جماعة SiV فرجينيا

[SaMi1975]

هلو شباب

كملت كل اوراقي وانطوني IZ نمبر ودزولي Assurance وهسة دا انتظرهم يخابروني, عينولي ولاية فرجينيا\ هاريسونبرج فشلون الوضع يمكم وشنو اللي لازم اسوي اذا وصلت وشنو توصوني بي من اجي (اني مقدم ريستلمنت) بس يكولون المنظمة تدفع اجار مال شهر واحد بس!!! هل هذا صحيح؟؟ زين طبيب الاسنان عليهم لو اسوي اسناني هنا واجي؟؟ وشنو تاخذون وياكم لو جنتو مكاني... سلامي للجميع

[حسام الجبوري]

حبيبي شلونك اني عايش في فرجينيا وعايش ايضا في هاري سنبورك الوضع كلش ممتاز وواكو شغل وانته الله يحبك ذبوك اهنا واني موجود اهنا شتحتاج اني بخدمتك  الحياه رخيصه والايجارات هم رخيصه
وسوي اسنانك قبل ماتجي وجيب شنو الي بالك اهمشي جيب وياك لابتوب وصحيح الي كالولك يدفعون مال شهر واحد واني عايش بهاريسونبرك بميري وذر والي تحتاجه احنه نساعدك بيه

[سالم 1980]

السلام عليكم اخوية العزيز ان شاء الله اسهل عليك كل امورك بس ممكن ادكول هاي شلون مقدم على هاي المنضمة ممكن تعطيني معلومات تفيدني لان ابو مرتي اريد اقدم للجوء الى امريكا واكون ممنون منك حبيبي

[silver_d]

مرحبا شباب انشالله تكونون بألف خير ياربي وانشالله الموفقيه للجميع وانشالله مستقبل حلوو يواجهكوم بالحياة .... شباب عندي سؤال الكوم اني بالنسبه الي مقدم على SIVbaghdad واني دزيت اوراقي نبراسكا وبعدني بأول الطريق بس ردت اسأل انو همه الي يختارون النه الولايه لو احنه نختار الولايه الي انريدها شباب اتمنه اتكولولي لان اني اريد ارووح ديترويت لان كل اهلي هناك اذا الله راد وتخلص اوراقنه ونستلم الفيزا اتمنه اتجاوبوني على السؤال واني الممنون وانشالله الموفقيه للجميع


اخوكوم سلفر الكمش

[SaMi1975]

هلو سلفر

انتة من اتدز الاستمارة مالتك DS-234 يطلبون منك عنوان احد بامريكا ويفضل يكون من الاقارب وراح يسألوك اذا كنت تريد تروح لمكان قريب يمة او لا؟؟؟ وخاصة ديترويت مديدزون احد لديترويت بس اذا عندة قريب من الدرجة الاولى هناك. بس اللي عندة صديق او كفيل بديترويت ميقبلون بي.....

[SaMi1975]

هلو سالم 1980

برنامج ال SIV هو مختصر لكلمة Special Immigration Visa تاشيرة فيزا خاصة لمن عمل مع القوات الامريكية كمترجم فقط ويمكنك ان تعرف معلومات اكثر علة هذا العنوان

http://travel.state.gov/visa/immigrants/info/info_4172.html

[Revolver]

سامي عيوني انت,

الـ SIV مشمولين بي الفئة الي عملوا بشكل مباشر مع القوات الامريكية, ان كان مُترجم او موظف بشركة .

وتحياتي الك

[SaMi1975]

اي صحيح ريفولفر ... اعتذر عن السهو , للتصحيح تاشيرة سفر لمن عمل مع الجيش الامريكي كمترجم, او عمل مع او بالنيابة  مع الحكومة الامريكية

اسف عن الخطأ وشكرا يا ريفولفر

[Revolver]

بلعكس حبيبي انت, بارك الله بيك وجزاك الله الف خير