الى الاخوة والاخوات الاعزاء ملك الحيرة واريد الوطن والزوز وشجرة الدر وكل المحترمين

[امارات]

رجاءا ساعدونى شون اقدم اللجوء لل.....UN.....؟؟؟؟؟؟؟؟؟
بصراحة ما اريد يروح على الوقت ...........انتو تحجون ومقدمين وتنتظرون ...الله يباركلكم ان شاءالله يتمم عليكم بالنتيجة الحلوة لان الكل يستحق وخصوصا بهذه الظروف
وانا اخوكم مقدم قبل سنتين للهجرة بس لحد الان ما وصلت الى اى نتيجة لان واكف بموضوع الامتحان ...تعرفون انتو شون يحتاج للتفرغ والوقت وهذا الشى ما متوفر ؟؟؟؟ واسمع من الكل انه جدا صعب ان تحصل درجة زينة وبعد كم من الوقت والامتحان والمصاريف.؟؟؟؟؟؟؟؟؟؟؟؟
بصراحة اريد اقدم الى اللجوء ...؟؟؟؟؟؟؟؟
واريدكم تساعدونى وخصوصا انتو بادين تعرفون الدروب ؟؟؟؟؟؟ واعرف ما تقصرون ما شاءالله عليكم
 الاسئلة ..........الى عندى شقدم من الاوراق ....؟؟؟وهل القصة معاهم ؟؟؟؟؟؟؟؟
ام اول شى اكو فورم ؟؟؟؟؟؟؟؟؟؟ اعبى الفورم ؟؟؟؟؟؟

[صابرين]

الاخ امارات انا راح اقللك على ما متبع في مصر بس ما اعرف غير دول شلون
اولا تروح للامم المتحدة وتأخذ معك الجواز ( صورة من الجواز)
وسوف يعطوك فورمات لكي تملئها
هذه الفورمات تملأها وفيها مكان تكتب فيه القصة وبعدين تسلم هذه الاوراق الهم طبعا حسب الدولة
هنا كانوا يعطون الفورمات يوم الثلاثاء وتملئها وتسلم الفورمات يوم الخميس واعطونا موعد بعد 7 اشهر وعملوا مقابلة وبعد ذلك اعطونا الكارت الاصفر الذي يجدد كل ستة اشهر ويبدل الكارت بعد سنة ونصف بكارت اخر هذه بالنسبة الى الاقامة اما بالنسبة لاعادة التوطين فيعتمد على القصة وحركة اليو ان في الاردن ولبنان وتركيا الاجراءات اسرع من سوريا وابطئها في مصر (لان الامم المتحدة في مصر تابعة الى قارة افريقا وتركز على قضايا السودانيين والصوماليين... بينما الامم المتحدة في الدول الاخرى هي في قارة اسيا والعراق اسيا ايضا فيجب ان تلتزمهم)
واذا انت بالامارات راح ينفعك هذا الرابط
 http://www.ankawa.com/forum/index.php/topic,355355.0.html
الاخت صابرين

[اريد وطن]

اخي الامارت المحترم بعد التحيه

انا ساكن في عمان يعني مقدم UN من عمان منذ تقريبا لااذكر بس من 2008 على يوان بعدين طبعن مقابلات نسوي كل 6 اشهر هي عباره تجديد ورقه حمايه من يوان لعدم تسفيري قصريا خارج الاردن للعراق

بعدها بشهر 2 او 3 من 2009 اتصلو بينا يو ان  وطلبو حضور لاستلام اوراق فورمات لكي نعبيها للقبول المبدئي الى كندا اذكر بقت الاوراق عدنا تقريبا 7 ايام وابلغونا نرجعها الهم الفورمات اخويه هي تكتب من يوم القدمتها الى غايه عمرك 18 سنه يعني بالتفصيل ومو صعبه واحد يعصر دماغه يعني ششتغلت وين درست طبعن انوهة الى نقطه جدا مهمه وهم ابلغوها لنا اذا انته مقدم هجره اكتب رقم المعامله بالفورمات واكيد تساعدك وتسرع معامله اللجوء بعده بنهايه شهر 8 /2009 اتصلو ال يوان كالو تعالوا  استلمو موعد مقابله مع السفاره الكنديه طبعن كنا تقريبا 20 كيس طبعن وزعزنا على ايام اكو ناس  مقابلتهم ب 30 و 31 /8/2008 و 1+2/9/2009  طبعن مقابلتي اني يوم 2/9/2009  مقابله سهله جدا تاخذ وياك جواز سفر وجناسي وهويات احوال عقد زواج ترجمه دفتر خدمه العسكريه للرجال وحسن سيره وسلوك من مخابرات اردنيه وتروح طبعن اذا اكو نقص معين احد الاوراق هم يبلغوك ترسل ب البريد الى سوريا يعني سفاره كنديه بسوريا طبعن يطوك العنوان


