سهدن

[Shamshi Adat]

ܣܗܕ̈ܢ ܟܫܝܪ̈ܐ ܘܓܢܒܪ̈ܐ
 ܐܢܝ݇ ܦܠܫ̈ܐ ܕܟܠ ܓܢ݇ܒܐ ܩܪ̈ܡܢܐ
 ܣܗܕ̈ܢ ܟܫܝܪ̈ܐ ܩܪ̈ܡܢܐ
ܐܢܝ݇ ܓܢ݇ܒܪ̈ܐ ܐܝܟܼ ܡܠܟ̈ܐ ܕܐܬܘܪ ܙܪ̈ܒܢܐ
ܐܚܢܢ ܢܕܪܐ ܕܗ̇ܝ ܝܡܘܟ݂ܘܢ
ܚܝܢ ܚܠܦܐ ܕܗ̇ܘ ܫܡܘܟ݂ܘܢ
ܒܬܦܚܬܐ ܕܗ̇ܘ ܙܟܝܐ ܕܡܘܟ݂ܘܢ
ܓܘ ܠܒܢ ܦܝܫܠܗ ܕܟ݂ܪܐ ܗ̇ܘ ܫܡܘܟ݂ܘܢ
ܫܡܘܟ݂ܘܢ ܠܐ ܣܪܒܼܚܠܗ ܟ̰ܘ ܥܕܢܐ
ܒܕܟ݂ܪܚܠܗ ܥܕܢܐ ܒܥܕܢܐ.
 
 
ܟ̰ܘ ܥܕܢܐ ܠܐ ܦܐܫ ܡܘܢܫܝܐ ܫܡܘܟ݂ܘܢ
ܒܕ ܗܘܐ ܡܘܬܒ݂ܐ ܠܟܣ ܐܬܘܪ ܡܠܟܘܟ݂ܘܢ
ܓܢ݇ܒܪ̈ܢ ܣܡܝܠܐ، ܛܘܪܥܒܕܝܢ ܘܐܘܪܡܝ
ܦܝܫܠܗ ܫܦܝܚܐ ܕܡܐ ܨܦܝܐ ܕܒܢ̈ܝ ܐܬܪܝ
ܒܕܪܝܐ ܝܢܐ ܩܠܐ ܡ̣ܢ ܟܐܦܐ، ܐܝܠܢܐ ܘܛܘܪܐ
ܡܡܕܘܝܐ ܝܢܐ ܗܘܪ ܡ̣ܢ ܐܝܕܐ ܕܣܛܢܐ ܩܐ ܡܪܝܐ.
 
ܒܕܡܐ ܕܣܗܕ̈ܢ ܒܕ ܟܬܒ݂ܚ
ܥܠ ܓܘܕܢ̈ܐ ܕܢܝܢܘܐ ܐܪܫܟ݂ܝܐ ܕܒܝܬܢܗܪ̈ܝܢ
ܗܠ ܢܦܣ ܐ݇ܚܪܝܬܐ ܝܘܚ ܝܐ ܥܙܝܙܬܐ
ܒܗܪܐ ܕܥܝܢܢ ܝܐ ܐܬܘܪ ܝܡܢ
ܩܕ݇ܡ ܫܡܟܼܝ ܝܢ ܒܪܫܡܟܼܝ
ܠܐ ܟܬܒ݂ܚ ܟ̰ܘ ܣܟ݂ܠܐ ܫܡܐ.
 
ܒܒ݂ܠ ܒܝܬܐܚܪ̈ܟܐ ܕܝܘܠܦܢܢ
ܢܝܢܘܐ ܒܝܬܐ ܕܚܝܠܢ ܐܘܡܬܢܝܢ
ܥܠ ܥܦܪܟ݂ܝ ܡܘܢܫܘܩܬܐ ܒܕ ܡܚܢ، ܐܬܘܪ
ܫܡܫܐ ܕܚܝܠܢܘܬܐ ܝܘܬܝ ܟܠܝܬܐ
ܓܢ݇ܒܪܬܐ ܘܟܫܝܪܬܐ ܕܟܠ ܥܕܢܐ ܟܠܝܢܬܐ ܝܘܬܝ
ܐܬܪܝ ܟ̰ܘܢܒܪܬܐ ܕܦܓ݂ܪܝ
ܝܐ ܡܕܝܠܢܬܐ ܕܐ݇ܢܫ̈ܐ ܕܐܬܪܝ.
 
ܥܠ ܥܦܪܟ݂ܝ ܡܘܢܫܘܩܬܐ ܒܕ ܡܚܢ ܐܬܘܪ
ܒܕܡܐ ܕܥܝܢܬ̈ܝ ܚܠܢ ܐܩܠܟ݂ܝ ܐܬܘܪ
ܝܐ ܫܫܠܬܐ ܕܬܒ݂ܪܐ ܚܝܠܢܘܬܐ
ܝܐ ܕܘܟ݂ܪܘܢܝܐ ܕܣܗܕ̈ܢ ܐܬܘܪ
ܝܐ ܗܒ݂ܝ ܐ݇ܢܫ̈ܢ ܥܒ݂ܪ̈ܐ
ܝܐ ܕܘܟ݂ܪܘܢܝܐ ܕܣܗܕ̈ܢ ܐܬܘܪ
ܝܐ ܗܒ݂ܝ ܕܬܠܝܩ̈ܐ ܐ݇ܢܫܢ ܥܒ݂ܪ̈ܐ
ܝܐ ܥܠܬܐ ܕܫܘܗܪܢ ܘܚܝܢ ܐܬܘܪ
ܝܐ ܐܬܪܐ ܕܡܪܐ ܕܗܝܝܘܬܐ
ܝܐ ܡܕܝܠܢܬܐ ܕܐܚܝܩܪ ܚܟܝܡܐ
ܐܘܚܟ̰ܐ ܡܥܓ̰ܒܢܐ ܘܓܘܪܐ
ܗ̇ܘ ܫܡܟ݂ܝ ܟܠ ܥܕܢܐ ܦܝܫܢܐ
ܓܘ ܕܘܢܝܐ ܐܬܘܪ
ܚܕܬܐ ܐܚܪܝܬܐ ܨܠܐܠܗ̇ܐܪܒܥܒܫܒܐ, 14 ܬܫܪܝܢ ܩܕܡܝܐ 2009 09:57

[موفق هرمز يوحنا]

ܒܣܡܐ ܓܢܘܚ