دليل ولايه تكساس معلومات الاعضاء وتجاربهم

[ابو عبد الله التكساسي]

تحيه عرفان وتقدير للاخ الغالي ريفولفر الي صدرر المبادره لهذا الموضوع القيم واني شخصيا اهنيك عالفكره الحلوه
واهنا راح يكون تجمع التكساسيين من الشمال الى الجنوب

تحياتي للجميع
ابو عبد الله التكساسي


بسم الله  الرحمن الرحيم __( ولايه تكساس )

[ابو عبد الله التكساسي]

والاية تكساس .. ولاية الرئيس Texas :

منقول من الاخ نور

تقرير واشنطن: تعد ولاية تكساس من أكبر الولايات ذات الحدود المشتركة من حيث المساحة وتقع في الجزء الأوسط من جنوب الولايات المتحدة الأمريكية ويعود اسم الولاية إلى لغة قبائل الهنود الحمر ومعناها "الأصدقاء" وتعتبر تكساس المقصد الأساسي للكثير من المهاجرين الجدد وخاصة من الدول العربية وتأوي الولاية ما يزيد على 210.000 أمريكي من أصل عربي حسب تقرير المعهد الأمريكي العربي.
وتبلغ نسبة المسلمين في الولاية 2,8% أو 140 ألف طبقا "لتقرير مجلس المنظمات الإسلامية" في شيكاغو وتحتل تكساس المرتبة السابعة من حيث نسبة السكان الأمريكيين من أصل عربي وهم تنتمي جذورهم إلى لبنان وسوريا حيث كانوا من أوائل المهاجرين إلى هناك ثم تبعهم المصريون والفلسطينيون والأردنيون وعدد لا بأس به من عرب الخليج.
يتوزعون على خمسة مقاطعات بالنسب الأتيه:
28% في مقاطعة هاريس Harris.
14% في مقاطعة دالاس Dallas
10% في مقاطعة ترانت Tarrant
7% في مقاطعة بكسار Bexar
6% في مقاطعة ترفس Travis
من أهم معالم الولاية مركز ليندن ب. جونسون Lyndon B. Johnson وهو مركز للفضاء في مدينة هيوستن Houston وكذلك آلامو Alamo في مدينة سان انطونيو San Antonio ثم المنتزه القومي لجبال الجوادلاوبي Guadalupe Mountains National Park .وتشتهر الولاية بكونها مسقط الرئيس الأمريكي جورج دبليو بوش George W. Bush والرئيس السابق دافيد ايزنهاور David Eisenhower وكذلك الممثل الأمريكي الشهير تومي لي جونز Tommy Lee Jones .
جغرافية تكساس: تحد دولة المكسيك Mexico ولاية تكساس من جهة الجنوب الغربي وولاية لويزيانا Louisiana من جهة الشمال الشرقي ويحدها غربا" ولاية نيومكسيكو New Mexico .
وتتكون الولاية من 254 مقاطعة، وتبلغ مساحتها الكلية 678.054 كم مربع وبذلك تبلغ المرتبة الثانية بعد ولاية الاسكا بين الولايات المتحدة الأمريكية من حيث المساحة ويأخذ شكل الولاية على الخريطة شكل رأس الجاروف تقريبا" وبسبب مساحتها الكبيرة توجد اختلافات جوهرية بين مناطق تكساس المختلفة وذلك من حيث الطبيعة الجغرافية والمناخ وتنقسم تكساس إلى ستة مناطق هي:
شرق تكساس: المنطقة بين سابين Sabine وأنهار الثالوث Trinity Rivers وتحتوي على تلال مغطاة بأشجار الصنوبر والمستنقعات الخاصة بأشجار السرو Cypress وكذلك العديد من مزارع القطن والأرز كما يوجد مخزون نفطي هائل في هذه المنطقة.
ساحل الخليج: وهى المنطقة الواقعة على خليج المكسيك حيث توجد مدينة هيوستن Houston رابع أكبر مدينة في الولايات المتحدة الأمريكية وهذه المنطقة منطقة سياحية وصناعية في نفس الوقت. وادي ريوجراند Rio Grande Valley : وهى المنطقة السهلية التي تمتد بطول وادي ريوجراند مع حدود المكسيك وتتميز هذه المنطقة بتربية الماشية.
براري الأرض السوداء Black Land Prairies : وهى المنطقة التي استصلحت للزراعة عندما قدم الأمريكيون إلى ولاية تكساس في 1820 ومن أهم المدن هناك مدينة واكو Waco ودالاس Dallas . السهول العالية: وهى المنطقة الواقعة في الغرب الجنوبي لولاية تكساس وهى منطقة تشتهر بتربية الماشية وزراعة القمح والقطن وتتميز بوجود عدة شلالات ناحية مرتفع اداوردز Edwards Plateau ومن الشلالات المعروفة عناك شلالات وتشيتا Wichitta Falls .
غرب تكساس: وهى تشمل جميع الجزء الغربي من تكساس حيث توجد نهر بيكوس Pecos وجبال تكساس الساحرة مثل دافيس Davis Mountains وقمة جواد لاوبي Guadalupe Peak وصحراء بيج بيند Big Bend .عاصمة ولاية تكساس هي مدينة أوستن Austin ويبلغ عدد سكانها 672.011 حسب إحصائيات Antonio ودالاس Dallas والباسو El-Paso .
تاريخ تكساس: يعتبر الأسبان أول من جاءوا إلى تكساس في القرن السادس عشر والسابع عشر من أوروبا وكان على رأسهم الأسباني ألفار كابيزا دو فاكا Alvar Cabeza de Vaca والأسباني فرانسيسكو دو كورنادو Francisco de Coronado .وقد استقروا في منطقة ايزلتا Ysleta بالقرب من مدينة ال باسو EL-Paso عام 1682 وفي عام 1682 أسس الفرنسي روبرت كافيلير Robert Cavelier مستعمرة قصيرة الأمد في خليج ماتاجوردا Matagorda Bay ثم جاء الأمريكيون وعلى رأسهم ستيفين اوستن Stephen Austin للاستقرار على ضفاف نهر برازوس Brazos River وذلك عندما كانت تكساس تحت سيطرة المكسيك عام 1821 بعد انفصالها عن أسبانيا.
وفي عام 1836 وبعد حرب قصيرة بين السكان الأمريكيون والحكومة المكسيكية ثم الإعلان عن قيام جمهورية تكساس وأصبح سام هيوستن Sam Houston رئيسا" لها وبعد ذلك انضمت تكساس للولايات المتحدة عام 1845 ثم اندلعت الحرب مع المكسيك من 1846 وحتى 1848 بسبب الخلافات والنزعات حول الحدود. والآن تعتبر تكساس أحد الولايات التي تتميز بثراء من حيث الموارد الطبيعية وولاية زراعية من الدرجة الأولى وكذلك عملاقة في مجال الصناعة.
سكان تكساس: حسب إحصائيات عام 2003 يبلغ عدد سكان ولاية تكساس 22.49071%، نسمة ويشكل البيض من أصول أوروبية غالبية عظمى تبلغ 71%، والأمريكيون الأفارقة 11.5% والهنود الحمر 0.6% والأسيويون 2.7% والأمريكيون اللاتينيون 32% بالإضافة إلى نسبة 11.7% غير مصنفة إثنيا" و2.5% أجناس مختلطة. وتبلغ نسبة المهاجرين أو المولودون خارج الولايات المتحدة 13,9% وتقدر نسبة الكثافة السكانية80 شخص في الميل المربع وتبلغ نسبة من يملكون مساكنهم 65.5% ونسبة الفقراء 16.3% بالمعايير الأمريكية.
اقتصاد تكساس: بلغ إجمالي الناتج القومي لولاية تكساس 822 مليار دولار عام 2003، ووصلت نسبة البطالة 5.1% عام 2005 ويبلغ متوسط دخل الفرد سنويا" 31,984$. ويبلغ حجم قطاع الصحة والرعاية الاجتماعية 50 مليار دولار وقطاع المواصلات 29 مليار دولار وقطاع الإعلام 37 مليار دولار.
وتعتبر ولاية تكساس من أغنى المصادر الطبيعية للمعادن والنفط، وتعد الولاية من أكبر الولايات الأمريكية في إنتاج البترول والغاز الطبيعي والغاز الطبيعي المسال وكذلك تنتج غاز الهليوم والملح والفوسفات وكبريتات الصوديوم والجبس والأسمنت. أما من ناحية المنتجات الصناعية فهناك العديد من المنتجات مثل الكيماويات ومعدات النقل والماكينات والأجهزة الالكترونية مثل الكومبيوتر وأصبحت الولاية رائدة في هذا المجال خلال العقود القليلة الماضية وتعتبر المنطقة المحيطة بمدينة دالاس Dallas وفورت ورث Fort Worth من أكبر أماكن تصنيع الأجهزة الالكترونية وامتدت أيضا" إلى مدينة أوستن Austin .
ومن ناحية الزراعة تعتبر تكساس أحد أهم الولايات الزراعية، فهي تنتج الماشية والقطن وتحتوي ولاية تكساس على أكبر عدد من المزارع والأراضي الزراعية والخراف متفوقة بذلك على الولايات الأخرى ومن المحاصيل الزراعية الهامة القطن والأرز والشوفان والقمح والخضراوات والليمون بأنواعه والفواكه الأخرى كما تعتبر منتجات الألبان والماشية من مصادر الدخل القومي الهامة للولاية كما تعتبر صناعة صيد الأسماك من الصناعات القوية في ولاية تكساس ومن أهم صيد الأسماك الجمبري والمحار البحري والمنهيدن وهو فصيلة من جنس الرنجة.
جامعات تكساس: من أشهر الجامعات هناك جامعة تكساس في مدينة Austin اوستن U. of Texas at Austin وهى جامعة حكومية تأسست عام 1883 ويبلغ عدد طلابها 50.377 وجامعة هيوستن Houston Community College وهى جامعة حكومية تأسست عام 1971 ويبلغ عدد طلابها 39.838. وتوجد أيضا جامعات مرموقة مثل جامعة رايس Rice University وهي جامعة خاصة بمدينة هيوستن.

-- وشكرا  (((((((((((    نور  )))))))))))))-------------------------------------

[ابو عبد الله التكساسي]

ممكن ان نضيف اسئله الاخ الغيور العراقي في مو ضوعنا وهي كالتالي لتسهيل الامور

الاسئلة هي عن الولاية ...

1_ اسم الولاية التي انت ساكن فيها ؟؟؟

2-  كم الفترة التي انت عايش بيها في الولاية ؟؟

3- العمل متوفر بكثرة او قليل وماهو العمل الذي يوجود بكثرة  ؟؟؟

4-الايجارات ااشكد الاسعار من الارخص وفما فوق ومن ناحية النظافة البيت وعدد الغرف  وكل شي ؟؟

5_ من كم سنة وانت مهاجر من العراق ؟؟

6- هل يوجد عراقيين معك في الولاية وكم تقدر عددهم ؟؟

7- هل تستطيع  ان تكفل شخص من المنتدى ؟؟

8- حالة الجو ؟؟

9- برائيك  ماهو احلى شي  في ولايتك؟؟

10 هل انت تدرس  ام تعمل وما هو عملك وكيف تصف عملك ؟؟

11- ما نوع عيشتك هل انت ساكن في البيت ام شقة؟؟

12_ كم عدد الجامعات في ولايتك وارجو ذكر اسمائها ؟؟

13_ المواصلات شنو موجود اكثر شي وشنو انت تستعمل اكثر شي للوصول الى المكان الي 

  انت اتريد توصلة ؟؟

14_  من اي نوع من هذه المساعدات لديك(فود ستام _ راتب _ معيشة كاملة_ لاشي )

15 _ الخدمات المجانية المتوفرة شنو هيا ؟؟ ارجو ذكرها ؟؟

16_   على اي منظمة تتبع ؟ وماهي اسمها ؟؟

17_ عدد المنظمات الموجودة في ولايتك وماهي اسمائها ؟؟

18_وما هي نظريتك العامة حولة امريكا ؟؟

19_ماذا تنصح القادم الى امريكا او الى الولاية مالتك ؟؟

20_ ماذا تصف الناس الاميركان او الغير جنسيات  الي عايشيين بنفس ولايتك ؟؟

21- هل يتوفر لديك انترنيت والجهاز الهاتفي؟؟

22- هل لديك عمل لوحدك ام انت عامل؟؟
 
21_ ماذا رائيك بالموضوع ؟؟



وارجو الجواب من الجميع الي موجودين بأمريكا للفائدة العامة  ... واي عضو  من 

  الاعضاء عندا سؤال حاب يضيفة ارجو اضافتة على الموضوع  ..


تحياتي


IRaQI JEALOUS   

[ابو عبد الله التكساسي]

http://texas.hometownlocator.com/tx/houston/
معلومات عن مدينه هيوستن


http://www.ankawa.com/forum/index.php/topic,353214.0.html
معلومات عن المنضمات في كل الولايات منقول من الاخت جنجر

[ابو عبد الله التكساسي]

من الاخ شبعت من الاهرامات ( تجربه شخصيه))
 
السلام عليكم
ولايتي هي تكساس مدينه اوستن
طبعا اوستن هي عاصمة تكساس الجو تقريبا مثل جو مصر بارد بالشتا ولا توجود ثلوج وبالصيف حار رطب واحيانا مطر .مدينه نظيفه اكثر من بقية مدن تكساس لانها تعتبر العاصمه يوجد عرب وعراقيين بيها بس اقل من هيوستن ودالاس ويوج محلات حلال هوايه واسعارها مو اغلى من المولات تقريبا نفس السعر واكو محلات باكستانيه اسعارها ارخص مثل شاهي سكانها امريكان ومكسيك بس حاليا اكو نزوح كبير للامريكا وهويه تحولوا وديتحولون لتكساس لان يتعبرونها ولايه غنيه وموهوايه متاثره بالازمه الاقتصاديه اسعار الايجارات لشقه غرفه وحده من 550 الى 700 دولار وغرفتين من 650 الى 1000 دولار حسب المنطقه ونظافة المجمع ,اكو منظمتين لاستقبال الاجئين هي الكريتاس وال ار اس تي اني شفت الكريتاس احسن بهوايه من المنظمه الثانيه .بالنسبه للفود ستامب للاعزب ينقطع في حالة يشتغل براتب همه يحددوا اله وللعائله ايضا ينقطع اذا صار دخل العائله رقم  دائرة الفود ستامب تحدده بس يبقى للاطفال والتامين الصحي يبقى 8 اشهر فقط ولا يشمل الاسنان وللاطفال يبقى لسن ال 21 وشامل كلشي ,بالنسبه للعمل اكو يشتغلون ويه الجيش مترجمين وممثلين بقواعد واكو يشتغلون بمحطات غسيل السيارات واكو كاشير بمول واكو اشتغلوا بفنادق واكو اشتغلوا بمحلات عربيه واكو قسم التهوا يدروسون لمعادلة الشهاده واكو لحد الان بدون عمل (هذوله الي انكليزيتهم ضعيفه لان هنا من يريدون يشغلون شخص لازم اقل شي شويه يفتهم عليهم حتى لو ايطكطك وياهم بس الي ميفتهم ولا يعرف شويه ايجاوب هذا مشكله من يشتغل حتى المنظمه اتحيير وين اشغله.واكو هنا برنامج دراسي يطول 5 سنوات ويتخصص (مساعد طبيب اسنان_مساعد صيدلي _اشعه_سونر)بس لازم يتعاقد وياهم ابد ميترك الدراسه ورها همه يعينوا بمكان لازم ميرفضه وتكون الدراسه باجور رمزيه
بالنسبه للسكن ايضا موجود السكشن 8 والهاسنك بس منصحونه بي لان كالوا مناطق جدا تعبانه (خصوصا الي عنده اطفال بالمدرسه لان راح يختلط بيهم و واحد مامسموحله ايخلي اطفاله بمدرسه بغير منطقتنه) بس الي ماعنده اطفال بالمدارس مو مشكله (الي ساد بابه محد اله علاقه بيه ولا احد يتحارش بيه)
واتمنى الموفقيه للجميع

[ابو عبد الله التكساسي]

 

من نفس الموضوع ((ابو قمر
خي العزيز هذا كل ما قدمه الاخ العزيز ابو قمر عن المدينة  فورت ورث  في ولاية تكساس


مساء الورد ...
طبعا مثل وعدتكم راح اكمللكم  تفاصيل السفر  وما بعد السفر ..
اليوم راح اكمللكم الرحلة اضافة راح احجيلكم على الاستقبال والمنزل الجديد ... وانشاء الله الموضوع القادم راح اكتبلكم عن تفاصيل الخدمات والمساعدات الي بولايتنا ...
طبعا اخر شي وصلنا للانطلاق من مطار بودابست .. طبعا كان هناك ترانزيت 6 ساعات وزاد ساعتين اضافيتين .. يعني 8 ساعات ترانزيت .. حالة صارت بالمطار من المفيد ان نذكرها .. كان في بنت صغيرة بعمر قمر لعائلة عراقية ويانه  وكانت درجة حرارتها مرتفعة .. فطلبنا من موظف الاي او ام دكتور وبالفعل خلال دقائق كان اكو دكتور وممرضة فحصوا الطفلة ... يعني من هذا نستنتج ان اي حالة مرضية تصير وياكم ممكن استدعاء الدكتور بالمطار ويقوم باللازم ..
رحلتنا لنيويورك كانت على شركة دلتا .. طبعا الجنط الكبار متشوفوهم الى بالنقطة الاخيرة من السفر أو اذا كان اكو مبيت فراح تستلمون جنطكم .. طلعنا لطيارة الدلتا كانت طيارة كبيرة جدا واغلب الركاب امريكان .. وطبعا الابتسامة والوجوه المبتسمة بكل مكان .. حتى كان ويانا فريق تزلج امريكي بنات وكانوا وياهم ميدالياتهم وفرحانين والكل يباركلهم وفرحان بيهم حتى الطيار القة تحية الهم ( ذكروني بأغنية جيب الكاس جيبه , طبعا هسه هما منتخبنا الوطني ) ، المهم الرحلة جدا طويلة 9 ساعات بالجو .. يتخللها وجبتين اكل وبصراحة الاكل جيد وطيب .. والمشروبات مفتوحة شتريد تشرب اشرب .. المهم نمنا وكعدنا ونمنا وكعدنا واكلنا وشربنا وبعدها الطيارة بالجو .. المهم اخر شي وصلنا لمطار
نيو يورك الساعة خمسة العصر .. نزلنا بمطار جون كندي وكان اكو 3 موظفين اي او ام  اثنين منهم عرب ( تونسي ومصري ) ، طبعا هنا راح تبدي مرحلة جديدة وراح  تشوف الحياة السريعة على اصلها .. بمجرد وصولنا اخذونا لمكتب وصيحوا اسمائنا واخذوا الكياس وكلشي عالسريع حتى من تسألهم ميجاوبوك .. سريع سريع .. بعدين بصمنا بصمة على ورقة وراها بدقائق انطونا وثيقة مهمة جدا والي هيا I-94 والي تسمى عدنا الوايت كارت والي هيا سند وجودك بالولايات المتحدة الامريكية وكل واحد سلموا اياها بيده وانطونا اجياسنا واخذونا لكاونتر بيه شرطة وكمبيوتر واخذنا بصمات لكل الاصابع على نفس الجهاز الي اخذنا بيه بيوم مثابلة المحلفين .. وبعدها انفصلوا عنا ثلاث عوائل الي كانت وجهتهم الى مشكن ( شيكاغو ) لين طيارتهم جاهزة .. واحنا اخذونا استلمنا الجنط وبحركة سريعة الى باب المطار وعافونا كلولنا انتظروا الباص الي راح يجي يا خذكم .. وبالفعل ورا 10 دقايق اجه الباص وبيه واحد صيني جنه جيت لي  .. حملنا الجنط بالباص واتجهنا للفندق .. طبعا الجو بنيورك جمااااااااااااااد مو طبيعي .. وصلنا الفندق ابو السيارة شمرلنا جنطنا بالشارع وكللنا هذا الفندق ونزلوا جنطكم للمستودع .. طبعا اتعاونا عليها ونزلناها للمستودع  طبعا اكو سكة متحركة مجرد تحط الجنطة هيا تنزل .. بعدها دخلنا للفندق  .. انطونا كل واحد وجبة اكل وعلبة كولا .. ومفتاح غرفته . وطبعا المفتاح على شكل بطاقة ذكية يعني ماكو مفتاح حديد . الفندق كان لا بأس بيه .. دافي جدا مي حار وبارد وتلفزيون .. الاكل مكان طيب رغم ان الغلاف الي عليه مرتب ومبين المطعم مشهور بس مكان طيب .. المهم اخذنا حمام وعلى وجهنا نمنا من التعب .. المهم كعدت الساعة خمسة الصبح اتصلت بالوفس جوه وسئلته يمتا نطلع كلي الموظف يتصل بيك كتله اوكي .. فتحت الابتوب كل بلكي اكو انترنت وبالفعل كان اكو انترنت .. وكتبتلكم من الفندق واني دا اكتبلكم اندك الباب بقوة وبسرعة شلون الشرطة من يجون على واحد فراري .. فتحت الباب لكيت الموظف يكلي شدتسوي هنا يله انزل السيارة راح تعوفك اتاخرت عالطيارة .. كتله شنو هالحجي غير تخابرنا قبله بوكت اني عندي طفلة ميصير هذا الاسلوب .. المهم بدلت ونزلت عالسريع  وحملنا الجنط بالسيارة والسايق هم صيني ومستعجل .. طبعا انفصلنا العوائل كلها بس احنا بقينا والصوماليين .. المهم اخذنا وشمر جنطنا اباب المطار وعافنا ومشى .. طبعا الي ميعرف انكليزي شغلته تعبانة .. لين من نيورك وصاعد لازم تخدم نفسك بنفسك .. موظف الاي او ام مموجود دخلت الجنط للمطار وكعدت عائلتي وكعدت الصوماليين ليرحون يضيعون ودورت على الموظف ملكيته لكيت موظف شركة دلتا انطيته اسمي ورقم الرحلة سحبلي تذاكري وكلي ودي الجنط عالوزن .. طبعا جان اكو اكثر من عائلة ايرانيين وروس وهم عراقيين .. اخذت الجنط ورحت للوزن طبعا موظفيهم بغاية الروعة .. البنية استلمتهم مني ورحبت بينا وانطتني ارقام الجنط وكلتلي اتوجه لقسم التفتيش .. وهذا هو التفتيش الوحيد الي تفتشناه .. طبعا كل  جنط الهاند باك والجاكيت والحذاء توضع بصندوق بلاستيك وتدخل السونار واني وزوجتي ندخل من على بوابة التفتيش طبعا اني مرنت البوابة فرجعني مرة ثانية وهم مرنت فتشني تفتيش عادي وكلي اوكف على جنب طبعا بعد مطلعت الاغراض من السونار فتشوها يدويا الابتوب فحصها على جهاز من غير ميشغلها .. الجنط الهاند باك مسحوها بقطعة قماش وفحصوها .. وزوجتي فتشتها شرطية وتفتيش جدا عادي .. بعدها كلولي استلم جنطك  كلشي تمام  ومبتسمين بوجهك وكله سير .. مو تعال لك ..
بعدها قرينا رقم الرحلة على الشاشة ورحنا بعدها للبوابة الخاصة برحلتنا .. طبعا موظف الاي او ام ماكو  .. وراها بنص  ساعة اجه الموظف ولكانه كل واحد بمكانه .. المهم  طلعنا للطيارة  .. مدة الرحلة ساعتين من نيويورك الى اتلانتا .. الرحلة يتخللها بسكوت ومشروب فقط .. وصلنا اتلانتا وكانت اله طيارة ثانية  .. انتقلنا من بوابتنا الى بوابة رحلتنا الثانية  عن طريق قطار وصلنا للبوابة قبل موعد الاقلاع ب 45 دقيقة .. دخلنا الطيارة والرحلة ايضا كانت حدود الساعتين الا عشر دقايق من مطار اتلانتا الى مطار دالاس فورت وورث  وايضا الرحلة تتضمن بسكوت + مشروب  ..
المهم وصلنا مطار دالاس فورت وورث نزلنا وحدنا .. ادور على موظف  دائرة التوطين ماكو .. سئلت الشرطي منين اكدر اخذ جنطي .. دلاني الرجال وصلت يم الجنط .. وراها بشوية اجت بنية كلتلي حضرتك ابو قمر كلها نعم عرفت عن نفسها وكالت اني جايه اخذك لبيتك الجديد .. استلمنا الجنط واخذناها لسيارتها  وطبعا كوه يله وسعت لين عدنا 6 جنط .. واختنا للبيت بالطريق ظلينا نسولف عن الشغل وعن الخدمات وهالسوالف .. وصلنا البيت ..
مواصفات المنزل ..
البيت يتكون من  غرفة وصالون وحمام مع غرفة ملابس .. البيت طابق ارضي  .. المنطقة جدا حلوة ومرتبة بس بيها اغلبية سود بس لي هسه مشفت اي مشكلة كل واحد بحالة .. ايجار البيت 345 دولار بالشهر عدا المي والكهرباء .
الاثاث : سرير نفرين مع فراش وجراجف نظيفة .. سرير طفلة مع جراجف ( طبعا هذا الي لين قمر ممتعودة تنام على سرير محصور )  ، ميز وثلاث كراسي من ضمنهم كرسي مال اطفال ، قنفة  وميز صغير عدد 2 ، المطبخ بيه ثلاجة طباخ كهربائي مع فرن ، غسالة صحون .. ادوات مطبخ صحون كووومة , 5 ملاعض ..3 شوكات ، سكينة وحدة ، جدرية تيفال + طاوة تيفال ..
الاكل : مسواك يكفي لمدة عشر ايام .. تمن .. دجاج .. لحم مثروم .. 16 بيضة .. جيلكان حليب + جيلكان عصير .. بطل زيت ، علبة شاي 110 ظرف ، كيلو سكر ، اسبكتي ومعكرونه .. ست طماطات ، خيارتين صغار ، وخيارتين كبار .. اربع بصلات كبار .. 3 روس ثوم .. جيس بتيته جبير .. كيلو فاصوليا خضرا .. كيلو كرع .. راس خس .. كيلو جزر .. علبة زبد وعلبة جبن .. ويمكن اكو كم شغلة نسيتها .. بس الاكل زين بس المخضر قليل اضطريت انه اشتري .
بعدها الموظفة عافتنا ودلتنا على كم بيت عراقيين وكالت باجر الصبح يجي ياخذكم واحد من منظمتنا حتى تسوون معاملة السوشيل سكيورتي ...
طبعا الموضوع الجاي راح اكملكم شصار ويانه .. شنو حجي العراقيين .. ماهي الفائدة من وجود عراقي قريب منك .. تفاصيل المساعدات الي افتهمناها من المنظمة ..
تحياتي
اخوكم ابو قمر

