أخواني .... اني مخلص فحص طبي ومقابلة DHS من بداية شهر شباط في بغداد واستلمت الظرف يوم 12 اذار وكان الاختيار الرابع ......... ومن ذاك اليوم ولليوم (لايوجد قرار من المحلف)) طبعا السبب هو لانني دافع فدية للخاطفين .. اليوم اتصلت بمصر كالولي ((لسة مفيش قرار لكن الموافقة الامنية موجودة)) ... طيب اني اسال هل تصبح الموافقة الامنية أكسباير وورة شكد؟؟ هذا من جانب اما الجانب الاخر فهو عندي طفل حديث الولادة اريد اضيفهة على الملف مالتي هل سيحددون فحص طبي له فقط ام للجميع وكذلك هل له مقابلة محلفين وشتتوقعون ورة شكد ممكن ايدزون عليه؟؟ والاهم من هذا كله هل المقابلة التي ستجرى للطفل ممكن ان تحرك ساكن وتشيل الطابوكة النايمة على الملف مالتي؟؟!! بصراحة اني مااعرف هذولة لوش هيجي مطوليهة؟؟ ترة داعيكم مقدم من بداية حزيران 2008 وأكول الله كريم!!! اخوان اللي عندهة معلومة ممكن ايفيدنا بيهة خلي لايبخل نريد شوية رفع معنويات ... اشكر الجميع وخاصة كل من يضع نفسه في خدمة اعضاء عينكاوة............صفاء الكرخي
