اخواني الاعزاء طلب نصيحة

[ابو سالم]

السلام عليكم
اخوان ارجو التفضل بالنصيحه بموضوع حصل مع احد اصدقائنا بالمنتدى وهو العزاوي 55 وهو ينتظر مكالمه هاتفيه من قبل المنظمه علما هو بسوريا قابل المقابله الاولى يوم 25\2\2009 والى يومنا هذا هو ينتظر منهم تلفون لان الرجل بصراحه على مقولتنا (دايخ) بموضوعه والي صار وياهم انه اتصلت بيهم المنظمه يوم 20\10\2009
لكن مع الاسف الشديد كان التلفون على وضعيه الصامت لذلك ماسمعو رنه الهاتف وعندما سئلوني على الرقم لان الحمدلله كل ارقام اليو ان والهجرة الدوليه مخزونه في موبايلي وهذا دليل على ادماني موضوع اسمه الهجرة .... فعرفت ان الرقم خاص باليو ان وطلبت منه على ان يتصل بيهم ويذكر لهم السبب لعدم استطاعتهم على الرد على المكالمه وقام الرجل بالاتصال ولكن الموظف قال له انهم سوف يتصلون بكم والى اليوم...لم يتصلو بهم؟
فأخواني الاعزاء ممكن نصيحتكم ويانا بهذا الموضوع نريد نعرف طريقه لتذكيرهم انه اتصلو بيهم لان الحمدلله معرف على اليو ان الي بسوريا من طبعها النسيان الكثير فنريد نصيحتكم ويانا بهذا الموضوع واكون شاكر الكم و ممنون مقدما على الردود
اخوكم
ابو سالم 

[العزاوي 55]

الغالي ابو يوسف الله يبارك فيك تعرف مثل ما كلت دايخ ومن كثر ما دايخ حتى ما سالت بيه الاخوان الاعزاء بالمنتدى
شكرا على المبادره الرائعه والحقيقه اضيف شي انه الرقم الذي اتصلو عليه كان رقم ابني  للاحتياط مع رقم هاتفي وبالوقت الذي اتصلو كنت في البيت والشبكه موجوده ولم يتم الاتصال على رقم هاتفي الذي احمله علما ان الاتصال تم الساعه الرابعه و50 دقيقه عصرا

[ابو سالم]

شنو اخوان ماكو احد عنده نصيحه لهذا الموضوع

ابو سالم

[كندا]

اخي نصيحتي للاخ العزاوي...
 ان يذهب مباشرتا الى مقر  الun  وذلك لاثبات وجوده في سوريه وهذا شئ مهم جدااا

ويحاول الاتصال بهم مرة ثانيه وثالثه ويفضل عند وصوله الى استعلامات المنظمه حتى يعرف التفاصيل ولا يتهاون في حقه حتى يدخل ويعرف سبب الاتصال كي لاتذهب الفرصه عليه ويهمل الملف....
اذا كان الاتصال حقا من الun ؟؟؟؟؟

ومن الله التوفيق...

[العزاوي 55]

كندا المحترم
جزيل الشكر والامتنان لشخصكم الكريم
شكرا على النصيحه واني حقيقه مقرر اراجع الunيوم الثلاثاء حسب الجدول الموضوع لمراجعة الاجئين
والشكر موصول للاخ ابو سالم تعبت نفسك اخويه العزيز وصار اليوم الثالث ماكو احد كلف نفسه للرد ولو بكلمه وحده ما عدى  الاخ كندا مع العلم النصيحه هي كتابة فليذهب العزاوي الى مقر ال un ويستفسر منهم وهذا ما سافعله ولحرصك الجاد على اخوانك اعضاء المنتدى بادرت بكتابة الموضوع عسى ولعل تجد من لديه نصيحه او تجربه مماثله ويا لكثرتها  ولكن وأه من كلمة ولكن ؟؟؟؟؟؟؟؟؟؟؟؟؟؟؟؟؟ شكرا للجميع تعبناكم ويانه اخوتنا الاعزاء

