حيرة .. قلق .. خوف

[ام تبارك]

السلام عليكم اخواني واخواتي اعضاء المنتدى الرائع

اسفة لانقطاعي عنكم فترة .. ولكن اليدري يدري والما يدري شيكول
المهم واجهتنا هواية مصاعب واشغال وسويت عملية ..
والله حالتنة يرثا لها بهاي الولاية الزبالة (( ويسكنسون )) .. ف المنظمة الي هنا زبالة ولا يحركون ساكن والمنطقة الي اني بيها اسمها (( ميلووكي )) تمتاز بالبرد لقاسي وماكو شغل ونصها عبيد وناسها تعبانة وطبيعتها زبالة

واني هسه جدا محتارة وين انتقل ليا ولاية واني ما اعرف اي احد باي ولاية .. انصحوني الله يخليكم

[عكعك التطوى]

عليكم السلام اختي ام تبارك وتحياتي الى ابو تبارك العزيز

ويؤسفنا ان نسمع هاي الاخبار السيئه ولكن اختي حاولوا ان تغيرون الولايه وخاطبوا اي منظمه موجوده بالولايه التي تنون الذهاب اليها واخذ موافقتها  ويفضل ان تتحملوا لحد متخلص مده المساعدات واتمنى ان اكون هناك كي استطع ان اساعدكم بشي

تحياتي وتمنياتي لكم بالتوفيق وتحياتي الى الاخ ابو تبارك

[haitham40]

الله يكون بعونك اختي ام تبارك والحمد لله على السلامة وانشالله يفرج عنك ويسهل امرك ...صحيح اختي مثل ما ذكرتي وسكانسن جدآ تعبانه لانه الشركة التي كنت اعمل فيها مقرها وسكانسن وكنت اتردد عليها كثير  وكل شيء فيها تعبان مثل ما ذكرتي ...حاولي ان تجربي شيكاكو فهي قريبة من ولايتكي حوالي ساعة ونصف على ما اعتقد وفيها كثير من العراقيين وكذالك الاخ العضو القرش ابو انس  حاولي الاتصال به وتفهمي منه الوضع وعن كيفية الانتقال اذا امكن ...تمنياتي لك في الموفقيه انشآالله

[ابو يونس]

عيني ام تبارك اصبري  والحمد لله على كل حال الصبر مفتاح الفرج   بس ما معقولة بالسوء اللي توصفي يعني حتى لو المنظمة مو كلش هم  احسن من اللي بدول الجوار اللي بس صرف ولا شغل ولاعمل واللي يشوف بلاوي الناس تهون علية بلوته وانشاء الله الاخوان ما يقصرون اذا اكو حل الك

تحياتي
ابو يونس

[ام تبارك]

مشكورين اخواني على الردود شكرا اخوية عكعوك على روحك الطيبة .. اخوية ابو يونس اذا احجيلك متصدك شحال انت كاعد بيت لا شغل ولا مشغلة وعندك طفل محبوس بالبيت متكدر تطلع لان الجو كلش برد ثلج تخاف على يتمرض ومتعرف احد ابد والمنظمة شنو تكول الهم يكولولك معلينة والله كريم ويذبوك شحن! هذا حالنة اخوية ..

مشكورين مرة ثانية ومقصرتو

[مشيكان]

الاخت ام تبارك كان الله في عونك وربي يساعدك ويساعد عائلتك اذا تريدين تتحولين اني افضل ان تتحولين بعد قطع المساعدات وتجين الى مشيكان لانه بيها كلش هوايه عراقين وما تحسين ابد بغربه وتكدرين تختارين المنطقه الي تريدين تسكنين بيهااكوا مناطق بالايست سايد كلها عراقيين وخصوصا اهلنا المسيحين وايضا منطقة ديربورن بيها اهلنا المسلمين وايضا اكوا مناطق مستواها الخدمي افضل وايضا بيها عراقين وهيه افضل من شيكاغو بشئ واحد انه مشيكان ارخص من حيث الايجارات والمواد العذائيه والملابس وهنا نهائيا ما تشعرين بالغربه وكأنما بالعراق حتى الاطباء اغلبهم عرب وعراقيين وبيهم من الاطباء باقي على اصالته ويحب مساعده لعراقيين اني صارلي سنه ونصف من جيت بيها وكلش مرتاح بس عندك مشكلة الشغل وهاي بسبب الاقتصاد الامريكي تعاني منها اغلب الولايات

اخيرا تقبلي مروري

[Wingo]

الله يفرج همومكم أختي أم تبارك و الله هذه الخبار أحزنتنا
أختي الكريمة صحيح ظرفكم صعب ، بس المهم أختي أنه أنتم هسة بأمريكا و تقدرون تنتقلون لغير و لاية و إن شاء الله يصير كل الخير ، أنتم هسة حرين نسبياً في الحركة ، يعني أفضل ب 100000 مرة من اللي قاعد في دولة عربية بدون إقامة و بدون عمل !!
أكيد الغربة و الجو المزعج عوامل تضيف إلى شعوركم بالهم و الغم بس هذهالأمور راح تتعودون عليها و تصير الأمور أسهل و أسهل
و مثل ما ذكر الأخوة ولايتي مشكن و ألينوي قريبة فتكدرون تنتقلون بسهولة بإذن الله
الله ييسر أمروكم و يوفقكم لكل خير

[بت بطوطة]

الله يكون بعونكم اختي ام تبارك انشالله الاخوة مايقصرون وياج ..

دعواتي لكم بالموفقية والفرج القريب بأذن الله تعالى

[القرش الاسود]

الله يسر امرك وايكون بعونك وان شاء الله  الاخوان الموجودين بامريكا اكيد ماراح ايقصرون وياج

[ام تبارك]

مشكورين اخواني على الردود الحلوة ونفسكم الطيبة الله يديمكم اخوان للابد .. اما بالنسبة لمشكان فهي كلش قريبة علينة حدود وياها بس المشكلة الجو مالتها هم ثلج وكلش برد نفس الحالة
اتصور الولايات الجنوبية احسن ما اريد اتبهذل مرة ثانية اريد اختياري يصير صائب هالمرة
اختي مدري اخوية شمعه اني راح ارسلك الايميل بالخاص ومشكور على التعاون ربي يوفقكم
اختكم ام تبارك

[ahmad.13]

اني عندي هناك عراقية شاطرة ممكن اساعدك اذا حابة

[fddd]

السلام عليكم اختى ام تبارك  ولاية تكساس مدينة الباسو جوها مثل بغداد بس بالصيف اقل الحرارة وبيها عدد لابئس من العراقيين وبيها انشاء الله شغل وانشاء الله سوف تكون وجهتنا اليها وتمنياتى لكى بان تلكين مدينة الى ترتاحين بيها

[ام تبارك]

مشكورين اخواني عالردود ونفسكم الطيبة .. الله يديمكم وميحرمنة منكم

اختكم ام تبارك