تأريخ عقد الزواج سؤال بالنسبة للمحلف؟؟

[rafid82]

اخواني لدي سؤال

اني عقد الزواج مالتي مكتوب بي بتأريخ 2\1\2006

بس بالمقابلة مال الهجرة مقابلة المعلومات ذكرتلهم تاريخ الزواج 2\6\2006 لان بالخطأ قدمتلهم عقد قبل التصحيح 
فهسة صار عدهم نسخة من العقد مكتوب بي التاريخ 2\1\2006
واني ذاكر انه تاريخ الزواج 2\6\2006

سؤالي هل هذا راح يسبب مشكلة مع مقابلة المحلفين لو عادي اكدر أقول له حدث خطأ يعني أكدر اقول له للمحلف انه اني بالبداية سويت بس عقد بالمحكمة و بشهر السادس  صار الزواج
وشكرا لكم

[ام فائز]

اخونا ما اعرف هسه شنو العقد كان خطا وتم تصليحه لاحقا لو شنو  المهم انت تحجيلهم الصدك  اذا سالوك لاحقا واذا الموضوع بعده بالامم المتحده اني اشوف اتصلحا هسه احسن برساله اتخليها ابصندوق البريد بعد الاطلاع على مقترحات الاخوان البيه لان تعرف الرايين احسن من الواحد
موفق

[أ.ج.ت]

 الك الحق انو اتصحح اي خطا قبل مقابلة المحلف واذا مابقى عندك وكت عندك حلين لوتحجيها مثل ماهي او تكول انو تاريخ العقد بشهر الواحد والزواج بشهر السادس لان همة يعرفون انو من نسوي عقد القران بالمحكمة ورة فترة نسوي العرس

[ابو سالم]

اخي العزيز كاتب الموضوع
السلام عليكم
بالنسبه للمحلف ما يسئلك على موضوع الحنه والزفه هو يريد يعرف انه شوكت نكتب تاريخ عقد الزواج يعني بالنسبه اليه اني سويت العقد مال الزواج بالمحكمه يوم 18\9 واتزوجت يوم 11\10 من سئلني المحلف شوكت تزوجت كتله يوم 18\9 لان هو يمشي على تاريخ كتابه العقد

ابو سالم

[maitham70]

حبي هاي شغله سهلة جدا تكله اني سويت عقد بالمحكمة يوم 2/1 وعقد الشيخ والزواج الرسمي صار يوم 2/6 عادي وداعتك تره هوا العقد بس يردون يشوفون هل انته صحيح مرتبط بالشخص الذي يرافقك بالكيس

زين حبي توكل على الله ولاتخاف وداعتك

[الكونتيسة]

السلام عليكم
اخوي انته مقدم نسخه من عقد الزواج بل معامله اذا مقدم امشي على تاريخ النسخه الى موجوده بل معامله 

[rafid82]

شكرا لكم اخواني ان شاء سهله الشغلة

[CYRANO]

   احنا شغلة التواريخ بالعراق عدنا مشكله وخصوصا تأريخ الولاده يعني اذا واحد ينولد يوم 31 بالشهر يسجلوه على الشهر الجديد ولو صار قبل عشر ايام فما دون من اخر شهر بالسنه يسجلوه على السنه الجديده وهذه هي الطامه الكبرى نجد ان الممرضات في المستشفيات يسجلن جميع مواليد الليل على اليوم الجديد فلو ولد احدهم الساعه السابعه او الحاديه عشر ليلا او الواحده فجرا من اليوم الجديد بالسجلات كلهم انولدوا بنفس اليوم....هسا واحد يكول هاي شدخلها بالموضوع مو هي هاي المشكله اللي ما الها حل بالعراق كالاف من المشاكل ومنها مشكلة التواريخ...

[أبوجمانه]

حبيب كلبي
لا تفكر بالموضوع بهذا القدر من الحذر اني عقد المحكمة مالتي يوم 8-5-2005 ويعتبر هذا التاريخ هو عقد القران الرسمي ولكن الزواج مالتي كان بتاريخ 7-6-2006 ويعتبر تاريخ الزواج الفعلي يعني همه يعرفون اجرات التواريخ وطريقة التعامل بالعراق ويا هيج حالات .....
زين انت يمته راح اتقابل المحلف ان شاء الله؟؟؟؟؟؟؟؟؟؟

[rafid82]

الاخ أبو جمانه اني تأريخ المحلف مالتي 11\11\2009  بارك الله بيك