[angie-dawood]

اسفين اخوان جدا اسفين اعذرونا من كثرة المواضيع ينزل الموضوع الى الاسفل وبصراحة اني هم كنت مشغولة باختي كانت جاي عندنا من كلفونيا وهي لاجئة من سوريا قبل اربع شهور اسفين مرة اخرى اخوان
اخي العزيز لازم تروح بنفسك كل فترة وما تعتمد عليهم من يكولون احنا نخابركم ابسط مثال راح اكول الك عندي اخي وهو هم بسوريا خابروه اختي كالو انه هذا الشخص هو تحول الى التوطين لانه هما كانوا خالين رقم اختي يم اليو ان وبعد مرور شهرين ماكو اي اتصال منهم راحت اختي لليو ان تسال عن ملف اخي لانه بصراحة اخي ما يسمع ولا يحجي من الولادة المهم راح اختي تستفسر عن ملف اخي لانه حسب ما خابروها كالوا فلان متحول الى التوطين من راحت هناك تسال كالوا منو كال انه هذا الشخص متحول للتوطين لا متحول ولا شي روحوا شوف حل اله اوكي كالت انتوا خابرتوني وكلتوا انه متحول للتوطين طبعا نكروا الكلام وكالوا احنا منعرف منو خابركم كتلها انطيني رقمهم اشوف شنو القصة خابرت من مشكن وحجيت وياهم وانطيت التاريخ الي اتصلوا بيهم كامت تكول واللة اني جنت مجازة مااعرف المهم كتلها انطيني رقم محامي اليوان انطتني رقم المحامي وشرحت الموضوع وتاريخ المكالمة ورى اسبوع خابروهم سوو المقابلة الاولى والمقابلة الثاني ورى ساعتين وهسى هو دينتظر مقابلة المحلفين مقصد كلامي لا تعتمد على المخابرة لانه كل يوم يكون او غير موظف او هو نفس الموظف يكون دايخ وما يتذكر اي شي انت روح عليهم اذا ما فاد كول اريد اقابل المحامي او باحث اجتماعية مال هجرة وانشاءاللة ربي يوفقك واعذرنا اخي على التقصير  تحياتي

[Ehab_Thommas]

الاخ العزيز ابو سالم
طبعا  نحن قابلنا مكتب الامم المتحدة وسالنا مثل هذا السؤال فرد علينا ان معظم الملفات التي تدخل التوطين ويعملوا المقابلة الاولى وتتأخر عليهم المقابلة الثانية فيكون 75 % ملف مغلق لسبب ما مثلا لا سامح الله ( الكذب ) او تحول الى دولة اخرى بأنتظار القبول فهذا الاحتمال الانسب

الاخت العزيزة
الخطأ ليس خطأ الموضف انما  لا اريد ان اتعمق في التفاصيل ولكن السبب في اجهزة الكمبيوتر التي تشابكت بها بعض المعلومات فلا تعتمدوا على ادخال ورقة الحماية لمعرفة مستقبل ملفكم الا بعد سنة 2010
هذا كلام معاون مسئول التوطين في سوريا
تحياتي

[ابو سالم]

مشكورة الاخت انجي على هذا الرد ومشكور الاخ Ehab_Thommas والله يوفقكم ان شاء الله لفعل الخير وابداء النصائح للمحتاجين
 اخوكم
ابو سالم

[العزاوي 55]

شكرا للاخت انجي الله يوفقك ويحفظكم والشكر موصول للاخ ابو سالم
اخي العزيزEhab_Thommas شكرا للرد بس تدري الكئابه وصلت عندي فول من شغلة ان الملف قد يكون اغلق مع العلم اني كل شهرين اراجع يكلون انتظر فتره لانه ملفك يدرس طيب اذا كان مغلق ما يكولون انه مغلق لو يضلون يضربونه ابر شحن والله حييييييييييييييييره
شكرا اخويه الله يبارك فيك