تحويل فلوس من بغداد الى كاليفورنيا ؟؟؟؟؟؟؟؟

[narim]

الى جميع اعضاء المنتدى اخوكم بضيق و محتاج مساعدتكم

اني بسان دييغو في ولاية كاليفورنيا سؤالي هو اكو تحويل من بغداد الى سان دييغو عن طريق شركة النبال مال بيت طبرة.... اللي يعرف الاجابة لا يبخل على اخوكم

و لا تنسون اني لاجئ و مبلغ الحوالة لازم ما يبين حتى لا تنقطع علي المساعدات

اني شاكر فضلكم

[ملك الحيرة]

اخوي العزيز راح احاول ادزلك رقمهم الي بدبي وانته اتصل بيهم...

[y.a.r.a]

اخ narim
نعم يوجد تحويل عن طريق شركة النيبال
التحويل ايتم بطريقتين
اما على الويسترن يونين وهذا عمولته عاليه ومبلغه ميتجاوز ال 7الاف دولار
او عن طريق رقم حساب في البنك
اذا مردت تضهر المبالغ المودعه في حسابك ممكن ان تنطي رقم صديق ثقه عندك يتحول على حسابه وهوه يعطيك المبلغ

[Abo Andrew]

اني دائما احول من بغداد واني هم مثلك بسان ديكو

الطريقة هية عن طريق مكاتب التحويل في بغداد واكو مكتب بكرادة داخل مقابل سوق ارخيتة ( مكتب الطيف) كلش امين وثقة

والعمولة 1.5 بالمية

من تندز الفلوس الى امريكا راح ايخابرك واحد اسمة عباس من شركة MTC  صاير بواشطن سياتل

هذا راح ايدزلك جيك صادر من بنك ويلس فاركو

دزلي الجيك ورحت بنفس اليوم صرفتة كاش مباشرة بدون ما احطة ديبوست بالحساب مالتي بس شوفتهم الهوية مال كالفورنيا (اجازة السوق) بس يفضل ايكون عندك حساب وياهم

ومياخذون منك اي عمولة بس العمولة اللي اندفعت ابغداد

ولا اتحول اكثر من 5000 دولار لان ترة البنوك كلش صعب اتسوي كاش الهيج مبالغ؟؟

واكو ملاحظة كلش مهمة

ترة اي عملية تحويل فلوس الى امريكا من اي بلد اتكون مراقبة من قبل ال FBI ؟؟؟؟؟؟؟؟؟

تحياتي

[مها البغدادية]

اخوية العزيز
تقريبا كل المكاتب مال الصيرفة الي بغداد اتحول فلوس واني قبل فترة حولت فلوس لاميركا ولاية كنساس وحولناها على الويسترن يونين  وخلال 3 ساعات بس تم التحويل بس اني اكولك النسبة مالتهم عالية والافضل يدزولك مبلغ جبير لان المبلغ الجبير والمبلغ الصغير ياخذون علية نفس النسبة مال التحويل واني على مبلغ ورقتين اخذوا مني 80 دولار وكالي ابو المكتب لو دازة الف دولار لو اكثر ياخذون نفس النسبة والمكتب الي دزيت منه صاير بالمنصور مقابل الاسواق المركزية القديمة .

الله يفك ضيكتك

[Abo Andrew]

اخي العزيز

لا اتحول فلوس بالطريقة اللي ديذكرهة الك الاخوة عن طريق الحساب اللي بالبنك

لان انت خايف على مساعداتك باي لحظة كلشي يوكف عليك ترة مو اتكول مكلي يعني راح ايبين بالستيتمنت مالتك فدير بالك هيج اتسوي

[جوني جاك]

والله خوش موضوع وعاشت الايادي
بس اني عندي سؤال كلش مهم
اذا الواحد اخذ فلوس وياة وين يكدر يضمهن يعني اذا حطهن بمصرف فيمكن يكشفون حسابة واذا حطهن بالبيت يمكن ينباكن ( لان مهما تكون امريكا هم بيها حرامية واذا انسرق ميكدر يكول انو الفلوس مالتي انباكن لان لح يسالوا ليش مكلت انو عندي فلوس)
وشكرا

[bee bee]

أخوية العزيز
مو بس محلات الصيرفه اتحول فلوس

آني حولت اكثر من مرة عن طريق مصرف بغداد
وهذه الطريقة اسهل واضمن وعمولتهم كلش قليله نسبة الى محال الصيرفه
يعني ال9500 دولار أخذو عليها اقل من 40 دولار
بس مثل ماقال الاخوان لاتحولها على حسابك ...لازم اتشوف أحد ثقه
ينطيك رقم حسابه وهو يسلمك اياها من توصل
اني حولت دفعات على 9500 دولار لأن يقولون انه اذا اكثر من 10000 فه ح يسألون
سين وجيم عالفلوس ومنين وضريبه ...الخ


تحياتي

[jayjay]

مكتب الطيف حبي اللي بألكرادة كلش رخيص او اسهلك حبي.