عاجل ؟؟؟؟

[UN]

السلام علكم حبايبي واسف على غيابي بس واللة ظروف قاهرة .......

شباب حبيت انو اخبركم على الي صار وياية اخر شي باليوان رحت يوم الثلاثاء الاكشر بسب الازدحام طبعا جماعتنة بسوريا نايمممين هناك واللة حالة تقهر هذا تاليها يالللة احسن من عراق العملاء والحرامية .......\

دخلت هلى الموضف وكلي ملفك موجود بقسم التوطين قيد الاهتمام حاليا بس يرادلة وقت فد ست شهر
طبعا  بنج جديد وهاي اني ملفي متحول القسم التوطين صار سنة من موعد المقابلة التجديد والموظفة كلتلي راح احول ملفك بس همة بعد بكيفهم طبعا اني ممتصلين بية ولا مرة  ......

الموضوع الثاني رحت استلمت الحصة الغذائية الرهيبة فهم فاتحييين قسم للاستفسار جديد بدوما الحمدو للة واخيرا فرحت للموظف سالتة على ملفي كلي نفس الحجي؟؟؟؟ واني مسجل من 2007 والى الان الانتظاررر احب اسمع رايكم حول حالتي وشششششششششكرااا يوم السفر للجميع ان شاء اللللة

[alfaras]

الله يااخي قيد الاهتمام اخت الى اشعار اخر احنه عدنه بمصر اذا اتحول الملف للتوطين راسا يتصلون وينطون موعد مقابله بس هاي قيد الاهتمام جديده الله يسر امرك ويسهل طريقك يارب

اخوكم
alfaras

[الفريدو]

الله كريم فرج ربك على ساعه

وانشالله نسمع اخبار سعيده بالايام القادمه والتسهيل من الله







اخوك : الفريدو

[dodo micheal]

اتمنى انهم يتصلون عليك بس حاول انت انه تكتب رسائل وتخليها بالبريد ما لتهم يعني عن وضعك الصعب لان هنا بالاردن كثير ناس سووها وبعدين اتصلوا بيهم واني منهم ويارب تفرج عليك

تقبل مروري
اختك
dodo micheal

[rafid82]

أخي الكريم
اني من كنت بسوريا وانتظرت التوطين لمدة سنتين وماكو شئ وهاي مال سته اشهر وملفك متحول للتوطين للاسف على قولتك أبر بنج   
اخي الكريم  اني بوكتها  من طولت السالفه هيج و خلصت فلوسي على سوريا  قررت الخروج من سوريا الاسد  وقدمت فيزا و بصراحة طلعتلي بالمعجزة اتصور ابو الحدود مال الاردن تدري شنو يقول لي يقول لازم عندك واسطه كبيرة بالسفارة  الاردنية !!!!
اخي الكريم بس سؤال اذا ممكن انت حضرتك عندك علاقة مع الامريكان يعني مشتغل بشركة  أو ذاكر بالقصة انه انت مشتغل مع الامريكان فأذا الجواب نعم فأخي  اترك سوريا  احسلك  وقدم على الاردن بلكت الله يسهلله واني هسة بالاردن ترة  وعندي الشهر الجاي مقابله محلفين 
هاي شغلى يمكن على كثير من العراقيين مايعرفوهه ترة الامم المتحدة بسوريا  مخترقة من قبل الامن السياسي  و صدقني أذكرلك حادثة انه بعد مدة  من تقديمي على الامم المتحدة بسوريا  اجاني الامن السياسي للبيت واخذوا نسخة من ورقة الحماية على اساس انه اتفيدك من ناحية الاقامة واني من وكتها ايست لان اني كنت مشتغل مع الامريكان واخي  هم مشتغل و كذلك زوج اختي يعني بنظر سوريا  الاسد عميل من الدرجة الاولى
ترة كل اللي راح تستفادة على الطحينات والرز المصري  والمعكرونه و معجون الطماطه

موفق ان شاء الله  ارجو ان لا تاخذ رسالتي هاي دعوة  لليأس لا بالعكس هاي دعوة حتى تتحرك واتشوف تاليهه وياهم شنو

