حول مقابلة ال un مابعد الرفض

[الحبايب]

السلام عليكم...

اخواني واخواتي الكرام تحية طيبة...احنه من المرفوضين من امريكا وملفنه الان بال un وحسب منعرف انو بعد كم شهر راح تتصل ال un لغرض ابلاغنا بمقابلة توطين جديده على بلد جديد...

السؤال هو...في هذه المقابلة الجديده بال un شنو راح يطلبون من عدنه من مستمسكات... وشنو اللي راح يصير بهاي المقابلة يعني شراح يكولولنه وشراح يسالونه... وهل يبلغونه على البلد الجديد بهاي المقابله ام لا؟؟؟

وهل يمكن حذف شيء من القصه او اضافة شيء للقصه بهذي المقابلة؟؟؟

وبعد كم يوم من هذي المقابلة برايكم راح يدزون علينه ويبلغونه انو البلد الفلاني قبلنه...


اما السؤال الاخير هو...
ما هي طبيعة المقابلة للوفد الكندي يعني شنو الاسئلة اللي يطرحوهه وشنو الامور اللي يركزون عليهه وهل همه نحسين مثل المحلفين ام لا...
واي تفاصيل اخرى تحبون تفيدونه بيهه الله يبارك بيكم...
واحنا بانتضار ردودكم الكريمه بفارغ الصبر اخواني...





اخوكم
الحبايب...
 

[ryan007]

اخي العزيز حبايب معلوماتك خاطئة لان بعد ما تنرفض من اميركا ملفك راح يتحول لليو ان وهما راح
يشوفولك بلد استيطان ثاني وماكو اي مقابلة باليو ان بعد رفض الامريكية بس راح تكون عندك مقابلة وحيدة ويا الدولة الى راح يحولوك الها اذا كانت استراليا او كندا بس اذا دولة اوربية ما عدهم اي مقابلة ولا حتى فحوص بس راح ينطوك طيران وتروح بالسلامة ...
هذا الحجي يصير يمنا هنا بتركيا
وتحياتي للجميع

[وين اروح]

 الاخ العزيز حبايب تحيه طيبه
 مثل ماتفضل الاخ ryan007 اليو ان هي راح تتصل بيك انا رفضت توطين امريكا
 وبعد فتره قليله اتصلو بيه اليو ان وطلبو مني عنوان اقاربي الي في اوربا ولم
 تكن هناك اي مقابله ثانيه فقط تكون المقابله مع الوفد الذي سيقبل توطينك
 انشالله  ويجب ان تكون قصتك الاولى يعني بدون تغيير الا اذا كانت هناك مستجدات
 تفيد قضيتك ... اتمنى لك الموفقيه يارب ..

[كرم كوكو]

السلام عليكم  اشونك اخوان
صحيح مثل ماكالو الاخوة  ايشوفون بلد ثاني وتكون مقابلة وحدة
بس عندي سوال الى الاخ    وين اروح    انت اجاك  رفض وانتصلو بيك انت من اين يعني من تركيا

[وين اروح]

  الاخ كرم كوكو انا في الاردن ولم يتم رفضي انا رفضت اعادت توطيني باميركا عندما قابلوني
 في منظمة الهجرة الدوليه  وطلبت اعادت معاملتي الى اليو ان بحجة اني ليس لي اقارب
 او كفيل في اميركا وبالفعل اعادوا ملفي الى اليو ان بعد ان وقعت على تنازل توطيني في اميركا
  ...........

[jony us1]

سؤال اخوان اني اخظت فسفو ريه وخابروني كالو اتجدد المقابله سنه الجديد صاير هيجي حاله  اني اب تركيا مساعدة

[الحياوي]

اخي العزيز حبايب
بعد سنه منالانتظار اجاني رفض من استراليا
بعده بشهرين حولوني الئ المانيا لوجود اخو زوجتي هناك _وايظا رفضوني
وبعدشهرين اخبروني  بتحويلي الئ الوفد الفلندي
وبعد شهرين _______قبلوني___
وانا الان منتظر اجراات سفري علئ السنه الجديده
ومعي مرفوضين من قبل امريكا
انشاءالله خير  الصبر طيب

[ناردين]

اخوتي حسب البلد هنا بمصر يسون الامم مقابلة وهم يسالون بس الاسئلة عامة وبعدها يكلولك ملفك يروح لبيروت واحنا من الناس الي صارت ويانا وبعد 45 يوم اتصلت السفارة الكندية بينا فامو شرط حسب البلد الي الواحد بي
اخي الحبايب حضرتك قدمت استئناف لو بس طلبت من الامم تغير البلد