صباح الورد ...
طبعا هنا الصباح بامريكا يختلف بين لاجىء ولاجىء .. يعني اكو جماعة صبحهم الساعة 12 الظهر واكو جماعة صبحهم الساعة سبعة الصبح ....
اليوم راح اكمللكم  النظرة الاولى للبيت الجديد المجتمع الجديد ... اخر شي وصلنا لمن وصلتنا موظفة وكالة التوطين للبيت .. طبعا اول مدخلنا للبيت بدت الموظفة تشرحلنا شلون نستخدم المي الحار وشلون نشغل الاير كوندشن  كانه احنا جايين من  الصومال .. بعد الارشادات المهمة من قبل الموظفة .. كالت اكو هوايا عوائل عراقية قريبة منكم بنفس المجمع  واتصلت باحد الاخوان العراقيين وبالفعل خلال دقيقتين كان عدنا .. بعدها كالت اني راح اروح واعوفكم هسه لين انتم تعبانين وبكرا الصبح يجيكم موظف ثاني ياخذكم حتى تقدمون معاملة السوشيل سكيورتي  .. الموظفة راحت .. وبلشنا احنا اسئلة باخونا العراقي .. الرجل كان اله وجهة نضره الخاصة الي هبطت معنوياتنا .. المنطقة مو زينة والناس تشرب بالشارع والمنظمة كلاوجية وجذابين وووو ...  استقبال حافل واحنا جسمنا منعنع من الطيارات .. المهم اخذني الرجل بجولة فرجني السوبر ماركتات القريبة  والطرق طبعا بسيارته الخاصة  ..
طبعا ام قمر حيل انقهرت وضاجت واني بديت اشتغل
طبعا ام قمر حيل انقهرت وضاجت واني بديت اشتغل مشجع  كل شوية اكللها يمعودة هذا حلمنا واتحقق والي يريد يوصل لازم يتعب ويصبر وكلها كم شهر ونغير البيت ونشتغل ومن هالسوالف ...
هنا اريد  انطيكم نصيحة جدا مهمة  .. العراقيين بالغربة وجودهم جدا ايجابي بنواحي وسلبي ببعض النواحي .. واهم شي لا تعتمدون على كلام شخص واحد لين كل انسان واله تفكيرة ووجهة نضره وراح احجيلكم مفصلا عن وضع العراقيين وشنو الي ممكن نستفاده من وجود عراقيين او عرب جنبنا ...
طبعا الاخ الي حجيتلكم عنه ابد مقصر ويانه ثاني يوم اخذنا للاسواق وودانا للمحلات الي بيها ذبح اسلامي وعلمنا شلون نوصللها والرجل كلي اي شي تحتاجه السيارة موجودة بس كلي واحنا حاضرين .. ايضا حجالي على التفاصيل الي صارت وياه من قبل المنظمة وعلى الفود ستامب شلون تستخدمه وعلى الويك مال الاطفال وعلى التلقيحات .. وعلى هواية اشياء خدمنا بيها هوايا الله يجزيه كل الخير .. طبعا مو هو بس هوايا عوائل عراقية اجت زارتنا وعرضت خدماتها بكل روح محبة واخوة ...
طبعا راح تلاحظون اختلاف الاراء والافكار من شخص الا اخر .. يعني اني ثاني يوم سئلت عائلتين عراقيتين كالوا المنطقة عادية ومشفنا شي بيها تروح بطريقك وترجع بطريقك اتسلم عليهم ويسلمون عليك لا تسوي وياهم علاقات ولا تئذيهم راح تعيش مرتاح .. طبعا الي سئلتهم ايضا صارلهم 3 اشهر واكو 6 اشهر .. واني صارلي لي اليوم حوالي 10 ايام مشفت اي شي سلبي بالمنطقة لحد الان بالعكس جدا هادئة وبشكل عام بالليل محد يطلع لين الشعب الامريكي كله عنده سيارات والي يطلع يطلع بسيارته لين المولات والسوبر ماركتات الضخمة تبعد شي اربعة او خمسة كيلو عن المجمعات السكنية .. اذن نستنتج من الكلام الي فات ما ياتي :
1-   وجود عوائل عراقية او عربية بمنطقتك مفيد جدا للاستفادة منهم بالطرق بالتسوق بالقوانين باستخدام المواصلات .. وقد يكون مضر اذا تقتنع بوجهة نضر اي انسان دون دراسة لوجهة النظر المعينة . يعني بالمختصر المفيد اخذ الي يفيد وعوفك من اليم يفيدك .
2-   قد تستفاد من امتلاكهم لسيارات وللعلم كل العوائل العراقية السبعة تملك سيارات !!!! .. فممكن يوصلوك بيها لمكانات معينة للضرورة طبعا هما الي يعرضون عليك هذا الشيء .. ومن الافضل ان تطلب مساعدتهم في الضرورة فقط  .
3-   العلاقات القوية او المفرطة مع العوائل العربية او العراقية تكون سلبية جدا عليك كمواطن جديد في بلد جديد .. يعني مراح تتعلم لغة بسرعة لين راح تتعامل وياهم بلغتك العربية وكانك بعدك بالعراق او بدول الجوار .. واني اعرف اشخاص صارلهم اكثر من 3 اشهر وميعرفون كلمة انكليزي .. لين كل تعاملهم ومشاويرهم مع عراقيين او عرب .. وهذا الشيء جدا سلبي .. عدا انه التوسع بالعلاقات راح يجيبلك مشاكل انت في غنى عنها وانتوا تعرفون راح تبلش الكالات وفلانة كالت وفلان حجة وفلانة هيج لبست .. الافضل ان تكون علاقة طيبة علاقة تعاون ومحبة ضمن حدود .. وحاول ان يكون اغلب الوقت الي تستهلكه في يومك هو للاندماج بالمجتمع الجديد .
نجي لموضوع جدا جدا مهم وهو فرص العمل والعراقيين الموجودين هل اشتغلوا او لا .. واني متاكد هسه كلكم بانتظار معلومات عن هذا الشي وبالخصوص حمودي ابن زيونه ..
من خلال الفترة الي قضيتها في ولاية تكساس ودا اتكلم عن ولايتي ومن خلال كلامي واستفساري من الكثيرين عرب وامريكان ومهاجرين ومنظمة توصلت الى النتائج التالي :
1-   الشغل موجود وبكثرة  واغلب الناس هنا دتشتغل اكثر من شفت .. بس للي يريد يشتغل ..
2-   هناك ازمة اقتصادية موجودة صحيح بس مو بالشكل الي وصللنا عن طريق الاعلام .. وراح انطيكم بعض الامثلة على توفر العمل .. بالنسبة للعراقيين الموجودين هنا الي اتعرفت عليهم لحد الان 3 عوائل  .. طبعا كلهم متجاوزت فترة وجودهم 6 اشهر .. بالنسبة لولايتنا  السوشيل والفود ستامب وهوية العمل تاخذ من شهر الا شهر ونص حتى تكمل ولهذا انت شهر او شهر ونص راح تكعد متكدر اتسوي شي .. نرجع لموضوعنا هاي العوائل الثلاثة بيها  عائلة وحدة يعمل رب الاسرة بوظيفة واليوم بلش بوظيفة ثانية .. طبعا البارحة سويت وياه حوار واحنا ناخذ التلقيحات  لين هو كان ويانا .. الرجل بلش يدور على شغل في اسبوعين !! اسبوعين فقط وجد عمل بشركة اتصالات تي ان تي  وب 9 دولارات بالساعة مع فرصة الاوفر تايم والعمل يوم السبت هو بلش بالشل من قبل اسبوع ومثل محجالي انه فترة بحثه عن العمل مطولتا كثر من اسبوعين .. وبنفس الوقت حاليا وجد عمل ثاني بارت تايم كدلفري بين مدينة دالاس وفورت وورث 3 ساعات من الساعة 9 الصبح لحد الساعة 12 الظهر .. ودوامه الاساسي من الساعة اربعة العصر للساعة 12 بالليل  .. فمثل محجى وياي الرجل كال انه اني دورت شغل باسبوعين وجدت وظيفتين وانه الشغل موجود للي يريد يشتغل .. بس ضروري ان تكون انكليزيتك مقبولة .. مقبولة يعني مو بالضروري تكون ممتازة المهم انك تفتهم وتفهم المقابيلك .. بالنسبة للعائلتين الباقيتين فهما بلشوا يدورون شغل من شي شهر بجدية .. واحد من هذولا الاثنين ولا طقة بالانكليزي  .. والمصيبة يكول ديخابروني على تلفوني وما اعرف احجي وياهم  ... اتخيلو المأسات .. والشخص الاخر بدا يقدم باكثر من مكتب بس الرجل من النوع الي ( العراقي ميشتغل شما كان ) هاي عبارة منقولة من على لسانه .. بالنسبة للي ميعرف انكليزي صارله اسبوعين معروض عليه العمل كفيتر بمحل صيانة سيارات لشخص عربي ودازله حوالي 6 مسجات ومخابره اكثر من اربع مرات طبعا راواني المسجات والبارحة انعرض العمل عليه بمحل فيتر اخر .. وبعد حوار بيني وبينه تقريبا اقتنع ان يشتغل حاليا .. لي حد ميقوي انكلزيته او تجيه فرصة احسن .. الشخصين قدموا على عمل بشركة لحوم وهاي القبول بيها مقبول مئة بالمئة  وانشاء الله الاسبوع هاذ ا والي جاي راح اسمعكم اخبار حلوة عنهم ... ايضا من الاعمال الي انعرضت على احدهم  العمل بمطار دالاس تحميل حقائب او صناديق الساعة ب 9 دولارات .. طبعا لحد الان لم اسمع باجر اقل من تسع دولارات  ..
3-   طبعا بالنسبة لغير العرب فالي اتعرفت عليهم بالمنظمة كلهم مهاجرين ومصارلهم  اربع سنين او خمسة هنا بامريكا .. وحاليا عدهم بيوت وسيارات ووظائف جيدة .. على الرغم من ان نسبة الذكاء لديهم جدا ضعيفة .
طولت عليكم اليوم طبعا كان المفروض احجيلكم عالمساعدات المقدمة من المنظمة .. بس شفت موضوع العمل اهم وبالموضوع القادم راح احجيلكم عن المنظمة والمساعدات ...
طبعا ارفقتلكم صور من فيزة امريكا ... وثيقة الوايت كارت او I94 ..وصور المسكن

مساء الورد ...
طبعا اني اسف اتاخرت  عليكم يوم اضافي لين البارحة عطلة بالايبري  .. طبعا مثل محجيتلكم بالموضوع السابق راح احجيلكم اليوم عن المساعدات الي راح ناخذها شكد وشنو السكجول مالتها ... وطبعا المساعدات بولاية تكساس متشابهة بالكمية لكن تحتلف بالالية او السكجول ..
اني المنظمة مالتي اسمها REFUGEE SERVICES OF TEXAS   طبعا هيا الها ثلاث افرع في دالاس وفي العاصمة اوستن  وفي فورت وورث .. طبعا هاي المنظمة تنطوي تحت منظمات اكبر الي هيا (CHURCH WHORLD SERVICE  CWS و EPISCOPAL MIGRATION  MINISTRIES  EMM و LUTERAN IMMIGRATION AND REFUGEE SERVICES LIRS  ) طبعا هذولا المؤسسات الثلاثة موجودة بأوستن ومنظتنا تقوم برفع التقارير وتنطيهم احداثياتنا يعني بمعنى اخر هم المسئولين عنه بس منظمتنا تقوم بعمل الوسيط  .
طبعا المنظمة تكون مسئولة عن عدة اشياء منها :
1-   أستقبالك من المطار وتوصيلك الى السكن وتوفير السكن والاثاث  المناسب والاكل في المنزل طبعا هذا في حالة عدم وجود كفيل الك  .
2-   التسجيل في السوشيل سكيورتي نمبر لكل افراد العائلة بعد بيوم من وصولك الى الولايات المتحدة من خلال اخذك للدائرة المسئولة عن الموضوع ومساعدتك في التقديم ( دائما اذكر كلمة مساعدة ليش ؟؟؟ لأن المنظمة مراح تبقة وياك للأبد ولهذا انت حاول من تروح وياهم تفهم كلشي الاسلوب اسم المكتب مكان المكتب .. لان بعد اشهر  انت راح تسوي كلشي بيدك يعني موت كعد مثل الاطرش بالزفة ظل أسئل واستفسر واتعلم )
3-   تسجيل كافة افراد العائلة في دائرة الفود ستامب واستخراج الفود ستامب لك ( طبعا أكو مفهوم خاطىء عن الفود ستامب الاكثرية يتخيلون ان المنظمة هي الي تنطيك الفوت ستامب طبعا هذا شي غير صحيح دائرة الفوت ستامب منفصلة كليا عن منظمات التوطين وما الها علاقة بالكاش مني او الايجار او المساعدات الي تاخذها من المنظمة .. وممكن انت بنفسك تروح تقدم عالفوت ستامب .. وكل 3 اشهر انت تروح تسوي مقابلة بدائرة الفوت ستامب حتى  يعرفون دتكفيك لو لا او انت اشتغلت لو لا طبعا الفوت ستامب يظل مستمر الى ان تجد عمل براتب معين اتصور هنا بتكساس يتجاوز 2400 دولار )
4-   اخذك الى المركز الصحي او المستشفى لتسجيلك وعمل القاحات الضرورية جدا في وجودك في الولايات المتحدة وفي استخراج الكرين كارت فيما بعد ( طبعا اليم عنده دفتر لقاحات ومعامل اللقاحات مو من حقه يقدم عالكرين كارت .. لمنظمة تاخذك للمستشفى زيارتين وبعدها انت لازم تعلم نفسك شلون توصل وشلون تتعامل هناك بالمستشفى ولهذا لازم تتعلم من الزيارتين الاولتين )
5-   المنظمة تقوم بتوفير دروس تعليم اللغة الانكليزية لك  .. طبعا الدروس مهما جدا للي انكليزيتهم  ضعيفة . اهم اهم اهم شي في امريكا هو اللغة .. يعني اذا تغلبت على اللغة ففرصك تكون مساوية لفرص الامريكي .. وللعلم اني كنت ماخذ نظرة كبيرة عن الولايات المتحدة .. بس من وصلت ومن خلال هاي الاسبوعين اكتشفت من خلال الناس الي التقيت فيهم ان امريكا معتمدة اعتماد كلي على الكفاءات وان الفئة الاغلب من الشعب فارغة  من الناحية العلمية او حتى الثقافية محتارين بالراب والركص والفوت بول الامريكي وقسم منهم اذا تسأله عن اوباما فمراح يعرفه او اذا تسئله منو انشتاين يكلك لاعب كرة سله بفريق ميامي .. طبعا هذا مو معناه انه امريكا مبيعا ناس مثقفة ومتعلمة لا فيها ناس جدا مثقفة ومتعلمة وبيها علماء ايضا وبيها اطفال معلوماتهم اكبر من عدنا احنا الدارسين بس انا دا احجي عن الاغلبية من الي شفتهم خلال هاي الاسبوعين .. وللعلم هوايا منهم موظفين بمكانات جيدة جدا لكن ما يتسمون بالذكاء او ميكونون لماحين فقط مهنيين وهذا شفته بموظفين التوطين نفسهم .. يعني اني لو لغتي قوية مثلهم كان اني بايام اكون البص مالتهم وهوايا اخطاء صارت وياي من قبلهم بالابلكيشن والتقديم كنت اصلحها الهم .
6-   المنظمة تكون مسئولة عن تعليمك كيفيه استخدام الباصات الخاصة بالنقل ومعرفة الطرق وكلشي يسهل عليك التنقل .
7-   المنظمة تكون مسئولة في وضعك باحد برامج التوطين ... وهيا الي راح توصلك الشيكات .. كما تساعدك المنظمة بتسجيل اسمك بدائرة لكهرباء وفي توقيع وفهم عقد الاجار والحقوق الي عليك والي الك وطبعا كلها تكون مكتوبة في العقد وضروري جدا ان تقرا العقد بنفسك وتفهمه ... كما تساعدك المنظمة في الاجابة عن كل الاسئلة الي ادور ابالك حول البلد الجديد
8-   المنظمة تساعدك في تقديم اسمك لدوائر خاصة لايجاد عمل لك ( مو معناتها انك تكعد تنتظرهم لازم انت ادور
على عمل لين فعاليتهم جدا قليلة ولحد الان ملكو شغل لاحد كل الي اشتغلوا هما الي قدموا بنفسهم )
طبعا هاي تقريبا  الاشياء  الرئيسية الي تتقدملك من المنظمة ... يعني باختصار المنظمة تساعدك حتى تعتمد على نفسك .. يعني بمثال ابسط هيا متسوق السيارة عنك لا هيا تكعد يمك وادليك وانت لازم تسوق وتتعب .. يعني هما مراح يسوون شي عنك هما راح يساعدوك فقط ..
نجي للمساعدات ... بالنسبة لمنظمتنا فالمساعدات المادية الي ناخذها من خلالها 8 أشهر .. وبالنسبة للمساعدات المعنوية هي 6 اشهر ... شلون .. يعني علاقتي بالمنظمة تستمر لمدة 6 اشهر بعدها تنقطع علاقتي بيهم .. فقط استلم الشيكات من عدهم .. بس يبقى ملفي يمهم لغاية ما اخذ الجنسية  واي تغيير بعنواني او رقم تلفوني لازم اخبرهم عنه ..
اني بالنسبة الي حطوني في برنامج RCA والي هو اتصور ريفيوج كاش اسيستنس  ... طبعا هنا بتكساس اكو برنامجين اساسيين الي هما ال RCA  و الماجك كراند  .. والماجك كراند يكون اغلبه للعوائل بس اني الماجك كراند متوقف عدهم هسه فحولوني لل RCA والي هو خاص بالسينكل .... شنو هي الية البرنامج .. بالنسبة النا احنا 3 افراد  تكون كالتالي :
البرنامج ينقسم الى مرحلتين 4 أشهر  و 4 أشهر ثانية ...
1 – اول  اربع اشهر راح نستلم بالشهر الواحد ثلاث شيكات الاول 300$  الثاني 300$ والثالث 156 $  يعني بالشهر 756 دولار طبعا لازم ادفع منهم الايجار وفاتورة الكهرباء والمي والتراش  .
2 – ثاني اربعة اشهر في حالة عدم حصولي على عمل يتجاز راتبه 2400 $ راح استلم بكل شهر 319.25  $ يعني ثلاثمية وتسعة عشر دولار وخمسة وعشرين سنت لمدة اربعة اشهر ..
طبعا بعد متخلص الثماني اشهر واذا ملكيت شغل او راتبك كان ضعيف فانت تكدر تقدم على الولفر او التنف طبعا انت تقدم المنظمة تعلمكم المكان وكيفية التقديم وانت تروح ...
يعني بمثل حالتي اول اربعة اشهر راح يزيد عندي حوالي 256 دولار بالشهر وثاني اربعة اشهر لازم اكمل حوالي
 150 $ يعني تطلع يك حساب ...  بس بكل الاحوال انت راح تضمن انه ايجارك واكلك ومصرف جيبك 8 اشهر مؤمن مية بالمية .. راح تكولون شلون مصرف جيبك ؟؟؟؟؟ راح اكللكم اكو فقرة مهمة نسيناها الي هيا هدية الترحيب من الحكومة الفدرالية اول متوصل  والي هيا كالتالي ..
كل شخص ياخذ 450 دولار لمرة واحدة هدية من الحكومة الفدرالية هاي فور وصولك بس مينطوك اياها ينطوها للمنظمة وهي الي تقسمها وتنطيك الباقي ..  بالنسبة الي كانت كالتالي :
طبعا اني كعدت وياهم وحاسبتهم حسبة مصلاوي عالسنت شصؤفتوا وشكد بقى والحلو البيهم هما ميضوجون او ينزعجون من اسئلتك  المهم :
اني 3 افراد يعني 450 * 3 = 1350 ... هما انطوني منهم 25 $ لكل شخص بوكت مني  المجموع 75 دولار وانطوني  ايضا شيك ب 950 دولار  وكلولي تسوي منه شيكين للايجار للشهر الثالث والرابع افضل واضمن الك وانت استلم شيكات البرنامج مالتك وضمهم .. المهم الي استلمته منهم 1025 $ يبقى 325 $ طبعا خوما يثولوها عليه !! المهم الموظفة كالت احنا اشترينالك اثاث واكل وشامبو ومكيف مال شعر .. كتلها قنفة مستعملة وكراسي وميز وسرير طفل وسرير كبير ب 325 $ وهاي مستعملة ( طبعا غراض البيت مستعملة بس السرير الكبير يجيبوه جديد بنايلونه ) كتلها هذولا مستعملين الناس تشمرهم وحتى الي يشتريهم يشتريهم من البزار بكم دولار بس  .. كلتلي بابا انت فاهم غلط .. احنا مشترينالك هاي الاشياء هاي الاشياء تجينا تبرعات وهيا فري الي اشتريناه  السرير والفراش مالته وهذا حدود ال 100 $ والاكل وادوات المطبخ والشامبو والصابون وذولا همين تقريبا يطلعون بال100$ وكله مسجل يمنى واي شي يبقى من فلوسك بنهاية الشهر الثالث نتحاسب وتاخذه .. يعني ماكو شي اسمه بوووك او تغليس كلشي مسجل .. بس انت كون مفتح وطلب بحقوقك .. يعني صير امريكي مو عراقي ...
طولتها عليكم بس هاي تقريبا كل تفاصيل المساعدات ... بالنسبة لرتات الباص فحسب مفتهمت منهم هاي مجانيا كل فترة اخذ منهم وجدا عادي ..
اكو ملا حظة مهمة صارت وياي ( صار موقف من المنظمة خلاني عصبت عليهم ولمن اجه الموظف الصبح للبيت هجيته وكتله اني اريد اغير المنظمة لين انتم هامليني ومن هالسوالف المهم هو راح ووراه بساعه اجتي مديرة المنظمة نفسها للبيت ... طبعا طبت وسلمت عليها ونزلت طلعت كل الي بكلبي ... بس طبعا بموضوعية .. كتلها انتوا تعاملون العراقيين بشكل اخر .. كلتلي انت شفت لعراقيين الي وياك كلهم عدهم سيارة او سيارتين وكلهم عدهم موبايلات واكثر من موبايل والي عنده خط ارضي وانترنت وبلي ستيشن  ... يعني شكل غريب للاجئين .. ومع هذا احنا نحاول انساعدهم بقدر المستطاع واذا صار تقصير من عدنه فلان العدد كبير ودنحاول انسق الاوقات .. وبعدين انت افضللا هواية من غيرك من الاجئين انت لغتك الانكليزية جيدة واحسن بهواية من الي يجون ميعرفون ولا كلمة بالانكليزي ولا حتى يعرفون يستخدمون التواليت ..( طبعا دتحجي عالاجئين الي يجون من شرق اسيا ومن افريقيا ) .. المهم حبيتا وصلكم فكرة انه المنظمة مراح تساعدك بكلشي لازم انت تبلش من اول يوم تعتمد على نفسك وهو افضل الك ولمستقبلك .. وخليك دائما اطالب بحقك ولتستحي لين هاي حقوقك واستفسر عن اي شي يخطر ابالك منهم فهذا هو شغلهم ويستلمون رواتب على اساسه  ..
تحياتي ومستعد لاي سؤال او استفسار من قبلكم ...
اخوكم ابو قمر