اخوك رافد

[مهند الديراوي]

اشكر الجميع على الموضوع والردود
سؤالي للاخ رافد
اني هسة بسوريا... وهم كنت اشتغل بمؤسسة مقرها الرئيسي باميركا بس خروجي من العراق بالشهر الواحد 2009 كان بسبب تهديدي بقضية ثانية... بس اني ذكرت بالقصة تفاصيل عملي السابق... استلمت ورقة الحماية بالشهر الثالث... وقبل يومين (الثلاثاء) بكفر سوسة سألت وكلولي ملفك انحال توطين... زين اذا طلعت لبلد ثاني يصير اقدم مرة ثانية لو انقل ملفي لو شاسوي؟ يعني انت نصحت الاخ UN بان يطلع ويقدم على الاردن... مراح يعتبروه سائح وممنوع التقديم على بلدين؟ ارجوك جاوبني بكلشي تعرفه
تحياتي

[rafid82]

أخي الكريم
مهند اجابة على سؤالك لا  ماراح أثر مادام انت ما امسوي مقابلة التوطين و اني هسة من قدمت للاردن حتى ماكتلهم انه اني كنت مقدم بسوريا لان قلت لهم اني كنت اريد اقدم على برنامج الهجرة المباشر  وطبعا ماانقبلت بالبرنامج لان الجهة الامريكية ماردت عليهم

و بمقابلة التوطين  من سالتني ليش اجيت على الاردن  قلت لها انه كنت اريد الدخول على الاردن بس كانت الفيزا صعبة و مغلقة مما اظرني للدخول الى سوريا

يعني 100 عذر تكدر  تقول لهم
واني بمقابلة الاولى بسوريا قابلتني وحده  من قلت لها اني مشتغل مع الامريكان  و مهدد تعرف شنو ردت علي قالت  بس يعني انت من مشتغل مع الامريكان معناه كنت بالمنطقة الخضراء و محمي من قبل الامريكان ؟؟؟!!!!!

اني من قالت ي هذا الكلام ايست  وقلت الامم المتحدة بسوريا مخترقة من قبل الامن السياسي و المخابرات و كلمن مشتغل مع الامريكان خلي اشوفله غير بلد احسلهه

[دنفش]

اخي كلام الخ رافد مضبوط ما تحصل شي ما دام انت بسورية لان اني قريبتي دز علبها اخوها وهو باميركا قابلت المنظمة بسوريا وسالتها انت تشتغلين كالت الها اي جاوبتها  لعد ما تحتاجين اخوج ورفضت شغلتها رجعت لبغداد وقدمت وهسة حاليا تنتظر المحلفين يعني ال يو ان مخترقة من قبل الاستجبارات السورية هناك وما دام انت مشتغل ويا الامريكان فعليك اما عمان او بغداد ومن اللة التوفيق

[الحديقه]

اخي العزيز اني هم نفس حالتك ومن 2007 مقدم على UNHCR بالاردن وقبل سبع شهور قابلنه بالوأن وراهه خابرونه وره اسبوعين وكالو حولناكم على التوطين ولحد الان لم يتصل احد بنا من IOM ومبقيت تلفون متصلت بيه وحتى قدمت شكوى عن طريق التلفون ومبقيت صندوق يم باب ال UNHCR محطيت بيه رساله او شكوى ولحد الان ماكو لاحس ولاخبر واكو ناس خلال ثلاث اشهر مقدمين على اليوأن ويتصلون بيهم للتوطين مااعرف شلون.

أخويه المساله ومابيه اني اشوفه شغلت حظ لاأكثر أذا انت جنت بغداد او بسوريا أو بالاردن أو بمصر فماعندك اله الصبر انشاءالله تفرج عليك وعلينه يارب...............


أخوك
الحديقه-عمان

[مهند الديراوي]

اخواني انة اشكركم جدا على ردودكم والرب يسهل على الجميع

[حسين السالم]

الله يسهل عالجميع ان شاءالله وتقبلوا مروري اخوكم حسين السالم