بغداد تمنع دخول 30 عراقياً أعادتهم لندن بعد رفض منحهم اللجوء !!!

[حمودي ابن زيونه]

لندن- ا ف ب

رفضت بغداد دخول 30 عراقياً رحّلتهم لندن بعد رفض السلطات البريطانية طلبهم باللجوء السياسي، بحسب ما نقلت مسؤولة في الوكالة البريطانية للحدود العراقية، السبت 17-10-2009.

وقالت العديد من الجمعيات إن السلطات البريطانية استأجرت طائرة لطرد 40 من طالبي اللجوء العراقيين الى بغداد ومناطق الجنوب. بيد أن 10 فقط منهم سمح لهم بالدخول، بينما تم طرد الآخرين لدى وصولهم العراق، وتمت اعادتهم الى بريطانيا حيث تم وضعهم في مركز احتجاز قرب مطار غايتويك بلندن.

ولم توضح وزارة الداخلية البريطانية اسباب رفض دخولهم الى العراق، او تحديد ما اذا كانت ستقوم بمحاولة جديدة لاعادتهم الى بلادهم.

واعلنت لين هومر المديرة العامة للوكالة "لقد وضعنا مسارا جديدا (للترحيل) باتجاه جنوب العراق وتمكنا من ترحيل عشرة عراقيين بنجاح الى منطقة بغداد" مضيفة "انها مرحلة اولى هامة بالنسبة الينا".

وقالت لين هومر "نحن نعمل بشكل وثيق مع الحكومة العراقية لازالة الصعوبات التي ادت الى عودة بعض المرحلين الى العراق ونأمل ان نتمكن من تنظيم رحلة اخرى في المستقبل" موضحة "مسار (عملية) العودة الاجبارية يشكل مرحلة هامة في استراتيجيتنا العامة".

وتابعت ان اكثر من 2500 شخص شاركوا في برنامج المساعدة على العودة الطوعية في السنوات الثلاث الاخيرة.

واعتبرت منظمة العفو الدولية ومقرها لندن، أن طرد اشخاص الى جنوب العراق ووسطه لم يكن "مضمونا وما كان يجب ان يحصل".

وهي المرة الاولى التي يتم فيها طرد طالبي لجوء الى جنوب العراق وبغداد منذ التدخل الدولي الذي قادته الولايات المتحدة في 2003 في العراق وادى الى الاطاحة بالرئيس العراقي صدام حسين. وكان سبق ان تم طرد عراقيين الى شمال بلادهم.

http://www.alarabiya.net/articles/2009/10/17/88317.html

[حمودي ابن زيونه]

طرد من الندن !!!

لعد اشكد قروا براسهم علما طردوهم واشكم عقد حصلوا

[Anwar Al-ardiny]

الك الله يا العراق
اللاجئ لاحگيه بعربانة وين ما يروح الحكومة لاحگته لا تخليه ببلده مرتاح و لا بالغربة
و المسؤولين كل واحد 1000 جنسية و محد يگولة على عينك حاجب و عوائلهم كلها برة و بوگ و فساد و مشاريع .

[Revolver]

الله يكون بعونة, عمي دمرونة والله المسؤولين والحكومة, كلها ضد الشعب, خلف الله على امريكا
==**

[platini]

زين احسن شيء يرسلوهم الى الى القضاء يعني المريخ مثلا بلكت يقبلوهم كل اللي ديصير بالعراق يتحمله كل الشعب العراقي لان العراقيين انانيين ولهذا صاروا مضحكة مال العالم

[بغداد بقلبي]

