الانترنت في سوريا ,,,,,,,

[burning heart]

 شلونكم اخواني ،،،،

ياجماعة الي بسوريا شلون اجيب انترنت للبيت واني ماعندي خط ارضي بس عندي لابتوب؟؟؟
 اكو فد طريقة او فد شي حتة اسحب خط انترنت للبيت؟؟؟

ياريت تفيدوني بيه لان محتاجة النت بالبيت جدا

اشكركم،،،

[starxb]

مرحبا  اختي بيرننك هارت.
اني اخوكم ابو مريم من سوريا حلب . اختي الكريمه تكدرين اتروحين لئي مركز خدمات سيرا تيل او ام تي ان وتطلبين منهم خط انتر نت متنقل همه راح يسئلوكي انتي وين ساكنه مجرد ما يعرفون مكان سكنك اكللولك اذا عدهم خدمه بمكان سكنك او لا . اذا اكو راح ياخذون منك 10000 الاف ليره سوري تئمينات زائد 9000ليره سعر المودم زائد سعر الاشتراك الي اتطلبه ابو الشكد بالشهر حسب طلبك بالكيكه بايت .
بس انصحك اذا عندك صديق او صديقه سوري خلي هوه يشتريلكيا حتى ما تدفعين التئمينات .

ارجو ان اكون افدتك بهل معلومات واي استفسار اني بالخدمه اختي الكريمه .


                          اخوكم ابو مريم .حلب

[العزاوي 55]

الاخت العزيزه انتي بسوريه باي منطقه
اسلم طريقه هو ان تسحبي خط من محلات النت القريبه من سكنك ويكون بحدود 100م او اكثر شويه ما ياثر وما شاء الله كل المجلات للاخوه العراقيين والسعر مو اكثر من 2500 ليره الشهر والخطوط سريعه

[الفلكي]

السلام عليكم اختي العزيزة كما قال ابو مريم يوجد جكة يو اس بي اي واير ليس
واني استخدما وكلفني 19الف منها 10تامين تعاد بعد الغاء الخط بس ياختي تراها بوك علني بيطلع عليا تقريبا من 10الى 15 الف بالشهر طبعا اني فاتح ليل نهار لان شغلي عليها

وقريبا سفري واذا تحبي انطيج الخط تدللين من اسافر احسن مانلغي واكون فدنا اهل بلدنا


مع تحياتي
الفلكي

[ابو خالد]

انا بصراحه انصحك يااختي انك تأجرين خط تيلفون ارضي موجود بكثره ويأجرون وسعره الف ليره بالشهر وتشترين كروت مال اشتراك شهري او اسبوعي وسعره مناسب كارت الاسبوع يمكن ب125ليره بس تجيك قائمه مال استخدام الهاتف تسدديهم بالبريد بس افضل من ماتاخذين خط من المكاتب لان تعرضين نفسج للمسؤليه لاسامح الله اذا عرفو جماعة الامن راح تدفعين دبلات بس تفكين روحج مثل ماحصل وياي وبالنسبه للاشتراك مال سيرياتيل مايخدمج لان مو كل المناطق يشتغل وبنفس الوقت تكلفته غاليه وانا هذا رأيي

[عيني بغداد]

السلام عليكم

هناك طريقتين والاخوان مقصروا بالشرح واني جربت الاثنين وحاليا اني على البرود باند واليك التفاصيل:

الخط الارضي: يمكن أيجار خط أرضي وأستعمالة لغرض الانترنت من خلال كارتات التعبئة المتوفرة واللي عليها عروض في اغلب الاحيان وهذا النوع يسمح بفتح لفترات طويلة ومواقع عديدة لان هنا الحساب على الوقت وليس على كمية الاستهلاك. فاتورة الهاتف تندفع كل شهرين ويسموها دورة يعني السنة مقسمة الى 6 دورات فيفضل أذا أخذتي خط هاتف أرضي تبدين بدورة جديدة يعني مثلا بداية شهر اا تكون الدورة الاخيرة من السنة علمود ليحسبون عليج أستهلاك غير ناس كانوا يستخدمون الخط بالاضافة الى رفع الاصفار للاحتياط. أذا كان الاستعمال لفترات طويلة يمكن أن توصل قيمة الفاتورة لغاية 5000 ليرة من غير قيمة الكارتات.

خط البرود باند: مصدرة أما سيرياتيل او أم تي أن (خطي الحالي هو أم تي أن) في البداية يجب معرفة اذا كانت هناك تغطية 3G ضمن منطقة السكن أو لا لكي يتم الاستفادة من الخط ومتروح المصاريف هدر.
خط أم تي أن يسمح بان تدفع على حسب الاستهلاك ولا حاجة لان تكون هناك باقة محدد مثل سيرياتيل في الوقت الحالي.
طبعا هنا لازم تقتصدون بالفتح مال الانترنت وماكو تصفح هواية ولازم تقللون من الاوبشنات مال الملتي ميديا علمود يقل الداون لود بالمناسبة الاستهلاك يشمل داون لود + أب لود وكل 1 ميجابايت سعرة 2 ليرة مثل( أب لود 5 ميجا وداون لود 7 ميكا بهذي الحالة القيمة 12 ميكا ويعني تصير التكلفه 24 ليرة).
اذا كان الاستخدام للماسنجر فقط فبهيجي حالة مراح يصير أستهلاك كثير .
ميزة الخط السرعة لذلك فهو مغري لفتح مواقع تلفزيونية ولكن هذا كله على حساب سعر الاستهلاك.
يمكن الاستغناء عن المودم اذا كان هناك جهاز موبايل يغطي 3G وأبسط نوع هو نوكيا N70 وصعودا.
أذا كان هناك شخص سوري يمكن تسجيل الخط باسمه فهذا أفضل لان كله مراح يكلف أكثر من 2000 ليرة اللي هيه سعر الشريحة فقط والرسوم الاخرى.
بقت نقطه أخيره أنتي بيا منطقة لان اذا قريبه ممكن انطيج الخط لمعرفة اكو تغطية لو لا لان اني بالبداية جبت الخط من سيرياتيل وكالوا اكو تغطية وبالنتيجة طلع ميوصل لمكان سكني.

أرجو أن تكون الاجابة وافية وعذرا للاطالة.

تحياتي
عيني بغداد

[burning heart]

اشكررررركم اخواني وماقصرتو وعاشت ايديكم

بصراحة هاي مال سيريا تيل وام تي ان مانصحوني بيها لان كالو بووووك علني بس هاي مال تأجير خط ارضي يمكن رح اسويها لان اعتقد احسن شي واسلم شي...
بارك الله بيكم وعاااشت الايادي

[عيني بغداد]

السلام عليكم

البارحة فتحت مسنجر بس وياها تصفح بسيط لمدة 2 ساعة استهلك بالبرود باند حوال 3 ميجا واللي تكلف فعليا 6 ليرة سورية.

تحياتي
عيني بغداد