شنو الافضل الواحد يكول عندي كفيل لو ما يكول

[دنفش]

اخوان اللي سافرو فقط يجاوبون الافضل اكول عندي كفيل لولا لان اختلفت الاراء ناس تكول من الافضل الاعتماد على المنظمة وناس تكول الكفيل يساعد في اختيار السكن الافضل والمكان الاحسن واني حرت بين حانة ومانة ياهو الاحسن اللي جرب فقط رجاء يجاوبني مع شكري لكم مقدما

[عكعك التطوى]

دنفش اكو مساله اذكرك بيها لان ميحقلي اجاوبك على سؤالك وهو انه اذا معندك كفيل متكدر تروح للولايه الي تريدها

تحياتي دنفش الورد

[Ross son of iraq]

عكعك كلامك عين الصح اذا ماكو كفيل همة المنظمة راح يختارولك ولاية همة ايشوفهة زينة وليس المكان الي انتة تختارة.

[Vet2009]

دنفش ..... السلام عليكم

   على الرغم انك طالبت الذين لم يصلوا الى الولايات المتحدة بعدم المشاركة ، و لكن بعد اذنك و لكي تكون الفائدة للجميع ، و ساعطيك تجربة من داخل الولايات المتحدة. فعليه وجدت من المفيد ان ارد على تساؤلك.
   مما لاشك فيه ان للكفيل دور مهم في تحديد الولاية و المدينة طبقا للموقع الجغرافي للكفيل، في حين انه بدون كفيل سوف تحدد لك الولاية و المدينة بدون اعلامك. و عليه فان الكفيل بهذه الحالة افضل بكثير من ان تكون بدون كفيل. و من ناحية اخرى ، هنالك المعاملات التي ينبغي على الكفيل اكمالها لك ( رقم الضمان الاجتماعي ، بطاقة الغذاء ، البطاقة الصحية ، تسجيل الاطفال بالمدارس ، تاجير الشقة في مكان مناسب ، اضافة الى استقبالك في المطار ) ، هذا كله وجدته لكفيل اقربائي في مقاطعة جستر في بنسلفانيا. ناهيك عن اللغة التي يجيدها الكفيل ، فقد تجد صعوبة في ايجاد شخص يساعدك في ترجمة وثائق او يدلك على مكاتب قد تحتاجها.
   مما تقدم يتفرض ان يكون لديك كفيل افضل بكثير من ان لا يكون لديك كفيل.

vet2009

[rafid82]

أسمحلي هم اشارك ولو اني مو بامريكا بس اهلي هناك بصراحة يعتمد على كفيلك منو  و هل يعتمد عليه
لان اكو حالات هواي الكفيل في اخر لحظة يغدر بالاخر  او اتشوف وجهه صار ثقيل عليك  فأذا كان كفيلك مقرب منك و تعرفة و يقف معك باللحظات الصعبة قول لهم عندي كفيل لان اني شخصيا اعرف حالات من ناس انه اخت نكرة المعرفة بأخيها من اتصلوا بيها

اخوك رافد

[SARA CALIFORNIA]

اخي العزيز ...اني طلعت لامريكا بدون ذكر اسم كفيل و بالفعل و مثل ما كالو الاخوة تم اختيار الولايه من قبلهم ما اعرف من قبل الامريكان او المنظمه اللي هنا...و المنظمة اخذت على عاتقها اكمال كل اوراقي من سوشيال نمبر الى فود ستامب و حته فتحولي اكاونت بالبنك باسمي لان يعرفون احنه بعدنه جدد و ما نندل كل شي...بس بعد قترة انته لازم تكوم تعتمد على نفسك لان راح تتعود على المنطقة و الدوائر و الاماكن الموجودة هناك...بالتوفيق ان شاء الله

[angie-dawood]

اخي اذا متاكد كل التاكيد من الكفيل حتى لو اخوك او اختك خير على خير طبعا تذكر عندك كفيل يكون احسن الك من كل النواحي لانه المنظمة شكد ما تقوم بواجبك ما راح تكون كل يوم معك فترة معين وتتركك لحالك بس اذا الكفيل طبعا يختلف الوضع لانه هنا بامريكا هي مو بس شغلت انه تستخرت الاوراق الرسمية او تفتح حساب بالبنك هنا اكو هواية شغلات وقوانيين لا تعرفها وماراح تكعد المنظمة وياك وتشرح الك ولا راح تكون وياك باي دائرة تريد تروح الها مستقبلا اخي الكفيل له دور كبير اذا كان كفيل انسان ذو ضمير ويحب يساعدك حتى لو كان اخوك اذا ما متاكد منه لا تتورط المهم ربي يوفقك وانشاءللة تتعلم كلشي من البداية اهم شي تتعلم اللغة حتى تكدر انت تمشي امورك وكلنا كنا مثلكم كلشي منعرف لا لغة ولا السياقة ولا الولاية كنت افكر دائما من اطلع من بيتي بس لا ما اعرف شلون ارجع لانه ما كنت اعرف اي شي وهسى والحمداللة عبالك مشكن هي عراق بالنسبة لي كل المناطق عرفتها مقصد الحجي يااخي كلنا جنا كلشي منعرف وشوية شويه تعلمنا وصرنا احنا اهل البلد صدكني يااخي الامريكا اذا تسالهم اخوك وين ساكن ميعرف احنا العرب اكثر منهم تعلمنا على البلد انشاءللة ما تشوف اي صعوبة ربي يوفقكم

[دنفش]

جزيل الشكر لكل اللي جاوبوني واللة انتو وردة لان الجواب اجاني بسرعة انشاء اخدمكم بالافراح ممنووووووووووووووووون

[مهاجر ابدي]

انا تماماً مع رأي أخي ماجلان

[دنفش]

واللة اني كفيلي ابن اخوية وما يحتاج توصية وهو بنورث كارولاينا بس خفت انة المنظمة تشيل ايدها مني وتعتمد علية اعتماد كلي بالمعنى الصحيح كلشي ما احصل منهاالا بطلعان الروح مثل ما يكولون بعض الجماعة وشكرا للجميع

[مهند هادي]

اخوان اني اللي اعرفة اكو نوعين للكفيل اكو معنوي بس يستقبلك واكو كلشي علية يعني يقوم بالمعاملات واذا عدكم شي ممكن تضيفوة


اخوكم مهند هادي بغداد

[غسان جوني]

اخويا العزيز اني وصلت بدون كفيل لولاية اوهايو بس هسة اني بديترويت وبصراحة اكلك الما عند كفيل درجة اولى بامريكا كلش صعبة راح تصير عليه وانت وحظك وانصحك اذا انت عندك عائلة لا تجي بدون كفيل لان راح تتبهدل بس اذا بوحدك تعال بدون كفيل احسنلك وربك يسهل وان شاء الله بالتوفيق