اخواني استفسار مستعجل عن جواز (اي)

[sazgar]

تحبة طيبة للجميع

اولا شكرا لكل اخوان مساهمون في هذا المنتدي القيم والمفيد


ارجو مساعدة في اجابة عن سؤالي للأنه ضروري جدا انا مقدم على برنامج اس ئاي في واني هسة بمرحلة تقديم مستمسكات  NVC ,واني عندي جواز G بس مشكلة هو زوجتي و بنتي ماعندهم G واني رحت اطلع الهم كالوا هسة بجوازات بس ينطون A

سؤلي هو هل يصير يقدمون جواز A ل NVC حسب معلوماتكم هم طالبين G
ارجو من جميع اخوان مساعدتي في هذا موضوع

[silver_d]

اخويه العزيز sazgar بالنسبه للقضيه مالتك   ماعندك اي مشكله حبيبي اذا عندك واز جي لو اي ماعندك اي مشكله   لان  السفاره  الامريكيه  تمشي على الواز الجي والواز الجديد الي  صادر من حكومه العراقيه بقرار من دوله رئيس الوزراء فماعندك اي مشكله وامريكا معترفه بالجواز الجديد من الطبعه اي فلتخاف دزلهوم وخطيتك بركبتي وانشالله الموفقيه الك وللعائله


اخوك سلفر الكمش
اي مساعده اني بالخدمه

[Ross son of iraq]

اخي العزيز الي مدا اعرف اقرة اسمك , اهلا بيك وعلى راسنة انخليك , اما بعد.
ففي احد المواضيع في منتدانا الغالي قبل فترة مو كلش طويلة كان اكو موضوع يحجي عن سؤالك وصار بيه نقاش طويل , احد الاعضاء وهو الاخ شقلاوي بالرد مالتة اتظمن هذا الرابط التالي والي هوة من السفارة الامريكية في بغداد ويحجي عن الجوازات المسموحة عدهم ولاحظ بالنهاية كاتبيلك الجواز اي هو مسموح العمل بيه رسميا , تقبل مروري
اخوك روس ابن العراق
http://iraq.usembassy.gov/iraqippts.html

[sazgar]

شكرا جميع اصدقاء على ردود خاصة اخواني رووس و سلفر شكرا جزيلا

[القرش الاسود]

اخي العزيز اكيد راح الحكومة من اتصدر جواز جديد  راح اتبلغ السفارة بهذا الطبعة الجديدة من نوع A واتمنى من الله ان تتيسر امورك  ويتحقق الي بالك ان شاء الله


اخوك

القرش الاسود

[ضوء الشمس]

الاخ المحترم sazgar
بعد السلام والتحية الطيبة...
اخي اكون شاكر لك كثيرا اذا وضحت لي هل ان الجوازات في العراق بدأت باصدار جواز اي ام لا؟؟ لان اني قبل فترة اسبوعين حاولت ان اقدم او فكرت بالرجوع الى العراق للتقديم لكن بعض الاهل والاصدقاء بعد سؤالهم الجوازات  ابلغوهم (ماكو اصدار جواز حاليا) فسؤالي هل بدؤوا باصدار جواز ولا يهم جواز اي او جواز جي لانهم الاثنين ماشين في الهجره.

اكون شاكر لك اي اذا تبلغني متى قدمت وما هي المستمسكات المطلوبه لاصدار جواز لاحد اولادي واسف كثيرا على الازعاج.

وشكرا مره ثانية

[Anwar Al-ardiny]

ترقبوا الجديد من الجوازات العراقية
جواز AB+ ( أي بي پوزيتف )
شر البلية ما يضحك
و تستمر المهازل