مساء الورد ...
طبعا أول متوصل للولايات المتحدة .. تبلش بكثير من الاجراءات وكان هانت مولود جديد .. طبعا انت بمجرد وصولك الى اول مطار أمريكي راح تبدي أول معاملة وهي أستخراج أهم وثيقة الك وهي الوثيقة الي تثبت وجودك بالولايات المتحدة والي من حلالها تكدر تتنقل براحتك يعني نكدر نحجي عليها انها اقامتك وهويتك والي هيا وثيقة I-94  أو مثل ميسميها بعض الاخوة الوايت كارت .. هاي الاجراءات تتم بأول مطار امريكي وراح تستغرق حدود النصف ساعة الى ساعة طبعا انتم مراح تسوون شي الموظفين هما الي راح يشتغلون بالاجراءات راح يطلبون بصمة اصبعك انت وافراد عائلتك .. وبعدها تستلم ال I-94 .. ومباشرة بعد استلامها تروح تسوي دخول وبصمات جميع الاصابع بكاونترات الشرطة الي بالمطار .. هذا الاجراء يعتبر أول اجراء الك بالولايات المتحدة  ..
بعد وصولك الى منزلك الجديد بولايتك المحددة الك .. اكيد راح ترتاح يوم او يومين بعدها لازم تسوي معاملة جديدة ومهمة وهي معاملة السوشيل سكيورتي نمبر .. طبعا هواية حجوا عنه اخوتي واني اكتفي بان اقو لان بدون هذا الرقم متكدر تشتغل او تعمل اي معاملة او اي شي بامريكا .. يعني فترة استخراج هذا الرقم انت بس كاعد تنتظر متكدر تسوي اي شي .. هذا الرقم جدا جدا مهم وبصورة اوضح الاشخاص بامريكا عبارة عن ارقام سوشيل .. يعني هذا الرقم اهم من اسمك لان انت ممكن تغير اسمك باي وقت تريد بس السوشيل يبقى وياك للابد .. طبعا اجراءات التقديم جدا سهلة لأن راح يكون وياك موظف من وكالة التوطين الخاصة بك .. راح يسئلك الموظف عن اسمك ومواليدك وراح يطلب منك بطاقة I-94 وبدها بدقائق راح يطلب منك التوقيع انت واهل بيتك وينطيق ورقة ان انت مقدم على السوشيل .. وراح يجيك السوشيل من خلال دائرة التوطين الخاصة بك .. وهاي الاجراءات تختلف بالوقت من شخص الى اخر يعني اكو ناس استلموا السوشيل ب 20 يوم واكو 40 يوم وهاي الفروقات بالوقت تشمل افراد العائلة نفسها يعني ممكن ابنك يستلم الرقم قبلك وزوجتك بعدك وهكذااا .
المعاملة الثالثة او الجراء الثالث المهم ايضا وهو استخراج الفوت ستامب والمديكير الخاص بك وبافراد العائلة .. طبعا هذا الجراء ايضا يتم بثاني يوم من وصولك .. طبعا انت مراح تروح لمكتب استخراج الفوت ستامب انت مجرد توقع على اوراق التقديم للمدي كير والفود ستامب والمنظمة هيا الي راخ تقدمها وبعد وصولها راح تسلمك اياها .. ممكن بعض الولايات البطاقة والمدي كير وحتى السوشيل يجيك بالبريد على عنوانك البريدي ..طبعا وقت استخراج الفوت ستامب أيضا يختلف من عائلة لعائلة يعني هنا اكو ناس استلمت الفود ستامب ب 20 يوم واكو بشهر واكو بشهرين .. هذا الحجي خاص بولاية تكساس وبمدينة فورت وورث ودالاس .. ممكن الولايات الاخرة تختلف بالزمن .. بس بجميع الاحوال من راح توصل البطاقة راح تنشحن بمبلغ مالي يقيم بال يوم وصولك للولايات المتحدة يعني الي يتاخر شهرين يجيه بالفوت ستامب مبلغ لشهرين .. يعني ميضيع شي عليك .. بس المصرف بالبداية انت لازم تقتصد بالاكل لين الفلوس الي تنصرف مترجع لحد متشتغل .. فالاقتصاد اول الايام وبالذات بالاكل لين انت كلها كم يوم راح تستلم الفود ستامب وتشتري كل الي بنفسك فمو صعب انه تقتصد كم يوم وتحافظ على فلوسك وانت ببلد غريب عليك ..
المعاملة او الاجراء الرابع وهو مهم ايضا جدا الك ولأولادك ولأستخراج الكرين كارت بالمستقبل .. وهيا الفحوصات الطبية واللقاحات .. واتذكر استاذنا الرائع سلاما للعراق قد شرح هذا الموضوع منذ زمن ليس بالعيد ومع هذا نرجع نذكر بيه .. طبعا بعد ايام من وصولك راح ياخذك موظف التوطين الى  المستشفى الخاصة بعمل الفحوصات والقاحات الخاصة بك .. طبعا اكو ناس اخذوها ورا شهر من وصولها .. واكو ورا شهرين او ثلاثة .. واكو ورا اسبوع مثل مصار ويانه طبعا راح تروح للمستشفى ويطلبون منك استمارة موجودة بحقيبة الاي او ام الخاصة بك ( طبعا اني اول يوم بدلت الحقيبة بحقيبة اخرة يعني ماكو داعي ياهو الي يشوفني يعرف اني مهاجر او لاجىء جديد ) بعد مياخذ الاستمارة وياخذ طبعا I-94 راح يسويلك ملف يمهم وراح يسويلك كارت طبعا راح ارفقلكم صورته بالموضوع .. هذا الكارت بيه جدول اللقاحات .. طبعا اول لقاح او اول اجراء صحي تسوي هو فحص ال TP يعني فحص السل .. طبعا راح يحقنوك بجرثومة سل مضعفة حتى يشوفون استجابة جسم ومقدرته على التصدي للفايروس .. طبعا الكل ياخذ هذا المصل تحت الجلد باليد وغالبا متكون اليد اليسرى .. ويطلبون حضورك بعد ثلاثة الى اربعة ايام .. طبعا ياخذون منك ثلاث عينات دم طبعا لكل افراد الاسرة صغير او كبير .. وايضا بالنسبة للزوجة او المرأة المتزوجة ياخذون عينة ادرار للتاكد من انها غير حامل .. وراح يطلبون منك بالمرة القادمة ان تجيب وياك عينة من الخروج  طبعا راح ينطوك الاشياء الخاصة بهذا الموضوع .. كل هاي الاجراءات تصير باول زيارة الك للمستشفى اضافة الى كشف سريري نبضات قلب ، ضغط دم وفحوصات اخرى .. وراح ينطوك موعد للقدوم وغالبا ميكون اربع ايام او ثلاثة ايام .. طبعا بزيارتك الثانية أول شي يسووه هو فحص ايدك والتاكد من خلوك من Tp .. طبعا هذا يبين من خلال وجود ورم بمنطقة زرع العينة اذا كان اكو ورم معناتها عندك هذا الفيروس واذا كانت ايدك سليمة معناتها ماكو شي .. طبعا اريد اوضح شغلة مهمة افتهمتها من الدكتور الامريكي نفسه طبعا دردشت وياه بالانكليزي طبعا اخوكم مكان متصور عنده هاي الامكانيات بس شو صرت احجي مثلهم مع خربطة احيانا .. المهم كثير من الناس يطلع عدهم هذا الفيروس ا والي يسموه TP الغير فعال .. يمنا بالعراق يسموه السل الناعم .. او السل النائم .. وهذا مو فد شي خطر بالعكس جدا طبيعي .. وبالذات بالاطفال اغلب اطفالنا العراقيين يطلع عدهم هذا الشي لأم ملقحين القاح الثلاثي PCG والي غالبا ميسبب وجود فيروس السل النائم او الغير فعال يعني الحالة الموجودة بيه هيا حالة طبيعية مرتقت لأن تصبح مرض .. ولهذا بمجرد اكتشاف هذا الشي راح يحولوك لمستشفى حتى ياخذون اشاعة لصدرك ويوقعوك على عدة اوراق الي تتضمن معالجتك بالمجان .. وطبعا ورا متاخذ الاشعة بأسبوعين راح هما يجوك للبيت وياخذوك للمستشفى ويشوفك الدكتور فإذا كانت الحالة غير مرضية وهيا نسبة كبيرة توصل 99 %  وحتى لو كانت الحالة مرضية لا سامح الله وهي حالة نادرة جدا راح يتم معالجتك .. واتصور العلاج هيا حبوب تاخذها لمدة 9 اشهر او اقل ما اعرف بالضبط .. عموما انا بنتي قمر طلع عدها الTp  الغير فعال ولهذا اني هوايا لحيت عالطبيب وطمني الرجل بانه غالبية الاطفال تصير عدهم هاي الحالة بسبب اللقاح الثلاثي الي ماخذيه بسوريا او بالعراق .. وعموما اني يوم 19 راح يكون الي موعد يم الدكتور وانشاء الله الموضوع جدا طبيعي وراح ابلغكم بالتفاصيل ..
نجي للاجراءات الاخرى الي انت تقوم بيها وهيا ضرورية جدا بحياتك بامريكا .. ومنها واهمها شهادة السوق او مثل ميسموها هنا Driver license وطبعا هذا الاجراء راح احجيلكم عنه بالتفصيل الممل وحتى راح اجيبلكم صور من مركز التقديم ومركز الاختبار النظري وحتى من ساحة اختبار العملي .. لين اخوكم ديدرس بالكتاب الخاص باستخراج شهادة السوق وللعلم اني من سوريا نزلت الكتب بمساعدت اخوية الرائع زاك .. وقريت بيه قبل لا اوصل لامريكا شوفوا شلون خلك .. المهم هذا الموضوع راح احجيلكم عنه بالتفصيل .. بس ازيدكم بكم معلومة  والي هيا كالعادة راح يكون امتحان نظري وعملي وبالانكليزي يعني مو مثل كالفورنيا او مشيكان ماكو لغة عربية .. بس الشي الحلو لجماعة تكساس هنا رسوم الاجازة فقط 24 دولار  حسب ما افتهمته من اخوانه هنا الي استخرجوا الاجازة ... يعني مثل اورغين  اسعارنا رخيصة ...
تحياتي للجميع .. ومستعد لاي سؤال يدور بافكاركم ....
اخوكم ابو قمر
تكســــــــــــــــــــــاس

تحية حب ...
شكرا لك كلماتكم الطيبة شكرا صديقي واخي الغالي تايكر على كلماتك ... وشكرا لعاشق تراب العراق وتدلل حبي عيوني الك .. وشكر ايضا لصاحب الكلمات الرائعة استاذي ابو دجلة والكتاب عندي حجمة ميكا وشوية اذا اتحب دزلي ايميلك عالخاص ادزلك اياه .. واني هسه ادور على موقع الدائرة بتكساس بوقتها اخوية زاك انطاني اياه واذا لكيته راح انزله عالعام .. وشكرا لسالي سعد الي دائما سباقة بالجواب والكلمات الطيبة .. شكرا لاخويا الغالي البحار ... وشكرا لسبورت اوكي لكلماتك الطيبة .. وشكر خاص ليوجد امل الي دائما يدعمنا ويقوينا بكلماته الرائعة ربنا لا يحرمني منكم ... وشكر لكل الاعضاء الي ديرون بكلماتهم الجميلة والي ديسئلون ...
جماعة من الاخوان سئلوني على التامين الصحي .. طبعا التامين الصحي للطفل مستمر .. وللام والاب 8 اشهر .. العيون واسنان ماكو هنا بتكساس .... وطبعا راح اكتب موضوع بالتفصيل فيما يخص هذا الموضوع ..
احد الاخوان سئل عن تامين السيارة او الي يعة بالانشورزم ... هنا التامين نوعين ون وي وتو وي ... الغالبية هما ون وي .. والسيارة العادية تدفع عليها حدود ال 30 دولار بالشهر تقريبا وماكو احد لحد الان متجاوز هذا الرقم ..
اكو جماعة ايضا سئلو عن موضوع المساعدات وراح اعيد واشرح الموضوع بالتفصيل الممل انشاء الله المرة الجاية تدلل اخوية هاشم وشكرا على كلماتك الحلوة ...
بالنسبة للمساعدات .. اخوانا الي يظل يدور مساعدات ميصير براسة خير ويظل فكر طول عمره .. المساعدات شلون مجان محسوبة على كد عيشتك فيت يعني دوب تكفيك حتى لو كانت عشر اسنين .. حبايبي انتم من توصلون لامريكا وصلتم لبلد الفرص .. وصدكوني اي شغلة تشتغلوها راح تظمن حياتكم وعيشة رائعة .. وكم سنة تشترون بيت .. والشغل موجود بس هيا توفيق من رب العالمين .. البارحة جيرانة العراقي الي حجيتلكم عليهم .. اشتغل بمحل فيتر ومبدئيا دياخذ 350 بالاسبوع وكاش يعني ماكو ضريبه عليه .. يعني الاسبوع ايجار مال شهر ... وهو مرتاح حيل بشغلة .. الشغل انشاء الله متوفر وتبقى كلها توفيق من رب العالمين .. بالنسبة الي دا ارتب بالرزيوما وباجر رايح للجامعة راح اسئللكم وانشاء الله اجيبلكم تفاصيل حلوة ... وهسه اني ما اكدر اقدم على اي شغل لين لا سوشيل ولا تصريح عمل عندي لسه دا انتظر يوصلوني ... بس دا اقرا لامتحان السواقة .. ويوميا مسوين كعدة اني وام قمر بالبيت حوالي خمس ساعات نتذكر ايام الدراسة ناشرين الملازم والكتب الالكترونية عالابتوب ودنقوي انكليزيتنا . وعدنة مترجم ناطق وهذا جدا مفيد الي يجيبة وياه ينطينه لفظ الكلمات الصعبة لين راح تشوفون الفظ هنا غير الي اتعلمنا ...
تحياتي واخوكم حاضر لاسئلتكم يا ورورد ...
بس اهم شي اني اول مدخلت دا ادور على نتيجة مقابلة اخوية عكعوك وشيبو يا ريت الي عنده معلومه يكتبلي هنا بهذا الموضوع بالي يمهم ...

تحياتي اخوكم ابو قمر

مساء الورد ..
طبعا نزولا على رغبة وسئوال اخوية ابو دجلة واخوان كثيرين دزولي على الخاص بشان الكتيب الخاص بامتحان السوق لمدينة تكساس راح انزللكم النك وهو بيه الكتاب وللعلم الفصول الرابع لل12 هيا المهمة وبالنسبة لاخوانا بغير ولايات فموضوع الكتيب جدا سهل وراح اشرح شلون تلكوه ..
بالنسبة لولاية تكساس ..
http://www.txdps.state.tx.us/ftp/forms/DLhandbook.pdf
لغير ولايات ...
تدخل عالسيرج مال الياهو  تكتب اول شي اسم ولايتك بالانكليزي وبعدها تكتب
 كلمتين بس
driver's license
وبعدها راح تختار اول موقع بالنتيجة مال سيرج غالبا ميكون اول موقع تدخل في داخله وتبحث عن الملف الي هو غالبا ميكون بصيغة بي دي اف ...
والي تصعب عليه يدزلي عالخاص اسم ولايته واني ادورله اياه ..

تحياتي
اخوكم ابو قمر

مساء الورد ..
طبعا اليوم راح تشوفوني بحلتي الجديدة بدووون نجووووم ... معلية اريد نجاتي مااااااااااااا ... هههههه .. طبعا دا امزح وياكم .. ومليون مبروك للوردة ورد ولفالكون الرائع .. وللرومانسي الجميل ابن بغداد الحبيبة التألق ..
اليوم حاولت بهذا الموضوع ان اقدم نصائح  وليس معلومات .. فسفرنا الى بلد جديد في النصف الثاني من الكرة الارضية يحتاج الى معلومات ونصائح لكي تشد من عزيمتنا .. لان النجاح في اي شي مرتبط بالروح المعنوية التي تقوده .
دائما نلاحظ بأن كلام اغلب الاجئين او المغتربين في أمريكا يتحدث عن صعوبة الأيام .. والاحباط الذي قد يحدث لكثير منهم مما يؤثر على بقيى حياته وقد يتخلل هذا الاحباط قرارات مستعجلة قد تدمر مستقبل عائلة بالكامل ..
المهم ان تفق على شيء مهم .. وهو انك كرب عائلة والحديث للعوائل لانها الاصعب في تحمل ظروف الحياة الجديدة او الصعوبات التي قد تتلاقاها في الايام الولى بالذات , فانت ككرب اسرة قبل سفرك وقرارك ببدأ حياة جديدة  لابد ان تتسم بشيئين مهمين جدا .. الاول : ان لا تكون انانيا في التفكير وان يكون تفكيرك منطقي وعلمي وليس عاطفي لأنك المسئول الأول والاخير عن هذه العائلة .. الثاني : أن يكون تفكيرك قبل كل شي في المستقبل ومستقبل افراد اسرتك وخاصة الأطفال منهم ... غالبا الاحباط في الايام الاولى يستمر مع الاجىء الى وقت طويل جدا .. فتلاحظه دائما متشائم حتى لو تحسنت ظروفه .. وحتى لو وجد عمل دائما تجده محبط .. اذن من الافضل تجاوز الاحباط من اول لحظة وصولك .. والاحباط وطريقة تجاوزه سوف اذكره بالتفصيل بعد كم سطر من الظروري اكتبها للاخوان المنتظرين السفر او المترددين بالسفر ..
أمريكا ... الحياة الصعبة .. الازمة الاقتصادية .. المساعدات المحدودة .. التامين الصحي الذي لايستمر للكبار ..اللغة والتفاهم مع المجتمع الجديد .. الخوف على الصغار مما تراه بالتلفزيون من افلام قد تعكس عادات منافية لما تربينا عليه او قد تنافي ديننا وقائدنا .. هذه الكلمات تدور في ذهن جميع المتردين بالسفر ..
لنتكلم بموضوعية  ، ولنفكر بموضوعية ، والتفكير بموضوعية يعني ان نرى ايجابيات الموضوع مع سلبياته أي قبل ان ننظر للجانب المظلم يجب ان نرى الشمس في البداية وبعدها نقارنها بالخيارات المتاحة لنا وبعدها يأي القرار السليم .. اي نقص في هذه الخوارزمية سوف يجعل القرار خاطىء ..
أمريكا حاليا هي اكبر واعظم دولة في العالم من حيث لتطور العلمي من حيث حقوق الانسان من حيث الحرية ومن حيث أمور اخرى كثيرة جدا ( انا هنا لست في إطار الترويج لامريكا .. وانا لست ع سياستها او سياسة بعض قيادتها التي اذت الكثير من الابرياء في لعراق ودول اخرى  لست اتكلم عن لسياسة الخارجية والتي الجميع يرفضها حتى اغلب الشعب الامريكي  انا اتكلم عن امريكا كنظام بلد داخلي كتعامل حكومة مع شعب )  أذن أمريكا هيا فرصة كبيرة لك كي يصبح اولادك في منزلة رفيعة من العلم والثقافة مما يجلك تضمن مستقبلهم وهذا هو اهم مبتغى لك كرب اسرة ، فالتعليم هنا مجاني واجباري من عمر الخمسة أو السادسة ( حسب الولاية ) التعليم في امريكا يعتبر من افضل اساليب التعليم في العالم ( شاهدت شيء مهم في دراستهم للرياضيات شيء اسمه تحويل الجمل الرياضية الى كلام , وهو شيء نفاقده بالعراق , يجعل الطالب يفهم المعادلة الرياضية ويعبر عنها بكتابته ) اذن انا ضامن دراسة اولادي الابتدائية والمتوسطةوالاعدادية او ما يسمى الهاي سكول مجانا حتى لو لم تكن لي مساعدات وحتى لو لم اعمل , وبعد الهاي سكول اذا كان ابنك متفوق فسيحصل على منح دراسة في الجامعات مجانا ، ولا اتصور ان لجامعات الامريكية في حاجة الى تزكية .. وللعلم مسئلة المنحة ليست شيء صعب انا عرفت هنا اكثر من عراقي حصل على منحة دراسية وبعد ايام ومجرد ان ينتهي العام لدراسي سوف ازف لكم خبر اثنان من اولاد لاجىء عراقي وقد حصلوا على منحة دراسية لأن الان هما الاوائل على اقرانهم رغم انهم وصلوا الولايات المتحدة قبل 6 اشهر فقط ، بصراحة العراقي يمتاز بالذكاء لكن الذكاء في العراق غير موجه او قد يكون موجه بالاتجاه الخاطىء ، لو نتكلم عن الحياة الصعبة في امريكا ، ممكن ان تسئل نفسك عندما سافرت للاردن او سوريا او مصر هل الحياة سهلة ؟؟؟ صدكني امريكا لاتزيد صعوبة حياتها عن هذه الدول وقد تكون اسهل الحاجز الوحيد هو اللغة ولو كسرت هذا الحاجز سوف تعيش حياة  قد لم تكن تحلم بها طبعا بعد جهد وتعب لان لاشيء ياتي من غير تعب وجهد ..المساعدات المحدودة , نعم المساعدات محدودة لمدة 8 اشهر , لكن بعدها هل سوف ترمى بالشارع ، الجواب لا .. وسوف اعلل لك الحقيقة رغم اني لا اشجع على التفكير المستمر في المساعدات ففترة  اشهر كفيلة بان تقوي لغتك وتجعلك ملم بالمجتمع وبتوفيق من رب العالمين سوف تجد عملا فالاعمال هنا متوفرة اكثر من سوريا والاردن ومصر بكثير اضافة  انك عندما تعمل هنا تاخذ اجر يعيشك انت وعائلتك بحياة جيدة وغالبا ما يمكنك ان توفر من هذا الاجر ليس مثل الشرق الاوسط .. بعد الثمانية اشهر ممكن ان يفتح لك ملف في الولفر او التنف اذا كنت لم تجد عمل او كان مرتبك لا يتجاوز 1866 دولار ( حسب ولاية تكساس ) فسوف تحصل على راتب لك ولكل افراد الاسرة قد يسدد 80% من قيمة الأيجار طبعا حسب الولاية وقيمة الايجار .. وبالنسبة لسكن فازيدك معلومة .. اذا كنت من المتشائيم في ايجاد عمل فبأمكانك ان تقدم على بيوت الدولة بعد وصولك بثلاثة اشهر وخلال اربعة اشهر سوف تسكن وتدفع 10% من الاجار .. الحلول كثيرة .. لكن المهم أن اكل البيت وطبخ أم الاولاد لن يتوقف لان الفود ستامب سوف يستمر معك الى ان تجد عمل وبراتب يتجاوز 2400 دولار ( حسب ولاية تكساس ) ، والفود ستامب سيوفر لك جميع انواع الاكل وبمستوى قد يتجاز المستوى الذي كان في دول الجوار او في العراق لبعض الاجئين  .
التأمين الصحي لأطفالم مستمر حتى يبلغون 21 سنة  ، ولك ولزوجتك 8 اشهر فقط , لكن بمجرد حصولك على عمل سوف تحصل على تامين صحي شامل من صاحب العمل وهذا مضمون مئة بالمئة , اه نسيت الازمة الاقتصادية بصراحة انا لحد الان لم اجد أي ازمة !! قد يكون السبب الى ان بلداننا تعيش في ازمة ازلية ولهذا لم الاحظ الازمة المزعومة  , الاكل متوفر واسعاره مقاربة لاسعاره في دولنا ، الدواء متوفر , البنزين ارخص من ما هو في بلدنا النفطي والخدمات متوفرة ، لم الاحظ انطاء الكهرباء بسبب الازمة ، ولم الاحظ متسول بالشارع ( قد تشاهد احيانا اشخاص يمشون بالشارع ووضعهم مزري هؤلاء ليسوا شحاتين هؤلاء مدمنين كحول ومخدرات وهذا وضعهم دائما ) ، ناتي الى العمل  بصراحة فرص العمل بالنسبة لولاية تكساس جيدة انا اعرف اربع عوائل عراقية اثنان منهم ارباب اسرهم يعملون واثنان لازالوا يبحثون والكل قد وصل الولايات المتحدة قبل اربعة اشهر , بصراحة ازمة العمل هنا اقل بكثييييير من العراق و دول الجوار اصلا في دول الجوار معدومة ، مسئلة العمل ترتبط بعاملي

[mongoose]

ابو عبدلله الله يساعدك
عاشت ايدك يا وردة مبين انت راح تبقى تكساسي مخلص
منورة تكساس بيك
سلامي.......

