* ared a3rf*

[dosha 1980]

مرحبا اني جديدة هنا بهذا المنتدى عندي سؤال وارجو من الي يعرف شي مضبوط يكولي اني وصلت امريكا قبل 3 اشهر واعيش ويا اهلي في ولاية اريزونا واني مخطوبة هاي3 سنين وخطيبي في هولندا عندا بس اقامة مو مجنس وما اعرف شنو سوي على مود يجي هنا لان اسال هنا الكرايب يكولون لازم تاخذين الجنسية الامريكية وبعدين تكدرين تشوفين حل يعني بعد 5 سنين او يمكن اكثر؟ اني كولش ضايجة رجاء الي يعرف شي عن قوانين امريكا يكولي وشكرا الكم ... دوشا /امريكا/ اريزونا

[BaghdadGhost]

اختي دوشا ,,,

الف هلا بالمنتدى ويانه و ربي يسهلج و الاهل ان شاء الله ,,,

بالنسبه لشغلتج ,,,,, الكلام الي سمعتي مو دقيق ,,,,, ما اعرف اذا عندج كرين كارد لو لا ,,,,, بس كل الي تحتاجي هو ان تحصلين على الكرين كارد وراها تكدرين تسافرين لخطيبج و تتزوجون و تحضرين كل الاوراق المطلوبه و تسوين معامله لم شمل اله ,,,,,, ما يحتاج جنسيه علمود لم الشمل ,,,,,

[haitham40]

اخت دوشه ممكن سوين معاملة فيانسه وتوكلين محامي واذا عندج صور خطوبه تكدرين توثقين الماملة بيه وانشالله صير والو تاخذ وقت بس على ما تحصلين على الكرين كارد تكونين قطعتي شوط طويل  وانا بصراحة مرة عليه هجيه حاله وهس هما هنا عايشن بسعاده واتمنى لكِ التوفيق انشالله

[dosha 1980]

الاخوان اشكر ردكم على سؤالي بس هم اكو شغلة سمعتها لو اخذ كرين كارت انشاء بعد سنة اخذها هنا ما ينطوني فيزا  لان اني لاجئة؟ على مود اسافر يم خطيبي على مود نتزوج لو يصير بس خطوبة اسوي المعاملة وعندي عقد خطوبة وصور وفلم الحفلة ؟  وما يحقلي اسافر هل هذا الشي صحيح ؟ والله هنا سدوها بوجهي وكالو شغلتج مستحيل و لو اضوجكم بس يا ريت تكولولي لو هذا الحجي صحيح و شكرا الكم

 

[أبــو دجـــلة]

السلام عليكم

أختي الفاضلة .. دوشا

تحياتي .. لتكن الطمأنينة تسكن ذاتكِ وأتركِ القلق .. ستقولين بأندهاش كيف ذلك ؟!!!
يحق لكِ من اليوم بتقديم طلب وعن طريق الأنترنيت الى وزارة الهجرة الأمريكية ..
لأجل السفر الى هولندا
 ومن ثم الزواج هناك إن شاء الله وتوثيق الزواج قانونياً
وكذلك توثيق حفل الزفاف بالصور والفديو ..
أختي .. يحق لك السفر حتى وأن لم تحصلِ على البطاقة الخضراء .. وحتى لو كنتِ لاجئة
فقط قدمي طلب الى وزارة الهجرة .. أتمنى بأن تكون أجابتي واضحة وبالتوفيق والسعادة
مع تقديري

أخوكم .. أبـــو دجــــلة

***

[dosha 1980]

الاخ المحترم ابو دجلة الله يفرح كلبك مثل ما انت فرحت كلبي بس هم اكو شغلة تكدر تنطيني العنوان مال الوزارة الامريكية او ويب سايت مالتهم على مود اكدر ادزلهم الطلب بس اني اريد اتزوج هناك واجيبا هنا اكدر لو لا لان كالو هذاالشي مستحيل؟ اتمنى تصير هاي الشغلة لان والله فاقدة الامل ان نوصل البعض وشكرا الك اخي العزيز تحياتي