السلام عليكم اخواني الافاضل انتم اتعرفون اكو اهواي ناس من الحرب وبداية توطين اللاجئين العراقيين في اوربا وباقي الدول اكو اهواي ناس من جنسيات مختلفه صاروا ايروحون وايكلون انه همه عراقيين وبالبدايه كانت الامور تمشي واعتقد هذوله الي المطار رجعهم وماقبل ايدخلهم من هذوله الناس لان ما احدى اجه استقبلهم بالمطار  وما عندهم اي شي يثبت عراقيتهم وبالحجي وياهم تبين انهم م عراقيين  يعني انتوا اتعرفون الدروب العراقيه بالتحقيق ومنين ناته شنو عشيرتك ومن هاي الييوالف  م لو مو مو ومدام مو عراقيين عليش ايطبون للعاراق باي صفه شنو العراق ناقص  بلاوي

[اينشتاين العراقي]

صدك مثل ميكول المثل (شر البليه ما يضحك)
اريد افتهم شلون حكومه بلد مدخل مواطنيه لبلدهم هههههههههه
والله العراق العظيم بلد العجايب
والمشكله الوجوه السياسيه هيه هيه ما تغيرت وما راح تتغير من ورى هبل العراقيين وسذاجتهم
عبالهم الي ذبح العراقيين وباك ونهب ممكن يتغير؟؟؟
الك الله يا عراق
خلينه نروح لجوء والله يفرجه على جهال جهالنه هاي اذا انفرجت!!!!

[alnoor-النور]

اخي حمودي حفطك اللة مشكور علي هذا خبر لتوضيح امر لجميع وهذا خبرمؤلم بحق العراقين ومعاناة في دول وعدم استقرار في حياتهم ودعاء الي اللة سبحانه وتعالي يحفظ العراقين وان هي مشكلة رئيسية في معاناة العراقين هم حكومة نصف كيلو عدس هي حصة فرد عراقي في بطاقة تمويل في شهر رمضان اما حصة حكومة من وزراء ومشتشارين هي شراء فنادق وقصور وعمارات في لندن وغيره من دول وعجيب في امر هم كانو الاجئين في هذه دول ولهم راتب الاجئي ومنهم برتبة وزير ومشتشار  وعضو مجلس نواب و مستمر في عمل مع حكومه وياخد راتب الاجئي حسب ماذكر في تصريح حكومة دنمارك وهم يحملون جنسية دنماركية وكلمة اخيره ان هولاء طمعهم سوف يقتلهم كونهم لايرون شعب  بسبب عيونهم علي مال وصفقات وعقود تجارية ولهو في مجالس سهر وحفلات ونثر مال علي رقصات وهذا يدل علي اصلهم ومنبع تاريخ عوئلهم نجس وكل حكومة عراقية تحت قدمي واني الان في امريكا وحمد اللة مرتاح وسعيد وعندي حقوقك كوني انسان ولكني اتألم علي اخوتي بسبب تصرفات اغبياء حكومة عراقية  وارجو معذرة من جميع  واكرر شكري واحترامي الي اخي حمودي واكرر شكري مره ثانية عل رسالتك التي ابعثتة لي بيوم سفري وتقبل احترامي وتقديري اخوك النور

[بت بطوطة]

هولندا .. الدنمارك.. السويد .. وهسة بريطانيا طبكت عالسرة!!

حسبنا الله ونعم الوكيل ..

يعني صدك لارحمك ولا اخلي رحمة الله تنزل عليك !

[ارخميدس]

جان صدام يكول اللي ما يريدنا ما نريدو  وهاي الحكومة التحفة تكول اللي ما ييردنا مو بس ما نريدة لكن نطيح حضة وين ما يروح حسبي اللة ونعم الوكيل

[vincenzo]

يابة اخوان تره هذا كلش خوش خبر
وموقف كلش نبيل من الحكومة العراقية
فما اعرف انتو ليش هيجي بس تريدولكم سبب حتى تجيبون الحكومة العراقية بطاري السوء
السالفة وما بيهه انه همه 44 عراقي (والله اعلم عراقيين لو لا) واصلين قجغ لبريطانيا
يعني ما عدهم اي مستمسكات تثبت عائديتهم لاي بلد
كعدوهم البريطانيين بمعسكر (يعني كانه سجن) لحين البت بمسألة قبول لجوءهم ببريطانيا
ومن انرفضوا رادت الحكومة البريطانية ترجعهم بالكوه فأخذوهم بطيارة خاصة لبغداد
الحكومة العراقية عرفت انه 10 منهم اصلا يفضلون ان يبقون بالعراق ولا المذله اللي شافوهه
فسمحولهم بالدخول
بينما الباقين بلغوا الحكومة العراقية بانه هم مجبورين عالرجعه ويريدون يبقون ببريطانيا
فالمسؤولين العراقيين الله يوفقهم دنيا واخره ما قبلوا يدخلوهم وحملوا الحكومة البريطانية مسؤولية منحهم حق اللجوء

