السؤال فقط لجماعة ال اس اي في اللي وصلوا الى امريكا

[دنفش]

اعزائي عندي سؤال اريد اجابتة اكيدة هل فقط صاحب الكيس مال اس اي في يكدر يسحب اهلة بعد حصولة على الكرين كارت لو الزوجة ايضا الها حق على اعتبار فيزتها ايضا اس اي في ونفس الفترة الزمنية رح تاخذ الكرين كارت  ؟

[عكعك التطوى]

ابو الدنافش مدكلي ليش كل اسئلتك كلها بيها تخصيص وراح اجاوبك على سؤالك لان السؤال ماله علاقه برنامج ال siv او iom  او غيره

اي واحد حاصل على الاقامه الدائميه بشكل عام يستطيع ترويج معاملة سحب للزوجة او الزوج وكذلك الابناء والبنات غير المتزوجين (فقط) وبأي عمر ولايستطيع ان يروج معامله لاهله (اب او ام او اخ او اخت ) الا اذا كان مقدم اللتماس حاصل على االجنسيه

ولكن الي خرج على برنامج siv و iom  (صاحب الكيس الرئسيسي ) فقط يحق ل( زوج او زوجه اب او ام او اخ او اخت ) من التقديم عن طريق منظمه الهجره الدوليه iom  حتى وان مقدم الالتماس حاصل على  الوايت كارد

[mustafa75]

الاخ دنفش

ابو ال اس اي في اله الحق فقط انه يقدم التماس الاهلة عن طريق ال اي او ام   و المشمولين هم ( الاب, الام , الاخوان, الاخوات و زوجات - ازواج الاخوان و الاخوات  و اولاد الاخوان و الاخوات دون 21 سنة)
الزوجة لصاحب الفيزا  ال اس اي في لا يحق لها تقديم التماس لاهلها  على الرغم من انه فيزتها اس اي في و تحصل على الكرين كارد في نفس الفتره الزمنية فقط صاحب ال كيس اله الحق

طبعا هذا الكلام من جملعة ال اي او ام لانه اني  سالت قبل و حصلت لى الجواب  اللي ذكرته الك

تحياتي

[Abo Andrew]

اخي العزيز كاتب الموضوع
اذا اهل المرة بالعراق دز ايميل الى baghdadinfocenter
وكلهم الحالة مالتك وانه زوجتك اتريد اتقدم الاهلة
راح ايجاوبوك بالعجل وتاخذ منهم الحجاية الاكيدة


بالمناسبة ابو الاس اي في يكدر ايقدم الى اهلة اصلا قبل ميجي امريكا يعني لا ماخذ كرين كارت ولا هم يحزنون

واكو ناس قدمو الى اهلهم بال COM وهمة بعدهم بالعراق

او من اتكون ماخذ الفيزا على الجواز اتصورهة وادزهة الهم حتة لو بعدك ما مسافر

ومثل مكتلك دز ايميل واسال لان راح تاخذ منهم الجواب الصحيح

ملاحظة من قدمت اني على الاي او ام جنت المتقدم الرئيسي سالنة الموظفة اللي قابلتنة نفس السؤال مالتك هذا الحجي العام بشهر السابع 2008 وجانت مقابلتنة بالسفارة وكالت الزوجتي اتكدرين اتقدمين الى اهلج حتة لو  زوجج هو المتقدم الرئيسي (بس ترة زوجتي هم جانت عاملة معي بهذاك الوقت يعني اثنيناتنة جنة مشمولين بالبرنامج بسبب التوظيف مع الشركات الامريكية بس اني جنت ال متقدم الرئيسي)


تحياتي

[دنفش]

عيني ابو العكاعك
اني اخصص بالاسئلة لان اريد الزبدة مال الموضوع وما ادخل بمتاهات         طبعا اني اشكرك لان دائما انت اول من يجاوب على اسئلتي واشكر بقية الاخوة   وعيني ابو اندرو اشو الاي ميل ناقص  ممكن تكملة اخوية العزيز وتحياتي للجميع

[Abo Andrew]

BaghdadInfoCenter@iom.int

ولمعلومات اكثر

http://arabic.iraq.usembassy.gov/root/pdfs/refugee-factsheet_instructions_-july2008---arabic.pdf

تحياتي

[عكعك التطوى]

عيوني ابو الدنافيش

الي يقرا سؤالك يفتهم انك تريد تعرف انه زوجه الحاصل على كرين كارد بواسطه برنامج siv والي حاصله ايضا على كرين كارد على زوجها يحقلها تسحب اهلها او لا صح لو لا ؟؟

الجواب كما جاوبتك بردي السابق

مايحقلها تسوي لم شمل لاهلها الا بعد ان تاخذ الجنسيه  

والشي الثاني ميحقلها تسحب اهلها عن طريق iom  وهذا معروف ومن البديهيات لمن يحق له التقديم على منظمه الهجره لان لازم صاحب الكيس او القضيه الرئيسي هو فقط المستفيد من هذه النقطه ومع ذلك اخذ بنصيحه الاخ ابو اندرو واتاكد من الحجي مالتي وهاي ايميلات مصر وعمان ايضا

AmmanInfoCenter@iom.int

cairoinfocenter@iom.int


تحياتي