[ابو عبد الله التكساسي]

الاخ الغالي كلش موون كوس الف هله وياريت جم معلومه حلوه للاخوان الجاين لهيوستن
وتسلم عالمرور
ابو عبد الله التكساسي

[ابو عبد الله التكساسي]

تجارب متفرقه
الولايه الي ساكن فيها هي تكساس مدينه هيوستن
المنطقه الساوث ايست
السكان
90% مكسيكانز و سود من صول مختلفه
الي ما توقعته في منطقتي انهو امسلمين اهنا كلش هوايه واكو جوامع اكثر من منطقتي بغدا وهذه مو مبالغه
الناس اهنا كلش طيبين وكلش متفهمين لمساءله المهاجرين الجدد و بس كول اي نيد يور هيلب بليز اي واحد راح يساعدك حتى لو ميعرف راح يروح يسال ويجي ايساعدك

الشي الحلو اهنا انه ممكن تفتح حساب بالبنك بواطه عقد الايجار و جوازك وهوه اخرى وراح ينطوك فيا كارد ممكن ايسهلك كل الامور الماليه (( ملاحضه لا تخلي بالحساب اكثر من 500 دولار وهذا راي شخصي ))

اكو كارد خاص بالباصات للواصلين الجد والباصات اهنا اسمهه مترو وهي باصات مكيفه وطكوك والصعده الوحده اتكلف دولار وربع وبالكارد اتكلف دولار و عشر سنتات (لا تتفاجئون بس هاي تنلم و بسرعه ما تصورهه)

الاتصالات اهنا كلش حلوه وبكل مكان واتصور احسن شي اهنا للقادمين الجد هو هواتف شركه كريكت لان كلشي مايريدون منك بس الاسم والمواليد والعنوان
الانترنيت اما جطل او عن طريق الاشتراك ولكن يمنه مطلوب سوشيل سيكيورتني نمبر
ممكن اتكون اهنا شبكه علاقات طيبه بالعراقيين و الامريكان على حد سواء بس كلمن وشخصيته وتقبله للموضوع (( يعني اني اهنا صارلي تقريبا 3 اسابيع ولحد الان اعرف نص المنطقه وهذيج النوبه شفت عائله عراقيه بالسوك وجانو من هذولي الي شايلين خشومهم للسمه جان اطبك بصفه واكلله شنو قابل انت بتكساس واني كاعد بمريدي بالانكليزي - طلع ميعرف انكليزي وجان اخرب عليه ضحك))
المهم العلاقات جدا مهمه اهنا لان هيه الطريق الوحيد لمعرفه ما حولك بالبدايه وخصوصا الايام الاولى


ولك اخي الغالي فائق تحياتي
اخوك ابو عبد الله التكساسي

حبيت اسئل عن استايل الملابس و اسعارهة في الولايات المتحدة و خصوصا تكساس ؟؟ و شنو الملابس اللي لازم اجيبهة وياية ( خفيفة صيفية لو ثقيلة شتوية ) ؟؟ و اكو موضوع ثاني محيرني هوة الاكل علما انه انا اخذت البنفتس مال ريفيوجيز ؟؟
لاخ فوكسى 13
الملابس اهنا نوعين في تكساس
رسمي وغير رسمي
الرسمي قاط وستره او قاط وبدون ستره يعني بنطرون قماش لون واحد وياه قميص ساده لون واحد مع ربطه العنق , هيج نوع من الملابس هو الي تحتاجه من تقدم على عمل في احدى الشركات الجبيره اهنا ويا مكثرهن
او من تكون موضف في شركه والشركه تفرض الملابس الى تريدك تلبسهه (( ياخه او تيشيرت ))

الغير رسمي
ولايه تكساس كلش حاره ووخمه بالصيف مثل جو البصره بالشهر السابع بالضبط
الشورت والفانيله الي بلا ردن (( عفوا تعلاكه بيظه)) اكثر شي يلبسو الناس اهنا او شورت وتيشيرت كلش طويل وعريض يلبسوه اهنا السود ويكولون على نفسهم رابرز (( يعني مغني راب)) هههههههههههههههه
اي ملابس اتجيبهه وياك ممكن تلبسهه اهنا ومحد راح يباوع عليك ابد والملابس اهنا لو غاليه كلش لو رخيصه كلش وكمثال
دخلت للول مارت علود اشتري جينز لكيتهن باربعين وبخمسين دولار , شويه ليغاد بغير رف مال جينزات بنفس السوق لكيت جينزات احلى من هذنيج الغاليات ب 8 دولار فقط ولحد الان ما اعرف السبب ؟؟
والكل عالى هالمنوال
اكوايضا سوق يمنه مال ملابسه اسمه دريس فور ليس ((dress 4 less)) كلش الملابس بيه رخيصه
واذا اجيت لهيوستن راح اخذك بنفسي اوديك عليهن ولا يضل بالك
بالمناسبه الشتاء عالابواب والجو بده يتغير اذا تريد جيب بس الملابس الغليه مالتك يعني القماصل ام 100 دولار لان الملابس الشتويه اهنا رخيصه حيل بسبب طول الصيف

ولك مني حبي وتقديري
واعذرني على الاطاله

اخوك ابو عبد الله التكساسي
نسيت الاكل
الاكل اكو وكلش رخيص وراح اتدوخ من كثره المنتوجات واذا اتدور المنوجات الحلال شويه اغلى لان الجماعه قفاصه من الزينين ولكن المنتوجات الاسلاميه كثيره جدا في تكساس
ها عمي فوكس الله يساعدك
الاتصالات انواع اشكال وكلشي اله عروض مالها اول ولا تالي
افضل 3 شركات في تكساس هي
at&t
T mobil
crickit
هذولي الاول والثاني سالفتهه عاويه بالنسبه للقادمين الجدد لان يردون من عندك سوشيل ويريدون اوراق العقد مال الايجار والا عندك ديبت كارد واله عندك عنوان .............. يعني هوسه وبالاخير ايكلك انطيلك دقائق محدوده بالشهر \ الصراحه راسا عفتهم لان اني ستوني جاي وما عندي هاي المستمسكات
فاشتريت من شركت كريكت ومثل ما اتفضلت لدكتوره ورقاء ماكو لا احم ولا دستور روح اخذ تلفون وادفع فاتوره راس الشهر
يعني اعتبر نفسل مشتري كارد ابو 30 دولار بالعراق!! مو
بس لا سيم كارد ولا شي لازم تشتري تليفون كريكت منهم وماكو مشكله كل الانواع الي تريدهه موجوده وعدهم هوايه عروض

بالنسبه لمارشال
اي احنه هم موجود عدنه بس شويه اغلى من دريس فور لس لان يبيع الماركات الطاكه باسعار قليله
وحسب الماركه والنوع  ماكو معدل ثابت
عمي
الي قصدته انه من تشتري كريكت الي ايكلفك بين 90 الى 140 دولار وحسب ما تريد نوعيه
واكو نوعيات ما عدنه منها بالعراق كلش طاكه شويه اغلى
بس الانواع الي تسال عنها هي تابعه لشركة تي موبل واي تي اند تي بس
لان كريكت ينطوك تلفونهم الخاص
عموما بدون انترنيت ولا دولي ايكلفك الفاتوره 30 دولار وعشره ضريبه اتصير 4 الى 43 دولار بالشهر الفاتوره كامله وتكدر اتضيف تكست ماسج دولي ب 5 دولارات لكل دول العالم من ضمنها العراق
طبعا اكو كارت اتصال خارجي ب 2 4 5 دولارات تشتريهن من اي محل واقل واحد تحجي بيه 21 دقيقه ضبط
و بدولارين (( مو رخيص بالله)) ؟ واني برسم الخدمه
عمي ثعلوب
بالخدمه
بس الانترنيت اهنا كلهه شركات
اكو تربل باكيج
((تلفزيون وارضي ونت) واكو دوال باكج ( انترنيت وارضي )
واكو بس نت
احسن شي  بالشركات
الكوم كاست وال at&t لا تغطي كل امريكا
وهذولي وين متريد اشوكت متريد واسعار متالقه وكلش حلوه يعني مو مال اشرحهه اهنا لان كلش طويله بس تكدر تروح لموقع الشركات وتشوف بنفسك
att.com
comcast,com
والانترنيت اهنا لاتحجيها
يخبل اخبال
بس اتفكر بشي كدام الحاسبه ينفتح الموقع مو تدوس دكم بس اتفكر هههههههههههههههههه
وكلش سريع
انشاءالله تجي وتشوف
راح اينسيك معاناة الانترنيت بالعراق والشركات الحراميه الي هناك


عندي سؤال حول رخصة قيادة السيارات في ولاية تكساس .. هل الرخصة الدولية معترف بها هناك؟ هل استطيع التقديم على رخصة جديدة هناك ؟ ماهي تكاليفها ؟
الاخ العزيز ..حسب معلوماتي ..انه الرخصة الدولية ما تاكل ...

رخصة القيادة في تكساس سهلة الحصول عليها ..مجرد امتحان نظري باسئلة واجوبة و بعدين امتحان عملي بالسيارة في يوم اخر انت تحدده ...

عزيز التكاليف هنا 25 دولار لامتحان النظري والعملي ...والاجازة توصلك بالبريد بعد اكثر من شهر ..وخلال هذه المده ينطوك ورقة تكدر تسوق بيها وهي تمثل الاجازة نفسها ...


لا تدوخ كلش سهلة ..تعال وشوف ...جماعتنة العراقيين بايكين الاسئلة مال الامتحان ومسويها ملزمة وكالعادة ..اقراها وروح اخذ 100 هههه

بلاك ووتر
اصدقائي اني حصلت على اجازة  السوق في تكساس قبل اسبوع وكان امتحان عادي مو صعب قريت كتيب اخذته من دائرة السلامة في اوستن وامتحنت ونجحت وثاني يوم كالولي تعال امتحان عملي وطبعا اني مجان عندي سيارة واتصلت باحد هنا باحد الاصدقاء وباخرى اخ عزيز الي هو شبعت من الاهرامات الي مانسى فضلة ساعدني هواية لما جيت لاوستن وامتحنت بسيارتة وحصلت على الاجازة وهذا موقع الي بيه كتيب وموقع امتحان السياقة
موقع التعليم

 http://www.dmv.org/tx-texas/driver-handbook.php




http://virologie.free.fr/documents/xml/qcm/index.html موقع الامتحان واسلئة والجواب



    حلوالكلام
اخواني الاعزاء هل صحيح ان الحاله الامنيه بولاية تكساس جدا سيئه ..وهل صحيح انه بعد الساعه 7 او 8 باليل ماكو احد يكدر يطلع مشي الا بالسياره .. وانه نسبة الجريمه كلش عاليه بالولايه عموما .. افيدوني اخواني رجاء وللجميع كل الشكر والتقدير
الاخوه الاعزاء
الكل يعرف اني اكتب بالجلفي حتى الفكره توصل للكل وطبعا مو معناها اني ما اعرف فصيح
تكساس من حيث الاغلبيه السكانيه (( اسبان وسود)) وبعدين بيض واقليات اخرى مثل العراقيين
مدينه هيوستن من اكبر المدن في تكساس وصايره يم خليج  المكسيك فالجماعه يوميه عابرين بالبلم لامريكا ومسويها باب الشرجي وهذولوه ايسموهم اهنا ((ان ليكل )) يعني مو شرعيين والمقصود مهاجرين قجغ يعني لا فيزا ولا منضمه ولا بطيخ
هذولي الاسبان اكو منهم قسمين
الي جاي ياكل خبز وما عنده زايده وناقصه
والي جاي ايبيع مخدرات وكل المشاكل وياه هذولي يسموهم ((الماجوز)) ج مثل ج مال كلمه جاي بالعراقي
يعني الخشنين او اصحاب العضلات
وبالنسبه للسود هم اكو نوعيتين
الرجال الاسود (وهو شخص محترم يشتغل علمود ايعيش ويدفع ضرايب وجافي خيره شره)
النكرز (( يعني العبد)) هذولي الله لا يثردلك وياهم شغلتهم الوحيده بس اذيت العالم والبوك والتسليب والمخدرات وموسيقى الراب ,هذولي تعرفهم من الملابس مالتهم كلش  عريضه وطويله

هسه نجي لجواب الاخت عسولهى شوفي خيتي
الي ساد بابه عليه ابد محد يندك بيه
والي ما عنده شي ويا الناس محد يحجي وياه
واكو اهنا ناس والله ما تصدكين اشكد خوش اوادم (( مكسيكان و زنزوج))  واني صادقتلي منهم كومه هسه
ولا شفت جرائم ولا غيرهه ويوميه ارجع من شقه بلاك واتر الساعه 2 بالليل محد اله علاقه بييه
اما بالنسبه لدلاس والعهده على صديقي لي ساكن اهناك
يكول انه دالاس هي المجتمع الابيض الامريكي الراقي والزناكيييييين حيل بس
يعني اصحاب شركات النفط
وهي مثل الحلم الوردي من الجمال ((منطقه ومدينه اتخبل)) بس جبيره كلش وهم بيهه الزين والموزين

فيا عسوله الورده حال المدينه حال اي مدينه بالعالم بيهه المللاك والصانع
بيهه الزين والموزين
بيهه الغني والفقير
بيها العامل وصاحب المصنع

واكو اهنا شي ما موجود بالعالم كلله وهو (911) الرقم السحري الي اذا ضايقج واحد بس دكي بالتلفون وشوفي سيارات الشرطه تطلع حتى من المركه ههههههه بس كولي ((وومن ان تربل )) وعالجي بي اس مال التلفون يجوج وشيخلصه الي يتحارش بامريه اهنا
خصوصا امريكا واسالي الاخوه الي بامريكا كلهم على هذا الموضوع

اتمنالج الطمانينه والامان الدائم وانشاءالله ما تشوفين مكرووه
اسف للاطاله ولكن حبيت افصلج الوقائع وما عليج بالاشاعات


اخوج ابو عبدالله التكساسي
اخي العزيز ستورم 2 الولفير هو دائرة تابعة لدولة وليس منظمة  وتسمى الولفير او دائرة المساعدات الاجتماعية
اخي هذه عنوانين فقط بهيوستن

Texas Whole Health Services‎
6630 Harwin Dr, Houston, TX, United States‎ - (713) 782-0937‎

Harris County Social Services‎
9418 Jensen Dr, Houston, TX, United States‎ - (713) 696-7900


Houston-City of Health & Human Services Department: Acres Homes‎
6719 W Montgomery Rd, Houston, TX, United States‎ - (713) 694-9274‎
Kategorie: Social Service & Welfare Organizations

وهي بتكساس

County of Galveston: Welfare Department‎
174 Calder Dr # 127, League City, TX, USA‎ - (281) 316-8733‎

State of Texas Texas Department of Health: Seafood Safety in Bacliff‎
848 Grand Ave, Bacliff, TX, United States‎ - (281) 559-3187


County of Galveston: Welfare Department‎
2516 Texas Ave, Texas City, TX, United States‎ - (409) 948-2581

‎‎طبعا هناك اكثر بكثير فتكساس بها الكثير من المدن
اتمنى ان تفيدك او تفيد اصدقائك

تحياتي واحترامي

تايكر

ساكتب اولا عن المنظمات الخيرية وهي ليس المنظمات التي تستقبل اللاجئ وتكون غالبا تابعة للموسسات الدينية  هذه المنظمات تساعد الناس المحتاجة واللاجئين الجدد بحسب مقدرتها
ويكون العمل بها تطوع ومجاني او باجور قليله الا ان غالبها هو مجاني
ولتوضيح اكثر  هذه موضوع كتبه الاستاذ العزيز سلاما للعراق بما يخص هذه المنظمات


http://www.ankawa.com/forum/index.php/topic,319228.msg4001614.html#msg4001614

ثانيا المنظمات التي تستقبل اللاجئ
هي منظمات شبه حكومية لانها تاخذ التمويل من الحكومة الفدرالية وحكومات الولايات  والشركات الكبرى
عدا المسؤولين والمدراء في هذه المنظمات اما الباقي فهم عاملون من جنسيات مختلفة وذلك لتسهيل الامور على القادم الجديد بذات الذي لا يجيد اللغة
وهنا تقصدة بكلمة عامل وليس موظف  وهولاء الاشخاص يتقاضون رواتب على ما يقومون به حالهم حال اي عامل ولا يتم توظيفهم من قبل الدول او على اساس شهادة ما
وللاسف يوجد الكثير بهم يستغل اللاجئ اول وصوله لان لا يعرف كل الامور الا من كان له معارف واصدقاء واقارب
هذا العامل هو يعمل بهذه المنظمة والتي هي تعتبر الوسيط بين القادم الجديد والمؤوسسات الحكومية
طبعا هذا العامل هو مجبر على ان يساعد اللاجئ بكل شيئ من ملئ الاستمارات الى ذهاب الى هذه الدوائر  وتعليمه على مدينة لانه يتقضى الراتب على هذا الاساس
لكن وللاسف البعض يستغل الانسان الواصل الجديد ويستفاد براسه
على اي حال  من حق اي لاجئ ان يشتكي على هذا العامل وكان قصدي بكلمة عامل حتى لا تغتلط المفاهيم علينا اولا وثانيا لانه من الممكن فصله من العمل بالمنظمة في حال عدم اداء واجباته لان اعماله ستؤثر على المنظمة
 والان نتجه الى الدوائر الحكومية والتي اهمها اللولفير  او الرعاية الاجتماعية
الموظف الذي يعمل بها هو من يكون مسؤول عليك  في استخراج الفود ستامب والمدكيل والكاش موني  طبعا المدكيل والفود ستامب يكون من البداية من هذه الدائرة وليس المنظمة فقط الايجار والكاش يكون من المنظمة لقترة تتروح من مدينة الى اخرى او ولاية واخرى واقصها 8 اشهر
وبعد انتهاء هذه الفترة تقوم الولفير بدفع الكاش موني ومرات تدفعها من البداية في حال عدم تكفل المنظمة
طبعا الشخص الذي يجيد الانكليزية ويتعلم الطرق وعلى المدينة لن يكون بحاجة للعامل الذي في
 المنظمة وانما بامكانه مراجعت موظفه  وملئ الاستمارات بيده
الموظف المسؤول بالولفير سيكون الشخص عليه وهنا يتم تقسيم على حسب الحرف الاول من لاست نيم  او اسم العائلة لانه هذه الدائرة لها الكثير من الموظفين ويراجعها الكثير من المواطنين ان كان لاجئ او امريكي وهي تصرف المساعدات لمن لا عمل لديهم او يعملون بارت تايم
او من يكون واردهم قليل
هذا الموظف هو المهم وهو من يوافق على امورك وهذا شخص مدرك للقانون ويتصرف معك على ضوء هذا القانون 

اتمنى وضحة جزء من الصورة واذا كان يوجد اي خطاء فاتمنى من اخواني وخواتي هنا توضيح الامور لاني كما قلت من البداية اني لم امر بهذه الامور جميعها

تحياتي واحترامي للجميع
والتوفيق لجميع

تايكر

[ابو عبد الله التكساسي]

رابط الاخ ريفولفر
متكلي شلون لكيتهن ذني ههههههههههههه
عليكم السلام اخي مارون هذه بعض ما جمعته لك من مشاركات الاخوه الموجودين في تكساس هيوستن

نور 2

عند وصولنا واخذ قسطا من الراحه
حيث وصلنا يوم الجمعه ويوم الاثنين القادم موعد ذهابنا الى المنظمه
وفعلا تم ذلك حيث حضرة الى شقتي امراه امريكيه من اصل كوري
لغرض اصطحاب افراد العائله
عند وصولنا الى المنظمه
التقى بنا مدير المنظمه  حيث بدء بكلمة الترحيب وكيف سنتعامل مع
الوضع الحالي وووووو   من هذه الامور
بعد ذلك قام الشخص المعني بي وهو الكيس وركر
بتحير بعض الاوراق لكي اوقع عليها ومن ضمنها اوراق التامين الصحي
والفوت سامب
وبعد ذلك طلب منا الانتظار لحين وصول الكادر الطبي لغرض الفحص
عن السل النائم
ولعدم حضور الكادر تم تاجيل الموعد الى يوم الخميس القادم
وفعلاحضرت نفس المراه صباح يوم الخميس
ومباشرتا تم ايصالنا الى دائرة الفوت سامب
حيث دخلنا الى داخل تلك الدائره وكما اخبرنا زملائنا السابقين
تركتنا تلك المراه ونحن لم نبداء بالاجرات حيث اخبرتني انها ستعود بعد قليل
المهم لم تحضر
وكان هذا ثاني امتحان لي هنا في امريكا
فعلا تم الناداة على رقمي نهضت انا وعائلتي
استقبلني ذلك الشرطي بابتسامه
طلب من عائلتي الجلوس وطلب مني الدخول الى المكتب لوحدي
حيث التقيت بموظفه دونت معلوماتي الاوليه
وطلب مني الخروج والانتظار داخل قاعة الانتظار
بعد ذلك تم المنادات على اسمي هذه المره
مباشرتا نهضنا جميعا وبقرب الموظفه المختصه اصطفت عائلتي
لاين
ابتسمت وفرحت جدا على احترامنا النظام

نهضت ورحبت بنا جميعا
طلبت من عائلتي الجلوس بالقاعه والتي هي قريبه منها
وطلبت مني الجلوس امامها لكي نبداء بالاجرآت
وفعلا تم ذلك حيث طلبت مني 94  اخبرتها انني
SIV
حيث اعتذرت وطلبت مني جوازات السفر
وبعد ذلك طلبت مني التاكد من الاسماء بكل استماره
وبعدها وقعت على كافة استمارات الاطفال ما عدى زوجتي هي التي
وقعت على استمارتها
بعد لانتهاء
اجاك العينتين ابو المنظمه
المهم
اصطحبنا الى المنظمه لغرض الفحص الطبي
ونفس الحاله لم يحضر الكادر وتم تاجيله الى يوم الاثنين القادم
اليوم الاثنين حضرت نفس المراه وذهبنا الى المنظمه
وجدنا الكثيرمن الاجئين الذين وصلو حديثا
جلسنا وبعد قليل جاء الكادر الطبي لغرض زرقنا بالابره الخاصه
بالسل النائم
وكم فرحت عندما علمت ان الطبيب الموجود معهم عراقي
ولكن فرحتي لم تدوم طويلا وسوف اخبركم لماذا
في التعليمات بعد زرق الابره تقول التعليمات
عدم حك الابره نهائيا
ولكون عندي اطفال
اسرعت بالسؤال الى ذلك الطبيب العراقي
ولكنه لم يعرنا اي انتباه اعدت عليه السؤال
حيث قلت له بالحرف الواحد
عيني ولو انثقل عليك وبيه زحمه عليك اهوايه وراح انتعبك
الطفل اشلون راح يكون مصيره هو طفل لايعرف
عليه عدم حك الابره
وهذا السؤال انا اعرف راح يتعبك بالجواب
فاجئني مره اخرى
واذا به يسئل الممرضه عن ذلك
ضحكت كثيرا
بدائنا بزرق الابر
وكانت امراتين امريكيتين ذو اخلاق جدا راقيه
بعد الانتهاء من زرق الابر تم الاتفاق على حور الكادر الطبي
بعد يومين لغرض التاكد من خلو الشخص من الاصابه

واثناء لك يعطوك قناني لغرض
اسف لذكر ذلك
لوضع بعض الخروج  لغرض التحاليل
ولاكن لا تستعملها الا بعد اخبارك بذلك من قبل الكادر الطبي

وهنا قد انهينا التقديم على السوشل نمبر والفحص الطبي والفوت سامب
نسيت ان اذكر لكم شيئا
طلبت من الكيس وركر
اخبرته انني اريد الذهاب الى
HCC
وهي منظمه تعطيك شهادة خبره للاصحاب الحرف
رفض ذلك حيث اخبرني انه ليس واجبه
هذه هي المنظمات
اعتذر منكم للاطاله والتاخر عن مواصلتكم
وسوف اكتب لكم ما يستجد معي

