اطلبو من صديقتنا اوتافيا الرجوع

[ابو خالد]

مرحبا اخواني واخواتي

كما تعلمون اختنا وصديقتنا العزيزه ((اوتافيا)) قررت الانسحاب لظرف ما ..او لمجرد تعكر مزاجها من موقف ما..

لذلك ارجو من الجميع ان نطالب بعودتها لنا وان ترمي للخلف  اي شيء يعكر مزاجها وصفوتها واطلب من جميع الاخوه ان نعيش يومنا بفرح ولاندع للحزن مكان بيننا

وانا اقول بصوت عالي ارجعي لنا يا أمـــــــــــيرة المنتدى ((اوتافيا)) التي كانت سباقه في كل شيء وياما رجعت لنا اعضاء غابو عن منتدانا ولها فضل كبير علينا وبجمعتنا في تلك الايام
وارجو المشاركه في هذا الموضوع ومن خلال هذا الموضوع نطالب بعودة زهرة القرنفل

[روزماري]

أرجعي لنا ياصديقة المنتدى ياأميرة كما قال الأخ ابو خالد

راح أحجي بالعامي احسن حتى يطلع الكلام من كل قلبي  اسمعي أوتافيا وزهرة القرنفل راح أناديج بأانسانة فقط وراح أكول يأأنسانة ياوردة ياطيبة الدنيا حبيبتي متسوى أعتبريني أنسانة شفتيها بالصدفة وتستعطفك أنك ترجعي ومادة أيدي ألج أنسى كل شيء صار جيبي ممحاة ومسحيه والزمن كفيل بكلشي كولي مكالت روز وانت سباعية وحبابة وحلوة وكلنا مرينا ولازم حتى الي ممر يمر بكل امور الحياة الحلوة والمرة وانشالله هاي خاتمة الأحزان بابي ومتشوفين شر

وماألج غير محبة ألله بقلبج والأصدقاء وكل الناس حبيبتي

والسلام ختام

روزماري

[الجوهره]

وانا اضم صوتي لكم واطلب من اختي العزيزه اوتافيا ان تعود لنا وتترك اي زعل وتبدي صفحه جديده وخلونا نعيش حياتنا بالفرح والضحك وتبادل المنفعه والمواضيع وارجوك ارجوك عودي لنا يااوتافيا وانشالله جميع الغائبين التي تمنعهم ظروفهم من المشاركه والدخول ان تتم امورهم وتنجز جميع متعلقاتهم ويعودون لتا لاننا لانستغني عنهم جميعا

[زهرة القرنفل]

احبابي واصدقائي واخواني
ابو خالد العزيز الوردة الصديق الوفي والاخ الحنون
احب اكولك من كل قلبي بحياتي محسيت بمعنى الصداقة الا من عرفتك والله والله ياجماعة ابوخالد انسان روعة وماكو منا
وهو الا فضل جبير علية هو جان يشجعني بكل مواضيعي السابقة
وهو الوحيد هو وزوجتة الي يعرفون كلشي عني ودائما ينصحني وينبهني ديربالج من فلان شي وفلان شي
وهو الي كان الا فضل جبير انه لفت نظري على شغلة جانت راح تسبب جرح كبير الي بس الحمدلله
انك صديقي واخ عزيز علية واكولك مهما صار بينا قبل فااني وانت معنى الصداقة الحقيقية
الله يخليك الي كااخ ويخليك لااهل بيتك

فنار شكرا الك بس انت تعرف شنو سبب انسحابي ومسحت الموضوع لان انت طلبت مني امسحة ساعة اربعة بالليل لو نسيت

روز ماري
حبيبتي واختي شكرا الج حياتي وكلامج بالعمية يخبل والله وحسستيني بمحبتج الي اكثر وماادري شكولج بس صدك صدك انتي انسانة طيبة مثل ما وصفوج الي والواحد  بالعشرة يكتشف الناس اكثر
وهم احمد لله لان عرفتج ولان ايدج اتمدت الي

جوهرة يااغلى كل الجواهر
يا قلب صافي ومحب صديقتي الحبيبة شكرا الج لان تريديني موجودة بالمنتدى حبيبتي انتي الله يخليج النا وهاي اني رجعت الكم وانشاءالله كلهم يرجعون

[★M a r t i n a★]

اهلا وسهلا برجوعج زهرة منورة ونشالله محد ينسحب ومحد يترك اهله وناسه
تحياتي لكي بلموفقية

[الجوهره]

اهلا بيك حبيبتي اوتافيا ونشكرك لتلبية ندائنا وانتي صاحبة القلب الطيب والله لايحرمنا منك ومن طلتك الحلوه

[زهرة القرنفل]

شكرا مارتينا لبي والله يوفقج حياتي

وشكرا جوهرتي واصلا رجنت افكر واكول شلون راح اعوفكم احبكم حيل والله لايفرقنا ابد

[روزماري]

أنتي منا وبينا زهرة ومنستغني عنج ابدا يازهرتنا الفواحة والناس للناس وانشالله انكون هيجي دائما ايد بيد

تحياتي وردة

[ابو خالد]

اهلا بعودتك لنا اختي العزيزه اوتافيا واشكرك على تلبية ندائنا والله لايحرمنا منكم جميعا وانشالله نحن جميعنا اخوه بالسراء والضراء ونكون قلب واحد ولايفرق بيننا احد واشكرك على كلامج الجميل لي وانشالله اكون عند حسن ضنك دائماً