عودة الى موضوع أمريكا تسعى لاذلال العراقيين مرتين

[beepeep]

اخواني الأعزاء

انا اسف اثير هذا الموضوع مره أخرى

http://www.ankawa.com/forum/index.php/topic,343626.0.html


 بس اريد  اشكر الأخ تايكر على رده المناسب و اذكر شغلة
انو كثير من العراقيين اللي جوي اهنا  عبالهم انو راح يفرشولهم الأرض ورد و يقلولهم شبيكم لبيكم الشعب الأمريكي خداميكم

اي شخص جاي لاجئ خلي يكون بعلمه اكو مساعدات و ما يتركوكم بنص الطريق و طبعا حسب الولاية و المكان بس اهنا بكالفورنيا ما يعوفوك و تتحول من برنامج الى برنامج مساعدات و اكو خط تلفون اذا محتاج اكل يجبولك اكل اذا محتاج اهدوم يجيبولك بس فلوس ما ينطون بيدك انت شتريد يجبولك و اكو برنامج غذاء لأطفال الى عمر الخمس سنوات و اكو برنامج مساعدة بالكهرباء و اكو و اكو و اكو

بس انت هم لازم تدرس و تتعلم و تشتغل مو قاعد و تريد تاكل
و أقول للأستاذ اللي مستعرر من كلمة لاجئ انت لو ما لاجئ و جاي هجرة عادي كان فلس احمر او سينت احمر ما تشوف هله على حسابك و ما يساعدك لا لمدة 3 اشهر ولا 8 اشهر

اي احد لازم يتعب بالبداية و كله بفايدة تتعلم الأنكليزي الأمريكي ما تشوفه الأ بالأحتكاك و الكلام ويه الناس

[خالدة القيسي]

الناس تشكي من امريكا ومعامله اللاجيء واني اختي راح ترجع لان صرفت فلوسه او ماكو عمل ولااهتمام
اكو واحد يعيش بدون عمل
ويدفع ايجار وضرائب وخدمات,
اكو ناس عايشه على الجدوة من الكنائس والى متى يوم دوم يضل يجدي

[Revolver]

أخي Beeppeep

يعني محد كال امريكا راح تفرش الارض ورود ؟ عيوني انت, الي يتعب بأمريكا ميضيع حقة .. وهاية اهم شي, الي يتعب سنة وسنتين وتلاثة وعشرة, ميضيع مستحيل صدكني, لأن هناكة اكو قانون او حقوق . بلعراق لو تشتغل مليون سنة كلشي متكدر اتسوي ؟ يعني تقنعني تكدر تشتغل بوزارة او بوظيفة بلدولة ؟ وتكدر تبني بيت وتشتري سيارة بلـراتب ؟ بلـ 200,000 دينار الي ينطوكياها ؟ زين شكد راح تصرف منها على المواصلات والبانزين وللبيت والك ووو وووو .. كومة شغلات, اخي خلي انكون واقعييين, اتعبلك سنة وسنتين وتلاثة, متشوف نفسك الة عندك بيت واتنام وراسك بارد وتكدر تشتري سيارة وبلوكت الي اشتغلت بي اللغة مالتك راح تتطور, وتكدر تنتقل من شغل الـ اخر, ومن راتب قليل الى متوسط , وبلوكت وبلتعب الى راتب اعلى.

وبلنسبة للأُخت خالدة القيسي.

ياريت اتحاول اخر محاولة و تنتقل الغير ولاية, وتروح اتسجل بأي منظمة على الاقل حتى لو تكعد شهر . فـ بهذا الشهر تكدر اتحاول ادبر شغل بلولاية الجديدة وتمشي امورهم ..