علما انه لايوجد عندي انترنت لحد الان

اخوكم من  تكساس

NOOR 2



اخوتي واحبتي الغالين
عند وصولنا واخذ قسطا من الراحه
حيث وصلنا يوم الجمعه ويوم الاثنين القادم موعد ذهابنا الى المنظمه
وفعلا تم ذلك حيث حضرة الى شقتي امراه امريكيه من اصل كوري
لغرض اصطحاب افراد العائله
عند وصولنا الى المنظمه
التقى بنا مدير المنظمه  حيث بدء بكلمة الترحيب وكيف سنتعامل مع
الوضع الحالي وووووو   من هذه الامور
بعد ذلك قام الشخص المعني بي وهو الكيس وركر
بتحير بعض الاوراق لكي اوقع عليها ومن ضمنها اوراق التامين الصحي
والفوت سامب
وبعد ذلك طلب منا الانتظار لحين وصول الكادر الطبي لغرض الفحص
عن السل النائم
ولعدم حضور الكادر تم تاجيل الموعد الى يوم الخميس القادم
وفعلاحضرت نفس المراه صباح يوم الخميس
ومباشرتا تم ايصالنا الى دائرة الفوت سامب
حيث دخلنا الى داخل تلك الدائره وكما اخبرنا زملائنا السابقين
تركتنا تلك المراه ونحن لم نبداء بالاجرات حيث اخبرتني انها ستعود بعد قليل
المهم لم تحضر
وكان هذا ثاني امتحان لي هنا في امريكا
فعلا تم الناداة على رقمي نهضت انا وعائلتي
استقبلني ذلك الشرطي بابتسامه
طلب من عائلتي الجلوس وطلب مني الدخول الى المكتب لوحدي
حيث التقيت بموظفه دونت معلوماتي الاوليه
وطلب مني الخروج والانتظار داخل قاعة الانتظار
بعد ذلك تم المنادات على اسمي هذه المره
مباشرتا نهضنا جميعا وبقرب الموظفه المختصه اصطفت عائلتي
لاين
ابتسمت وفرحت جدا على احترامنا النظام
نهضت ورحبت بنا جميعا
طلبت من عائلتي الجلوس بالقاعه والتي هي قريبه منها
وطلبت مني الجلوس امامها لكي نبداء بالاجرآت
وفعلا تم ذلك حيث طلبت مني 94  اخبرتها انني
SIV
حيث اعتذرت وطلبت مني جوازات السفر
وبعد ذلك طلبت مني التاكد من الاسماء بكل استماره
وبعدها وقعت على كافة استمارات الاطفال ما عدى زوجتي هي التي
وقعت على استمارتها
بعد لانتهاء
اجاك العينتين ابو المنظمه
المهم
اصطحبنا الى المنظمه لغرض الفحص الطبي
ونفس الحاله لم يحضر الكادر وتم تاجيله الى يوم الاثنين القادم
اليوم الاثنين حضرت نفس المراه وذهبنا الى المنظمه
وجدنا الكثيرمن الاجئين الذين وصلو حديثا
جلسنا وبعد قليل جاء الكادر الطبي لغرض زرقنا بالابره الخاصه
بالسل النائم
وكم فرحت عندما علمت ان الطبيب الموجود معهم عراقي
ولكن فرحتي لم تدوم طويلا وسوف اخبركم لماذا
في التعليمات بعد زرق الابره تقول التعليمات
عدم حك الابره نهائيا
ولكون عندي اطفال
اسرعت بالسؤال الى ذلك الطبيب العراقي
ولكنه لم يعرنا اي انتباه اعدت عليه السؤال
حيث قلت له بالحرف الواحد
عيني ولو انثقل عليك وبيه زحمه عليك اهوايه وراح انتعبك
الطفل اشلون راح يكون مصيره هو طفل لايعرف
عليه عدم حك الابره
وهذا السؤال انا اعرف راح يتعبك بالجواب
فاجئني مره اخرى
واذا به يسئل الممرضه عن ذلك
ضحكت كثيرا
بدائنا بزرق الابر
وكانت امراتين امريكيتين ذو اخلاق جدا راقيه
بعد الانتهاء من زرق الابر تم الاتفاق على حور الكادر الطبي
بعد يومين لغرض التاكد من خلو الشخص من الاصابه
واثناء لك يعطوك قناني لغرض
اسف لذكر ذلك
لوضع بعض الخروج  لغرض التحاليل
ولاكن لا تستعملها الا بعد اخبارك بذلك من قبل الكادر الطبي

وهنا قد انهينا التقديم على السوشل نمبر والفحص الطبي والفوت سامب
نسيت ان اذكر لكم شيئا
طلبت من الكيس وركر
اخبرته انني اريد الذهاب الى
HCC
وهي منظمه تعطيك شهادة خبره للاصحاب الحرف
رفض ذلك حيث اخبرني انه ليس واجبه
هذه هي المنظمات
اعتذر منكم للاطاله والتاخر عن مواصلتكم
وسوف اكتب لكم ما يستجد معي

علما انه لايوجد عندي انترنت لحد الان

اخوكم من  تكساس

NOOR 2



   اضافه
اخواني الحمد لله اليوم ل ستلمت السوشل نمبر يعني خلال اسبوع استلمته

والان انا ارتب للحصول على اجازة السوق
وتكساس ايدي

وسف اخبركم بكافة المستجدات
اخوكم الي ورمت ايده

NOOR 2
-----------------------------------------------------------------------------------


اوراكي

في البدأ لااريد ان اثبط من عزيمة الاخوة في منتدانا العزيز واقول لهم اني نادم لأن وقع اختيار ولايتي هيوستن تكساس .. لكني أؤكد واجزم باني غير نادم لوجودي في امريكا.. اما سبب ندمي هو ان هيوستن مدينة كبيرة جدا ..من الصعب التنقل فيها وكل مشوار يطول اكثر من ساعة ويتطلب ركوب باصيين اولا .. ثانيا ان المنظمة قامت باختيار سكن بعيد جدا عن المركز في الاول عجبتنا فكرة الذهاب الى هيوستن بعدما راينا ناطحات السحب .. لكن في الواقع يختارون لك مكان بعيد جدا .. ثالثا ان المنظمة غير متعاونة يدفعون لك اجرة البيت والماء اما الكهرباء انت تدفعها وهي تكسر الظهر لكن 400 دولار اخر الشهر التي يعطوها لك تكفي لسدها .. رابعا المساعدات لمدة اربعة اشهر فقط يبقى فقط الفود ستامب والمدكيت لمدة ثمانية اشهر ... خامسا المنظمة تعبانة جدا ويعمل بها مسلمون متعبون جدا وحسب ما نقله الاخوان الموجودين معي وما كتبوه في المنتدى .. سادسا ان اغلب السكان هم مكسيكيون وسود وكانك تشعر بأن تعيش في المكسيك وليس امريكا .. واخيرا ان الجو رطب جدا اكثر من البصرة وفيه اعاصير وزوابع ..
لكن في المقابل انها مدينة جميلة تسودها الخضرة الدائمة والنظام ولم ارى او اشاهد اي مشكلة ويقول الاخوة هنا ان فيها عمل .. ولذلك انصح جميع الاخوة باختيار الولايات الوسطية والتي جوها معتدل وغالبيتهم بيض امريكان لأنهم متعاونون وودودين عكس هيوستن تكساس التي تقطنها اغلبية فقيرة
هذا على اقل تقدير انطباع شخصي للاجى صار يقطن هيوستن لفترة قصيرة جائز يتغير انطباعي في القادم من الايام ..
لكن اؤكد اني غير نادم على وجودي في امريكا لكني اعترض فقط على الولاية وان شاء الله بالمستقبل احاول ان اغيرها
اخوكم اوركي


والله انه مو حالتي يرثى لها بس اصطدمت بنمط العيش لأن كل اللاجئين بحسب وصف الموظفة الصومالية قالت بأنهم يتصورون بأن امريكا جنة في اول شهر لكن حينما ينغمسون بالواقع يجدون عكس ذلك انا كنت اتمنى غير ولاية لأني بالكاد اشعر باني اعيش في المكسيك وليس بامريكا رغم انهم أناس بسطاء وفقراء .. انا لا اعلم جائز متعلم في العراق على الرفاهية والاكل الجيد وجئت الى هيوستن اكل فقط الخضروات وكذلك اصطدمت بجدار اللغة وصعوبة المواصلات وان شاء الله اتكيف مع الوضع .. اما بخصوص المساعدات في هيوستن شرحولي الموظفات طبيعتها بحيث اول اربع اشهر المنظمة تدفع ايجار الشقة والماء اما الكهرباء عليك وتدفعلك اسبوعيا 70 دولار بدل طعام لنفرين لحين مجيئ الفود ستامب وكذلك نهاية الشهر تدفع 400 دولار لنفرين .. ويساعدوك على الحصول على السوشيل سيكرتري والمدكيت لمدة ستة اشهر الى ثمانية وكذلك بطاقة تصريح العمل .. اما الاشهر الاربعة الثانية اذا ما حصلت على عمل يدفعون ايجار البيت ايضا لشهرين والباقي انت تدبر امرك مع اعطائك 250 دولار فقط .. فضلا عن محاولتهم ايجاد عمل وتحسين لغتك .. هذه هي خريطة المساعدات وكما قلت انا لا اريد اثبط عزيمة احد لأن كل شخص له انطباعه الشخصي
اخوكم اوركي



-----------------------------------------------------------------------------------

فالكون


أخوتي الاعزاء انا اسكن انا و زوجتي في شقه تتكون من غرفه واحده بالاضافه الى غرفه المعيشه والمطبخ والاستقبال وتوجد فيها شرفه ارضيه ومخزنان وخزانه ملابس كبيره وان سعر الايجار حاليا هو 460$ مع الماء والكهرباء لا اعرف حاليا ولكن يمكن ان تكون 90$  وبالحقيقه سعر الايجار ليس حقيقي حيث ان هذا ما تدفعه المنظمه في الاشهر الاربعه الاولى وحسب ما عرفت ان الايجار سوف يتم تخفيظه الى الى 400$ و ايضا استلم الفود ستام لشخصين 300$ شهريا والكاش اسستنس هو 400$ هذا بالنسبه لي .

نرجع للموضوع الله السيده التي تزعم انها تستلم 450$ كاذبه وذالك للسباب التاليه :
1- ان السيده لها حق الحصول على مساعده كبار السن والتي هيه 600$.
2- لعدم وجود معيل يحق لها بستلام الفود ستام 300$ لها ولبنتها.
3- السيده حاصله على المديكير لكبار السن و بنتها ايضا لكونها اصغر من 18 سنه.
4- مدرسه بنتها مجانيه لانها تحت 18.
5- اسعار الشقق بهيوستن رخيصه نسبيا وهي كما اوضحت بالنسبه لشقتي.
6- ان المنطقه المذكوره هي ارقى منطقه في هيوستن والمعروف عنها هي لسكن الاغنياء فقط ولا يوجد فيها شقق فقط بيوت والاكثر من هذا يمنع منعا باتا دخول النقل العام اليها .

المقصد من الموضوع لا تنخدعو بالاكاذيب التي يطلقها الحاسدين للعراقيين على هذه الفرصه.

بالمناسبه هنا توجد مؤسسه اسلاميه تتكفل كل الارامل واليتاما المسلمين حيث يدفعون الايجار وكل شئ وحتى لا يطلبون منها العمل.

أخوكم فالكون1982


أخوتي الاعزاء اليوم راح اشرح الكم بوضوح ومن خلال تجربتي واجبات المنظمه وهل فعلا المساعدات تقطع.

اول شئ احب اذكر شئ مهم يخص المنظمه الي هيه مسؤله عنا منظمه معروف عنها بكفائتها وفعاليتها في مجتمع هيوسن ولاكن للاسف لحرص اداره المنظمه ان يكون الذي يدير امور الاجئ ملم بالخلفيات الثقافيه للاجئين فقد اوكلو هذه المهمه للاشخاص مسلمين وعرب انهم لايسرقون شئ منك ولاكنهم لا يطلعوك على الوضع او كيف تتجنب النصب او الاحتيال وفي بعض الحلات يكونو هم جزء من هذه العمليه.

المساعدات من قبل المنظمه هي لمده ثلاثه اشهر دفع ايجارك وهنا في هيوستن الشهر الاول مجانا فيكون المجوع اربع اشهر وهناك الفود ستامب وايضا 200 $ كاش اسستنس لكل فرد.

وهناك اكثر من منظمه واكثر من دائره حكوميه تساعدك بدفع الايجار وتصليح السياره والرعايه الطبيه .


واحب ان انبه من جديد احسن شئ الواحد يعتمد على روحه ويشتغل اي شئ ولا يظل عاله على الحكومه الامريكيه ويظل يدور مساعدات .

وبصراحه حاله بعض العراقيين هنا كلش تعبانه اكو ما يردون يشتغلون وبس يدرون مساعدات ويحجون على المنظمه واكو الي مايعرف راسه من رجله عايشين بالقدره وهم يذبوها براس المنظمه واكو الي باعو هويتهم وصارو يتصرفون مثل الهمج الي ينبذوهم حتى الامريكان .

المهم انا ما اريد اكسر واهسكم بس اريد اكلك الحياه صعبه والمشاغل هواي وكل واحد لازم يتعب على ما يحصل الشئ الي هو جاي عليه ولازم تنتبه للمجتمع شلون ماشي وتعرف الي الك من قوانين والي عليك.

وانا حاضر اجاوبكم على اي شئ بالكم.

أخوكم فالكون1982



أخوتي الاعزاء اليوم راح اشرح الكم بوضوح ومن خلال تجربتي واجبات المنظمه وهل فعلا المساعدات تقطع.

اول شئ احب اذكر شئ مهم يخص المنظمه الي هيه مسؤله عنا منظمه معروف عنها بكفائتها وفعاليتها في مجتمع هيوسن ولاكن للاسف لحرص اداره المنظمه ان يكون الذي يدير امور الاجئ ملم بالخلفيات الثقافيه للاجئين فقد اوكلو هذه المهمه للاشخاص مسلمين وعرب انهم لايسرقون شئ منك ولاكنهم لا يطلعوك على الوضع او كيف تتجنب النصب او الاحتيال وفي بعض الحلات يكونو هم جزء من هذه العمليه.

المساعدات من قبل المنظمه هي لمده ثلاثه اشهر دفع ايجارك وهنا في هيوستن الشهر الاول مجانا فيكون المجوع اربع اشهر وهناك الفود ستامب وايضا 200 $ كاش اسستنس لكل فرد.

وهناك اكثر من منظمه واكثر من دائره حكوميه تساعدك بدفع الايجار وتصليح السياره والرعايه الطبيه .

واحب ان انبه من جديد احسن شئ الواحد يعتمد على روحه ويشتغل اي شئ ولا يظل عاله على الحكومه الامريكيه ويظل يدور مساعدات .

وبصراحه حاله بعض العراقيين هنا كلش تعبانه اكو ما يردون يشتغلون وبس يدرون مساعدات ويحجون على المنظمه واكو الي مايعرف راسه من رجله عايشين بالقدره وهم يذبوها براس المنظمه واكو الي باعو هويتهم وصارو يتصرفون مثل الهمج الي ينبذوهم حتى الامريكان .

المهم انا ما اريد اكسر واهسكم بس اريد اكلك الحياه صعبه والمشاغل هواي وكل واحد لازم يتعب على ما يحصل الشئ الي هو جاي عليه ولازم تنتبه للمجتمع شلون ماشي وتعرف الي الك من قوانين والي عليك.

وانا حاضر اجاوبكم على اي شئ بالكم.

أخوكم فالكون1982



المشكله الكبرى التي صادفتها هي كلاتي

لايسمح لك بفتح حساب بنكي او الاشتراك في خدمه الانترنت الا ان يكون عندك سوشيل نمبر وبعض شركات الهواتف النقاله والهواتف الارضيه لن تسمح لك بشراء اجهزتها الا ان يكون عندك رقم ضمان اجتماعي ( سوشيل).

ولكم الحل لمعظم هذه المشاكل .

1- التلفون النقال اشترتي نقال نوع كركت وهي شركه تفرض عليك شراء اجهزتها ودفع اشتراك شهري من 35 الة 56$ شهريا يعتمد على الخطه الي تختارها ولا يشترطون حصولك على سوشيل انما يكفي I94 بالنسبه للاجئين او الجواز بالنسبه لاصحاب الكرين كارد.

2- الحساب البنكي ممكن تفتح حساب بشرط ان لا يزيد عن 500$ حتى تضمن استمرار المساعدات ويكون كلاتي خذ اي مستمسك يثبت قانونيه وجودك في امريكا بالاضافه الى عقد الايجار وسف يتم فتح حساب لك على عنوانك الذي في العراق وفي هيوستن.
البنوك المعروفه في هيوسن هي بنك اوف امريكا (وهو بنكي) و جيس بنك ( وهو بنك مشهور في هيوستن)
ولكل بنك ميزاته .

3- اما الانترنت فيجب ان تنظر حصولك على السوشيل وهو احسن حل رغم وجود حل ثاني ( شركت كركت تمتلك فلاش انترنت سعره 170$ والاشتراك الشهري هو 40$ والانترنت بطئ) .

أما شركات الانترنت السريع هي Comcast و AT&T  .

انا اشتركت في شركه Comcast سرعه الانترنت الداونلود 75MBS  الاب لود 2.7MBS الاشتراك الشهري هو 30$

ملاحظه نفس الشركات تزودك بتلفون ارضي .

أخوكم فالكون1982


اخوتي الاعزاء مدينه هيوستن من المدن القليله التي لم تتاثر بالازمه الاقتصاديه بشكل مباشر ولهذا فان سوق العمل مزدهر في اغلب انواع الاعمال.

الاعمال المتوفره للاجئ في الاشهر الاولى وهذا الشئ يشمل اصحاب الشهادات العليا والذين لايملكون شهاده  :

1- المطاعم : غسل الاطباق ومسح الارضيات واعمال المطبخ .8.00$ للساعه
2- الاسواق العامه : وتشمل الكاشير واعمال مسح الارضيات وتصنيف المنتجات ووضع التاكات بالاضافه الى الحفاظ على ترتيب الرفوف. معدلا الساعه 7.50$.

3- الاعمال الفنيه   الكهربائي الميكانيكي السباك الحلاق ) وهذه المهن تشترط على المتقدم الحصول على شهاده ممارسه مهنه في الاختصاص الذي تريد التقدم له( حتى لوكنت حاصل على شهاده هندسه كهرباء ولاكنك تريد ان تعمل كا مساعد كهربائي يجب ان تحصل على شهاده ممارسه مهنه) بالاضافه الى اغلبهن يكون شرط اساي الحصول على اجازه سوق. الساعه من 13$ الى 40 $ الساعه.

4- الاعمال الهندسيه : تشترط حصولك على شهاده تعادل الشهاده الامريكيه او ما يعادلها.الساعه من 25$ الة 80$.

5- اصحاب المهن الطبيه وهي ايضا يشترط حصولك على شهاده من جامعه امريكيه في اختصاصك او ما يعادلها اما المرتب فهو جدا مرتفع.

ملاحظه: اغلب الوظائف تعتمد على مدى معرفتك باللغه الانكليزيه كل ما كانت اكثر كانت فرصتك بالحصول على عمل اكبر.

أخوكم فالكون1982

----------------------------------------------------------------------------------------

فحامي

هاي اسعار الشقق بالنسبة للمجمع الي ساكن بي حاليا وهو مجمع متواضع بس زين وقريب على كل شي تقريبا وطبعا اكوة اغلة واكو ارخص بس مو ارخص بهواية
اسعار الشقق مهمة لان من تخلص المساعدات راح العراقي يدفع كل اليجار والكهرباء والمي
اني حنطي المعلومات بالقدم المربع مو بالمتر مثل ممكتوبة
1 شقة بـ  535$  مكونة من صالة و غرفة نوم و حمام و مطبخ وبالكونة وبيهة مخزن واحد مساحة الشقة 576قدم

2 شقة بـ 595$ مكونة من صالة  و غرفة نوم و حمام و مطبخ و بالكونة وبيهة مخزنين مساحة الشقة 670 قدم مربع

3 شقة بـ 715$ صالة وغرفتين و حمام و مطبخ ومخزنين وبالكونة مساحة الشقة 876 قدم

4 شقة بـ 795$ صالة و غرفتين نوم وحمامين ومخزنين وبيهة ممرات عريضة بين الغرف المساحة 976 قدم

5 شقة بـ 915$ صالة وتلث غرف وحمامين وتلث مخازن ومطبخ وبالكونة جبيرة المساحة 1138 قدم مربع

هاي الاسعار بدون ضريبة وميطلبون من عندك ضريبة يعني الضريبة همة خاليهة بالسعر
ويضيفون ويها 25$ تكلفة المي ويضيفون الكهرباء حسب استخدامك طبعا  تطلع بالميت دولار اقل او اكثر


بالنسبة للشقة كلهة واسعة حتة لو جانت مساحتهة صغيرة وبيهة
ثلاجة
ماكيرويف
غسالة مواعين
طباخ كهربائي طبعا ويا فرن (اهم شي الطباخ     
الشقة بيهة تبريد (مكيفة)

المخازن الي كلتلكم عليهة هية متر بمتر صغير ينحط بيهة غراض والمخزن الثاني ينحط بي ملابس وطبعا غراض همينة لان واسع

الشقق طابق ارضي و طابق اول وبيهة موقف سيارات مال مجمع

هاي باجر ان شاء الله اضيف شروط العقد بنفس هذا الموضوع
فحامي
 


------------------------------------------------------------------------------

بلاك وتر  هيوستن

مرحبا لكل الاعضاء وكالعادة اعتذر عن الغياب ..وذلك لعدة اسباب ....
احب ان انوه للاخوة الكرام والاخوات العزيزات لابد من تحديد هدفك قبل المجيء الى الولايات المتحدة الامريكية ..بتصوري الشخصي لا مجال للعبثيات ...
نقطة مهمة جدا يجب على كل مهاجر او لاجيء يقرأها جيد جدا .اذا تضل بالتفكير الراديكالي – الجذري- للشخصية العراقيه فلا يمكنك الاستمرار في هذا البلد –امريكا-
واقصد بالراديكالة –الاصولية- والتشبث بالقيم التي لا تمت للحياه الغربيه بصلة ..مثال ..
احنا بلد الحضارات ..والعلماء ..وووو..ووو مكتشفين الدولاب والاسطرلاب والختم المدور و انجازات الخليفة عبد فلك ...الخ ...
طبعا كل انسان يفخر بانجازات بلدة وان كانت ضئيلة ..وارجوا ان لايفهم القاريء كلامي بسلبيه ...
النقطة الثانية ..وتسمى بالعامية –الانفة- او الخشم المرفوع ..
ما انصح اللاجيء او المهاجر ان يستخدم هذه الصيغة في الحياه ..
مثال ..اني مهندس وشهادتي بطول هيوستن ..تالي عمري اشتغل حارس او بمخزن ..
النقطة الاخرى ..الكف عن التذمر والتطلب والمظالم ..
طبعا خلصنا من العراق والتذمر والمظالم والقساوة والحر ..الخ ..يعني راح نبدي نفتح صفحة جديده ...يعني لازم نكون متفائلين بالحياه بامريكا اكثر من ما نكون متشائمين ...وللاسف الاخوة –ليس الكل- لكن الاغلب ..يسمع ويردد مثل الببغاء..
مثال ..الشاب يجي فرحان من العراق يسكن وية شاب عراقي اخر بدل ما يروح الشاب يدليه الطرق لو يعلمة عن الحياه ..يبدي يسردلة قصة المنظمة والمساعدات وعدم توفر العمل ..ويهبط معنويات الرجل ...وراح يكلة هذولة المنضة هيج وهيج وكلشي ما يسوولنة وعايفينة ..
طبعا الاخوة هنا لو تعطيهم مساعدات طول حياتهم ما راح يرضون ابدا طبعا اكرر ليس الكل انما الاكثرية ...
اللي لاحظته خلال فتري القصيرة انه الشباب يائس ..سلبي ..متطلب ..كسول ..يريد المنظمة المسوولة عليه تحكلة ضهرة بين فترة وفترة ...
نعم كل انسان يمر بمرحلة يـأس لان كان محسب حساب شكل وطلع غير شكل ..لذلك اكرر واكرر واكرر ...يجب على الكل حساب الامر جيدا وجديا قبل المجيء الى هنا ...وان يقطع على نفسه عهد قبل السفر ان يعمل بجد و عندما يجد او فرصة عمل ياخذ بها ولا يتمهل ولو لوهلة ...هذه هي الحياه في اميركا ..

الحياه بصورة عامة ..
شعب لطيف ...فالكل يبتسم عند مراجعك لاحدى الدوائر او المحلات او المنظمات ..وحقيقه تتورط تسالك شخص سوال لان راح يضل يجاوبك لما انت تكلة كافي لزكت .....
القانون فوق الكل ...
بلد عجيب غريب بالقانون ..فوق ما تتصور باحترام القانون وخصوصا راح تلاحظون حركة سير المرور ..والخطوط البيضاء في الطريق ...وعدم تجاوزها ..والخ من التعقيدات ...

التكنلوجيا ..
اللي عايش في دول الخليج يعرف معنى التكنلوجيا وكيفيه الدفع بالخطوط السريعة لان هنا بعض الخطوط السريعة ليست مجانية ..لذلك هناك لزكة تحطها على الجامة الامامية مال السيارة وبيها رصيد و انت تشحنها بين فترة وفترة حتى يفتحك البوابة مال الخط وكل ما تدخل للخط السريع يقطع منك المبلغ ..
هاي وحدة من عشرات الامور ..ناهيك عن كارتات الباص اللي بس تخليه كدام جهاز وهوة يقطع الرصيد ...
وخدمة –جي بي اس- للسيارات ..جهاز بيه شاشة و انت تدخل العنوان اللي تريد تروحلة و تطلع سيارتك على الخريطة ووحدة مكموعة تكلك روح يمنة ورة مية متر اطلع يسرة ..ومن توصل للمكان اللي تريدة تكلك الحمد لله على السلامة وتهزلك شوية ...وطبعا الخدمة مجااااااااااااااااااااااااااانية بس تشتري الجهاز اول مرة وسعرة 150 دولار و يشتغل على الجداحة مال السيارة ..

الاتصالات ..
الانترنت عيب احجي بالموضوع اصلا لان اتصور الكل يعرف امريكا والانترنت بس اكلك الاسعار تبدا من عشرين دولار شهريا و تنتهي ب 50 دولار ..ابو العشرين جدا جدا جدا لطيف وحلو ..وابو ال 50 مال مخابيل ..هههه يعني مال واحد عنده ويب سايت خاص بيه ويصعد فيديو جبير واغاني كثيرة ..اما الهواتف فشركات كثيرة وخطط كثيرة واسعارها اعتيادية ..وطبعا اعتادية للي عندة شغل !!

