العمل في امريكا

[bode]

الاخوه اعضاء المنتدى المحترمين  السلام عليكم

ارجو من الاخوه المقيمين في امريكا ان يساعدوني في هذا الموضوع
فقد سمعت انه لا يوجد  اي فرصة عمل هناك
وانا اعمل في مجال المونتاج التلفزيوني  يعني مونتير
وانا خائف بالمجازفه بهذا الموضوع
فهل من احد يستطيع الاجابه حول هذا الموضوع
وتحديدا بخصوص مجال عملي
الي هو المونتاج  سواء مونتاج وثائقي او دراما او كليبات
اكون شاكر لجميع من يساهم في الرد

[volca]

اخي العزيز
المشكله هيه كله تتعلق بالورك هستوري  لان من اتروح اتقدم ع شغل ايكولولك شمشتغل هنا بامريكا ويكولولك لتسولفلي ع الشغل عبر البحار هيه هاي المكشله يعني الخبره و غيره ميعترفون بيه راح اتشوف صعوبات بالبدايه بس اخذ السالفه برحابه صدر  والعافيه درجات


تحياتي

[أبن خير]

صحيح أخي العزيز .. لاتفكر تشتغل بأختصاصك بالرغم من الخبرة المتراكمة اللي عندك
هيج كلام ماكو .. step by step  والله يسهل .. تحياتي

أبن خير

[Revolver]

أخي العزيز,

حاول تتصور انو بأمريكا لازم تشتغل كلشي يجي جوة ايديك, يعني مو نفس اختصاصك, الشهادات مامعترف بيها ترة, لازم اتعادلها وتختبر وتنجح وتدرس الخ, يلة تطلعلك شهادة معترف بيها بلكرة الارضية كلها ..

فياعيني حاول تشتغل اي شي بلبداية وشوية شوية بعد العلاقات والزمن الله يوفقك وتشتغل بأختصاصك .

[lionofiraq]

اني اذا اروح الى امريكا اسوي بسطية جدام البيت الأبيض و ابيع محابس فضة ههههههههههه

[jayjay]

حبي اني ساكن حالياً في ولاية كاليفورنيا او احب اكلك انه الشغل موجود بكثرة وخصوصاً هاية الفترة.
بس اكو شغلات او معيقات خصوصاً للاجئ او المهاجر الجديد يعني ما يعرفهة حبي. يعني
اسلوب التقديم على شغل او المقابلات قبل الشغل. او طرق البحث عن الشغل.
او شغلة كلش مهمة او اتمنى ان ما تفهموني غلط. وهي مسألة اللغة او اقصد اللغة الانكليزية يعني ان تكون اللغة كاملة من ناحية مفردات و قواعد. وهاية ايضا مو مسألة صعبة يعني اكو مدارس موجودة هواية مختصة بتعليم اللغة الانكليزية للمهاجرين او لغير المتكلمين اللغة. و تكون مجاناً.
شغلة مهمة جداً وهية متابعة الاستمارة بعد التقديم لئن المانجرس او المدراء يحبون يشوفوك صدك انت مهتم ان تشتغل وياهم لو بس قدمت استمارة او هاية هية.