والله يوفقكم اجمعين

اخوكم ريفولفر

[beepeep]

حقيقة لازم ما ننساها .... انو   العمر هم أله حوبه  يعني اللي رايح و هو بالعشرينات من العمر مو مثل اللي رايح و هو بالثلاثينات و مو مثل اللي بالأربعينات و هكذا  كل فئة عمرية  تواجه مشاكل  و تحديات من نوع
أضافة الى التحصيل العلمي و أهم شي اللغة و الأندماج بالمجتمع

فيا اخت خالدة حجيج مضبوط من ناحية و ناحية اخرى الظروف تختلف من حالة الى حالة

و أضعف الأيمان تاخذ الكرين كارت و راها شتريد تسوي سوي

[hussein5582]

شباب انتوا ليش مدوخين نفسكم
يابه العالم هنا تشتغل ستة اشهر تاخذ اجازه تروح تتونس اسبوعين او اسبوع كل واحد وامكانية واحد يروح لغير ولايه واحد يروح ايشوف اهله واحد ايشوف صاحبته
انتوا صارلكم كم سنه تستغلون ماخذتوا اجزه اعتبروه سياحه جمعوهه تطلع رايدلكم كل واحد سنه اجازه
خلص تعالوا هنا سنه معجبكم الوضع وملكيتوا شغل وتعبتوا ارجعوا
عجبكم الوضع ابقوا و هي كله او نصه باديه من الصفر
حتى الي عنده فلوس مراح يجبه وياه لانوا يخاف
المهم و اذا رجعتوا محد راح يركض وراكم على قرض السفر لو فلوس المساعدات الي دفعه
اكو ناس عايشه عالكديه والمساعدات 15 سنه وكل ميضوج يريد يزيد المساعدات يخخلف جاهل لو اثنين يبقون 10 سنين يله يحصلون جنسيه
انتوا خلوا ابالكم انتوا جاين سياحه و ريحوا بالكم لانو اذا راح تبقون تحجون بهل الموضوع امريكا زينه لو لا هم الدنيا كله راح يصير فوك راسكم و مراح تلكون حل واني من الناس جنت اخذ وانطي ببهذا الموضوع بس شفته شغله تعبانه خلي كل واحد على راحته

اكو واحد صاحب شركة معروف عنده فروع لشركته بكل العالم لم يريد يفتح فرع ابلد يروخ يعيش بيه شهر يستكشف وضعه حاله حال الناس عجبه الوضع فتح شركه معجبه يرجع لاهله انتوا نفس الشيي سوه
ومشكور
اخوكم حسين النعيمي

[ethan texas]

 اخوية العزيز 

احب اكول  انو لا ابلدك ولا باي بلد من بلد الجواز فرشلك الارض ورد  وانت نايم ايحطون خاشوكة ذهب بحلك المواطن العراقي 

اذا تجي لمصر وشوف ( كرتاس )  والنساء والاطفال والشيوخ  الي واكفيين بمكان فعلا فعلا حقير واسف على هذة الكلمة  اتكول الف الحمدالله والشكر من اتروح لا امريكا ومن تدخل بمشفى  نضيف

وكل هذا علمود دياخذون رااجيتة من الدكتور  حتى ايصرفون الدوى من الصيدلية 

احجيلك عن تجربة شخصية  رجل خالتي  عندة ( فتق ) وعندة حروق بجسمة من ورة الحرب  لا العراق والا الحكومة العراقية ولا ادول الجواز  داوتة وهوة ايعاني من هذة الامراض   
طلع لا امريكا بشهر ال رابع  سوى 3 علميات والحمدالله هسة صحتة كلش زينة 
ابسط الاشياء واتفهة ابنة كان يحلم بشي اسمة  ( بلي ستيشن ) حالة حال اصدقائة  الحمدالله هسة بجهد والدة  الي صار  واسترد صحتى وعافيتة  بدال الواحد صار عندة 3  وجهاز كمبيوتر 

فة مقصد الحجي  الي يزرع يحصد والي يتعب ايعيش  مها  كان البلد الي رايح بية 

والحمدالله والشكر على نعمتة 

اخوكم جوزيف

[Revolver]

اني اكول لو انحول الموضوع الى :     العراق يسعى لأسعاد العراقيييين دوماً .