فحص طبي جديد؟؟؟؟

[عاشق المحلفين]

حياكم الله شباب وبنات وشيبة المنتدى الكريم
انشالله تكونون في اتم الصحة والعافية
احرقت شمعة ايامي بانتظار المحروسة ... (جعلكم الله من اصحابها)
فوجئت بهاتف صباحي يقرع نغمة هاتفي النقال محطما سكون الصباح الجميل .... وأذا بالاخ السيد سمير من الاي او ام المحترم.....
يقول لي عندك فحص طبي في بلازا الخالدي!!!! فأجبته وبكل احترام ... لقد اجريت هذا الفحص مسبقا قبل ستة اشهر وعشرة ايام............... فأجابني يابني عليك ان تجري الفحص ... بدون اعطائي سبب وجيه
قلت له هل ممكن ان تعلمني بحالة الموافقة الامنية ... فرفض اجابتي ...وقاللي اذهب هناك وسوف تعرف!!!!

ماهو تفسيرها برأيكم

[drlexa]

مرحبه اخويه عاشق المحلفين

اني عدت الفحص الطبي بعد سنه...ولكن الدكتوره الي تنطي محاضرات الايدز بلخالدي قالت لي انه الفحص لازم ينعاد كل ست اشهر. فاني باعتقادي المتواضع انه الامنيه مالتكم شرفت والفحص صار اكسبايرد لانه مرت ست اشهر. وان شاء الله يا ربي يطلع اعتقادي صحيح.

امنياتي بلتوفيق الك اخويه

اختك من عمــّــان drlexa

[ام فائز]

اخونا اشو موضوعك امحير
هو صحيح الفحص يسقط بس اذا ما جايه الموافقه الامنيه ليش ديعيدون الفحص
ثم الخالدي شنو يعرف هما بس اطباء يفحصون وهاي هي
ثم اذا جايه الامنيه ليش ما خبرك
عسى ان يكون خير
وتتوفق هما الضاهر كلش حاقدين على العراقيين فما دينطون ريك الطيب
منريد ندعي عليهم يصير بيهم الي صار بينا بس حسبي الله ونعم الوكيل

[عاشق المحلفين]

drlexa يا قرنفلة عمان
الله يسمع منكم ...  انشاء الله تكون الامنية واصلة .. لان من صدك حمضت (بديت احس نفسي طرشي)...بس اريد اعرف ورة اعادة الفحص بسنة سافرتوا؟
يعني اعادة الفحص عدكم جانت قبل السفر؟

ام فائز الوردة..............هوة الموضوع مو بس امحير !!!!! اني صطروني صطرة من الصبح عبالك مضروب راشدي ....بس شنكول نتفائل خير ...راح اشيل جوازي واطلعلهم الاحد من السبعة الصبح واكعد علة نفس المصبة الخضرة ..... والمحاضرة مال (الاج اي في) راح اني احجيهة بدل الدكتورة .... وانشالله اطلع سلامات
واشوف جماعتنة ديسولفون علة مقابلات المحلفين واخش وياهم بالمناقشات على اساس اني خبير مخضرم

ادعيلكم بالامنية شباب...........

[drlexa]

والله يا اخويه العزيز اني بعدني ممسافره 
عدت الفحص الطبي وان شاء الله اسبوع الجاي اعادة محلفين  وبانتظار تجديد الامنيه يعني تقريبا لا خبر يا جفيه لا حامض حلو لا شربت هههههه

[عاشق المحلفين]

اختي العزيزة هاي السالفة يمكم امسوية ريستارت من ورة الخربطة مالتهم
انشالله الموفقية بالمحلفين .... واريدكم تطلعون قهركم بيهم .... يعني ينرادلهم رزالة قوية
انشالله يارب الفرج السريع

اني قابلت محلفين بتاريخ 15-3-2009
واستلمت الظرف بتاريخ 11-4-2009

ووراها سكتة

[ام فائز]

اخونا العاشق
احنا قابلنا محلفين يوم 25/3/2009
على اساس استلام الظرف يوم 11/4بس خابرونا كالو تعالو استلموه يوم 2/4
بعدها ابشهرين يعني 2/6 خابرنا احنا كالو حصلت موافقه المحلفين على الكيس
يوم حوال 10/6 فحصنا
وابوك الله يرحمه
زوجي جتي الموافقه الامنيه مالته بس اني بعد
يا رب تتوفق وان شاء الله جايه الحبوبه اتكون

