شكرا ريفولفر وشو ولادارة المنتدى SIV

[echo 9]

بسم الله الرحمن الرحيم
السلام عليكم جميعا
اقسم بالله العظيم انه العراق بخير لان بيه ناس مثل ريفولفر وشو والاخوة ادارة المنتدى والمشاركين جميعا لان والله يا اخوان ما رحت لدائرة من دوائرنا على مود امشي اي معاملة الا وطلبوا مني رشوة ( الكل بدون استثناء ) ولكن اللي وجدته بهذا الموقع والشباب اللي يشاركون بيه انهم جاي ينطون من وقتهم  وخبرتهم ومجهودهم على مود يساعدون الناس العميان مثل حضرتي ان دل هذا العمل على شيئ انما يدل على انكم اولاد حلال وتربين كلش عدل وتعبانين على انفسكم ويا خسارة البلد من تطلع منه وتغادره مثل هاي النماذج اكيد ( راح يظل البيت لمطرة ومطرة تصاول بيه ) يا خسارة العراق .
العراق لو بيه بخت كان صار الاخوة جماعة المنتدى الطيب هذا والمشاركين بيه مسؤولين بالدولة اعتقد وانا جازم بهذا الشي حالنا ينصلح وتكوم ال SIV و IOM تدز النا اللاجئين هنانا يعيشون عدنا مو بالعكس .
اشكرك اخي ريفولفر وايضا اخي شو على مساعدتكم لي
وبالنسبة لكلامي هذا اقسم بالله العظيم مرة اخرى هو الشعور الشعرت بيه من قرات ردكم لا مجاملة الكم لان ما اعرفكم واتشرف بمعرفة امثالكم واخليهم على راسي
اخوكم
Echo 9

[Revolver]

اخوية العزيز والله العظيم مسويت شي اني, هية معلومات وانطيتكياها, عمي تأمر امر انت وكتلك اتمنى يجيني واحد ويكلي محتاج مساعدة, عيوني كبل ايدي انطيهيا .

ريفولفر

[show]

الاخ echo 9
 شكرا لمشاعركم الكريمه و الطيبه
اخي العزيز
كان حالي نفس حالك بل اسؤ عند انضمامي لهذا المنتدى و لم يقصر الاخوه هنا بالمساعده و الارشاد وها انا احاول ان ارد الجميل قدر الامكان

بالتوفيق للجميع