منو اللي يعرف عن المنظمة اللوثريه

[بغداد1975]

مساءالخير جميعااااااااااااا
حبيت اعرف عن منظمة اللوثرية الوسط والجنوب وهي باريزونا بمدينة فينكس اشو ديخوفوني منه اريد اعرف تاثيرها بوضعنا هناك باريزونا
اختكم بغداد1975

[volca]

السلام عليكم
الصراحه المنظمات هنا تعبانه  يعني اذا راح تعرفين عليه شي او مراح تعرفين  شتريدين اتسوين
هنا 3 منظمات وكلهن تعبانه  تجون و توصلون انشاء الله وعندك 4 اشهر ايجار مدفوع واذا معجبتكم اتكدرون اتحولون كلش عادي

تحياتي

[بغداد1975]

عيني اخوية volcaفهمني  شنو احول ممكن اتفهمني اكثر وممكن اعرف انت وين باي ولاية ؟؟؟؟؟؟؟؟
اختكم بغداد1975

[volca]

اختي اول شي انتي اتقصدين منظمه الوثرن ؟؟؟
ثاني شي اني اريزونا فينيكس وكتلج حولي اذا متعجبج الولايه يعني وره 4 اشهر وانتي بكيفج

[بغداد1975]

شكرا اخوية على التوضيح
اني على فينكس واكو منظمة اسمها اللوثرية الوسط والجنوب بس معرف شنو وضعها ؟؟؟
واذا ممكن اذا انت على هاي المنظمة او سامع شي عنها ممكن تقولي شنو اللي يقدموه
وصدك ماكو ويلفر باريزونا مع جزييييييييييييييييييييييييييييييييل الشكر
شكرا اخوية
اختكم بغداد

[volca]

اختي اسمه المنظمه Lutheran social services of the southwest اذا هيه هاي المنظمه الي استلمتني و هيه يمكن مالتكم والمنطمات الباقيه وحده الكاثولك والثانيه اي ار سي  وهنه كلهن نفس الشي
اما بالنسبه للبرامج مالتهم هوه الماج كراند و الحكومي (الصراحه اني ما اعرف بالمساعدات هوايه هيه 3 اشهر و عفتهم ) فانتي اذا اتقصدين بالويلفر الحكومي همه هنا ينطون للشخص البالغ 164$ وياه الفود ستام المده 8 اشهر وانتي لازم ادفعين الايجار من هذه الكاش
نصيحتي لتتوقعين هوايه امور اتقدملج المنظمات اخاف كالولكم وين متروحون راح يجي مترجم وياكم تره هذه بس حجي
اي سؤال اني حاظر

[بغداد1975]

شكرا اخوية العزيز على جوابك
بعثتلك على الخاص اتمنى تقراها
اختكم بغداد1975

[mandooo]

والله اني هم ويه نفس المتظمة الحقيقة مة جيت لحد اليوم ما قصروا ويايه و انطولي سكن نضيف و مرتب و الموضفين مالتها كلش حبابيين و متعاونيين بس اليوم جنت هناك كلولي ايجار السكن بس شهر واحد  هيجي سياسة المنظمة لان عساس المنظمات الي تاجر 3 اشهر تجبر الاجئين على الشغل باي شغلة جانت او يقطعون الفود ستامبس و همه ضد هاي الفكره  
بس سمعت اكو مرات الناس تنظم لجمعيات اهلية تساعدها على دفع الايجارات احد يعرف شلون ؟

[volca]

اخي العزيز مللهم اشتغل اي شغله ولتخاف
لان همه مراح ايشوفولك اي شغله لان شغل قليل

تحياتي

[angie-dawood]

حبي بغداد هاي صار ساعة ادور بالارشيف على اي شخص يكون نفس ولايتك ماشفت حتى عيوني احولت حبي تكدرين تغيرين ولايتج قبل ما توقعين على اي عقد او تستلمين مساعدات تعاي الى مشكن يمي اني اساعدك بكل شي تحتاجين ياريت اكدر اشوف اي شخص ساكن نفس الولاية بس اشو عجب ماكو اي موضوع لهذة الولاية وخصوصا منظمة اللوثري الوسط الجنوبي شكو هاي لي وين رحتي بس صدكيني كل منقطة تختلف مساعدات مال منظمات حتى لو كانوا نفس الولاية وهم  اشو اختي هي بكلفونيا تكول هاي المنظمة هواية ساعدوهم هم نفس المنظمة مالتج لا تدوخين نفسج تعالي يمي احسن الج واني بيتي مفتوح الج عمري

[بغداد1975]

شكرا اخواني واخواتي
عيني انجي شفايتلي اني يمج بمشيغن جان عيد وسعيد
اشكرج حبي على ردج وهو كله بيد رب العالمين من عنده التساهيل
والفرج للمنتظريييييييييييييييييييييييييين
اختكم بغداد1975

