الى جماعة تركيا ارجو الجواب بخصوص عدم محكومية؟

[أ.ج.ت]

السلام عليكم.
اخواني الاعزاء اني كنت بعمان عام 1999 وبقيت 6 اشهر وكم يوم فهل صحيح انو لازم اجيب عدم محكومية من الاردن .ارجو من اي شخص عنده معلومات اكيدة انو يرد على سؤالي لان الموضوع دمر اعصابي وشكرا لكم.

[fady azir]

   
 اخي العزيز وضح الشغله انت امقدم على اليو ان في عمان وتريد اتقدم ابتركيا شنو الشغله مال عدم المحكوميه 

كنا في تركيا بس لايوجد احد يسأل على عدم المحكوميه اكو  ناس جاين من كل دول الجوار ماكو هكذا كلام

وضح الموضوع

                اخوك ابن العراق

[القرش الاسود]

اخي العزيز انته امقدم على هجرة على كندا لان اني اعرف بس كندا اتريد عدم محكومية  واذا كانت عندك عدم محكومية عراقية اعتقد تكفي  بس اتكون امصدقة بالسفارة العراقية وتمشي الامور

[أ.ج.ت]

اخواني الاعزاء اني بتركيا مقدم على اليو ان وتوطيني على امريكا وباقي على مقابلة المحلف وسمعت من صديق  اذا كنت مقضي فترة 6  اشهر واكثر باي دولة فحيطلبون عدم محكومية من ذاك البلد... فهل هذا الشي صحيح؟

[fady azir]

   
 اخي العزيز

يعني انت منتظر icmc الثانيه  الخاصه بالمحلفين  اولا طلبو من عندك بالاولى والثانيه عدم محكوميه  على شنو ايطالبوك هسه بيها اخويه لتحير اشوكت موعد المقابله مالتك بهذه الجيه لو بعد مخبروك حتى نستفسر من الناس الي نعرفهم نفس حالتك ونرد لك الجواب او لضوج نفسك 
انت لوحدك ام مع عائلتك  او تدلل وانشالله خير

              اخوك
               فادي

[الذكي]

ما اعتقد اكو هيجي فلم مال عدم محكومية لانه اليوان تركيا متسال علة هيجي مواضيع يمكن هسة بالجديد متغيرة قوانينهم ما اعرف لانه قبل مكان اكو هيجي

[أ.ج.ت]

شكرا فادي والذكي . اني بتركيا وي عائلتي والمفروض مقابلتي بهل اللجنة لان الثانية مسويها بالسادس. الموضوع انطرح لما صديقي قرة بالمواضيع الثابتة موضوع للاخ فالكون عن التقديم لل IOM وكان احد الاخوان موجود باوكرانيا وسال على عدم محكومية وجاوبوه انو لازم يجيب عدم محكومية اذا باقي باوكرانيا اكثر من ستة اشهر هذا الشي خلاني افكر انو اسال فاذا تعرفون اي شخص كان مسافر وسالوه انو يجيب عدم محكومية وشكرا على مروركم.

[الذكي]

حبيبي الغالي اصلا انت شغلتك منتهية شنو عدم محكومية اصلا لو همة كان يريدوها كان طلبوها منك بالاولى لتدوخ حبيب ماكو هيجي شي

[fady azir]

   اخويه ا  ج ت 

لتفكر زايد اتوكل على الله  لان سألتلك عائله كانت في سوريا شهرين  او مشت امورهم اوكي ........ لاطلبو عدم محكوميه ولا شيء او ثانيا انا الي اعرفه ياخذون العراقين من بلدهم عدم محكويه اخاف يحتاجونها في دول العالم وتسقط لمدة ستة اشهر  والمحلفين ممحتاجين عدم  محكوميه لان عدهم طرقهم الخاصه الي ايعرفون كلشي عنك او ميعبرهم  اي شيء خليها في بالك ماشالله يشتغلون كلش زين واذكياء .......بس اشعجب مخبروك على الثالثه جماعة شهر السادس خبروهم 

متمنين لك التوفيق ولا تفكر

                    اخوك فادي

[أ.ج.ت]

ممنون حبيبي فادي على ردك الحلو.. مااعرف شنو القصة كلت باجر اخابرهم والله يفرجها على الجميع

[fady azir]

   
الاخ ا ت ج

لا ماكو داعي اتخابرهم اشو الملحه موزينه  خليها على الله

نتمنالك التوفيق

                   اخوك ابن العراق

[ابو ايمن]

حبي اي جي تي دير بالك تخابرهم ترة مثل مكال صديقي الملحه مو زينه وبعدين ترة همه تتولد عدهم شكوك من تضل تخابر عليهم فاصبر فان الله مع الصابرين

[أ.ج.ت]

ابو ايمن وفادي الورود اشكر اهتمامكم ونصائحكم اني وداقرة الرد مال ابو ايمن العزيز اجاني تلفون مقابلتي يوم 12/11 ادعولي

[fady azir]

      الاخ العزيز أ ج ت  والعائله

  الف الف مبروك على موعد المقابله يارب الله ايسهلها عليك وسوي المقابله وتخلص من التفكير  وصير اسوالف  بس اهم شيء في المقابله اتكون مرتاح نفسيا حتى اتسولفلهم  وبدون اي خوف  لان اللجنه تحب الصراحه وتوجيب على قدر السؤال اوكي نتمنى لك الموفقيه او ننتظر  اتبشرنا بقبول الملف

             نتمنى الموفقيه لكل العراقين الملتجئين في دول الجوار وخاصتا الملتجئين في الدوله الشقيقه تركيا

                              ابن العراق

                                فادي \امريكا