يعني اذا دخلوهم راح تكولون هذا اتفاق بين الحكومتين حسب نضرية المؤامرة اللي عقولنا مع الاسف متشبعه بيهه
واذا ما دخلوهم تصنفون عالحكومة وسويتوهم من جماعة اللي ما نريدو هههههههههه
خلي اي واحد من عدنه يتخيل نفسه بمكان هذولة الجماعة فشراح يكون موقفة اذا رجعوه مره ثانية لبريطانيا ؟؟؟
مو يركصلهه بجفية؟؟
الله يهدي ويوفق الجميع

[alnoor-النور]

 تحية طيبية لجميع وارجومعذره  منكم ومن  منتدي عنكاوا  علي نشر هذا فلم  ولكن الي الذي دفعنيى لنشر هو احد اخوة الذي كتب اننا نريده نركصله بجفيه وانا اقول له اننا لانرقص ولكن نتالم علي وضع ولكن هم حكومة هي ترقص بجفية علينا ولايهمهم اح من شعب انظر الي فلم  وهم يرقصون ويعطون نصف كيلو عدس لفرد واحد من شعب وهم يلعبون بحقوقه وحصة من بلده هل احد عاقل يعتبر هذه حكومة اخواني هولاء عباد ايران ومال وملاهي وكل انسان يعمل ماورث من اجداده وارجو معذره اخوتي ومنvincenzo
عضو مميز جدا

وشكرا  اخوك النور



http://www.youtube.com/watch?v=f8egYNAd7AE

[vincenzo]

لك هله بعمي نور الوردة
اني جان عندي امل وحلم ان ترجعلنه هالرجعه الحلوة وتنورنه بكلامك الجميل
بس شو سافرت وهم بعدك تكتب عالسريع ومتخلي "ال " التعريف على كل الكلمات يا عيني
اني وضحت حقيقة الموضوع بردي الاول وما اعتقد من واحد تساعده حكومته الديمقراطية المنتخبة من غالبية الشعب على ان يعيش بدولة راقية مثل بريطانيا فهذا فد شي مو زين
مو؟؟؟؟
وما اعتقد انه الموضوع بيه لا من قريب ولا من بعيد سياسة وطائفية وايران وروافض ونواصب ;Dاللي حضرتك نوهت الهه فارجو قراءة ردي الاول جيدا وتفهم الموضوع
وتبقى انت ابو التميز وعلى راسي

[alnoor-النور]

اخي vincenzo حفظك اللة وانت اخ قبل صديق ولك كثير من مواقف طيبة وانا اتشرف انك لي اخ وصديق مثل حضرتك ولكن سبب قصدي هو كل معاناة شعب عراقي من قريب ومن بعيد وصغيره  و كبير ه هي حكومة واقدم لك مثل نفترض عراقي طلب اقامة في احد دول وهذه دولة رفضت اقامة كوني عراقي وسبب هو حكومة التي حعلت وضع عراقي هكذا   اخي انا لا اقصد انك تتكلم بطائفية  ولاايران بل اقصد كلامي علي حكومه طائفية وايرانية انت مجرد لك تعليق علي خبر وانا كذلك قدمت تعليق وفي نهاية انا وانت حبايب واخوه هو كله مجرد نقاش وتفاهم علي كل حال انت شلونك انشاء اللة تكون بخير وصحه واني اقدم تحياتي واحترامي لك وبنسبة  حرف ال وتعريف كوني اكتب سريع وهذه تحدث مع كل انسان في طابعة واعتقد يوجد سبب اخر ورئيسي هو منتدي عنكاوا فيه كافة اخوتنا من جميع دول ومنهم ينتطر وعلي وشك سفر وقصص معاناة  يكون واحد عندما يقراء هذه مواضيع يتالم معهم  وتكون كتابة عدم تركيز في بعض رسائل ومشكور علي تنبية  ومع هذا انا حاضر سوف اكتب لك حرف تعريف وهو وهذه مقدمه علي حساب ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا                 للللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللل                        وشكرا لجميع اخوك النور

