اخوان محتاج أرائكم ومقترحاتكم بخصوص نقلي الى ولاية ديترويت (مشكن)

[sinan_1988]

مرحبا احبائي شلونكم انشالله الكل بخير والحمدلله ومرتاحين
بالبداية احب اكلكم انو اني وصلت الى امريكا وهذا يوم الخامس من وصولي الى ولاية كنساس ستي ولاية منبع امريكا بالمواد الغذائيه بصراحه ولايه حلوة والناس بيهم حلوين والحمدلله والشكر مبيها مشاكل ولا اي شي بس اني عندي مشكله اصغيره وهي اني جنت مقدم اللجوء بتركيا وجنت مع بيبتي كبيره بالسن وخالي وهو مريض بمرض انفصام بالشخصيه حاليا هما في ولاية ديترويت لان هما كان عدهم كفاله درجه اولى وانا لا وماقبلو على كفالتي وكلولي احنا انكفلك والحمدلله ماقصورو ويايا والمنضمه زينه ويايا بس اني هسة اريد احول اوراقي الى مشكن ديترويت لان هم اني ضجت بوحدي اهنا وماكو احد يمي وهم بيبتي وخالي محتاجيني لان اني كنت المعين الهم واساعدهم بهوايه اشغال .. الي اريده منكم تنطولي أرائكم ومقترحاتكم وتكلولي شنو المطلوب مني اسوي المنضمتي والمنضمه مشكن وانشالله ياربي تنحل مشكلتي لان كلش تعبة بهاي الخمس الايام الاولى .. واني اشكر الاخت انجي لان هي همينا دتحاول اساعدني وانشالله يصير كل الخير  وتحياتي الكم سنان الحداد من كنساس ستي

[tiger-ALtlkefy]

اخي العزيز سنان
باستطاعتك الانتقال الى ديترويت ميشكان  قبل ان توقع اي شي من المنتطمة وتطلب منهم عدم بقائك بكنساس ورغبتك بالنقل الى دترويت وبهذه الحال لن تقدم لك المنظمة اي شيئ وستكون الرحلة على حسابك الشخصي
اما ان كنت قد قدمت على المنظمة فان الامور التي حصلت عليها هناك سوف تقفدها عند انقالك الى ديترويت او عليك الانتظار لحين انتهاء مساعدات المنظمة التي استقبلتك عندها تستطيع النقل
تستطيع ان تستفسر اكثر من كيس مانجر مالتك
انشاء الله الاخوان يفيدوك اكثر

تحياتي

[النورس الحزين]

السلام عليكم ورحمة الله وبركاته

اخي العزيز اذا وقعت عقد ايجار وبديت معاملة السوشيل سكيورتي والفود ستامب فما انصحك تتحرك من مكانك شبر واحد الا بعد انتهاء مساعداتك تره تتبهذل وراح اكلك الي حيكلولكيا المنظمه وحكلك الي فعلا حيصير وياك

حيكلولك انت محتخصر غير برنامج مساعداتك وتخصر الكيس ووركر مالتك والمنظمه معليها بيك باي شيء غير اتساعدك بايجاد عمل وتساعدك بالدراسه باللغه ان وجدت اخي العزيز هذه الامور الي حتخسرها ابدا لا تستهين بيها ولا تتوقع احد حيكدر يسدها عنك لان اجرائات معقده وروتينيه وابدا مو سهله وخسارة المساعدات مو سهله لان حتتحول الى برنامج اخر من المساعدات اسمه الولفير وهذا البرنامج مخصص للامريكان الي بدون عمل وهو جدا قليل بالنسبه للكاش مني لان الفود ستامب نفسه وايضا هذا البرنامج حيحاسبك على كل شيء اخي معلوماتي هذه ما اجت بالصدفه او عن سؤال او عن احد كلياها وانما انا مريت بيها والي يجي ويكول كلامي غلط خل يراجع نفسه الف مليون مره وبالنسبه ليكلك ينقل فايلك كله ماكو هيج شي حيبقى فايلك وين ما وصلت لان ماكو شي اسمه بامريكا نقل فايل فانصحك لاتغير مكانك واثبت الى ان تخلص مساعداتك وطبعا اذا انت اعزب فاكو كلام اخر

نسالكم الدعاء

[sinan_1988]

اشكرك اخي تايكر على المعلومات وانشالله يصير كل الخير

اخ نورس ماعرف شكلك بصراحه انت هبطتني وهبطت كل معنوياتي المهم يصير كل الخير واني اشكرك على كلامك وحصرك علية ... اخي اني اعزب وبوحدي يعني بيها فد شي ؟

[النورس الحزين]

اذا اعزب فغير ولايه لان مراح تخسر الكثير

[sinan_1988]

اوكي اخوية مشكرو منك وتسلملي هواية

[sinan_1988]

هلو اخواني شنو السالفه محد عنده معلومات يزودنا بيها اخوكم سنان