لمساعدة أطفال العراق المعاقين ..أخوان الرجاء الدخول

[samar_iraqiya]

أخواني القائمين على هذا المنتدى وأعضاء المنتدى الكرام..

قد يبدو الموضوع غير صله بالهجره ولكني أحببت ان انشره هنا لكي يصل الى أكبر عدد ممكن من الضيوف والاعضاء في هذا المنتدى الرائع.

أرجو مساعدة أطفال العراق المرضى والمعاقين من خلال مساهمتكم في هذا الموضوع للحصول على كراسي مدولبه عالية التقنيه لاطفالنا.

وذلك من خلال التصويت لهذا الشخص وهو أمريكي مقيم في بغداد أسمه براد بلوسر الذي يساعد أطفالنا من خلال مشروعه في بغداد   للحصول على كراسي مدولبه عالية التقنيه للاطفال المعاقين .. فقد ترشح من خلال  منافسة شبكة ال CNN وهي 2009 CNN Heroes of the Year
 للحصول على جائزه قيمتها 100000دولار مقدمه من شبكة ال CNN
هذه الجائزه ستسخدم من أجل الحصول على المزيد من هذه الكراسي لاطفالنا

هذا الرجل يساعد أطفالنا بجهد وبدون أي مقابل .. أرجو مساعدته من خلال التصويت له و كأمتنان منا نحن العراقييين لجهوده البذوله من أجل أطفالنا.

رابط التصويت هو :

http://heroes.cnn.com/confirmvote.aspx?id=00&lang=1


 الموقع الرسمي للمنظمه براد بلوسر Wheelchairs for Iraqi Kids   هو

 http://www.wheelchairsforiraqikids.com/





لا يوجد عدد محدد للتصويت يمكنكم التصويت بأكبر عدد ممكن من التصويت ويوميا لغاية 19 / 11/2009


. يا أخوان صوتو بأكبر عدد ممكن من المرات وتذكرو كم مره ننقر الكومبيوتر مالتنا باليوم فتخيلو لو عدد هالنقرات هاذي ساعدت طفل عراقي مريض.

ولان هذا الشخص دا يساعد أطفالنا بدون مقابل ياريت احنا هم نساهم وياه بدون مقابل .. واتمنى انه تنشرون هاي المساهمه بكل أيميلاتكم ومواقعكم الشخصيه ولكل اصدقائكم حتى نحقق هذا المشروع الخيري ونساهم بيه واخص بالرجاء هذا القائمين على هذا المنتدى الكرام

ولكم مني جزيل الشكر
سمر   

[Revolver]

تم التصويت,

اخت سمر بارك الله بيج .

ريفولفر

[angie-dawood]

تم التصويت

[ابو عبد الله التكساسي]

اختي سمر العضو الجديد
مع احترامي لك ولصاحب (( الكلب الطيب ))
احنا عراقيين والكلاوات الي شفناها بالعراق كلش هوايه وعدنا حراميه اكثر من الهم على الكلب فعندي سؤال
انت شتريدين من عدنا اهنا
تصويت لمشروع خيري - اني مدا اشوف الربط بينه وبين الكراسي المدولبه ؟؟ يعني شنو من نصوت راح ينزل كرسي من السما على الامريكي ابو كلب الطيب ؟؟
زين شنو جائزه 10000 دولار ؟؟
يعني اني اصوت علمود ايحصل عشر تالاف دولار مال شنو؟ وليش ؟ وهم شنو علاقتهه بموضوع الامريكي ابو كلب الطيب الي ديجيب كراسي للاطفال ؟؟
هم ماكو ربط
  انت تحجي ويا ناس تربوا بين كلاوات ابو عداي وكلاوات الحكومه الحاليه والي قبلهه وشافو سامكو وابو فاطمه وغيرهم من الحراميه امثال وزير التجاره

هذا رايي الخاص
فاريد اكلج
خلي ويلن وعوف المنتدى بحاله
بالمناسبه سعر الرسي المدولب ابو النوعيه الزينه الواحد يطلع اب(8600 دولار )) يعني يا اطفال راح يساعد
طفل وربع لو يجيبهن بالتقصيط المريح

اخواني المشرفين ارجوا المعذره

[سامسونغ]

اخي العزيز تم التصويت وشكرا على الموضوع.

