معقولة السفارة تغلس ؟؟؟ منو عندة نفس الحالة ؟؟

[fox13]

الاخوة الاعزاء .. تحية طيبة ...

ما اعتقد السفارة تغلس على موضوع الجواز و الفيسا .. واكيد عدهم سبب مقنع .. بس بصراحة ما اعرف ليش هذا التاخير ... اسمعو السالفة .. كان موعد مقابلتي يوم 13-9-2009 و قابلت على حسب الاصول و حتة القنصل كلي ( احنة سعداء لان راح نصدرلك فيزا الولايات المتحدة الامريكية ) و اني سامع ان الشغلة متطول بس 7-12 يوم ولكـــــــــــــــــــــــــــــــــــــــــن ....... اليوم 15-10-2009 يعني صار 32 يوم و ماكو شي ...


هل هذا امر طبيعي؟ منو صايرة وياه؟وشكدتاخذ بعد وقت؟؟


اخوكم
FoX 13

[ahmad.13]

موشرط

[fox13]

موشرط

ممكن  توضيح رجاءً

[siv2007]

قابل السفاره الامريكيه بسوك مريدي؟؟ يا اخي الجماعه كلشي حاسبين حسابه بس شويه صبر لان كلنا مرينه بنفس الحاله واكو من انتظر 3 اشهر وكلش عادي

[Ross son of iraq]

اخي دزلهم ايميل استفسار ولا تسكت يومية دزلهم ايميل واكتب رقم الايميل من ادزة يعني الايميل الاول من تكتبة وتحلص اكتب الايميل رقم واحد وبعدين الي وراه اكتب رقم اثنين بنهاية الايميل لحد ما ايجابوبوك بسبب مقنع واذا السبب مو مقنع فأكتب لمركز الفيزا القومي ودير بالك تسكت ترة هذولة حشاك مطفين. ليش لان المسؤول عن اجابت الايميلات هوة الشخص الي اخذ منك الاوراق بالبداية بالمقبلة الي اسمه يوسف والي انتة شفته هوة "عربي" وبعد عندك الحساب اشكد مطفي.
تقبل مروري اخوك روس ابن العراق