[جرح الزمن]

السلام عليكم
اعزائي الكرام حبيت اشارك في هاذا الموضوع وانا اعتقد ان الاشخاص الي رجعتهم الحكومة ليس عراقيين .....انا في عام 2002 كنت في تركيا وكنت احاول الخروج الى اوربا عن طريق الهجرة الغير شرعية وبصدفة المهرب جاب جماعة اثنين صوماليين وثنيين مصريين طبعن صرت اسولف وية المصري شلون اجيت وين رايح قال انا رايح الى المانيا اطلب لجوء قلت لة انت مصري مالك لجوء في المانيا احتمال يرجعوك والله والله تدرون شنو قال لي قال احكيلهم انا عرائي عرائي مو عراقي يعني عراقي مايعرف يتلفظها هاذا الشيء صار وياي يعني الاخوان الي رجعتهم اعتقد مو عراقيين او اغلبهم يمكن ماعدهم مستمسكات تثبت عراقيتهم
اشكركم اخوان على هاذا الموضوع
اخوكم جرح الزمن

[john simon]

اعزائي الكرام
تحية طيبة
اتصور هذا المنتدى خصص الى قضايا اللجوء وخبراتهم وليس الى اغراض اخرى.ـ
اعزائي تمام اكو اهوايا عرب منطين بانهم عراقيين او اخذو لجوء, لكن انتم دتناقشون قضية الللاجئين الذين رجعتهم بريطانيا او رفضتهم العراق بعد شنو كل واحد يحجي من جيبا مع اعترامي للتعليقت البعيدة عن الموضوع هسى ارفق لكم مقال نشرتا جريدة الصباح او اقرو حتى تتأكدون ان اللاجئين عراقيين لو لاء, بالاضافة الى تعليق وزير عراقي على هذي الحادثة هم, تقبلو تحياتي او خلو طرح ارائكم ديمقراطي او بدون عصبية وشكرا
اخوكم
جوسي  البغدادي ناشط في حقوق المهجرين والمهاجرين المانيا
وزير الهجـرة العـراقي: سجـن في بـريطانيـا افضـل من حيـاة في سـوريا
(صوت العراق) - 19-10-2009
في اطار اهتمام واسع ابدته وسائل الاعلام الاجنبية بحادثة طرد بريطانيا لعشرات ممن رفض لجوؤهم وأبعدوا الى العراق الذي رفض تسلم معظمهم، قالت صحيفة نيويورك تايمز الاميركية في عددها الصادر امس ان غياب التنسيق بين لندن وبغداد هو الذي احاط القضية بإجراءات مربكة وأدى الى تباين المعلومات بشأنها.
وذكر التقرير الذي أعده من بغداد مراسلا الصحيفة رود نوردلاند و جون إف. بيرنس، ان بريطانيا قامت بترحيل 50 لاجئا عراقيٍا الى العراق، لكن السلطات العراقية التي صعدت الى الطائرة في مطار بغداد لم تسمح إلا لتسعةٍ منهم أن ينزلوا منها، ثم أعادت الباقين الى بريطانيا، حسب ما أكّده عددٌ من المسؤولين امس الاول.
ورغم أن الحكومة العراقية كانت قد شجّعت اللاجئين على العودة الآن وقد أصبحت البلاد أكثر أمناً، إلا أنها اتّخذت موقفاً مُغايراً تجاه أولئك اللاجئين مِن الذين وصلوا الى أوربا والذين لم يصلوا هناك في الغالب إلا بعد دفعهم آلاف الدولارات للمُهرّبين.
ويُذكر بأن عدداً من دول شمال أوربا قد حاولت ترحيل مَن رُفِضَت طلبات لجوئهم، وخاصةٍ أولئك القادمين من العراق. ففي الدنمارك، استجار 17 عراقياً بكنيسةٍ في محاولةٍ منهم لمنع ترحيلهم.
وفي حادثة الخميس الماضي، كان اللاجئون التسعة الذين سُمِح لهم بالنزول من الطائرة هُم أولئك الذين قبِلوا بأن ينزلوا طوعياً والذين كان بإمكانهم أن يُثبتوا بأنهم ينتمون الى مناطق الوسط أوالجنوب من العراق، وذلك على حد قول وزير الهجرة والمهجّرين، عبد الصمد سلطان، في مقابلةٍ أُجريت معه السبت.