[samar_iraqiya]

طبعا أحب أشكر مقدما الي صوتوا والي حيصوتون والي ما مقتنعين بالقضيه  واختارو انه ما يصوتون

بس تعقيبا على كلامك اخ shawqi

اولا أني ما رايده من أحد شي .. واذا حضرتك ما مقتنع او ما مصدك بهالمسأله فهذا رايك الشخصي واني احترمه ولو عندي تحفظ على اسلوب طرحك

 ثانيا اني سمعت وشفت قصة هذا الشخص وحبيت أساعد واساهم بيها .. الي اعتقد انه حضرتك ما فهمته انه هذا شخص امريكي كان يعمل متعاقد مدني اجا للعراق و اسس هذا المشروع بان يحاول يجمع تبرعات من امريكا والعالم حتى يشترون بيها كراسي للمعاقين ويوزعوها هنا  ومن عام 2005 وهو تاريخ بداية مشروعه  والى الان هذا الشخص تمكن من جمع واعطاء 650 كرسي للاطفال بالعراق واتصور هذا مجهود لا يستهان بيه.

وعلى اساس مجهوده هذا وتثمينا اله  رشحته شبكة ال CNN ضمن منافسه تجمع اشخاص عاديين لكن قامو بعمل خيري احدث فرق بالعالم التصويت بيها عن طريق الانترنت  وفي حال فوزه حيربح 100000 دولار هو ينوي ان يتبرع بيها لشراء مزيد من الكراسي .. ( وحتى لو فاز وقرر ياخذها لنفسه فمن حقه مكافأة لمجهوده وسعيه) ياريت تكون وضحت المساله يمك

 

سبب طرحي لهذا الموضوع هو انه لو نحاول احنا كعراقيين بمجرد التصويت ان نعلن تضامننا وامتناننا لهذا الشخص الي دا يحاول يساعدنا

وبعدين بس حبيت اكلك انه العالم افقه اوسع واعمق من قوقعة نظرية المؤامره والكلاوات والنصب والاحتيال الي الظاهر حضرتك ما تريد تطلع نفسك منها  ..
 لان صدق او لا تصدق اكو ناس بالعالم عندهم جانب انساني وتريد تساعد الغير وابسط مثال منظمة أطباء بلا حدود .. يا أخي قبل ما نشكك بكل شي من حولنا ياريت نسأل ونتحرى ونعرف عن القضيه قبل ما نحكم عليها وعلى أصحابها

[العزاوي 55]

تم التصويت

[ethan texas]

تم التصوييت

وشكرا الج اخت سمر

اخوج جوزيف

[ابو عبد الله التكساسي]

طبعا أحب أشكر مقدما الي صوتوا والي حيصوتون والي ما مقتنعين بالقضيه  واختارو انه ما يصوتون

بس تعقيبا على كلامك اخ shawqi

اولا أني ما رايده من أحد شي .. واذا حضرتك ما مقتنع او ما مصدك بهالمسأله فهذا رايك الشخصي واني احترمه ولو عندي تحفظ على اسلوب طرحك

 ثانيا اني سمعت وشفت قصة هذا الشخص وحبيت أساعد واساهم بيها .. الي اعتقد انه حضرتك ما فهمته انه هذا شخص امريكي كان يعمل متعاقد مدني اجا للعراق و اسس هذا المشروع بان يحاول يجمع تبرعات من امريكا والعالم حتى يشترون بيها كراسي للمعاقين ويوزعوها هنا  ومن عام 2005 وهو تاريخ بداية مشروعه  والى الان هذا الشخص تمكن من جمع واعطاء 650 كرسي للاطفال بالعراق واتصور هذا مجهود لا يستهان بيه.