النظافة والمشجرات والشوارع الخظراء ..
90 % من مناطق هيوستن-تكساس نظيفة جدا جدا ...وتبقى 10% بيها اوساخ وحسب ما ذكرولي اني ما شفت ..بس من ذكرولي هذا الشي ..لايروح بالكم بعيد و عبالكم المنطقة هاي وسخة ..لا ...متوهمين يعني بيها شوية بطالة بالشارع و اوراق والخ ...
اما الخظار ...فحدث ولا حرج ...الخطار ينتهي لاخر خطوة عند دخولك لمكان سكنك ...
الايجارات
مركز المدينة غالي يعني 1200 وفوك للشقة ام الغرفة الواحدة ..
اما الاطراف مثلنا احنا ..اكو مجمعات تاجر شقق جميلة ونظيفة و ملمومة ..غرفة وصالة ومطبخ ..500 دولار مدفوعة الماء والغاز بالنسبة للسخان ..اما الكهرباء عليك و اقل ورقة تجيك بالصيف اذا تعصرها 100 دولار ...لان هنا لازم لازم لازم تبريد لان حارة و رطوبة ...
الشقة تسع لشخصين متزوجين وليس لديهم اطفال ...اما عن الشقق ام الغرفتين نوم اقل ايجار بهيوستن 700 دولار تتضمنها الماء والغاز والكهرباء اكيد عليك ...
المجمع يشمل مسابح واذا كان كبير يشمل مسابح ..وخدمة الازبال يومين بالاسبوع يجي الزبال و الباقي انت تودي بيدك ...بعض المجمعات تشملك بخدمة الكيبل اقصد القنوات الفضائية و طبعا كلها امريكية و لاتينية ...ماكو عربية .أذا تريد عربية روح انت اشترك وادفع فلوس تجيك الجزيرة والعربية ..الخ

الاسواق ...كلشي بيها حدث ولا حرج ..اسعار الخضروات لاباس بها ..اقصد اغلى من العراق ..والوزن بالباوند وليس بالكيلو ...1 كيلو يساوي 2.2 باوند ..
الملابس جدا رخيصة ..اقصد مو ماركات ...الماركات تضل غالية جدا ..لا احد يعير اهتمام للملابس لان اصلا محد راح يباوع عليك ...
اشتريت حذاء رياضي كلش كلش حلو ب 19 دولار و ماركة ..والحلو هنا رخيص لان الماركة فات عليها الوكت وراح موديلها ..لذلك يرخص سعرها ...

سوؤال
حبيبي blackwater
اول شىء حجيك جدا سليم وموضوع مفيد والله ايوفق الجميع ....
بس سؤال انته حضرتك ساكن وحدك؟؟؟ واذا اي فاانته طلبت هالشىء لو همه سكنوك هيجي؟؟؟
لان اشو امبين من الحجي انه الشقق اللي بيها اكثر من غرفه غاليه ومو معقوله انه همه ايسكنون المهاجرين او الاجئين ابشقق غاليهوبس التفاصيل شويه يعني رح ينطوك الايجار والــ (bills) عليهم لو عليك وشنو العليك وشنو العليهم ؟؟ ...
طيب شنو اسم المنظمه مالتك؟؟؟ وهل هي زينه لو لا؟؟؟ لان صارت بينه خوفه من المنظمات التعبانه اللي ايجفينه شرهم ....
وشنو اسم الشركه اللي ساحب منها انترنيت واشكد اطول المدة من ايشدوه الك؟؟؟
وشركه التلفون اقصد الموبايل ؟؟ واذا عندك علم على شركه كركت ايكولون هاي خوش شركه ويعني متريد لا سوشال ولا كرين كارد ولا عقد ولا اي شىء  اشكد ايطول لحد ميوصلك المبايل ؟؟؟؟
وتحياتي الك والموفقيه يارب ..

جواب بلاك وتر

اني ساكن ويه شخص عراقي ..طريقة التسكين هنا هيج ..تروح تلكة شريك وياك بالشقة ..الايجارات هيج لان الرواتب اقل شي 7 دولار بالساعة ...
النظام يمنا همة يدفعون الايجار انت ما تلزم فلوس بيديك ...لمدة 5 شهور والشهر الاخير احنا نتحمل الايجار ...
الشقة لطيفة ..صغيرة ..مختزلة حمام حلو ..والمجمعات بيها مسابح مجانية ..ولوندري بدولار واحد للغسيل
 اسم المنظمة ..INTERFAITH
ما اعرف اي منظمة تعبانة لان ما اسال عن هاي الامور ابدا ...يعني راضي باللي يجيني ..لان كلة فضل ورحمة من الله اولا ومن الشعب الامريكي ثانيا ...لان هاي المساعدات والفودستامب مالتك و المعونات كلها يدفعها الشعب الامريكي من الضرائب ...واجور الدراسة
يعني لازم نكون ممنونين لهذا الشعب ..لان كاعد ناكل و نشرب بجاهه ...
اني سحبت انترنت من اي تي اند تي خابرت عليهم وسالوني على السوشال كتلهم ما عندي ..كالي زين شلون تدفع ..كتلهم كاش ..أستغرب مني وكالي اسال و اجي ..راح سال واجاني ..كالي لازم تدفع 100 دولار قابلة للرد بين ما تسوي السوشال ..كتلة اني اسف ما ادفع ...كالي اوكي انطيني العنوان الكامل ويصير خير ...
ورة يومين اجاني بريد مودم دي اس ال و بيه رسالة تكول الانترنت راح يجيك اليوم الفلاني الساعة الفلانية ...
بذاك اليوم و بذيج الساعة اجاني النت ..واني لحد كتابة هاي المشاركة لا دافع فلوس مال مودم ولا دافع اشتراك شهري ولا يكدرون يحقوني بشي اذا افلت لان لا سوشال يمهم ولا هم يحزنون ..
واني حاليا دا انتضر الفاتورة تجيني حتى ادفعها لان اني ممتن الهم جدا على هاي الثقة اللي ما شفتها في بلدي ..العراق...بالمناسبة اشتراكي ابو 20 دولار وسعر المودم 79 دولار ..لا عقد ولا توقيع ولا فترة ..احنا نسميها مشاهرة ..يعني شهر بشهرة ..

اما الموبايل يا حبيبي ...تروح لاقرب محل تكلة السلام عليكم اميكو ...ههه لو هولا اميكو ..لان يمنا هواي مكسكان ..
كلة اريد تلفون ارخص شي وبيه خدمة المكالمات بس ...يعني لا انتضار مالمة ولا انترنت ولا مسج صوتي ولا مسج صوري ...
راح ينطيك الخطة ام 35 دولار بالشهر مكالمات للصبح وتستلم للصبح ..بس الاتصال الدولي الا بكارت...وهذا حال معظهم ..
طبعا راح تدفع الفلوس راح ينطيك تلفون كبل ..مدفوع الشهر الاول ..يعني يخلص الشهر تدفع الفاتورة مال الشهر الثاني ...
وراسا خابر بيه ..وبالعافية


سوؤال

حبيبي بلاك وتر اني ممنون على المعلومات وعاشت ايدك ....
بس يعني الــ Room mate  انته من وصلت لكيته موجود؟؟؟ لو انته دورت عليه ؟؟؟ طيب واذا الشقه صغيرة يعني اقصد مثلا بس غرفه وصاله ومطبخ يعني اقصد ملمومه يعني بهيجي حاله هم ايصير تسكن واحد وياك؟؟مو تعرف همه الا كل واحد عنده غرفه يعني ممنوع ...
ويعني بهيجي حاله المساعدات اشكد؟؟ 6 اشهر؟؟؟....وهمه ايدفعون الايجار وياه الــ BILLS مال كلشي يعني ماء +كهرباء وكلشي لو اكو شىء عليك ؟؟؟واول متوصل ينطوك شىء بيدك؟؟ لو بس الهديه مال الولفر ؟؟
الفود ستامب شوكت يطلع ؟؟اشكد ايطول اقصد ...
تحياتي وردة ...
حبي يمكن انته شويه مشغول لذالك عدت عليك الاسئله لان حالتي مثل حالتك اني هم اعزب فدااريد اسال هاي الاسئله ...
تحياتي وردة

جواب بلاك وتر

اهلا يا ورد ..
عيني المنظمة تاجر الشقة قبل ما تصول انت لامريكا ..مرات تروح تلكة واحد موجود قبلك ..او انت تروح وتنتضر واحد يجيك ..لان لازم يسكنون اثنين بشقة مو واحد ...حتة يتحمل وياك على الاقل تكلفة الكهرباء والرووم ميت مالك مو انت تحددة هوة يجي يجوز وراك بيوم او شهر ...
وانت والروم ميت مالتك تنامون بغرفة وحدة ..ومنو كال اكو شي اسمه ممنوع ..اكو اشياء تسمى غير مقبولة في المجتمع الامريكي مثل ان ينام الرجل مع رجل اخر في سرير مشترك ..!! يعني جرباية ام نفرين ...هذا اللي تقصدة انت اما غيرة شي طبيعي جدا جدا ...
وشغلة الكهرباء منتهين منها انت تدفعها لازم لان تكلف من 100-150 دولار شهريا حسب الاستعمال ...
اما الماء والغاز فمرات المنظمة تدفعها ومرات انت وحسب الولاية والمنطقة وقانون المنظمة ...
الايجار 5 شهور ...وانت واللي وياك تدفعون الشهر السادس ...
فود ستامب 160 بالشهر لمدة 8 شهور ...ويطول شهر يلة يطلع بس بين ما يطلع ينطوك كاش بدالة يعني نفس السالفة لاتخاف

----------------------------------------------------------------------------------


mongoose هيوستن

الجزء الاول الرحلة
مطار بغداد
وصلنا الى المطار الساعة 6 صباحا  وانتضرنا موظف الي او ام نص ساعة
هو كان موعدنا 30-6  استلمنا الحجز الاكتروني
السيارة مال المطار قفاصة يريد 50 دولار علمود يطببك او تنتظر الكيا  نفر 10 الاف
اشاركنا احنا  وعائلة الكروة والسايق فوكاها يريد  اكرامية قفاصة مو
طبينا  بالمطار  البوابة الاولى  بالتفتيش ما فتش الحرس كلي ما راح افتش بس دير بالك علي  عندي جهال
ركعتة بوري ورا ما كمل كلتلة ما عندي عراقي
طبينا داخل المطار  حارة وتسمط  سمط التبريد
اخذوا 15 الف ضريبة على كل نفر  ومن ينادون  على الطيارة اتصير لخة ليش
لانه ينادون على 3 رحلات  تقريبا بنفس الوقت واتصير السرة هوسة متعرف منو عمان ومنو دبي
مهزلة الطيارة الاردنية
يذلونا بارضنا   قبل  ما نصعد  يفتشوك   ويفتشون الهاند باك
 ويفتشون النسوان على الطيارة
والجنط الكبار ما مصعديهن لازم انت بايدك  اتصعدهن واتصير لخة
من وصلنا الى عمان  الجهاز مارن وفتشوني
والظابط مال التاشيرات صارلي فهيمة  كم اخو عندك  شنو اساميهم
يباوعلك كانك  ما ادري شنو
المهم  اخذوا الجوازات  يمهم كالوا باجر اخذوهن
رحنا على الفندق مطار عالية  4 نجوم والاكل بوفية مفتوح
نمنا  وثاني يوم رحنا للمطار وطرنا الى نيويورك 12 ساعة مباشر
بدون توقف اتكسرت تكسيرة
الجزء الثاني يتبع الوصول الى نيويورك

موظف الاي او ام بالاردن كلش حباب وما قصر هو واجب ينطيك التذاكر ويوديك للفندق  ويتاكد من جنطك انه مصعدينها بالطيارة  ويصعدك بالطيارة ثاني يوم وتوقع على قرض السفر
احنا ترانزيت فهذا الظابط مال التاشيرات دمة ثقيل لانه يدري بيك عراقي
وهاي سياسة المطار ويا العراقيين يحتفظون بالجوازات اذا انت راح تبات ليلة كاملة
قصدي انوا الجهاز مارن  انت اذا مسافر على اي مطار اكو جهاز مال تفتيش الاشخاص
تفوت بي اذا رن فتشوك  واذا ما رن  عادي  شو اني مارن وفتشني مو بس اني الكل
احنا اول ما نزلت الطيارة بس اليوم الثاني كان حالنا حال العبرية ماكو تمييز عنصري
وعلمود الفلوس يحقلك 10 الاف دولار لكل شخص بالغ في عائلتك يعني انت وزوجتك 20 الف دولار
يحقلكم اتطلعون

الحلقة الثاني وصلنا الى نيويورك
اتلكاني واحد من  اي او ام بدون ترحيب شكلة فلبيني او مكسيكي المهم
ختموا الجواز مالتي ومال عائلتي  ظابط الهجرة شو سالني اسالة هواي
شلون حصلت الفيزا ووين اشتغلت وبيا منطقة وووووو
المهم كلي تعالوا بصموا
وراها ابو الاي اوام كال الباص ما يجي هسة علمود ياخذكم للفندق بعد 4 ساعات
عافنا بالمطار  وما ادري وين ولى
اجى الباص اخذونا للفندق 1 نجمة وحدة وهوسة وجايين هواي لاجئين من ايران والعراق واسيا
وصارت مشكلة بغير باص وهي عراقي سكران هههههه
يمكن نزل بمطار نيويورك كبل اشترى بطل عرك وشربة
نمت بالفندق كبل
كعدت بالسته كانه القوات الخاصة الامريكية اتدك الباب
فتحتة طلعلي ابو المنظمة يكلي الباص راح يطلع هسة يلله يلله على السريع
على السريع ولبسنا وصعدنا بالباص ورحنا الى مطار نيويورك الداخلي
علمود انسافر الى دلاس و هيوستن

الجزء الثالث
الوصول الى هيوستن من مطار دلاس
احنا سافرنا ساعتين من نيويورك الى دلاس وساعة من دلاس لهيوستن
الشي المضحك الطائرة من دلاس لهيوستن تكلك مال زراعة
مروحتين اتدوخ وطايرة بعلو ناصي اتشوف المدينة من تقلع الى حد ما تنزل
 تسطر سطر
المهم وصلنا استقبلتنا ابنية كالت راح اخذكم للشقة
وصلنا للشقة كانت مؤثثة من المطبخ وغرفة النوم بس
لاتلفزيون لاقنفات بس ميز طعام ومسوقين اكل وماي ودجاجة وتمن وغيرها
المنطقة حلوة وورد مقابل الشقة
وقعت على ورقة انه المظمة مشترية غراض ب425 دولار
من فراش وماعين ومواد صحية اقصد شامبو وغيرها
كالت باجر تجيك ابنية هي مسؤولة عنك
يوم ثاني اجتني كانت ابنية عراقية حبابة
شرحتلي شغل المنظمة انه يدفعون الايجار 4 اشهر
والماي والكهرباء ويدورولي على شغل
وانطيتني صك 100 دولار مال اكل و70 دولار مصرف جيب
 وكالت باليوم الثاني اخذكم للسوشيل سكوريتي
واني اكمل معاملة الفود ستامب والميدكيت
واذا تحتاجون دورة انكليزي
غدا  الجزء الرابع

التكملة
الاتصالات والانترنيت والمواصلات  والمدينه بشكل عام
الاتصالات رخيصة  تكدر تشتري  موبايل من شركة اسمها كريكت  وبدون اي هوية او اي شي
واول شهر مجاني  وعندهم  باقات 30 دولار و50 دولار  شهريا
اني اشتركت ب50 دولار اتصال غير محدود  داخل امريكا انترنيت مفتوح
رسائل دولية اس ام اس مجانا  طول الشهر
واذا ما دفعت شهرين يسدوها  بس بدون اي مشاكل قانونية
باقي الشركات مثل ATTوغيرها يفرضون عليك عقد سنتين او اقل
لازم تدفع شهريا حسب الباقة الي انت مشترك بيها
الاتصال الى العراق والشرق الاوسط
تشتري كارت ب5 دولار من البنزين خانة وتعبي بموبايلك
ويكلك دخل الرقم
60 دقيقة تكدر تخابر بيها على نفس الرقم بس من تفصلة
تتقلص الدقائق
علما انه المفتاح الدولي 011964
يعني مو 00964
الانترنيت  اكو انواع
اكو بلاش اتجطل
واذا ما يحصل البلاش
لازم تشترك
اكو كوم كوست  واكو ATT وغيرها
بس هاي لازم تشتري مودم واتسوي عقد
وتتنوع الاسعار والباقات
اني طلبت كوم كوست راح يكلفني المودم مع تفعيل الخدمة
150 دولار واني مشترك جديد الي عرض خاص 20 دولار شهريا
انترنيت فائق السرعة لمدة 6 اشهر
المواصلات
اكو مترو باص بس هذا تعبان كل ربع ساعة او نص الا يجي واحد
ولازم تعرف الارقام مال الباص لانه كل خط الارقم
تاكسي نادرا ما تشوفة والا على الطلب  وغالي جدا
فهنا الا سيارة عندك
بدون سيارة  ما تدبر كلشي
اسعار السيارات 2000 دولار وانت صاعد حسب الموديل والنظافة
يتبع

الاحتياجات المهمة
قبل السفر
كل شخص اله حق 20 كيلو غرام  فالرجاء التاكد من الوزن علمود ما تدخلون اشكالات ويا الخطوط الاردنية
وما الك حق اكثر من 20 كيلو غرام
شريحة زين تشتغل بالاردن الاستلام مجاني  والمكالمة الى العراق
تسجل دولي  . اسعار الماي والاكل في اي مطار غالية جدا جدا
الاحتياجات المهمة جدا . الحاسبات  جدا رخيصة في امريكا
اني اشتريت لابتوب 400 دولار مواصفات  كلش زينة
فاحسبتك اذا تكدر تبيعها   بيعها وتعال اشتري منا  احسن
بس اذا تريد تشتري الابتوب من امريكا اشتري لزكات مال كيبورد
لانه ماكو كيبورد عربي
جلب ملابس نسائية تنورات  طويلة او محتشمة  او قمصان محتشمة  لاخواتنا
لانه  هنا الملابس النسائية كلها قصيرة
ملابس الاطفال والرجالية اتخبل بس اغلى من العراق
جلب كتب نعليم اللغة الانكليزية وياك  واهم كتاب انصح بي
اللغة الانكليزية بطريقة مبسطة لطاهر البياتي  وكتاب
البي بي سي
كيبورد  هيدفون كلش غالي  فانصح بالشراء من العراق
 الشامبو الصابون  وغيرها هنا ارخص من العراق
كل شغلة كهربائية مثل الفير وغيرها  هنا ارخص
وما راح تشتغل لانه الكهرباء هنا تختلف
السيديات والسوفت وير  والعاب الكومبيوتر  جيب وياك  شكد ما تكدر
الادوية هنا صعب  الحصول  عليها  الابوصفة من دكتور وحيل متشددين
بوصلة تحديد القبلة  تكدر تشتري بوصلة ب3000 دينار بيها مال كل الولايات الامريكية
جيب وياك بردة  لانه الشقق برداتهم ما ادري شلونها  فللستر
اشتري بردة من العراق وجيبها وياك
 
اخت ريم عذرينا
ان شاء الله اكتب كل شي اكدر افيد بي اخوتنا

معادلة الشهادة هنا
انه راح يسوون تقييم الى الشهادة الجامعية
لكن مع الاسف ماراح يقيموها  نفس ما تتوقع
فيكلوك لازم تاخذ كورسات اضافية
وهاي احتمال سنة اوسنتين
وايضا من شروط  اجتياز اختبار التوفيل
وايضا من الشروط بعد اجتباز الاولى والثانية
اختبار ممارسة المهنة وهذا مرتين في السنة للطب او الهندسة
وهاي المعلومات موجودة بوفرة في الانترنيت
لكن افضل حل واسهل
هو التقديم لدراسة الماجستير بدون معادلة الشهادة
فانت ليش اتدوخ روحكبالتعقيدات مال معادلة الشهادة
فقدم على الدراسة الماجستر
ونسبة الى الفلوس
تكدر تحصل منحة دراسية او قرض من بنك لتمويل الدراسة
وسدد بعد 6 اشهر من التخرج

فتريت باسواق هيوستن
رحت للبيست باي مال كومبيوترات
اشتريت لابتوب ديل رام 2 كيكا الهارد ب160 كيكا البروسيس دول  كور
ب400 دولار
اكو سوق اسمة سمس هذا سوق ضخم مال جملة والا عندك عضوية
تشتريها ب40 دولار الا الك حق اسعار الخضروات والفواكه  رخيصة جدا
مثلا كيس بطاطا ب 8 دولار اتصور 10 او 8 كيلو  وباقي الاسعار تقريبا نفس الشي
اذا عندك فود ستامب يعني راح يكفيك وزيادة
رحت سوق اسمة وول مارت هذا اشهر سوق في امريكا
3 ساعات تفتر بي وما يخلص من الابرة الى اكبر شي في البيت حتى ملابس
ورحت السوق اسمة تاركت تقريبا نفس الوول مارت
اكو فرن صمون يم بيتي  يبيع انواع الصمون والبسكت وغيرها
برخص العراق وارخص
ورحنا الى السوق الملابس النسائية والاطفال
اسعارها لاباس بها
واتذكرت اكو سوق اسمة ملك الدولار
الحاجة بدولار اتصدقون شامبو ملابس اطفال ملاعيب مكياج ادوات مطبخ اكل
الماكدونالز والبيركر كنك اللفة دولار ونص
الاسواق الاسلامية
اكو سوق اسمة القدس
بي كل شي كانك بالكرادة جاي اتسوق
شعرية كشمش نومي بصرة لحوم اسلامية
كلشي وكلاشي بس غالية جدا
اسعار التلفزيون والقنوات
سعر التلفزيون الهاي دفنشن من 400 دولار الى 2000
دولار حسب النوعية والدقة
الاشتراك في الخدمة القنوات
الباقة العربية وتشمل قنوات العربية والم بي سي ودريم والمستقبل
وارت سبورت 45 دولار شهريا وينضاف الها بعض القنوات الامريكية اجبارا

----------------------------------------------------------------------------------

تحياتي
عكعك التطوى

[ابو عبد الله التكساسي]

الاخ العزيز ريفوافر هاي منين جبتهن ذني
هههههههههههههههههه
صارلي ساعه ادور عليهن
عاشت ايدك يالغالي


اخي انكيدو 2009
راح اجاوبك مكان بلاك واتر لانه حاليا مشغول
نعم هذا رابط المنضمه مالتنا http://www.imgh.org/
ممكن تقدمم على برنامج ال ((ار سي أي)) الخاص بالعزاب من توصل للولايه وتحصل على المساعدات

[ابو عبد الله التكساسي]

اخي ريفولفر انت ممنوع تمسح ردك لانك صاحب الفكره
واشكرك لتعاونك معي
هاي المعلومات الاضافيه لاعضاء المنتدى

وهذا ايضا موضوع مهم مرتبط بالشهادات اللي تؤهلك للعمل في امريكا نقلته لكم وقد كتبه الاخ هيثم الموضوع هو(هذه المشاركة عبارة عن فهرسة لأهم الشهادات التقنية في مجال الحاسب و البرمجيات(وهي الاشهر في اميركا والتي تعود عليك برواتب عالية ) وقد حاولت بقدر المستطاع ان يكون الدليل شاملا وفي نفس الوقت مختصرا بحيث لا يكون مملاً للباحثين وكل هذا من أجل أن يتعرف الشخص على الشهادات الموجودة ومن ثم يقرر ( حسب تخصصه ورغبته ) أي الشهادات يسعى الى النجاح فيها.
كذلك أريد أن أنبه على أن هذا الدليل لا يعتبر شاملاً لكل الشهادات الموجودة وإنما لأهمها وقد أستبعدت بعض منها في سبيل الحصول على دليل مبسط ومسهل.
وأرجو من الأعضاء الذين لديهم أي معلومات إضافية أن يدلوا بدلوهم

(دباوع على صورتي ..باللة مال شهادات عالمية ..هههههه)
إسم الشهادة : +A
التخصص : هاردوير / صيانة
الجهة المنظمة : CompTIA
المتطلبات :
مجالات المعرفة : المعدات مثل لوحات الأم,المعالجات,الذاكرة,الطابعات,بديهيات الشبكات, تنصيب نظام تشغيل ......
الوظيفة : مهندس حاسب(صيانة وتركيب)
الإمتحان /الإمتحانات : امتحانين, الأول يسمى Core Exam, والثاني DOS/Windows
الرسوم : 128 دولار على الإمتحان
الرابط : www.comptia.org

--------------------------------------
إسم الشهادة : Network+
التخصص : شبكات
الجهة المنظمة : CmpTIA
المتطلبات : سنة الى سنتين خبرة
مجالات المعرفة : تركيب و تهيئة TCP/IP, بالإضافة الى أساسيات الشبكات
الوظيفة : مهندس شبكات
الإمتحان /الإمتحانات : إمتحان واحد
الرسوم : 128 دولار
الرابط : www.comptia.org