[القرش الاسود]

الله يسر اموركم جميعا وترحون واتصير سوالف

[عكعك التطوى]

حياكم الله شباب وبنات وشيبة المنتدى الكريم
انشالله تكونون في اتم الصحة والعافية
احرقت شمعة ايامي بانتظار المحروسة ... (جعلكم الله من اصحابها)
فوجئت بهاتف صباحي يقرع نغمة هاتفي النقال محطما سكون الصباح الجميل .... وأذا بالاخ السيد سمير من الاي او ام المحترم.....
يقول لي عندك فحص طبي في بلازا الخالدي!!!! فأجبته وبكل احترام ... لقد اجريت هذا الفحص مسبقا قبل ستة اشهر وعشرة ايام............... فأجابني يابني عليك ان تجري الفحص ... بدون اعطائي سبب وجيه
قلت له هل ممكن ان تعلمني بحالة الموافقة الامنية ... فرفض اجابتي ...وقاللي اذهب هناك وسوف تعرف!!!!

ماهو تفسيرها برأيكم

اخي الف مبرووك وهذا معناه موافقتك الامنيه طالعه حضر نفسك واستعد للسفر من الان

[drlexa]

لا تنسى تبشرنه بلاخبار الحلوه اول ما تعرفهه....

بلتوفيق.

[عاشق المحلفين]

طبعا هسة رجعت من فحص الاشعة والدم.....
شفت اشياء غريبة

1- كل الموجودين عدهم اعادة فحص....ماكو اي واحد يفحص لاول مرة
2-كثير من الي شفتهم كانوا وياية بيوم المحلفين ويوم استلام الظرف
3-كثير من الموجودين من وجبة ظرف 15-1
4-اكو ناس سئلوا الدكتورة كالتلهم احتمال سفركم صار قريب.....بس رجعت وكالت كل ست اشهر لازم يكون فحص جديد .... فمحد انطانة جملة مفيدة

انشالله خير

ادعيلكم بالامنية شباب

[ام فائز]

اخونا العاشق
ماشاء الله بلعجل خلصت
المهم اني سبق وان كتلك تره الخالدي ميعرفون اي شي
 ولكن كولة الاجانب كروس يور فنكر هذا من يريدون يتاملون خير ابشي
ربنا يوفقك ويوفق كل عباده الطيبين واحنا منهم كول امين

[عاشق المحلفين]

شباب خابروني هسة .... وكالولي الامنية طلعت .... بس الامنية مال اخوية الكبير بعدهو واحنة بيناتنة ربط قوي... الحمدلله عاد شعاع الامل ينتشر........يعني انشالله مننتظر هواية.....يوم للجميع شباب

ادعيلكم بالامنية اخوتي وخواتي

[drlexa]

الف مبروك اخويه عاشق المحلفين....وان شاء الله امنيه اخوك كذلك تجي باسرع وقت...وماطول عادولكم الفحص لاثنيناتكم فاتصور امنيه اخوك بمراحلهه الاخيره.

وان شاء الله تصوري يكون صحيح هلمره همينه

الله يوفقك.

[عاشق المحلفين]

drlexa قرنفلة عمان...اني كلش اشكرج علة متابعة قضيتي .... انشالله يارب الموفقية .. ومعاملتكم تمشي بسرعة ... وتستلمون الامنية
بس علة فكرة اخوية بعدة مخابروه عالفحص ... وننتظر الفرج ...انشالله يارب تنفرج عليكم وعلة كل العراقيين يارب

[bee bee]

تحياتي الك عاشق المحلفين

آني هم مثلك اعدت الفحص لمرور سنة وكم شهر على الفحص الأول
اللي كان بشهر 7/2008
واعدت الفحص بشهر 9/2009
وأيضاً تقريبا كل اللي ويايه كانوا اعادة فحص وصارلهم اكثر من سنة
وللآن بإنتظار الأمنية

ان شاء الله خير ... ومن تسمع خبر عود بشرنا
بلكن شوية نتفاءل؟؟؟

وبالموفقية