قصتي قصه غريبه عجيبه نصائحكم

[العزاوي 55]

الاخوان الاعزاء في المنتدى المحترمين
قضيتي وباختصار شديد مدوختني حيييييييييييل
اني قابلت بتاريخ25/2/2009 مقابلة توطين ووقعت انا وعائلتي على التوطين في امريكا وكل مره اراجع يكلولي انتظر ملفك تحت الدراسه واخر مره راجعتهم بتاريخ 27/10/2009 نفس الموظف يكلي والله ملف يدرس وما اعرف سبب التاخير وقبل يومين زميلنا ابو سالم كان عنده دوره تثقيفيه وشرح الموضوع للموظفه وماخذه رقم ملفي ونفس الشي تكله ملفه يدرس ربي يوفقه ويوصل بالسلامه والله العظيم تعقدت شسوي كتبتلهم على اميلهم بالنسبه لليو ان وماكو شي شتنصحوني اكتب الى iomلو ماكو فايده علما بنتي بامريكا ومراجعه للمنظمه وكلوله بعثنه بيه ورقه لواشنطن وصار 3 شهور وماكو شي  الي قابلت وياهم كملو وينتظرون السفر وقسم حاليا بامريكاالله يوفقهم جميعا ما اعرف شسوي ارجوكم معاونتي بالطريقه التي ممكن اسلكها وبارك الله فيكم جميعا

[توتاتي]

والله لو عندي معلومات جان ساعدتك بس انتة مقدم من بغداد لو من وين اذا من بغداد فيقولون التاخير كلش عادي

[ام_علي]

السلام عليكم
احب افيدك انو مفلي صار عندي نفس الشي بس راح اكتبلك التفاصيل
انى قابلت توطين 23\7\2007 امريكا
بشهر الواحد 2008 اتصلت موظفة من اليو ان كالت انت بعدج مابدج توطين رديت بلا انى اريد كالت  انتظري
شهر الرابع صارت المقابلة الثانية2008
ورشحتلي استراليا وكندا وقبلت
شهر الثامن المقابلة الثالثة تاسفت منى وكالت انو الحاسبة مخزنت المعلومات مال المقابلة الاخيرة
وانوتريد تكمل اوراقي خلال شهر وتاسفت هواية
والشهر متصلو بية الاشهر السابع 2009 وبهاي المدة اروح لكفر سوسة يكولون ملفج قيد الدراسة
وراها يكولولى الموظفة تركت اليو ان المهم ايست
وبعدها تحول ملفي للهجرة الدولية قابلت مقابلتين وبقت الوفد وننتظر الفرج
فهاي قصتي بس انشاء الله تكون سفرتك اسهل واسرع

[بغداد بقلبي]

السلام عليكم  اذا امكن ان تذكر انته باي بلد حاليا وملفك وين  اب سوريا او بالاردن انته امقدم او تركيا وان شاء الله نكدر انساعدك

[ابو سالم]

العم الغالي ابو سرمد
بعد التحيه
اني اتمنى من الله سبحانه وتعالى انه يسهل امرك بالسفر ويجمع شملك ويا بنتك ويا حفيدك الغالي حمودي والله يسهللكم وان شاء الله اكون اول المستقبلين الكم بالمطار
اما بالنسبه الي يسئل على التقديم فالتقديم من سوريا عمكم العزاوي مقدم
اخوك
ابو سالم

[العزاوي 55]

شكرا اخي توتاتي وان شاء الله مراح يقصرون الاخوان الاعزاء
اختي ام علي الله يكون بعونكم ويسهل امركم بس انتي كلتي قابلتي على امريكا عام 2007 المقابله الاولى والمقابله الثانيه بعام 2008 ورشحولك استراليا وكندا يعني شنو امريكا رفضتكم لو شلون والله يبارك بيج
عزيزي بغداد بقلبي اني من سوريا ربي يحفظكم
الغالي ابو سالم الله يسمع منك وتوصلون بالسلامه ان شاء الله

[بغداد بقلبي]

اخي الغالي ان شاء الله باسلرع وقت يتم اتخاذ القرار على ملفك ويتم تحويله الى بلد التوطين ودائما مثل هيج شغلات اتكون بسبب بعض الاخطاء خلال المقابله مثلا اختلاف بعض الكلام او تاريخ او الحظ طبعا وبالنهايه انته مدام قابلت اب قسم التوطين فاطمئن وحتى اذا الموضوع استغرق وقت بس النتيجه دائما تكون جيده ومقبلوه بس مسالة الوقت والله ايفرجها عنك باسرع وقت

[العزاوي 55]

اخي الغالي بغداد بقلبي السلام عليكم
شكرا جزيلا والله يوفقكم يا رب ننتظر والله كريم بس الانتظار دمرنه والله اني من عام 2005 بسوريا ولحد الان اراوح بمكاني ما نقول غير ربنا يفتحه على الجميع بالخير والبركه وراحت البال

[ام_علي]

السلام عليكم
الاخ العزاوي بالنسبة لسؤالك امريكا مرفضتنا بس هي الموظفة رشحتنا لهاي الدولتين علما كانت امريكيةمع المترجم وبعدين رجعوا على امريكاوالان انتظر بس مقابلة الوفد والله يوفق الجميع علما انى اول مقابلة بالمالكي يعني اكثر من مخضرمة واى سؤال بالخدمة
سلامي

[abumark]

اخوي العزاوي راح تجي وتلحك على التعب وعلى الندم حتى راح تجي واخذها من اخوك

[العزاوي 55]

اختي العزيزه ام علي الله يبارك بيج وربي يسهل امركم وتقابلون الوفد ويوم نسمع خبر سفركم ان شاء الله

اخي العزيز ابومارك الغالي والله مال اتندم فهذا يم الله سبحانه وتعالى لانه رجعه للعراق مستحيله الموت امامنا والذله من خلفنا يا حبيبي الي يعيش بعيد عن بلده ينذل هذا بالنسبه النا الي عايشين بدول الجوار يا حبيبي اذا تفتحلك فد مشروع زغيرون يكلفك فد 1000 دولار بس الي تدفعه اربع اضعاف المبلغ معاملات ورخص وغيره وغيره ما عدى بالشهر يجوك الشباب ومو اقل من ستة اشخاص باليوم واحد كل يومين واحد حتى ياخذون المقسوم يعني الي تشتغله لازم تقسمه وياهم بالنص وما تكدر حتى تسدد الايجار اما الي يشتغل باليوميه عدهم عشر ساعات 200 ليره وانته تصرف منه الكراوي والاكل شراح يبقالك وبنهاية الاسبوع يله ينطيك وشينطيك نصف المبلغ ويبقي الباقي يمه حتى من تترك الشغل ياكل الباقي وطخ راسك بالحيط فما اتصور من تعرف هاي الامور راح تكول تتندم
ربي يوفقكم جميعا