--------------------------------------

إسم الشهادة : Security+
التخصص : أمن وحماية الشبكات
الجهة المنظمة : CompTIA
المتطلبات : سنتين خبرة
مجالات المعرفة : أمن الإتصالات,التشفير,التحكم بخدمات الوصول و الصلاحيات
الوظيفة : Security Professional
الإمتحان /الإمتحانات : إمتحان واحد
الرسوم : راجع الرابط
الرابط : www.comptia.org

--------------------------------------

إسم الشهادة : Server+
التخصص : شبكات
الجهة المنظمة : CompTIA
المتطلبات : سنة الى سنتين خبرة
مجالات المعرفة : RAID, SCSI, multiple CPUs
الوظيفة : تقني شبكات
الإمتحان /الإمتحانات : امتحان واحد(80 سؤال)
الرسوم : راجع الرابط
الرابط : www.comptia.org

--------------------------------------

إسم الشهادة : i-Net+
التخصص : Web Development
الجهة المنظمة : CompTIA
المتطلبات : ستة أشهر خبرة
مجالات المعرفة : Internet, intranet, e-commerce
الوظيفة : مطور مواقع انترنت
الإمتحان /الإمتحانات : إمتحان واحد
الرسوم : راحع الرابط
الرابط :www.comptia.org

--------------------------------------

إسم الشهادة :CDIA+ (Certified Document Imaging Architect)
التخصص : Document Imaging
الجهة المنظمة : CompTIA
المتطلبات :
مجالات المعرفة : plan, design, and specify a document imaging, management system
الوظيفة : document imaging professional
الإمتحان /الإمتحانات : إمتحان واحد
الرسوم : راجع الرابط
الرابط :www.comptia.org

--------------------------------------

إسم الشهادة : CTT+ (Certified Technical Trainer)
التخصص : أي تخصص
الجهة المنظمة : Comptia
المتطلبات : خبرة في توصيل المعلومة
مجالات المعرفة : التحضير , العرض, والتواصل في الفصل الدراسي
الوظيفة : مدرس, مدرب
الإمتحان /الإمتحانات : إمتحانين, CBT + VBT
الرسوم : راجع الرابط
الرابط : www.comptia.org
• CBT= Computer-Based Test
• VBT=Video-Baed Test

--------------------------------------

إسم الشهادة : e-Biz+
التخصص : تجارة إلكترونية
الجهة المنظمة : CompTIA
المتطلبات :
مجالات المعرفة : مفاهيم التجارة الإلكترونية في الإدارة والتسويق
الوظيفة : e-business Professional
الإمتحان /الإمتحانات : إمتحان واحد
الرسوم : راجع الرابط
الرابط : www.comptia.org

--------------------------------------

إسم الشهادة : Linux+
التخصص : Linux
الجهة المنظمة : CompTIA
المتطلبات : ستة أشهر خبرة
مجالات المعرفة : مفاهيم لينكس , تثبيت و تهيئة , مفاهيم إدارة المستخدمين
الوظيفة :
الإمتحان /الإمتحانات : إمتحان واحد
الرسوم : راجع الرابط
الرابط : www.comptia.com

--------------------------------------

إسم الشهادة : Project+
التخصص : إدارة و تنظيم مشاريع
الجهة المنظمة : CompTIA
المتطلبات : سنة خبرة
مجالات المعرفة : أدارة فريق العمل, معرفة بدورة حياة النظام, التخطيط والمتابعة
الوظيفة : مدير مشروع
الإمتحان /الإمتحانات : إمتحان واحد
الرسوم : راجع الرابط
الرابط : www.comptia.com

--------------------------------------


إسم الشهادة : MCP (Microsoft Certified Profissional)
التخصص : اي تخصص
الجهة المنظمة : Microsoft
المتطلبات : حسب التخصص
مجالات المعرفة : حسب التخصص
الوظيفة : حسب التخصص
الإمتحان /الإمتحانات : اي إمتحان من إمتحانات ميكروسوفت
الرسوم : 125 دولار
الرابط : www.microsoft.com/mcp

--------------------------------------

إسم الشهادة : MCSA (Microsoft Certified System Administrator)
التخصص : شبكات
الجهة المنظمة : Microsoft
المتطلبات : خبرة في إدارة و صيانة انظمة شبكات تعمل على Windows Server
مجالات المعرفة :
الوظيفة : مدير شبكات
الإمتحان /الإمتحانات : أربعة,ثلاثة إجبارية وأخر اختياري
الرسوم : 125 دولار للإمتحانات
الرابط : www.microsoft.com/mcsa

--------------------------------------

إسم الشهادة :MCSE (Microsoft Certified System Engineer 2000 Track)
التخصص : شبكات
الجهة المنظمة : Microsoft
المتطلبات :
مجالات المعرفة : تحليل متطلبات العمل , تخطيط و تشغيل أنظمة الشبكات
الوظيفة : محلل شبكات, مهندس شبكات, مستشار تقني
الإمتحان /الإمتحانات : سبعة امتحانات
الرسوم : 125 دولار للإمتحان
الرابط : www.microsoft.com/mcse

--------------------------------------

إسم الشهادة : MCSD (Microsoft Certified Solution Developer)
التخصص : برمجة و تحليل
الجهة المنظمة : Microsoft
المتطلبات : خبرة لا تقل عن سنتين
مجالات المعرفة : تحليل و تصميم حلول للأعمال المتوسطة الحجم و الكبيرة.
الوظيفة : محلل نظم, مهندس برمجيات, مصمم ومخطط نظم
الإمتحان /الإمتحانات : خمسة إمتحانات
الرسوم : 125 دولار للإمتحان
الرابط : www.microsoft.com/mcsd

--------------------------------------

إسم الشهادة :MCAD (Microsoft Certified Application Developer)
التخصص : برمجة
الجهة المنظمة : Microsoft
المتطلبات : خبرة لاتقل عن سنة
مجالات المعرفة : برمجة و صيانة برامج وتطبيقات, ويب أو ويندوز
الوظيفة : مبرمج, مطور برمجيات
الإمتحان /الإمتحانات : ثلاثة إمتحانات
الرسوم : 125 دولار للإمتحان
الرابط : www.microsoft.com/mcad

--------------------------------------

إسم الشهادة : MCDBA (Microsoft Cerified DataBase Administrator)
التخصص : قواعد بيانات
الجهة المنظمة : Microsoft
المتطلبات : سنة خبرة
مجالات المعرفة : تصميم و إدارة بيئة عمل MS SQL Server
الوظيفة : مدير قواعد بيانات
الإمتحان /الإمتحانات : 4 إمتحانات
الرسوم : 125 دولار للإمتحان
الرابط : www.microsoft.com/mcdba

--------------------------------------

إسم الشهادة :MCT (Microsoft Certified Trainer)
التخصص : غير محدد
الجهة المنظمة : Microsoft
المتطلبات : خبرة سنتين في مجال التدريس
مجالات المعرفة : غير محدد
الوظيفة : مدرس, مدرب
الإمتحان /الإمتحانات : راجع الرابط
الرسوم : راجع الرابط
الرابط : www.microsoft.com/train_cert/mct

-------------------------------------

إسم الشهادة : MVP (Most Valuable Professional)
التخصص : تقنيات ميكروسوفت
الجهة المنظمة : Microsoft
المتطلبات : راجع الرابط
مجالات المعرفة : تقنيات ميكروسوفت
الوظيفة : غير محدد
الإمتحان /الإمتحانات : لا توجد امتحانات
الرسوم : راجع الرابط
الرابط : www.microsoft.com/mvp

--------------------------------------

ملاحظة : هذه الشهادة تعتبر من أكثر الشهادات احترافاً و الراغب في التسجيل عليه أن يكون على دراية شاملة ووافية بمجال تخصصه و تعطى هذه الشهادة على حسب مشاركة الفرد في مساعدة مستخدمي تقنية معينة من تقنيات ميكروسوفت في إيجاد حلول لأسئلتهم واستفساراتهم لمدة سنة كاملة.
إسم الشهادة : CCNA (Cisco Certified Network Associate)
التخصص : شبكات
الجهة المنظمة : Cisco
المتطلبات :
مجالات المعرفة : LAN,WAN,IP,IGRP,IPX,AppleTalk,IP RIP,VLANs,Ethernet
الوظيفة : مهندس شبكات
الإمتحان /الإمتحانات : امتحان واحد
الرسوم : راجع الرابط
الرابط : www.cisco.com

--------------------------------------

إسم الشهادة : CCNP (Cisco Certified Network Professional)
التخصص : شبكات
الجهة المنظمة : Cisco
المتطلبات :
مجالات المعرفة : Routing, Switching, Remote Access
الوظيفة : مهندس شبكات
الإمتحان /الإمتحانات : أربعة إمتحانات
الرسوم : رجع الرابط
الرابط : www.cisco.com

--------------------------------------

إسم الشهادة : CCIE (Cisco Certified Internetwork Expert)
التخصص : شبكات متقدمة
الجهة المنظمة : Cisco
المتطلبات : CCNA,CCNP + خبرة سنتين
مجالات المعرفة : Cisco Multicast, Cisco QoS, Cable, DSL, metro,…
الوظيفة : خبير شبكات
الإمتحان /الإمتحانات : امتحانين عملي و تحريري
الرسوم : راجع الرابط
الرابط : www.cisco.com

--------------------------------------

إسم الشهادة : CCDA (Cisco Certified Design Associate)
التخصص : تصميم شبكات
الجهة المنظمة : Cisco
المتطلبات :
مجالات المعرفة : Design of Simple Network using Cisco Routers and switches
الوظيفة : مصمم شبكات
الإمتحان /الإمتحانات : امتحان واحد
الرسوم : راجع الرابط
الرابط : www.cisco.com--------------------------------------إسم الشهادة : CCDP (Cisco Certified Design Professional)التخصص : تصميم شبكاتالجهة المنظمة : Ciscoالمتطلبات : مجالات المعرفة : Routing, Switching and Remote Accessالوظيفة : مصمم شبكاتالإمتحان /الإمتحانات : اربعة امتحاناتالرسوم : راجع الرابطالرابط : www.cisco.com

--------------------------------------
إسم الشهادة :OCA Oracle Certified Associate
التخصص : قواعد بيانات
الجهة المنظمة : Oracle
المتطلبات : إجتياز إمتحانين
مجالات المعرفة : قواعد البيانات
الوظيفة : Junior DataBase Administrator, Application Developer
الإمتحان /الإمتحانات : إمتحانين: Intorduction to Oracle, Database: Foundamentals 1
الرسوم : راجع الرابط
الرابط : www.oracle.com/education/certification

إسم الشهادة : OCP Databse Admin - Oracle Certified Professional
التخصص : قواعد بيانات-إدارة قواعد بيانات
الجهة المنظمة : Oracle
المتطلبات : OCA + two additional exams
مجالات المعرفة : قواعد البيانات
الوظيفة : DataBase Administrator
الإمتحان /الإمتحانات : 4 إمتحانات
الرسوم : راجع الرابط
الرابط : www.oracle.com/education/certification

إسم الشهادة : OCP Databse Operator - Oracle Certified Professional
التخصص : قواعد بيانات-إدارة قواعد بيانات
الجهة المنظمة : Oracle
المتطلبات : pass Oracle Internet DataBase Operator
مجالات المعرفة : قواعد البيانات
الوظيفة :
الإمتحان /الإمتحانات : راجع الرابط
الرسوم : راجع الرابط
الرابط : www.oracle.com/education/certification

إسم الشهادة : OCP Oracle Developer - Oracle Certified Professional
التخصص : قواعد بيانات-إدارة قواعد بيانات
الجهة المنظمة : Oracle
المتطلبات : إجتياز أربعة امتحانات
مجالات المعرفة : قواعد البيانات
الوظيفة : DataBase Developer
الإمتحان /الإمتحانات : 4 إمتحانات
الرسوم : راجع الرابط
الرابط : www.oracle.com/education/certification

إسم الشهادة : OCM Oracle Certified Master
التخصص : قواعد بيانات-إدارة قواعد بيانات
الجهة المنظمة : Oracle
المتطلبات : OCP + two additional exams
مجالات المعرفة : قواعد البيانات- متقدمة
الوظيفة : DataBase Master
الإمتحان /الإمتحانات : أمتحانات جامعية- راجع الرابط
الرسوم : راجع الرابط
الرابط : www.oracle.com/education/certification



إسم الشهادة :SCSA – Sun Certified System Administrator
التخصص : أدارة نظم سولاريز
الجهة المنظمة : Sun
المتطلبات : إجتياز إمتحانين
مجالات المعرفة : إدارة وتشغيل نظم Solaris
الوظيفة : Administrator
الإمتحان /الإمتحانات : إمتحانين
الرسوم : راجع الرابط
الرابط : www.suned.sun.com/US/certification

إسم الشهادة : Sun Cetified Programmer for Java 2
التخصص : برمجة
الجهة المنظمة : Sun
المتطلبات :
مجالات المعرفة : جافا
الوظيفة : مبرمج
الإمتحان /الإمتحانات : إمتحان واحد
الرسوم : راجع الرابط
الرابط : www.suned.sun.com/US/certification


إسم الشهادة : Sun Certified Developer for Java 2 Platform
التخصص : برمجة,تطوير برمجيات
الجهة المنظمة : Sun
المتطلبات : SCPJ
مجالات المعرفة : جافا
الوظيفة : مطور برمجيات
الإمتحان /الإمتحانات : ثلاثة إمتحانات
الرسوم :راجع الرابط
الرابط : www.suned.sun.com/US/certification

إسم الشهادة :Sun Certified Web Components Developer for J2EE
التخصص : برمجة مواقع
الجهة المنظمة : Sun
المتطلبات : SCDJ + Pass one exam
مجالات المعرفة : جافا
الوظيفة : مطور برمجيات
الإمتحان /الإمتحانات : إربعة أمتحانات
الرسوم : راجع الرابط
الرابط :www.suned.sun.com/US/certification

إسم الشهادة : Sun Certified Enterprise Architect for J2EE
التخصص : تطوير برمجيات
الجهة المنظمة : Sun
المتطلبات :
مجالات المعرفة : جافا
الوظيفة : مطور برمجيات, مخطط
الإمتحان /الإمتحانات : ثلاثة امتحانات, Multiple choice, Essay, Assignment exams
الرسوم : راجع الرابط
الرابط : www.suned.sun.com/US/certification

شهادات أخرى لـ Sun
iPlanet Application Server Certification
Sun Cerified Data Management Engineer
Sun Certified Backup and Recovery Engineer
Sun Certified Storage Architect




-----------------------------------------------------------------------------

إسم الشهادة : CIW A- Certified Internet Webmaster Associate
التخصص : e-commerce
الجهة المنظمة : Prosoft
المتطلبات :
مجالات المعرفة : تقنيات انترنت,HTML, مفاهيم الشبكات
الوظيفة : Webmaster
الإمتحان /الإمتحانات : إمتحان واحد
الرسوم : راجع الرابط
الرابط :www.ciwcertified.com

إسم الشهادة : CIW P- Certified Internet Webmaster Professional
التخصص : e-commerce
الجهة المنظمة : Prosoft
المتطلبات : CIW A+ one exam
مجالات المعرفة :
الوظيفة : Webmaster
الإمتحان /الإمتحانات : إمتحان واحد
الرسوم : راجع الرابط
الرابط :www.ciwcertified.com


شهادات أخرى :
Master CIW Designer
Master CIW Administrator
Master CIW Site Manager
Master CIW Enterprise Developer


إسم الشهادة : CNA Certified Network Administrator
التخصص : شبكات
الجهة المنظمة : Novel
المتطلبات :
مجالات المعرفة : شبكات, NetWare 5, 4.11
الوظيفة : مدير شبكة
الإمتحان /الإمتحانات :
الرسوم :
الرابط :www.novel.com/education

إسم الشهادة : CNE Certified Network Engineer
التخصص : هندسة شبكات
الجهة المنظمة : Novel
المتطلبات :
مجالات المعرفة :
الوظيفة : مهندس شبكات
الإمتحان /الإمتحانات :
الرسوم :
الرابط : www.novel.com/education

إسم الشهادة : Master CNE
التخصص : شبكات
الجهة المنظمة : Novel
المتطلبات :
مجالات المعرفة :
الوظيفة :
الإمتحان /الإمتحانات :
الرسوم :
الرابط : www.novel.com/education


إسم الشهادة : NNCSS Novel Network Certified Support Specialist
التخصص : Novel Network
الجهة المنظمة : Novel
المتطلبات :
مجالات المعرفة : BayStack/BPS, VPN Switch, OPTera Metro, Meridian SL-100, Passport, VoIP
الوظيفة :
الإمتحان /الإمتحانات :
الرسوم : 149 للإمتحان الواحد
الرابط : www.novel.com/education



إسم الشهادة : PMP Project Management Professional
التخصص : إدارة مشاريع
الجهة المنظمة : PMI
المتطلبات : ثلاث سنوات خبرة+ 35 ساعة دراسة + بكالوريوس
مجالات المعرفة : Project Management
الوظيفة : مدير مشروع
الإمتحان /الإمتحانات : راجع الرابط
الرسوم : 555 دولار
الرابط :www.pmi.com

إسم الشهادة : CSTE Certified Software Tester
التخصص : Software Testing
الجهة المنظمة : Software Certification
المتطلبات : بكالوريوس+ماجستير أو ست سنوات خبرة
مجالات المعرفة :
الوظيفة : Software Tester
الإمتحان /الإمتحانات : إمتحان واحد
الرسوم : 300 دولار
الرابط :www.softwarecertification.com

إسم الشهادة : Certified Software Quality Analyst (CSQA)
التخصص : Quality Analysis
الجهة المنظمة : Software Certification
المتطلبات : نفس السابق
مجالات المعرفة :
الوظيفة :
الإمتحان /الإمتحانات : إمتحان واحد
الرسوم :300 دولار
الرابط :www.softwarecertification.com

إسم الشهادة : Certified Software Project Manager (CSPM)
التخصص : إدارة مشاريع
الجهة المنظمة : Software Certification
المتطلبات : ثلاث سنوات خبرة
مجالات المعرفة :
الوظيفة : مدير مشروع
الإمتحان /الإمتحانات :
الرسوم :400 دولار
الرابط :www.softwarecertification.com  )    اختكم ام يوسف
 

[fddd]

شكرا اخوية على هذا الجهد واطلب منك اعطاءنا معلومات عن مدينة الباسوا فى تكساس مع جزيل الشكر لان انشاء الله هى وجهتنا

[عكعك التطوى]

هذه مشاركه الاخ النورس الحزين لمدينه فورث ورث \ تكساس


اخوتي الاعزاء في الجزء الثالث من مشواري وددت ان اسرد عليكم كيف سوف تبداء حياتك في الولايات المتحده الامريكيه من حيث التاثيث والاكل والمشرب ووو.
اخوتي الافاضل اول وصولك سوف تنقلك المنظمه الى موقع سكنك ان كنت قادم من غير كفيل وباغلب الاحيان يكون بمجمع سكني متواضع به نوع الامان الخدمات حيثما تذهب هي متشابها ولاتشوبها اي شائبه اقصد خدمات الماء والصرف الصحي والكهرباء المهم يودوك لبيتك تلكه بيتك وبي مواد غذائيه تكفيك لمدة ثلاث الى اربع ايام وبي ميز طعام وكراسي على عدد افراد اسرتك وكذلك  اسره على عدد افراد اسرتك طبعا الاسره جديده لكنها متواضععه ومنادر جديده ومناشف جديده وجراجف جديده ومنظفات فقط هنا تسال نفسك هاي هديه من المنظمه ؟؟؟الجواب لا .المواد كلها يشتروها الك من الولكم مني وهذا الولكم مني اي مبلغ الترحيب يستلمها اي لاجيء للولايات المتحده ويبلغ قدره اربعمائه وخمسه وعشرين دولار يتم ايجار البيت منه وشراء احتياجاتك منه ويبقى مبلغ بسيط من المال لدى الكيس ووركر ((شخص مسؤول عن الكيس اي الاشخاص))هذا المبلغ المتبقي لدى الكيس ووركر يشتريلك احتياجاتك منه طول فترة ما قبل الفود ستامب وبعد استلامك الفود ستامب يجي يتحاسب وياك فلس فلس ويرجعلك المبلغ المتبق من ما انفقه عليك طول هاي الفتره التي تكون قرابة شهر .اهنا نجي لسؤال مهم شلون راح ااثث بيتي واشتري احتياجاتي الاخرى لان الكيس ووركر مو مكابلك وكاعد راح تكون عندك بعض الاحتياجات مثل قطع الاثاث والشسوار والاوتي ووو؟؟اهنا اخواني تدخل النخوه العراقيه والطيبه والكرم العراقي اخوتي الاعزاء سوف اسرد عليكم امر موجود لكن للاسف اغلب المهاجرين ما سولفو النه اخوتي بعد سكنك بايام سوف يتوافد اليك عراقيين القدامه ((عراقيين المعارضين والمهاجرين القدامه من كل الطوائف والاديان))وسوف يقدمون اليك كل احتياجاتك من اثاث ولحوم وحليب وخبز وحتى اجهزه اخوتي صدقوني يوميه يجون يدكون بابك ويتمنوك تحتاج شي حتى يجيبو الكم اني مثلا اجتني مره سفرها المقبور صدام كرديه وجابتلي مسواك اكل وغراض مطبخ اقدر مبلغها بما لا يقل عن مائتين دولار واجاني اخر من رجال الانتفاضه الشعبانيه واشترالي جهاز تلفون مع اشتراكه لمدة شهر وكان ما دفعه امامي ما يقارب السبعين دولار واجاني شخص اخر من الفلوجه ووداني الى السوق العربي وخلاني اسوق منه بعض احتياجاتي الاخرى طبعا حتكولون هذا الفلوجي ما قدم الكثير راح اجاوبكم غلطانين لان منطقة الاسواق العربيه تبعد عني بالسياره تقريبا ثلاث ارباع الساعه ذهاب ومثلها رجوع غير المسافه المقطوعه من سكنها الى سكني فلو حسبنا مصاريف الوقود والمجهود سوف تعرفون كم الرجل كان كريما ومتعاونا المهم اود ان افاجئئكم بشيء اكبر بكثير وهو اني تفاجئت بان كل العوائل العراقيه الي بمنطقتي وطبعا كلهم جدد لكيت هذوله نفسهم مقدميلهم نفس الشيء بل في بعض الاحيان اكثر اخوتي صدقوني ما يمر يوم اذا ما يخابرون كل عائله ويسئلوهم عن احتياجاتهم بل هنالك جمعيه للععراقيين وهي قيد الانشاء ايضا من الان يقدمون خدمات موطبيعيه للعراقيين الوافدين جدد طبعا هذا كله في فورت وورث ودالاس وارلينتون ما ادري عن باقي المناطق والولايات الي عليه بهاي المناطق اتصورو اخوتي هذوله مرات من يشوفون واحد مستحي منهم تدرون شيسوون ؟؟؟؟ يكومون يلزمون ورقه وقلم ويفترون بالمطبخ وبالغرف ويسجلون ويفاجئوك بيوم اخر بانهم ياتون محملين بالاغراض اخوتي هذا الكلام شفته بعيني لما يقارب العشرين عائله صار وياهم نفس الشيء ونفس الاشخاص المتعاونين
اذا اخوتي هنا سوف نعرف بان اول فتره سوف لن تشعر بغربه ان شاء الله ولاتشيل همها ولكن ولكن ولكن هنا اطلب منكم جميعا بان تجازون هؤولاء الناس اولاد بلدكم بان تجازوهم بدعائكم اخوتي عليكم بالدعاء لهم فهم اكثر الناس استحقاقا به لعونهم للغريب اي سؤال اني حاضر واي كفاله اني حاضر

وشكرا

[عكعك التطوى]

الحبار ( سان انتونيو )

السلام عليكم اخوانى الاعزاء ...بالبداية اعتذر عن عدم  الكتابة والتواصل وياكم لاسباب عديدة ومشاكل ...
اخوانى انى حاليا بولاية تكساس مدينة سان انتونيو ,,صارلى 3 شهور اهنا ,,طبعا المساعدات كلونا 4 اشهر جذبو علينا بس ثلاثة وهسة قطعو كل المساعدات والايجار,,المنظمة جدا مو متعاونة وغير انسانية ,,الوضع كلة بصورة عامة مو زين والعراقين حالتهم صعبة ويرثى لها اهنا             
وطبعا افرقون بين الطوائف ويهتمون بالنيبالين والبورما واشغلوهم وتاركين العراقين حايرين بنفسهم ,,,
اخوانى اريد استفسر عن ولايات زينة وبيهاشغل رجاء اريد مساعدتكم انى ما عندى احد انتو اخوتى اطلب منكم المساعدة اذا احد يعرف عن ولايات زينة وبيها شغل ويكدر اسعدنى فيا ريت يراسلنى وانى الممنون
واريد اعرف اذا اكو احد بولاية نبراسكا اكولون المساعدات بيها زينة بس اريد اعرف شلونها الولاية بيها شغل لا وجوها شلونه كل السنة ثلوج...ولكم منة كل الشكر والامتنان,,
اخوكم الحبار