ما عناه ذلك، من الناحية العملية، هو أن العرب كان بإمكانهم أن يبقوا لكن الأكراد لم يستطيعوا ذلك، رغم ان مسؤولين آخرين أفادوا بأن الذين رفض استقبالهم لم يكونوا اكراد بل مصريين وفلسطينيين زعموا انهم عراقيون كي يقبل لجوؤهم في بريطانيا.
ونقل التقرير عن الوزير سلطان ان "الواحد والأربعون الآخرون أُعيدوا لأن معظمهم كانوا تابعين لحكومة إقليم كردستان".
الأكراد الذين ينتمون الى شمال العراق هُم مواطنون عراقيون أيضاً، لكن حكومة كردستان تعمل بصورةٍ مستقلةٍ عن الحكومة المركزية في العديد من الجوانب.
ويضيف الوزير "نحن نرفض أيضاً عمليات الترحيل غير الطوعية، فعمليات الترحيل يجب أن تكون بكرامةٍ وإظهار احترامٍ لإنسانية المُرحّلين".
يُذكَر بأن مجموعات مناصرة اللاجئين ومنظمة العفو الدولية يعتقدون بأن من السابق لأوانه إعادة اللاجئين الى منطقة وسط العراق، فإذا "اعتُبِرَت بغداد الآن آمنة، فأيُ منطقةٍِ إذن هي الخطيرة على وجه هذا الكوكب؟ " كما تقول ساندي بوشمان المُتحّدثة باسم مجموعة "ريفيوجي آكشين"، في تصريح لصحيفة الغارديان البريطانية.
وقد كانت الرحلة تلك تتويجاً لسنواتٍ من الجهود الرامية الى إبعاد طالبي اللجوء العراقيين من بريطانيا والذين كانت طلبات معظمهم قد رُفِضَت لكنهم بقوا في بريطانيا طوال مراحل طويلةٍ استغرقتها الاستئنافات. حيث حُكِم على العديد منهم بالسجن لدخولهم بريطانيا بصورةٍ غير شرعيةٍ، وبعضهم ظل رهن الاعتقال حتى بعد إنهاء محكوميته بالسجن لعامٍ واحد. وقد طالب العراق سابقاً بـإطلاق سراح "وليس إعادة"، ستين مِن مِثل هؤلاء السجناء، حسب قول السيد سلطان.
وقد قال متحدثٌ باسم السفارة البريطانية في بغداد، جواد سيد، بأن اللاجئين قد أُعيدوا "بسبب بعض الأمور الإدارية هنا". مضيفا "سنتغلّب على بعض المشاكل ثم نُعيد الكرّة".
لكن الصحف البريطانية من جانبها، صوّرت القضية على أنها عملية إخفاقٍ مُخزٍ، حيث ذكرت الديلي ميرور بأن الطائرة التي استؤجِرَت للغرض قد كلّفت 410 ألف دولارٍ تقريباً ثمناً للرحلة المُرجّعة، مُضافةً إليها تكلفة 99 حارساً امنياً كانوا يُرافقون المُرحّلين.
وأضاف الوزير سلطان أن كُل مَن وافق على البقاء من المُرحّلين أولئك حصل على 150 الف دينار (130 دولار تقريباً) بالإضافة الى النقل الى مناطق سُكناهم الأصلية.
وقد انتقد الوزير الجانب البريطاني لعدم تنسيق أمرالعودة مع العراق. "علينا أن نستحدث لجنةً مُشتركةً لدراسة الأمر هذا"، قال الوزير. "فأولئك الذين يعودون لن يُفيدوا إلا في زيادة حجم مشكلة المُهجّرين داخل العراق". وأضاف السيد سلطان بأنه في الوقت الذي كانت في سياسة الحكومة العراقية تسير باتجاه تشجيع عودة اللاجئين، فإن الأولوية كانت تنصب على الأعداد الأكبر بكثير للمتواجدين منهم في البلدان المجاورة. وقد أكّد مسؤولون بريطانيون أن اللاجئين الذين أُعيدوا الى بريطانيا سيعودون الى الاعتقال.
ويعلق الوزير سلطان بشيء يمزج السخرية بالواقع "بالنسبة للعراقيين، ربما يكون السجن في بريطانيا أفضل من العيش في سوريا".
بغداد ـ عمار ياسر
الصباح الجديد 
 