المهم حبي انت لا يضل بالك انت اذا صدك تريد تشتغل تلكه شغل او كلش زين حبي. خصوصاً اختصاصك حبي.
انطيك مثال شركة AT&T مال الاتصالات والانترنيت او كلشي. من تشترك وياهم يعرضون عليك ان يدزولك شخص يربطلك الراوتر مال الانترنيت اللي ما تستغرق 15 دقيقة تدري الشخص هذا يأخد على ال15 دقيقة 150 دولار
او راتبك كلش زين هم. بس كون اكو شخص يكون وياك او يدليك او تتعرف على ناس او اصدقاء حبي. لئن اكيد همة اهل البلد و يعرفون كلش زين وين الشغل وشلون يكون التقديم وشلون تحصل خوص شغل.
دير بالك على نفسك او انطيك ملاحضة كلش مهمة كون متفائل جداً ترة اذا الفرص عدنا بألعراق والمناصب اللي نشغلهة 10 بألمية ترة بأمريكا الفرص 1000000 بألمية او اكو مناصب هواية تكدر تقدم عليهة او شركات كلش كلش هواية.
او بألاضافة اكو مكاتب مدعومة من قبل الدولة او تساعدك ان تلكه الفرصة المناسبة الك. او تنطيك مواقع او لنكات شركات او مناصب او تنطيك الخيار ان تقدم عليهم ويساعدوك بكتابة السي في او الرسيومي.
المهم اني ما اريد اطولها عليك انشاء الله انت توصل اوتشوف بعينك.
دير بالك علي نفسك. او اتمنالك الموفقية.
ملاحضة صغيرة ترة الامريكان طبعاً مو كلهم مو ناس شاغولين او بسرعة يأيسون.
يلله حبي مع السلامة او موفق انشاء الله.
جاي جاي كاليفورنيا

[lionofiraq]

اخي العزيز ممكن تنطينا فكرة او نبذة حسب خبرتك الحلوة يا ورد عن هذه المدارس و رواتبها حتى الواحد يكدر يقس على المصاريف مال العيشة و شكرا

[Revolver]

أخ JayJay

اي والله رحم الله والديك اخوية العزيز, والله يوفقك على هل البشارة, والله ياريت اتكللنا عن المُعيقات الي بخصوص اللاجئ, الحمدلله اللغة عادي بلنسبة الية, بس اكو شي يعني غير اللُغة صعب ؟؟؟

ورحم الله والديك

[jayjay]

اصدقائي
طيف المدارس هاية موجودة في كل منطقة وكل مدينة من ولاية كاليفورنيا. طبعاً خلليني احجي خصوصاً عن كليفورنيا لئن الحقيقة اني ما اعرف الاوضاع الباقية في غير ولايات.
اخوية طيف المدارس اسمهة الادولت سكولس adult schools و تعطي دورات ESL لغير متكلمي اللغة الانكليزية اللي همة راح تتفاجاً بكثرة وجودهم في كاليفورنيا.
او اني اييدك كلام اخي بخصوص الورك هستوري اللي هية شغلة كلش مهمة للحصول على شغل. انه اكثر مدراء الشركاء اكيد يحب يشغل ناس عدهم ورك هستوي او اني متأكد انت راح تسوي نفس ما دا يسوي المدراء اذا كنت بمنصبهم. وايضا يطلبون من عندك الخبرة في المجال.
شغلات ايضا مهمة في الحصول على شغل.
اذا كان سكنك قريب للشركة هذا راح يزيد فرص قبولك للشغل.
تقديمك للشغل في الوقت المناسب يعني لازم انت تعرف و دائما تسأل اي الشركات اللي حاليا دا تعين. وتحاول ان ترسل الresume للشركة بأسرع وقت يعني حتى تخللي فرصة المدير لقراءة الresume او الورك هستوي مالتك سريعة لئن اكو شركات عدهة مناصب وتريد تمليهة باسرع وقت لئن مناصب مهمة. او في وقت هم يحتاجون لعمال او موضفين اكثر. فانت بس تسمع اي شخص دا يوضف مباشرتاً او قدم مهما كان الشغل بألبداية حبي.
اهم نقطة بألشغل هو ان تحصل المقابلة مع المدير. لئن من تحصل المقابلة راح يصيرلك مجال تتناقش مع المدير على الورك هيستوري مالتك اللي مهما كان اشتغلته او راح يسئلك اسئلة صدكني مال واحد خبير جداً ههههههه. ولكن ملاحضة كلش مهمة انه المدراء جداً متواضعين او ودودين يعني مو مثل المانجرز مالتناً ما يتحجون يعني يسمعوك او ينطوك مجال ويحبون يعرفون كل الاشياء الله قدمتها للشركة او شغلك السابق.
المهم اني ما اريد اطول عليكم او اعذروني اني جان كتبت هواية بس الوقت او اني حالياً دا اقدم على شغلات او منتضر الله كريم. اهم شي واحد لا يأيس. لئن المقابلة تجي في تلفون واحد يعني في لحضات انت ممكن تتعين.
شكرا اخواني او اذا عدكم اسئلة بعد اني حاضر.