والحمد لله يطوك بعد ها الشخص القابلك هو موافق ويطيق اوراق الفحص الطبي وكذالك توقع ورقه عباره عن تعهد دفع اجور الطياره والفحص الطبي لانه IOM هي التدفع بس توصل مثل قرض لازم ترجعه على اقساط سهله خلال سنه من وصولك

بعدها اخويه عملت الفحص وارسلت ب البريد جانت ورقه حسن السيره والسلوك متاخره دزيتها بالبريد الى سوريا

طبعن لغايه اليوم ب 21/10/2009 لايوجد اي اتصال وحسب ماكالو اخوان موجودين في المنتدى الفريدو او عبسي او كندا او اسود تكدر ترجع للمواضيعهم كل مايخص اللجور الى كندا وتستفاد بيهم ناس اليوم الدوره اليوم الاخير وبيهم ناس الله سهل عليهم وهم بكندا حاليا الله يوفقهم هواي استفاديت من مواضيعهم


اخويه انا انتضار حاليا اتصال ماعرف ممكن بعد شهر او 4 او 6 ماعرف بيد الله والاخوان سفاره كنديه بسوريا

وهذا نقل كل مايخصني والحد معي والله يعلم ويشهد

اخويه اني احب اساعد الناس مثل متحب الناس اساعدني واني مقدر وضعك من قلق واني شخصيا مريت بيها وبعدني بس مابيدنا غير الصبر والدعاء

الحجيته سابقا هذا بعمان يعني ماعرف الامارت سوريا مصر او اي دوله اخرى شنو اجراءاتها بس اكول يارب يسر امرك وامر كل اهلي العراقيين الي يريدون يلاكون بلد يعيشون بيه براحه وامان


اخوك / اريد وطن - عمان - انتضار اجراءات والفرج من رب العالمين


                                  اخ اخ اخ اخ منو يكلي شبيك والله قلبي تعب يارب يارب يارب الاكي هل الوطن  

[ملك الحيرة]

اخي العزيز
كلنا قدمنا طلبات لجوء وبكل بساطة حصلت الموافقة ..ولكن ليس في نفس الوقت ..انا مثلا قدمت الطلب قبل 3سنوات ونصف والان كملت ومنتظر السفر , لكن غيري ما صارالهم اكثر من 6 اشهر.
توكل على الله وتعال قدم والله كريم الي كاتبه الله يصير.
ارفقلك موقع المفوضية بابوظبي اخاف ما تندل

[شجرة الدر]

اخي العزيز امارات انا شرحت الموضوع للاخوة سابقا وان شالله مااقصر وياك هو الوضع مثل ما تفضل الاخ ملك الحيرة اني هم مقدمه من ثلاث سنوات ونصف والى هسه انتظار اي قيد الدراسه لان المحلف مامقرر بس انته قدم واتوكل على الله وانته وحظك ممكن الان الوضع مختلف بلكي بي تسريع انت روح لابوظبي ورتب القصه مالتك بالانكليزي واطبعها واخذها والمستمسكات جميعها واتكل على الله وروح وراح يطلعلك عبد السلام الموظف الهندي واذا انكليزيتك قويه استلمه واشرحله الوضعيه وياخذ الاوراق ويكلك نتصلك بعدين وهم يخاطبون المكتب الاقليمي ويشوفون تستحق التوطين لو لا وبعدين يتصلون بيك وينطوك الفورم تعبي وتنتظر والله كريم شوكت يحولوك توطين بس احسن من كعدتك وادعيلنا الله يسهل امرنا ويفرج عالجميع اللهم امين       اختكم شجرة الدر

[ملك الحيرة]

اخوي تره بدون صبر ما ترهم الامور
انه 3 سنوات ونص صابر والحمد لله الله فرجها...وبالنسبة لعبد السلام ومدام مي الناس جاي يركضون ..وهمة مجرد موظفين..والشغلة شغلتك..اذا تريدها اصبر عليها ..واذا ما عندك صبر اتركها..الك مطلق الحرية

اخونه عيوني مللك يا بساطه دخيل ربك!!!!!! متشوفني اني وفايووو شلاعبين بينه طووبه؟؟؟؟؟ مو قدمنه وخابرنه ودزينه ايميلات وصار الحجي اكثر من 7 اشهر ولا حامض حلو  ولا جفيه ولا شربت ولا ملينه فورم ولا قصه ولا هم يحزنون وكلما اخابرهم يكولولي احنه نتصل بيك احنه نتصل بيك احنه نتصل بيك عبالك دااكدي !!!وبصراحه بصراحه ان ايست منهم وبقيت حاير  بين عبد السلام والسحليه مدام ميري مااعرف مي طبعا فد شايفه روحها ّ!!!!! عله شنو مااعرف ....المهم ادعولي الكالي فد حل وان اشء الله الفرج لكل العراقيين والله يباه احنه مااعرف شمسوين بحياتنه جريناها ضيم وقهر لحد هل يوم شمسوين مااعرف !!! الله يعينه..