تحية للاخوة الاعزاء ريفولفر وشو وابو اندرو وماجلان ولبقية المشاركين بالمنتدى

[echo 9]

بسم الله الرحمن الرحيم
تحية خالصة من القلب للاخوان ريفولفر وشو وابو اندرو وماجلان ولكل الاخوة الاعزاء ادارة المنتدى والمشاركين به . اليوم ارسلت اول رسالة لل SIV بعد ان اكملت كل الوثائق المطلوبة لذلك وذلك بفضل من الله سبحانه وتعالى والجهود المشكورة للاخوان ريفولفر وشو وابو اندرو وماجلان اللي ما قصروا معاي بالمعلومات التي يمتلكونها وتوجيهي من قبلهم خطوة بخطوة وخصوصا اخي بالله ريفولفر اللي اتشرف بيوم انه يكون لي صديق مثله ولو انا ما اعرفه ولاشايفه بيوم بس هو اللي ساعدني وبادق التفاصيل وبالشرح الواضح مما سهل لي ارسالي لاوراقي كاملة واليوم اجتني اوتو ريبلي يكولون بيها انتظر 3 اسابيع وانا ما وراي شي راح انتظر .
المهم ردت ابعث باقة ورد للاشخاص المذكورين اعلاه على سعة صدرهم وتحملهم لاسئلتي .
ادامكم الله ذخرا وعزا وجاها ومثل ما قلت لكم سابقا وانا صادق بما اقول انه في حالة خروج نماذج مثلكم من البلد صدقوني العراق هو الخسران
اخوكم
Echo 9

[Abo Andrew]

اخي العزيز

شكرا على الكلام الرائع
اني بصراحة خجلان لان مكدرت اقدملك اكثر من الاخوة وخاصة الاخ ريفولفر لان بصراحة كلما جنت اشوف الشرح مالتة الك ايخلي الواحد يفتخر انه اكو هيج ناس بالدنيا
والسبب هو اني مكملت وية الاس اي في عفتة بوكتهة لان جنت مقدم على الاي او ام وصار موعد السفر اللي كدرت اسوي انطيك معلومات البرنامج وطريقة التقديم

انشاء الله معاملتك تمشي على السريع وبما انه انت لا تزال تشتغل لا ادير بال راح تمشي امورك بسرعة

اتمنالك كل الموفقية

بس اشو الورد موصلني شلون دزينة بالدي اج ال لو بفيدكس ؟؟  

تحياتي

[Revolver]

حبيبي echo

عمي والله العظيم سويت الواجب اني, وبصراحة خجلان منك, وياربي نتشاوف بأمريكا ان شاء الله ونكون اكثر من اخوة واخليك بعيوني وصدكني الفضل بعد رب العالمين سبحان وتعالى, للأخوة الاعزاء من اداريين الى اعضاء لأن همة بأخلاقهم وبطرحهم للمواضيع وبلخير الي يسووو للناس يجبرونة انسوي هل الشي ولو هذا شي بسيط جداً بلنسبة للي سوو همة ومشكورين كلهم وبارك الله بيهم اجمعين والله يوفقهم ان شاء الله ويرتاحون ويبنون مستقبلهم ومستقبل عوائلهم ..

ابو اندرو العزيز الغالي صدكني اني اتعلم منكم, انتوا الاساتذة بعمل الخير واحنة التلاميذ .. ربي يحفظكم ويرعاكم. وان شاء الله رب العالمين يسهلهة عليك ويريح بالك واتشوف ولد ولد اندرو الله يخلي ياربي ..

اخوكم ريفولفر

[echo 9]

السلام عليكم
عمي ابو اندرو والله لو اعرف طريقة ارسل بيها باقة ورد الكم كان هسه اوديها بس تعرف شي انا اعتبر رسالتك وردك هو اكبر من اي بوكيه ورد يرسل
راح اسميها وردة عنكاوا وارسلها الكم
تعرف انه والله كلما اكتب حرف للاخوة بهذا المنتدى احس انه انا هسه مو بالعراق وتراودني احلام انه انا عايش بامريكا لان بالليل وياكم بالمنتدى اشوف واسمع منكم كل ماهو جميل وانساني والصبح من اروح للدوام اشوف بالشارع الواقع العراقي المر
المهم الك عندي بوكيه ورد امانة من اوصل لامريكا او اشوف طريقة لارساله الك مناه راح اوديه الك بس ترسل لي العنوان البريدي
 
وريفولفر ما قصر وياي وهمين اله بوكيه ورد
تتدللون لانكم تستاهلون
كافي الاخلاق العالية العدكم ربي يحفظكم جميعا