني الكيس نمبر من الــــــــــــIOM صرت لازم اعرف من خلال اجوبتكم الطيبه

انشاء الله اني واكثر الاخوه مقبلين على مقابله اولى واريد اعرف الكفيل الي يريدونه هل يجب ان يكون مجنس ام لا ؟
هل يجوز ان يكفلني شخص ذهب الى امريكا قبل سنه او اقل على سبيل المثال ؟

اذا انطيت اسم صديق عايش بأمريكا . شنو المعلومات الي يحتاجوهه بعد مثا رقم تليفون او اسمه الكامل او عنوانه ؟



ولكم مني الشكر والتقدير

[عكعك التطوى]

هل يجوز ان يكفلني شخص ذهب الى امريكا قبل سنه او اقل على سبيل المثال ؟

نعم اي شخص يكفلك صديق قريب غريب سواء عنده كرين كارد او لا  سواء ذهب الى امريكا قبل سنه او اقل

ذا انطيت اسم صديق عايش بأمريكا . شنو المعلومات الي يحتاجوهه بعد مثا رقم تليفون او اسمه الكامل او عنوانه ؟

اسمه الكامل العنوان الكامل ورقم هاتفه

[Mark_usa]

المواصفات المطلوبة:
1. ان يكون حسن السيرة والسلوك.
2. غير محكوم بجناية او جنحة مخلة بالشرف.
3. ان يكون من ابويين امريكيين او من اب امريكي و ام عربية بالولادة.
4. معروف بحسن اخلاقه وولائة للوطن.
5. ان يكون عايش بامريكا.
6. انسى النقاط الاربعة الاولى.
7. راجع ارشيف المنتدى للمزيد من المعلومات عن دور الكفيل.

[ابو خالد]

عزيزي علي ابوحسين عادي ماكو مشكله يصير يكفلك شخص لايحمل الجنسيه الامريكيه ولايحمل الكرين كارت لان الكفاله معنويه فمو بالضروره ان يكون امريكي فقط يكون شخص له فتره بامريكا لابأس بها يعني حتى لو سنه ....وطبعا لازم تأخذ عنوانه كامل ورقم الهاتف ماله حتى يتمكنون من الاتصال بيه وبالتوفيق انشالله

[ابو عبدالله العراقي]

 اخواني الاعزاء جيراني رادت ولاية واشنطن فطلبوا منها اي شخص كفيل فدبرت شخص صومالي مجنس امريكي حتى يكفلها بس بعدين سمعت انو هي لازم تظل فترة معينة يم الكفيل حتى يلكولها بيت فهل هذا الكلام صحيح وشنو بعد يقدمه الها الكفيل من واجبات ؟؟؟

ارجوا الرد سريعا وشكرا

[WILDMAN]

اخوان السلام عليكم ورحمة الله وبركاته.
اشلون اذا واحد ما عندة كفيل بمريكا او ميعرف احد هناك وبالهالحالة منو يحدد الولاية صاحب الكيس لو الIOM

[عكعك التطوى]

اخوان السلام عليكم ورحمة الله وبركاته.
اشلون اذا واحد ما عندة كفيل بمريكا او ميعرف احد هناك وبالهالحالة منو يحدد الولاية صاحب الكيس لو الIOM

عليكم السلام ورحمه الله وبركاته

ال iom

[alusha1]

مبروك اخوية علي  على هذا الخبر الحلو انه حصلت كيس نمبر الحمد لله والشكر شكد طولت الفترة من رسالتك الاولى الى ان جاوبوك على رسالتك وشوكت نطوك الكيس نمبر؟
آني اخباري الرسالة المضبوطة والصحيحة اللي دزيتهة صارت بتاريخ 30/9/2009 واجاني رد بتاريخ 13/10/2009 انه رسالتي ناقصة لكون ماموجود بيهة رسالة التوصية لان مثل ماكلتولي كلت اجرب بلكي همة يوصلون للسوبر فايزر من اسمة بلباج وجاوبتهم اليوم بتاريخ 17/10 /2009 انه ما اكدر اوصل للسوبر فايزر اذا انتو تكدرون توصلولة اسئلو عني هذا كل اللي اكدر اسويه
المهم بصراحة أيست لان ما اكدر احصل رسالة توصية وكلت وين متصير خل تصير والحمد لله على كل حال
والف الف مبروك ودعائي الك لموفقية والوصول السريع لامريكا ان شاء الله
وبلنسبة لسؤالك على الكفيل فآني من المواضيع عرفت انه الكفيل حتى لو صارلة شهر او اسبوع بامريكا يصير يكفلك ومن اي جنسية ومو شرط حامل الكرين كارد المهم عايش بأمريكا لان همة يحتاجوه بس حتى يحطوك بنفس الولاية مال كفيلك واذا ماعندك كفيل همة يحطوك بولاية يختاروهة همة
وكل التوفيق بأذن الله واسمع اخبارك الطيبة ان شاء الله
تحياتي اختك علوشة