[angie-dawood]

لعد كل عام وانتي بخير حبي 

[عماد الاشوتي]

  اختي العزيزة بغداد , احنا باريزونا منطقة كلندل والمنظمة مالتنة  IRC  ينطونة  مساعدت مالية بقيمة  335 دولار يخلوهة ويا الفود ستامب واحنة نسحبهة من الفود الستامب    هاي المساعدات لمدة  8 اشهر  (احنة 4 نفرات اني وزوجتي و2 اطفال ) بالمناسبة مبلغ ال 335 دولار مو كل شهر ينزل دفعة وحدة لا عيني لا بعدين تزداد الازمة الاقتصادية على امريكا (وتعالى عمي شيلني) المهم اول 15 يوم من الشهر ينزل نص المبلغ  وال 15 يوم الثانية ينزل النص الثاني الحد اهنة   OK  بالنسبة فود ستامب شهريا  668 دولار  وهم اكو  التامين الصحي الحكومي بالنسبة للفود ستامب   والضمان الصحي يبقون ويانة الى ان نلك شغل وحتى اذا كان المورد قليل ما يكطعون المساعدات الحكومية بس يقللون من قيمتهة (بس اتذكري المساعدات المالية  لمدة  8 اشهر  فقط اهنا باريزونا )  طبعا هذا اللي ذكرت بالنسبة احنة عائلة اما اذا كان الشخص وحيد ( فود ستامب  200 دولار  ومساعدات مالية بقيمة 164 دلار  والتامين الصحي ) هاي المساعدات هي برنامج حكومي واكو برنامج  اسمه  (ماجيك كراوند )  هذا البرنامج يدفعلج ايجار مال الشقة لمدة 3 اشهر وبعدين تتحولين على البرنامج الحكومي يعني بعد ال3 اشهر انتي تتكفلين بالايجار وطبعا هذا البرنامج  هم وياه فودستامب والتامين الصحي(اعتقد هم ينطون مبلغ بسيط كمصروف جيب ) (احنة خلونة على البرنامج الحكومي لانه عدنة كفيل وما قبل الكفيل نسكن بالشقة اللي خصصوهة النة المنظمة ولهذا استلمنة  مبلغ  450 دولار كل نفر  على اساس احنة   نشوف  شقة بمكان مناسب ) اما انتو اذا خلوكم بالشقة فهاي ال 450 دولار على اساس يجهزون الشقة بحاجات اساسية انتو تحتاجوهة بالحياة اليومية , ( اللي ذكرت ما يخصنا ويا منظمة IRC  واعتقد المنظمتين الباقية اللي هما اللوثرن والكاثوليك يمكن نفس الشي بالمساعدات)   اسف جدا جدا على الاطالة واتمنى اتكون وصلت المعلومة بشكل صحيح واسف مقدما اذا كان هناك اي معلومة خطا بالمناسبة  (التامين الصحي بعد ال 8 اشهر يتقلص بالنسبة للكبار بعد ما يشملهم فحص البصر ولا فحص الاسنان حسب ما اعتقد اما بالنسبة للاطفال فمفتوح لحد ما ايبلغون سن الرشد ويغطي كلشي وكلاشي ) واتمنى اكون قد اضفت للك معلومة بسيطة    تقبلي مروري وتحياتي وانشاءالله تصلون بالسلامة  [/size

[النورس الحزين]

بسم الله الرحمن الرحيم

معلوماتي عنها سطحيه ولكن احب اكلج اذا تصرفو وياج بشكل غير سليم تكدرين تتصلين بالبوليس وهمه يتصرفون وياهم كما فعل احد الاصدقاء وهو احد رواد المنتدى

نسألكم الدعاء

[بغداد1975]

صباااح الخييييييييييييييييييييييير
اختي العزيزه انجي رح اعجن كليجة على العيد ههههههههههههه
اخوية العزيزعماد الاشوتي اشكرك على التفاصيل بالشرح واسفه تعبتك بالشرح والله وفيت وكفيت
اخوية العزيز انورس الحزين اشكرك على النصيحه وانشاءالله منوصل للشرطة
اختكم بغداد1975

[volca]

اخي العزيز ابو شهاب
هيه نفس المنظمه مالتي تره الكيس وركر العراقيين همه 2 ولد و بنيه وثنينهم زينين
بس القفاص المسؤل ع تجهيز الغراض (يعني مو كل العراقيين بيه قفاصه) بس حبيت اوضحلك منو القفاص

تحياتي

[بغداد1975]

مساءالخير اخواني واخواتي
شكرا على التوضيح ويارب تسهل امورناومايصادفنا ماصادفه البعض من اخوانا واخواتنا
اختكم بغداد1975