الى الاعضاء المسافرين سابقا من عمان الى امريكا

[mandooo]

انا موعد سفري يوم الاثنين على يوم الثلاثاء الساعه 1:45 صباحا و كاتبين بالورقة التواجد بالمطار بالساعة الثامنة و النصف مساء ... اريد اعرف بيها شي اذا رحت متأخر مثلاا ساعه 10 مساء و شكرااا

[النورس الحزين]

هو الموضف مال iom يجيكم تقريبا بالتسعه بس ما انصحك لان اخاف الحظ يلعب دوره ويجيكم من وكت فيا اخي رتب امرك بان تتواجد بالوقت المحدد

[Mark_usa]

اخوية العزيز،
تحية لك اولاً،
شكراً على طرحك الموضوع الغاية في الاهمية للاجئين في المنتدى: وهو هل اروح متأخر ام اروح من وكت.
السؤال انت كنت مقدم على الهجرة قبل اسبوع فمو مشكلة اتاخرلك نص ساعة.
اما اذا كان حالك مثل حال الاخوة الاعضاء وصارلك اشهر او سنين تنتظر هاي اللحظة فتأخر براحتك وروح لمن تبدي الطيارة تتحرك بالمطار وصيح بعلو صوتك "هوب"، صاعد.

وتوصل بالسلامة..
وتحياتي

[الصفار الحسيني]

أخوية إحنا سافرنا قبل شهر من عمان، وتأخرنا شوية، يعني وصلنا للمطار الساعة 9 لكينا الكل تقريباً مخلصين الإجراءات من فحص الجنط ومن أخذ معلومات ومن توزين الحقائب، وجنا إحنا آخر الناس ، وكال موظف الـ IOM يلله بسرعة شوية ليش متأخرين.

لأن قبل ميصير موعد الطيارة عندك بعض الإجراءات، وراها تروح شوية تفتر بالمطار،وإذا تريد تشتري شي من السوق الحرة، أو تاكلون، وغيرها.

فالأفضل أن لا تتأخر عن الساعة 9 بالزايد.

وإن شاء الله توصلون بالسلامة

أخوك الصفار الحسيني ـ سان دييغو

[mandooo]

مشكوريين اخواني على الاجابة و الله يوققكم اجمعين

[bee bee]

بس حبيت أعرف هاي الساعتين يعني اشحتسويلك؟؟؟؟
كل هذا الانتظار ماكفى ؟؟؟؟
احنا انظل ننتظر السفر شهور ويمكن سنين
ونكعد انعد ايام
ومن ييجي نتبطر

عمي روح بالوقت اللي نطوك اياه واحمد ربك واشكره

و على كَولة مارك_usa أحسن ماتصيح بعدين " هووووب"

[mandooo]

شكرااااا اخوية بي بي بس تعرف هذا الموضوع صار قديم و اني رحت و وصلت ساعه بالعشره و ربع و هم انتضرت ساعه و طرت و كله انتضار بلا معنى  و هسه اني كاعد باميركا

[bee bee]

ألف الحمد لله على سلامتك ماندووو

وان شاء الله كانت سفرة مريحه
والله يوفقكم بحياتكم الجديدة يارب

مع تحياتي