وعلى اساس مجهوده هذا وتثمينا اله  رشحته شبكة ال CNN ضمن منافسه تجمع اشخاص عاديين لكن قامو بعمل خيري احدث فرق بالعالم التصويت بيها عن طريق الانترنت  وفي حال فوزه حيربح 100000 دولار هو ينوي ان يتبرع بيها لشراء مزيد من الكراسي .. ( وحتى لو فاز وقرر ياخذها لنفسه فمن حقه مكافأة لمجهوده وسعيه) ياريت تكون وضحت المساله يمك

 

سبب طرحي لهذا الموضوع هو انه لو نحاول احنا كعراقيين بمجرد التصويت ان نعلن تضامننا وامتناننا لهذا الشخص الي دا يحاول يساعدنا

وبعدين بس حبيت اكلك انه العالم افقه اوسع واعمق من قوقعة نظرية المؤامره والكلاوات والنصب والاحتيال الي الظاهر حضرتك ما تريد تطلع نفسك منها  ..
 لان صدق او لا تصدق اكو ناس بالعالم عندهم جانب انساني وتريد تساعد الغير وابسط مثال منظمة أطباء بلا حدود .. يا أخي قبل ما نشكك بكل شي من حولنا ياريت نسأل ونتحرى ونعرف عن القضيه قبل ما نحكم عليها وعلى أصحابها

اسف بس هم ما مقتنع
لان الي شايفه من الامريكان العن وامر من ما قام به العراقيون الذين يحكمون العراق
عزيزتي من مبادي الراسماليه التبرعات الخيريه الي تجي بهيج شي واذا تحبين نتناقش فاكتبيلي عالخاص هذا مو موضوع ولا مكان نقاش واني صدكيني اعرف شلون اجاوبج

ما اعرف راي الاخوه المشرفين شنو هذا موضوع هجره ولاجئين ؟؟؟ مو هيج علمتونا لو لا ؟؟

[lionofiraq]

تم التصويت ولو اني مالي ثقه بهيجي شغلات مع احترامي الشديد الى اختنا سمر بس شسوي لخاطر الأطفال المساكين اسوي كلشي شيء

[samar_iraqiya]

للي يحبون يطلعون أكثر على هذا الموضوع يمكنهم مشاهدة هاذي الروابط :

http://www.alawsati.com/news_view_20284.html


http://edition.cnn.com/2009/WORLD/meast/07/30/cnnheroes.blad.blauser/index.html#cnnSTCVideo


http://edition.cnn.com/2009/WORLD/meast/07/30/cnnheroes.blad.blauser/index.html



مثل ما كلت اني وضعت هالموضوع الي ما اله علاقه بالهجره حتى يوصل لأكبر عدد ممكن من الاعضاء .. والي المفروض احنا كعراقيين نعرف عنه ونهتم بيه .. بس للاسف الظروف الي يمر بيها العراقين تخليهم دائما فاقدين الثقه وشاكين بكل ما حولهم واكيد هم معذورين .. ياريت اكو هيج مشاريع كثيره بالعراق كان قدمت خدمات كثيره لهوايه محتاجين ..
بس للاسف بالعراق الشعار الماشي هو " ياروح ما بعدج روح"

وفعلا مفارقه غريبه انه نشك بهذا الشخص لكونه" أمريكي ورأسمالي " وبواقع الحال 99 % من المهاجرين وطالبي اللجوء بهذا المنتدى على الاقل يتمنون يوصلون لامريكا ويعيشون بنص "  مجتمع الرأسماليين"!!!!!!!!!!

عموما اني شفتها ظاهره ايجابيه جدا ردت القي عليها الضوء ... وياريت نتعلم منها درس .. حتى لو كانت زائفه !

وشاكره للمشرفين الكرام على صبرهم ومجهودهم

سمر

[بغداد بقلبي]

السلام عليكم  تم التصويت وسيستمر  وان شاء الله يطلع كلامك صحيح

[عكعك التطوى]

تسلمين اختي الفاضله

[Ross son of iraq]

تم التصويت وخلي ايطك اخونة بالكراسي