اخوانا اللي بعمان وقابلوا أو بأنتظار المحلفين

[ابو شكرية]

يااخوان اللي قابلتوا المحلفين بالأردن نتمنى منكم تكتبونة شنو اخبار المقابلات وشلونهم المحلفين حتى نتحضرلهم من هسة ونتمنى اي واحد قابل ميبخل علينه بالمعلومات...علما اني موعد المحلفين يوم 16-11-2009 والمحلفين بدأت سلسلة مقابلاتهم من يوم 22-10-2009........شكرا الكم
تحياتي اخوكم ابو شكرية عمان

[drlexa]

مرحبه اخويه ابو شكريه....
اني اليوم كان عندي اعادة محلفين...بقيت انتظر حوالي 4 ساعات...لكن المقابله ماطولت اكثر من 5 دقايق والمحلفه كانت امراءه نوعا ما كبيره بلسن ولكن لطيفه جدا ومرحبه.
والناس الكانو موجودين للتحليف اول مره ايضا ما طولو بمقابلاتهم كثير.
فارتاح اخويه ابو شكريه وكول يا الله وتوكل ولا تخاف.

تمنياتي بلموفقية لكم وللجميع

[ابو شكرية]

اشكرج  اخت drlexa وريحيتيني هواية والله بهاي الاخبار....بس ياريت لو تحجيلنه بالتفصيل اكثر على الناس اللي جانوا موجودين وعلى مقابلتج.....وهل هم اكثر من محلف؟؟
اتمنى ان اكون مأزعجتج بكثرة الاسئلة بس تعرفين واحد اول مرة وخايف شوووية

[الاسد الجامح]

عيني ابو شكرية اني اخوك ابو سرمد المحلفين لجنة امريكية مهمتها انو تتاكد من المعلومات الي كلتها بمقابلاتك السابقة وتطابقها ويا الحكي مالتك وتتاكد انه انتا ما راح تعمل اي نشاط ارهابي او تتعامل ويا جهات ارهابية او جهات دينية متطرفة ولا تتجسس على امركا لصالح دولة ثانية .

[drlexa]

مرحبه اخ ابو شكريه....
بلنسبه لمقابلتي فمثل ما كتلك جانت اعادة(يعني مقابلة محلفين للمره الثانيه) وهم نفس الشي خلتني احلف وسالتني كم سؤال عن اسمي مثلا هل عندج غير طريقة تكتبين اسمج بيهه وهل عندج تاريخ ميلاد مختلف عن الجواز...وهل رايحه قبل لاميركا او مقدمه فيزا او فايته للسفارة الامريكيه باي بلد عربي !!!! يعني الظاهر عدهم تشابه اسماء ويه اسمي والله اعلم...
بلنسبه للموجوده بصراحة محجيت ويه احد او استفسرت منه بس يعني تعرفهم العراقيين اذا يكون معاجبهم شي يدردمون عليه ههه فالكل بوكتهه طلع مبتسم ومديدردم هههههههه
اما بلنسبه لمقابلتي الاولى بل 2008 فكنت مع اختي فتنه سوه اول مره وبعدين وحده وحده وسالتنه نفس الاسئله بس كل وحده على حدا اسئله نوعا ما ما الهه علاقه بلحادثه بس مجرد دتريد تشوف دنحجي صدك لو دنجذب...فأهم شي اخويه حاول حضرتك والعائله تتفقون عل حجي حتى يكون حجيكم كله مضبوط ماكو اختلاف بلقصه بيناتكم.
الله يوفقك.

[iraqi2000]

الاخ ابو شكرية انا قابلت محلفين قبل كم شهر ثلاثة تقريبا او اقل كانت المقابلة عادية المحلفة كانت بنت سوداء واسلوبها طبيعي هادئ الاسئلة نفس التي سالو عنها في المقابلات السابقة كنت انا واخي دخلنا اول مرة ثم استدعتنا كل واحد لوحده مرة ثانية ولكن لكم سؤال فقط سالتني سؤال وسالته نفسه لااخي فاذا كان معك اشخاص او عائلة اجعلو كلامكم موحدا ولا تقلق المقابلة عادية وطبيعية  .

[ابو شكرية]

اني اشكركم على هاي الروووح التعاونية والاجابات الحلوووووة رحم الله والديكم