[مهند المهند]

السلام عليكم اني هم مرفوض ورةفترة خابروني اليو ان اعادة توطين نفس الاسئلة اسمك الكامل اشلون اجيت دفعت فلوس اشكد   لاتنقص ولا تزود بالقصة لئن قصتك عدهم وراح ايخيرونك على ثلاث دول و بعد تقريبا    شهرين ايخابرونك على الكرت الازرك اتمنى لك الموفقية

[rose rose]

مرحبااا ارجو التوفيق للجميع

ارجوكم عندي سؤال و اترجااااكم اريد رد واضح
عندي اقارب بتركيا منتظرين و طلعتلهم اميركا بس هم رفضو اميركا
وعدهم اقارب حاليا في اوربا 1-هل الاقارب يفيدوهم بشيء؟
و2-شكد ينتظرون يعني بحالة قبلوهم لجوء في اوربا شكد يحتاجون انتظار ؟؟
للعلم هم رفضو اميركا قبل فترة ما تتعدى الشهر على ما اضن
فدايسالون عن الفترة الي راح ينتظروها فعلا سنة كاملة فوق السنة الي هم قضوها بتركيا لو اقل لو كم؟؟؟
اكووون جداااا ممنونة على اجاباتكم
سلامي

[متفائل جداً]

السلام عليكم

هاي المعلومات ماكدة 100 بل 100

كل واحد ينرفض من امريكا ورا اربع اشهر او خمس اشهر مو اكثر بل نسبة الي مقابلين بسنه 2009

يخابرون الشخص المرفوض ويكلولة عندك مقابلة مناقشة رفضك فا يروح صاحب الملف بوحدة او زوجته ويا

يتناقشون بل رفض واسبابة واذا اقتنع الشخص الي ديقابلكم راح تنتضرون فترة اقل من اسبوع ويتصلون بيكم

ويكلولكم عدكم مقابلة توطين وهم ترجع حليما لسالفتها القديمه اذا اقتنعو بيك بهل مقابلة راح يحولوك او هم

يحددولك دولة حسب الاقرباء الدرجى الاولى ولاتصور خلصت من راح تنقبل على دولى راح يكون عندك مقابلة

وحدة ويا وفد الدولة الي مقبول عليها


وبكل الاحوال الوفود الاوربية والكندية احسن بمليون مرة من الوفد الامريكي




اتمنى وصلت الفكرة الى الاخوة المرفوضين من امريكا


تحياتي الكم

[yasooo]

زين اخوان عندي سؤال
اني انرفضت من امريكا وقدمت استئناف بالاي او ام. هل من الممكن اعادة توطيني في بلد ثاني؟؟
لأن رح يصير 3 اشهر وماكو جواب. شنو العمل بهالحالة؟

الى متى ابقى انتظر الاستئناف ويجوز بعدين هم رفض
اكو طريقة ارجع بيها لليو ان

مع الشكر وتمنياتي للجميع بالموفقية

[متفائل جداً]

عزيزي  yasooo

اول شيء اريدك تتطمائن من هل ناحيه اذا الاستناف مالك اجه ولا ما اجه خلال 4 او 5 اشهر همه راح يطلبوك اليوان

طبعا اذا عندك خرابيط بل مقابلة اولى اي اليوان راح يصحوحها وكانو مسوي مقابلة توطين جديدة وبعدين

راح يحولوك لغير بلد

هذا واقع الحال في سوريا الي شفته من اكثر من شخص

واليوان لازم اسفرك بس كلما تغلط بل مقابلات تتاخر اكثر

وانشاء الله تتحول الى اوربا شوية الاوربيين والكنديين ما يدققون على قصة مثل الامركان وتمشي شغلتك بسرعه


لا ادير بال ابد والله داحجيلك حجي موثوق منه

تحياتي الك

[yasooo]

شكرااا عيني متفائل
ما ادري مين تجيب كل هالتفاؤل شو اني الكاابة عندي مفولة

الله كريم ان شاء الله يفرجها
اني بعمان. مشكلتي مو مخربط بالقصة وانما راجع لبغداد وهذا كان سبب رفضي

هسه لو يريحوني ويكولولي مرفوض الاستئناف حتى ارتاح ولا هذا الانتظار بدون فائدة