[jayjay]

تعقيباً على كلام الاخ شمعة انه انت لازم ان تبني وررك هستوري في اي مجال او حاول اذا لكين اي شغلة اني تبقى بيهة على الاقل فد فترة زينة.
مشكور الاخ شمعة او اني اعتقد ايضا انه الاوضاع تختلف في باقي الولايات لئن كاليفورنيا نوعاً ما اقتصادهة اقوى من هواية ولايات. ولكنها وحسب ما سمعت هي من اجمل ولايات امريكا او اللي دا شوفه الصراحة اني ما دا اصدكه.
يعني انت تمشي في منطقة تلال او منطقة جبيلة وتشوف الغزلان على جانت الطريق وتشوف الخضار والورود في كل مكان.

[Abo Andrew]

اخي العزيز كاتب الموضوع

العمل في امريكا مو بالضرورة يحتاج الى ورك هستوري او شهادات معترف بيهة من جامعات امريكا بالرغم من ان هذا المتطلب مهم

يا ما اكثر الامثلة على اشخاص موجودين حاليا في امريكا ومصارلهم الا كم شهر جايين واشتغلوا باحسن الاماكن وارقى الشركات وبراتب زين ومخصصات وتامين صحي وما الى ذلك هذا مو يعني انه مو شي ظروري ان تدرس وتحصل فد شهادة من الولاية اللي انت بيها لان اهنانا كل ولاية هي دولة وكل ولاية اتريد شهادة جامعية من الولاية اللي انت بيها

احجيك مثال قريب مو بعيد

زوجتي خريجة لغات انكليزي جامعة بغداد

صار طلب في احد مدارس سان دييكو وراحت قابلت وقبلوها وتعرف شنو انطتهم؟؟

انطتهم شهادة جامعة بغداد بدون لا معادلة ولا هم يحزنون

بالاضافة الى انه كان اكو ورك هستوي من خارج امريكا ومن العراق بالاخص

اخي اهم عامل حتة تشتغل في امريكا هو اللغة الانكليزية

هذا البلد مراح تشتغل ومراح تتواصل ومراح تنجح في حياتك اذا متوصل مرحلة تاخذ وتنطي وية الناس

وهاي من بدينا بهل منتدى نكعد وانام على هالحجاية

لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية لغة انكليزية

اظبط اللغة واشوفك شلون مراح تلكة شغل

ملاحظة : الشخص اللي ايكلك ماكو شغل هناك ارجو ان اتسالة منو هذا الشخص اللي ايكول ماكو شغل والسؤال الاهم تحجي انت وياة اتكلة تعرف تحجي انكليزي لو لا ؟؟

تحياتي

[angie-dawood]

صحححححححححححححححححححححححححح
اهم شي اللغة مطلوبة بكل مكان تعلموا اللغة اهم شي

[Revolver]

عاشت ايديك ابو اندرو, اهم شي اللُغة, هوة مفتاح الشُغل .

[كمال الشاطيء]

اخي العزيز فرص العمل متوفره ولكن تحتاج لغه جيده وهستري جيد للتوقع الكثير ولكن ممكن احد يشتغل اي شيء بالبدايه اول كم شهر وبعدها ممكن تلاقي فرصتك بالعمل الي يناسبك توكل على الله ومع الاصرار ماكو شيء صعب على العراقيين متعلمين على الصبر والمثابره وان شاء الله تاخذ فرصتك توكل على الله



اخوك كمال من ميزوري