لماذا تأخير الموافقات الامنيه بشهر 3_2009

[Son Iraq]

السلام عليكم ورحمة الله
تحياتي الى هذا المنتدى الرائع وبيت المهاجرين  والمغتربين
بس حبيت اسئل هل يوجد احد مقابل بشهر 3_2009 والى حد هذه الحظه  لم توصل الموافقه الامنيه مالته  وعلما اني مقابل بشهر 3 ولم توصل الموافقه الامنيه الى حد هذه الحظه  اخوان وسأل ثاني اني سئلت iom مصر يوم الاربعاء على اكسباير  الفحص الطبي ردو لي ينتهي بعد مرور سنه على الفحص الطبي  وبعض الاخوان في المنتدى يقولون  ينتهي في 6 اشهر  فما هو الجواب الصحيح اذا امكن

son lraq
مصر

[drlexa]

مرحبا اخويه ابن العراق...
الوالد والوالده قابلو محلفين بشهر 3-2009 واتسلمو الظرف بداية شهر الرابع ولحد الان واصلة امنيه الوالد فقط!
وبلنسبه للفحص الطبي اني قبل يومين عدت الفحص والدكتوره الي تنطي محاضرات الايدز قالت لي انه الفحص يصير اكسبايرد كل ست اشهر والله اعلم..

ان شاء الله الفرج القريب للجميع

اختكم من عمـــّــان drlexa

[ايات]

اختي هواية باقين من شهر الثالث واني منهم والاخ عكعك   وكثير وكثير هم منهم سافروا وكلنا ننتظر الامنية المهجومة  .اما الفحص فينعاد بعد مرور  سنة وان شاء الله تسهل على الجميع والكل تسافر ......اختك ايات

[Safaa Alkhrkhy]

اخي العزيز اني قابلت في بغداد يوم 21 كانون الثاني  ووصلني قرار المحلف يوم 12 اذار ومن هذاك اليوم ليومنا هذا ((المحلف لم يتخذ قرار))!!!!!!!!!!!!!!!!!!!! واشكرك

[المتمني]

اني من جماعة مقابلة المحلفين في شهر 2 والى الان لم تاتي الامنية

المتمني

[Abo Andrew]

والدي ووالدتي خلصو محلفين يوم 17 شباط 09 ولي هسة ماكو طركاعة امنية

اخي العزيز ترة ماكو تاخير والدليل اكو اشخاص مخلصين محلفين من شهر السادس 2009 واللي منهم واصلة موافتة الامنية والاخر اللي هسة بامريكا

واخونا صفاء خوب من شهر الواحد 2009 ولي هسة ماكو على الاقل انت واني احسن من عندة لعد هو شيكول؟؟
ترة الجماعة محد يعرف شلون يشتغلون؟؟؟ بس ربك

اما بخصوص الفحص فاكو موضوع ذكرة الاخ عاشق الصمت قبل يومين وكان الا اي اوم ام دازيلة ايميل وكايليلة لازم اتعيد الفحص لان صار اكسباير والمدة كانت 6 اشهر

اني دزيت ايميل حتة اسال على هل موضوع ودا انتظر منهم جواب
انشاء الله الايام الجاية الكل يسمع اخبار حلوة ومن ضمنهم اني  

تحياتي

[حبيبتي بغداد]

اني هم مقابل محلفين بنهاية الثالث , ولحد هسه ماكو امنيه . ما اعرف شنو السبب بس نكول الله كريم لان سمعت احتمال تجي قبل نهاية السنه .

[Son Iraq]

 السلام عليكم
اني اشكركم يااخواني واخواتي الاعزاء على ردودكم الطيبه اني كنت متوقع بس اني بقيت من شهر الثالث الي مقابلين المحلفين وينتضرون الموافقه الامنيه  مابيدنا شي نفعله بس هو الصبر  وانكول الله كريم اللهم يفرج هم المهمومين امين يارب العالمين


son lraq
مصر

[عكعك التطوى]

عيني مثل مكالت الاخت ايات اخوك من جماعه الشهر الثالث وبنجاح ساحق ولا يضل بالك شغله كلش طبيعيه  لان من اشوف اخوانه الي قبلنا ( الكبيسي - مشلوع كلبه - متت من الانتظار - ابوصابر - GSM system - ابو محمود - ابو مريم - حمودي ابن زيونه -  وغيرهم الي ميحضروني هسه ) تهون عليه الشغله واذا شفت الاخوه قيد الدراسه صفاء وابو عماد وينكو ارتاح اكثر واحسد نفسي

 وبالنسبه للفحص الطبي هو المعتاد والاغلب سنه ويصير اكسباير ولكن هناك حالات خاصه يصبح الاكسباير 6 اشهر او اقل وتقيم هذه المسأله حسب الحاله الصحيه للشخص وتقرير الطبيب المشرف على الفحص


 تحياتي وتمنياتي للجميع بالفرج القريب