اليوم حبيت احجيكلم شوية عن الايام الاولى في نيويورك ...
احنه دخلنا اليوم الثالث والعشرون بهذه الولاية وهي تعتبر اسابيع قليل لجمع معلومات كافية عنها..
مثل ما يعرف بعضكم من ثاني يوم وصولك الى الولايات المتحده تبدا رحلة المعاملات
والمراجعات وتسجيل الاطفال بالمدارس وطبعا المنظمة المسؤلة عنكم ادز واحد متطوع منعدهم وياكم علمود
يكملكم هاي الاجراءات .. احنه نطلع من التاسع صباحا منرجع الى الساعة الخامسه ومرات السادسة
عصرا .. المرحلة الاولى رحنا علمود الفحوصات الطبية وتحتاج الى مراجعة مرتين للكبار وفي مكان ثاني
فحوصات الاولاد ولقاحاتهم وكل واحد منهم اخذ ثلاث لقاحات لان مكان عدنا جدول اللقاحات مالتهم وطول
مراجعة يومين والمرحلة الثانية مراجعة دائرة الضمان الاجتماعي للحصول على السوشل سكيورتي كارد
وهذه مراجعة يوم واحد فقط وسوف تحصلون على الكارت لكل افراد العائلة بعد اسبوعين ويصل الى البيت عن طريق البريد ..
والمرحلة الثالثة الفود ستامبس او اسمه قسائم الطعام وتحصلون على الكارت في نفس اليوم او ثاني يوم ..
ان شاء الله احجيلكم اي شي جديد بالايام القادمة ..
هسه اريد احجيلكم عن الولايه
ولاية نيويورك غالية والايجار بيه غالي غرفتين وهول صغار 1200 دولار بالشهر شامل التدفئه .. وهنا الناس
كلش طيبين شوكت ما يشوفوك يسلمون عليك والجو ايام مطر وايام شمس ماكو وايام موجود هسه الجو
موكلش بارد ..
وطرق التنقل كلش سهل لان بيه المترو تحت الارض بدقائق توصل وين متريد وسعر الكارت مال شهر تقريبا
90 دولار وتكدرباليوم الواحد شكد متريد لان هذا كارت مفتوح حتى الباصات تكدر تصد بي واكو كارتات
5 دولارات وبعشره وهكذا حتى الاولاد يروحن مدارسهم بي لان هنا اكثر المدارس مابيه باصات خاصة للطلاب
والمدارس تنطي للطلاب كارتات مال المترو بلاش يكدرون يصعدون بي ثلاث مرات باليوم فقط وعندهم وجبتين اكل بالمدارس والدراسه هنا حلوه تتبع نظام تدريس بالجامعات ماعدهم كتب يدخل المدرس يشرح وهم
يكتبون ب تصعد عدين ينطيهم ورقة بيه اسألة قسم يحلوها بالمدرسه وقسم بالبيت صار تقريبا اولادي اسبوع على هذا الشكل يدرسون ..
يارب اكون قد وصلتلكم شي ولو قليل عن هذه الولاية والايام الجاي احاول اكتبلكم وادزلكم صور للولاية
اعذروني اذا مقصره وياكم
اختكم
نور68