[Revolver]

أخي جون سايمون,

الف شكر على نقل الخبر, بارك الله بيك

[الضايع]

اخواني الاعزاء كل الكلام اللي حجيتوه عن الحكومه العراقيه صحيح وماعندي اي اعتراض عليه بس نسينه نحجي عن الموقف البريطاني ال....................................................   وهو كالاتي
البارحه جنت باتصال عتلفون ويا اخويه ابريطانيا وهو عندي جنسيه بريطانيه كلي تعرف فلان وهو صديق وابن منطقتنا اصار وياه كلي سفروه ويا ال 30 واحد وبطريقه حقيره وهي انه كل اسبوعين ايروحون ايوقعون فالجماعه منتظريهم وكبل للمطار وايكول اكو واحد وياهم يم خرطوم الطياره رفض يصعد للطياره ناموا عليه مجموعه ودك دفرات وبوكسات وهذا صديقنا هسا ابغداد ديبجي دم ايكول ايكول مينعاش يوم ابغداد والباقي عدكم

[john simon]

اخي الضائع
تحية طيبة
اخي وياك الحق او ويا اخوك هم لانه الدول الاوربية اموقعة على معاهدة حقوق الانسان او هي ما اتمر ابظرزف حرب, بي نحنا انكول الحكومةالعراقية ماطول رجعو العراقين الى ابلادهم خلي يتساهلون او يقبلوهم هذا هم عراقين مثل ما اتفضلت او قلت هذا ابن زطننا رحعو او عذبو او ديبشي دم خلي يدخلوهمالوطنهم, او انا ما انفي انه اكواهوايا مو عراقيين منطين على انهم عراقيين بس هذولا اللي رجعو حسب تقرير جريدوة الصباح انهم عراقيين.
بس اكو نقطة وحدة ارييد ابينها الكم وهي ان رجال الامن المرافقين لهذولا اللاجئيين مااهلهم حق يعذبون اي واحد لانه محاسبين بالقضاء اما في ابلادهم او في الاتحاد الاوربي, فاذا تعرف احد امعذبي بالرجعة ياريت ادزلي بعض المعلومات والمستمسكات حتى انقدمها لكنظمات حقوق الانسان لاجل ان انقاضيهم لانه مو هوسة اهنا اب اوربا, او لعلمكم اكو اهوايا قضايا اقيمت او المذنبين اتعقبو على جرائيمهم او المتضررين حصلو على تعوضات باهضة او ابوك الله يرحمهوالسلام.
اخيك
جوسي البغدادي
ناشط في حقوق المهجرين والمهاجرين المانيا