طريقة التقديم على ال SIV

[echo 9]

السلام عليكم اخواني المترجمين الاعزاء
السلام على جميع الاخوان كادر  ادارة المنتدى والشكر موصول لهم على سعة صدرهم وتفانيهم برفد المنتدى بهذا الكم الهائل من المعلومات القيمة والمفيدة لنا جميعا
اخواني
انا اخوكم اكملت مدة السنة المطلوبة للتقديم على SIV لكن لانني لا اعرف طريقة التقديم على هذا البرنامج فقد قمت بالتقديم على برنامج IOM ببداية شهر العاشر 2009 وبعد اول ايميل وصلهم مني قاموا بطب وثائقي وبعد يومين ايضا اعطوني الكيس نمبر وانا مازلت انتظر الاجراءات الاخرى ومن خلال دخولي على موقعكم الرائع هذا ومن خلال القضايا التي يطرحها باقي الاخوة علمت بان موضوع ال IOM يطول وبصراحة ( يشلع القلب ) وينرادله واحد عنده صبر وان ال SIV hsvu ,hpsk
اريد مساعدتكم اخواني حول كيفية التقديم على ال SIV الله يرضى عليكم ويسهل اموركم قادر يا كريم
ولكم مني الشكر والعرفان بالجميل

[Abo Andrew]

 برنامج ال  SIV

انكليزي

http://travel.state.gov/visa/immigrants/info/info_4172.html

عربي

http://www.travel.state.gov/pdf/SIVArabictranslation.pdf


متطلبات التقديم

http://arabic.iraq.usembassy.gov/root/pdfs/special-immigrant-visa-application-guide-arabic.pdf

المصدر

http://arabic.iraq.usembassy.gov/refugee_office4.html

مواضيع من المنتدى مفيدة

http://www.ankawa.com/forum/index.php/topic,270934.0.html

http://www.ankawa.com/forum/index.php/topic,267544.0.html

[Revolver]

عيوني echo
اول شي اتسوي, هوة اتسوي Scan للُمستمسكات كُلها وهية :
1- الـ Recommendation الي عندك + الباج مالتك .
2 - الجنسية ( هوية الاحوال المدنية )
3 - شهادة الجنسية
4 - الجواز مالتك ولازم من فئة ( G ) .
5 - اتراسل الـمُدير مالتك واتكلة اريد ادزلي HR Letter من الشركة مالتك نفسها ويكتبلك الاتي
a - الوقت الي بديت تشتغل بي بلشركة, او الوقت الي خلصت شُغل بي , واذا بعدك دتشتغل بلشركة نفسهة, خلي يكتبلك انو بعدة مستمر بلشغل .
b - انو المُدير مالتك هوة الـ سوبر فايزر مالتك الرئيسي, يعني مو عن طريق مدير عراقي, لازم مُدير امريكي .
C - اذا خلصت شُغل من الشركة لازم يكتبلك : He left  in good standing .
d - انو انت متشكل تهديد على الامن القومي الامريكي .
6 - اكو فورمة لازم تمليها وهية بهاي الرابط : http://www.state.gov/documents/organization/79964.pdf
7 - Biographic data : وتكتب بي كلأتي

Name:
Father’s Name:
Grandfather’s Name:
Family Name (Tribe):
All other Names/Alias:
Nationality:
Passport Number:
Date of Birth:
Place of Birth: 
Gender: 
Marital Status:       
Relationship to Principal Applicant:   
وتكتب على انه انت متهدد ومتكدر اتعيش بلعراق لأنو دتشتغل وية قوات التحالف, واذا مديرك يكتبها يكون افضل .

هاي المعلومات كلها اتسويهن بفايل وحد ويكون على صيغة pdf بلأظافة الى كل الي كتلك عليه, كل الشغلات لازم pdf

وأدزهن بأيميل للـ IraqSIVapplication@state.gov.

ريفولفر

[echo 9]

بسم الله الرحمن الرحيم
شكرا للاخوان ابو اندرو والاخ ريفولفر على هذا التعاون والمجهود الطيب لمساعدتي وارجو من الله سبحانه وتعالى ان يوفقهم ويسد خطاهم ويجعل لهم بكل خطوة سلامة ويبعد عنهم مكر الماكرين وحقد الحاقدين انه سميع مجيب

[echo 9]

السلام عليكم اخوي ريفولر
شكرا جزيلا على الشرح الوافي واللي اتمنى ان يفيدني بالتقديم على ال اس اي في وجهودك كلها مشكورة بس يلريت تكمل جميلك وتقول لي شنو المقصود بال HR Letter ومنين اجيبها من ال جي ال اس لو من الوحدة مالتي اللي انا لهسه مستمر ومتواصل بالعمل وياهم وصارلي سنة وياهم
وهل هاي ال HR Letter تختلف عن ال Recommendation يعني لازم يكونن اثنينهن سوا؟؟؟؟
الله يرضى عليك فيدني الله يفيدك انا وداعت الخوة مغمض ما اندل دربي
اخوك
echo 9

[Revolver]

عيوني انت تدلل,

طبعاً الـ Recommendation  تختلف عن الـ  HR Letter وهاي الاثبات :

This HR Letter is separate to that of the Letter of Recommendation and must be issued by your employer’s HR office and show your start and finish dates (or confirm that you are still employed).

يعني كل وحدة وحد. الروكو من السوبر فايزر وال اج ار من GLS HR Office , وبخصوص الاج ار جاوبتك بموضوعك الي ناشرة HR Letter

تحياتي

ريفولفر

[echo 9]

شكرا اخوي ؤيفولفر وانا والله اسف جدا على ازعاجك بس بصراحة انت يمكن الوحيد اللي متجاوب وياي
انا والله عمري ما دخلت منتديات ولا اعرف طريقة الدخول الها بس واحد من جماعتي انطاني عنوان موقع عنكاوا وكال لي انه الناس البيه يفيدوني بشغلتي
فاذا حصل اي ازعاج لاي واحد بيكم مني انا اسف على ذلك شديد الاسف واللي مايندل دربه يستعين باهل المعرفة
الله يرضى عليكم جميعا وبصراحة انتم جميعا وخصوصا انت يا اخ ريفولفر وادارة هذا الموقع بالله الكريم وبدون مجاملة انطيتوا الصورة والانطباع الحقيقي للمعدن الاصيل لكل العراقييين باختلاف طوائفهم وقومياتهم
بصراحة هو هذا معدن العراقيين وانا هسه اقولها وبدون اي خوف واحراج والله لو طلعتوا انتم والناس المثلكم من العراق صدقوني العراق هو الخسران مو انتم لان راح يخسر هيج نماذج طيبة وشريفة مثلكم
الله يحفظكم جميعا وخصوصا اخوي ريفولفر
اخوكم
Echo 9

[Revolver]

عيوني انت,

تأمر امر وعنكاوا هوة بيت الخير وانت عرفت عليمن تجي, واي شي تحتاج بلخدمة, اتمنى من رب العالمين اساعد احد . الله يسهلك عيوني انت ويحفظك ..

ريفولفر