[عكعك التطوى]

mongoose هيوستن \ تكساس


السلام عليكم
عذروني على الانقطاع بسبب الانشغال و انقطاع الانترنيت المجاني وعطل في حاسبتي الشخصية
اريد ان اتكلم على الايجابيات اولا علمود ما اكطع واهس اي احد او يعتبروني متشائم جدا
المنظمات في هيوستن 3 منظمات وهي   and interfath  YMCa  الاينس
دور المنظمات هي استقبالك من المطار وعمل السوشيل كارد والفود الستامب والمدكيت
وتسجيل اطفالك في المدرسة وايضا المساعدة في البحث عن فرصة عمل
وتقديم بعض الاستشارات ودفع الايجار اربعة اشهر مع مصرف جيب
هاي الشغلات بدون  المنظمة راح اتكون صعبة عليك جدا اذا اتريد تعتمد على نفسك
اتسويها ...............
بعد اربعة اشهر راح تعتمد على نفسك  انت راح تدفع الايجار والكهرباء والماي
واذا ما  يعادل 700 دولار شهريا
الفود ستامب اذا عائلة من 3 اشخاص يستلمون 480 دولار شهريا واذا اشتغلت راتبك لازم
ما يتجاوز 1950 دولار
المدكيت يغطي كلشي للاطفال حد عمر 21 سنة
الكبار فقط 8 اشهر وبدون اسنان ومحدود شهريا
مثلا اني رحت للدكتور كتبلي وصفة الى الام الرقبة والاكزمة في رجلي

رحت  للصيدلاني انطاني نص الدواء فقط وكلي ما اكدر انطيك العصارة وشريط الحبوب لانه المدكيت ما يغطي كلشي الا تدفع كاش  سالته يشكد كال 20 دولار
مخصصات المدكيت الشهرية 20 دولا ر فقط ؟؟؟؟؟؟؟؟؟ظ
كلي اذا اتريد الدواء تعال الشهر الجاي

الشغل هنا في امريكا ا و اقصد هيوستن  تكساس
من خبرتي القصيرة والعراقيين الواصلين حديثا  واقول مرة ثانية من خبرتي القصيرة
اما حمال او عامل مال كراب والساعة 8 دولار او سبعة دولار
 اني اشتغل حاليا  بلشت بي ظلي 5 اياممعمل مال تعبئة كاميرات
ثمان ساعات باليوم  الشفت ليلي  من الساعة سادسة مساء الى الثانية صباحا
والوظيفة مؤقتا  لانه كالو ا احنا محتاجيكم شهر واحد وبالشهر  ديسمبر انسلملكم  الباب
 الراتب ما يعادل 1200 دولار  شهريا
 واذا تاخذ اجازة يومين يطردوك
والعمل  اهون من الشغلات الاخرى
بس وكفة ثمان ساعات  وعمل متواصل
واكو معمل الطاوات  الساعة 7 دولار  وتشتغل بي حمال  مال كراب
واكو هواي عراقيين اشتغلوا بي اما بطلوا او بطلوهم او يعانوا من انزلاق
 واذا اشتغلت بفترة الاربعة اشهر الاولى من وصولك  .......
وبطلت لانه الوظيفة متعبة او ما تكدر تشتغل او   الخ
راح المنظمة تكطع عليك الايجار ومصرف الجيب


المدكيت  مثل ما ذكرت لاطفال  غير محدود
ويشمل الاسنان ايضا  وحد عمر 21 سنة  فانت نفس ما ذكرت كان لابنتك العزيزة
اما الكبار  فقط ثمانية اشهر ومحدود ومابي اسنان
ونسبة للعيون  فقط العدسات ما يغطي الاطار
والاطار  هنا من خمسين دولار الى مية دولار
وبعد  انتهاء فترة ثمانية اشهر لازم اتسوي انشورنس النفر مية  دولار
واذا هنا بدون انشورنس  طامة كبرى
الاسعاف اذا تجي تاخذك من البيت للمستشفى 800 دولار
بقاء ساعة وحدة بالمستشفى الف دولار او الفين



والله عمي اذا حجي اخونة ((mongoose)) صدك ...................... راح ابطل مااروح الى امريكا !!!!!!!! شنو بقاء ساعة وحدة بالمستشفى الف او الفين دولار؟؟؟ هاي احنهة وين بأغلى فندق بالعالم ماكو هيجي اسعار؟؟!!! أخوان اللي بامريكا هاي شبيكم؟؟!!! الحجي صدك لو شقهة؟؟!! لاتورطونة رحمة لابوكم ؟؟؟  زين يابة لعد اذا اموت ويريد ايدفنوني شكد؟؟؟100000 دولار لو اكثر هاي امريكا مو بس غالية كلش كلش هاي بير الغلة بعينهة!!!!!!!!؟؟؟شنو اسعاف تشيلني من البيت الى المستشفى لازم ادفع 800 دولار؟؟؟ عمي هذا هجمان بيوت مو لجوء؟؟!!! معقولة...


اخ صفاء من تروح للمستشفى في امريكا وحتى وان خابرة الاسعاف سوف لن يسآلك احد عن اي فلوس او كص وصل بلفين دينار مثل ما عدنه في بلدانه العربيه ولا حته تدخل المستشفى والطبيب قبل ما يكشف عليك يتكد انك دافع فلوس المعاينه...اخي في امريكا تدخل وتتعالج وتتلقى احسن العلاج ولا احد يسآلك عن اي فلوس وانما يبعث لك في الفاتوره في البريد الى البيت وذا اردت التقصيط تستطيع واذا حتى لم تدفع سوف لن يفعلُ شي سوى ارسال لك الفاتوره مرة اخرى وهكذا واذا لا سامح الله راجعة مرة ثانيه سوف لن يسآلوك عن مراجعتك الاولى او يقولون لك انت مطلوب ولا نستطيع علاجك


فقط توضيح على الرد الاخ هيثم
المستشفى تستقبلك فقط في حالة الطوارئ حصرا
لانه هذا الشي اجباري على المستشفى لانه قانون
 واذا ما عندك مدكيت او انشورنس  الفاتورة مثل ما ذكرت
بس الاسعاف 800 دولار والبقاء في المستشفى للمدة 3 ساعات يكلف 3 الاف الى خمس الاف
ويدزولك الفاتورة على البيت
اني رحت مع احد العراقيين الي ظلة في امريكا تقريبا سنة
وما عندة مدكيت او انشورنس  لانه اغمى عليه في رمضان  واحد العراقيين اخذة بسيارتة
همزين مو بالاسعاف
بقى بالمستشفى 4 ساعات فاتورة 1600 دولار يس شاديلة مغذي وتحليل دم
فاني رحت ويا بعد استلام الفاتورة للمستشفى
وكلهم ما عندي فلوس اني لاجئ وحديقة
كلولة بسيطة انسويها اقساط 3 سنوات 


هنا النظام الطبي مالهم غالي غالي جدا جدا
فاذا اتروح لدكتور عادي اوصيدلية  لمراجعة ليست طارئة
ما راح يعالجك الا عندك مدكيت او انشورنس او تدفع كاش
وهنا مراجعة الطبيب مو بخمس الاف دينار  هنا من 50 دولار الى مية او مية وخمسين
ودواء لا تحجي
اني عندي مدكيت رحت الى دكتور فحولني الى مستشفى علمود اسوي رنين مغناطيسي
فالمدكيت يغطي
فسالت ابو المستشفى بروح ابوك شكد يكلف اذا ماعندي مدكيت كلي تقريبا 3000 دولار
فملاحظة على الرد اخ هيثم  ايضا هنا فقط حالة طارئة الا يعالجوك بدون ما يسالون على الفلوس
ويدزون الفاتورة للبيت 
واحنا جماعتنا محد يدفع  يخليها على الرف على كولة احد الاخوة يمتى ما يدزوها درب الرف
لكن هذا راح يسوي باد كردت عليك وانت تبقى
مديون


مرحبا للجميع
كلام الاخ mongoose صحيح النظام الطبي في امريكا كلش مكلف بس اني استغربت انو المديكيت ميخطي كلشي احنا اهنا في مشكن ومن خلال تجربتي رحت للطبيبه وكتبتلي دوه معين الحبايه سعرها 10 دولارات كل اسبوع استلم 15 حبايه وعندي حق 11 اسبوع واذا احتاج بعد اروح اراجع مره ثانيه الدكتوره وهي اتقرر اذا احتاج او لاء
وعلى فكره اني الي حق اختار اي دكتور والمدكيت مالتنا ايخطي هذا الشي وايخطي الدواء كله وسويت عدة تحاليل وسونار وكلها ابلاش و اذا ماروح استلم الدواء الصيدليه يتصلون بينا ويذكرونه ونفس الشي بالنسبه للطبيبه قبل الموعد بيوم ايخابرونا ويذكرونه بالموعد وهاي تجربتي وكل الي اعرفهم الي جاين جديد نفس الحجي وعندي قسم من كرايبي صارلهم 9 سنوات اهنا وعدهم نفس المدكيت مالتنا لان هما لو ان كم راتبهم قليل


المدكيت يغطي كلشي للاطفال حد عمر 21 سنة
الكبار فقط 8 اشهر وبدون اسنان ومحدود شهريا
مثلا اني رحت للدكتور كتبلي وصفة الى الام الرقبة والاكزمة في رجلي

رحت  للصيدلاني انطاني نص الدواء فقط وكلي ما اكدر انطيك العصارة وشريط الحبوب لانه المدكيت ما يغطي كلشي الا تدفع كاش  سالته يشكد كال 20 دولار
مخصصات المدكيت الشهرية 20 دولا ر فقط ؟؟؟؟؟؟؟؟؟
كلي اذا اتريد الدواء تعال الشهر الجاي

اخي كاتب الموضوع وكل الاخوة جميعا في كل الولايات المتحدة الامريكية...

اني اريد شوية اناقشك بهل موضوع مع  مشاركة الاخوة جميعا ومن كل الولايات لان هذا الموضوع انطرح اكثر من مرة واني بصراحة خايف انه لا بعض الاخوة حقهم مغبون بسبب عدم معرفتهم بهل قوانين وحجي ابو الصيدلية مثل مصار وية الاخ ووو الخ

اخي العزيز

في ولاية كاليفورنيا العائلة اللي بيهة اطفال بعد 8 اشهر يستمر التامين الصحي والتغطية لكل شيئ بما ضمنها الطوارئ والاسعاف لكل من الاطفال والكبار في السن

وهذا اللي صار ويانة واني جربت اروح للطوارئ ورة ال 8 اشهر وعملية صغرى لزوجتي  وما دفعت سنت واحد ولحد الان مستمرة

انت اتكول ابو الصيدلية كلي وابو المستشفى كلي
اخي العزيز انت خابرت جماعة department of health مال ولاية مالتك وسالتهم ؟؟

دزولك رسالة ورة ال 8 اشهر كلولك راح التامين الصحي يبقى للاطفال بعد 21 سنة وللكبار ايصير محدود ؟؟؟؟

اتمنى اتراجع واتروح تسال لان اني بصراحة بس بهل منتدى دا اسمع التامين الصحي بعد ال 8 اشهر للعائلة اللي بيهة اطفال يتغير حتة بغير ولايات؟؟

احنا نعرف كلنا اكو خدمات منها الاسنان والعيون واشياء اخرة وقفت عن كل الولايات

بس قبل فترة لاحظنة اخ بيرج احتاج الى طبيب اسنان لاحد ابناءة وقدم طلب ووافقولة

اخوان ممكن اتذكرونة شنو هو السستم اللي قدمتوا بي على التامين الصحي وشنو هية حقوقكم بالكامل

اهنانا بكايفورنيا اول متجي اتروح على دوائر human service تصدرلك كارت BIC benefit identification card

بعد فترة ايدزولك كتيب بالعربي والانكليزي عن اختيار الخطة الصحية للعائلة ويسمى بال
My medi-cal choice for healthy care

في هذا الكتيب اكو 5 خطط صحية ويجب اختيار واحدة وهي

Community health group partner
KP cal - kaiser permanante
health net group

Molina health group
Care 1st partner

بعد اختيارك احد هذه الخطط راح ادزهة الهم وهمة لو ايوافقون لو لا

في هذا الكتيب راح تلكى كل حقوقك كاملة من شراء الادوية الى دخول المستشفيات الى تغير الخطة في حالة انه معجبتك
وووووو كثير من الاشياء المهمة وبالعربي

بالنسبة اللي اني اختاريت الخطة الثانية واللي هية تعتبر احسن الخطط بس هاي الخطة هي عبارة عن مؤسسة خاصة  تقوم باصدار كارت خاص لكل من ينتمي الى هاي المؤسسة وايحقلك انه اتراجع اطباء واتسوي عيون سابقا وتشتري ادوية من الصيدليات الخاصة بيهم

اني بصراحة اخذتهم لان كل اطبائهم امريكان وعناتيتهم بالاطفال كلش راقية

وهاي 10 اشهر راح اتصير احنا دناخذ منهم انواع العناية الطبية من مراجعات اطباء تحاليل مختبرية عمليات وعيون هاي قبل متنكطع ولحد الان

ولو تدري اسعار الادوية مالتهم شكد غالية وكلهة ناخذهة ابلاش


لذلك اخي العزيز وكل الاخوة حاولو تفتهمون ويا ريت اتوضحون السستم الموجود في كل ولاية شنو نوعة وشنو حقوقكم لان صدكوني الحقوق المفروض كلهة مكتوبة واذا اتغير شي فراح يندز بالبريد الكم كأشعار بتغير نوع الخدمة او تقليلهة

وهذا نماذج من الكتيب والكارتات

ني نفس ما وضحت اني بتكساس
وكل ولاية الها قوانينها الخاصة في المرور والطب ....... الخ
اني نفس ما وضحت انه البالغين ما عدا الاطفال المدكيت ثمانية اشهر ما عدا الاسنان
والدواء محدود شهريا واني ذكرت اني ردت اسوي رنين مغناطيسي
وكالوا ما نكدر انسوي الا تجي موافقة من المدكيت يعني اندز فاكس  واذا اجى رد
انسوي ..... واذا اتسوي على حسابك 3000 دولار


شلونك اخي التقديم على الجيش
العمر من 18 الى 42 سنة  الجيش حصرا
المارينز والقوة الجوية لايتجاوز الثلاثين
خفر السواحل لايتجاوز 27 سنة
البحرية 30 سنة او 35 سنة  ما متاكد
شهادة اعدادية اقل شي او بدونها في بعض الاخنصاصات
اجتياز اختبار AVSAB
وهو عبارة عن رياضيات وانكليزي وعلوم

الجيش لازم اقل شي 31 من مية
البحرية اقل شي 50 بالمية
هذا الاختبار هو راح يحدد قدراتك وبيا اختصاص راح يخلوك
يعني اذا طلعت 90 بالمية يخلوك فد اختصاص بي حظ
واخيرا والمهم
كرين كارد يعني الي ما عندة كرين كارد ما يقبلة الجيش
حتى اذا عندة هوية العمل
اني اخذت مجموعة من العراقيين الي عندهم هويات العمل
يعني لاجئين
الركتور كلي ما نقبلهم الا يستلمون الكرين كارد

معلومات عن الفود الستامب
وخاصة ولاية تكساس
اني استلم شهريا  480 دولار 
  وما ينكطع عني الا راتبي يتجاوز  1950 دولار
لانه عائلتي 3 نفرات 
النفر يمكن 200 دولار وراتب ما يتجاوز 1200
النفرين يمكن 350 شهريا وراتب 1500 او الف وستمية
وهكذا وانت صاعد
الفود ستامب فقط للاكل لا حفاظات ولا مواد نظيف ولاتايت
لا سكائر او كحول وحتى مشروبات الطاقة مثل ريد بول ما يقبلة
اذا ردت الفود ستامب يكفي وزيادة من كرزات وحلويات
تشتري من سامس كليب لانه هواي راح يصرفلك
ومن مميزات الفود ستامب في تكساس
تكدر تدخل حديقة الحيوان مجانا
وكلفة البطاقة للشخص الواحدة 10 دولار

شكرا لكل الاخوة
اريد اذكر ملاحظتين فقط
امريكا ما تساعد اللاجئين واللاجئ عليه ان يعتمد على نفسه
في دفع الايجار والكهرباء والفواتير
اي بمعنى انه راح تكلفك من 1200 دولار وانت صاعد
 الشغل تعبان وتشتغل حمال او عامل الساعة 7 دولار
وهاي الوظيفة راح تخليك طول عمرك نفس المكان



نعم هنا شخصين الا يكدرون يلحكون على الحياة في امريكا
وهاي ليست في امريكا بل في كل الدول الراسمالية
تدفع قسط بيت وقسط السيارة وقسط مال الكردت كارد وووو
ويريدون  دائما يواكبون المودة وكل شي حديث
ويريد يطلع سياحة خارج امريكا
والطفل لازم غرفتة وحدة
وغيرها من الامور التي تختلف عن المجتمع الشرقي
بس مو بمعمل الطاوات او حمال بوول مارت
نفس  ما ذكر جورج بوش
حتى اذا عادلت شهادتك العراقية راح صعبة اتصير عليك اتحصل على وظيفة
او حتى المنافسة بسبب انت راح تتنافس مع خريجين جامعات امريكية
او لديهم خبرة في امريكا وووووووو؟؟؟؟؟؟؟؟؟.........ز
ابو شهاب كال الصح
اللاجئ يريدة فد سنتين علمود يتاقلم ويدبر حالة
يعني مثلا  خريج الجامعة العراقية يكدر يدرس هنا ماجستير
بدون ميدفع ولادرهم لانه يكدر راح ياخذ قرض
لكن عليك ان جايب وياك مبلغ مالي او تشتغل بارت تايم
علمود تدبر حالك
اي بمعنى تعيش تقشف

[عكعك التطوى]

رامي سلام \ تكساس


السلام عليكم :بعد رحله طويله من مطار القاهره كان الاقلاع الساعه 5 صباح 29\9 وكانت حقائبنا10 والمسموح لنا 9 لكنهم لم يدققوا كثيرا حتى ان بعض الحقائب اكثر من 25 كيلو بعد 4 ساعات وصلنا الى فرانكفورت وبعد استراحه 4 ساعات طرنا مجددا على اللوفتانزاعبرنا الاطلسى ورغم طول الرحله لكنها كانت جدا ممتعه تخللتها انواع الماكولات والمشروبات بكل (انواعها) وصلنا الى نيويورك وبتنا في فندق قريب على المطار وكانت وجهتنا الى تكساس عصر اذهبنا الى مطار دلاص استغرقت الرحله 3 ساعات  وبعد انتظار جدا جميل بهذا المطار الذي يبهر بكل الخدمات والمطاعم وصالات انتر نت مجانا والعاب حتى للاطفال ازاح عنا بعض اتعاب السفر وكنا متلهفين لان نرى المزيد من جمال هذه المدن ثم طارت الطائره الى ابلين وبعد 45 دقيقه وصلنا الى تلك المدينه الصغيره الجميله كان بانتظارنا الكيس وركر وولد عراقي شهم اوصلونا الى شقتنا الجديده غرفتين وصاله وكل ما يخطر على بالكم موجود بيها بس تلفزيون اوعدونا به قريبا. اتمنى الكل تجي هنا حتى ترتاح وتخلص من القلق النفسى الغير مبرر اللى مريت بيه اني شخصيا لا يوجد شى يخوف ابدا بل اشياء مفرحه بانتظاركم تحياتنا للجميع وانشاء الله ابعثلكم صور عن الرحله الجنط طبعا ولا تفتشت بس اليدويه  تمنياتنا لكم بالبشرى...

رامي سلام

[عكعك التطوى]

أخوكم فالكون1982


أخوتي الاعزاء اعتذر للاخ اوروكي مقدما اذا كان عنواني ورائي يخالف رائيه.

الشئ الوحيد الذي سوف تحتاجه في هيوستن هو ملابس نسائيه اسلاميه وعموما جميع الملابس النسائيه غاليه في كل امريكا.

الملابس الرجاليه متوفره بكثره بنوعيه جيده وماركات عالميه واسعار ارخص حتى من العراق.

المواد الغذائيه رخيصه الاغطيه والمفروشات في البدايه راح الشغلات الي ينطوها الك المنظمه تفي بالغرض بالنسبه لشغله الابريق فموجود بكل مكان بس المهم تعرف وين تروح بالنسبه للول مارت فكل شئ متوفر وباسعار مناسبه.

اخوان لاحد يجيب لاب توب وياه لان هنا الاسعار ارخص والنوعيات احسن وبها ضمانه واذا ما عجبك تبدله هم نقلات لا تجيبون لان اغلب الشبكات الي بهيوستن تفرض عليك الجهاز فرض.

اول شئ تحتاجه من توصل هيوستن هو خريطه الباصات و تعرف اوقات عملهن .

بالمناسبه اغلب الاشياء الي ذكرتها قبل اصلا مراح تفكر بيها من تشتغل.


أخوكم فالكون1982

[عكعك التطوى]

اوراكي \ هيوستن \ تكساس


بالتأكيد الجميع قبل السفر خاصة ادا ابلغوه موعد السفر مثل حالتي قبل عشرة ايام سوف ينخبص بالعراقي ولا يعلم مادا يفعل خاصة ادا لم يكن مصفي حساباته وما مترجم شهادته ولا بايع سيارته واغراضه او مستقيل من دائرته او طالب اجازة وادا كان عنه اطفال الله يساعده بالمراجعات بين التربية والمدرسة
عموما اخوان اعتقد وحسب تجربتي البسيطة والقليلة سوف اجمل ما يجتاجه الرجل والمراة في امريكا تحديدا مدينة هيوستن  وما الدي  تجلبه معك وما الدي تتركه في العراق وما الدي تحتاجه بشكل اساسي وثانوي
كي لا تقعوا في الخطأ الدي وقعت به بحيث تركت الاشياء الضرورية وجلبت معي الاشياء المو ضرورية
بخصوص الرجل
يحتاج الى
اولا :  بنطرون كابوي عدد 3 الى 4
وبنطرون واحد قماش لان ما كو واحد في هيوستن يلبس بنطرون القماش الا العدد القليل وبعدد اصابع اليد وفي الدوائر الرسمية فقط وهدا ما شاهدته ولمسته
واخوكم جاب وياه قوط وبناطير وقمصان لحد الان ما لبسته .
ثانيا : تي شيرت عدد اربعة او اكثر لأن راح تحتاجه بشكل اساسي والوحيدة الي راح تلبسه بهيوستن اما القمصان فعدد اثنين كافي كي تلبسها بالمستقبل ادا عملت بوظيفة رسمية
وكدلك القوط قاط واحد فقط جائز تحتاجه بالمستقبل في احدى الوظائف لأن بعض الوظائف تحتاج ان تلبس زي معين او قاط
ثالثا : حداء رياضي او ترانز شوت عدد ثلاثة الى اربعة بحيث تكون مريحة وجيدة حتى لو تشتريها باسعار غالية ميخاف لأن راح تحتاجهه بامريكا هواية خاصة بالاشهر الاولى لان المشي سيفرض عليك الا ان تشتري سيارة بعد اشهر اما الحداء الرسمي حداء واحدة تكفي لأن ما راح تلبسها الا نادرا .
رابعا : شحاطة عدد ثلاثة .. واحدة لاستعمال البيت والاثنان تخرج بهما للتسوق لا سيما في المناطق القريبة من سكنك وقد لاحظت ان الامريكان يلبسونها في مختلف الاماكن وتفاجات بان لا احد الى الان يلبس قاط او زي رسمي ما عدا الدوائر الرسمية .
خامسا : الملابس الداخلية وهده ضرورية جدا بحيث تشتري من العراق او باقي الدول المجاورة من كل نوع نصف درزن اما الجواريب اعتقد نفس الشيئ اشتري نصف  درزن .
سادسا : فد كم علبة عطور لان محد سالني ليش جايب عطور واتندمت لأن ما جبت عطور كافية
سابعا : اما المبالغ التي تجلبها معك يفضل من سبعة الاف الى عشرة الاف دولار لنفرين لأن لا سمح الله ادا فكرت بالرجوع تدفع تداكر الطائرات في الدهاب والعودة او ادا لم تحصل على عمل تدفع افلوس الايجار لحين ايجاد عمل معين يسدد نفقاتك .
ثامنا : فد كم ساعة يدوية
تاسعا : لابتوب ولصقاته وسيديات
عاشرا : قاموس الكتروني او قاموس كتاب
اما بخصوص المرأة يفضل

اولا أن تجلب معها ملابس تكفي على اقل تقدير سنة واحدة مع جلب حجابات كافية او ملابس الزي الاسلامي مثل الجبة وغيرها لأن هنا في امريكا من الصعوبة الحصول على هده الملابس اما
هنا فكلشي موجود وبمختلف الاسعار من الرخيص الى الغالي جدا جدا جدا ..
ثانيا : كم حقيبة يد يفضل اثنان وحقيبة صغيرة للرجل والمراة تعلق في الرقبة اي ام الحزام الطويل كي تضع الاوراق والوثائق التي تحتاجهه في امريكا والدهب والفلوس .
ثالثا : انصح بعدم جلب الدهب بشكل كبير ما عدى دهب الزينية اي حلقة الزواج ومحبس وقلادة خفيفة وتراجي بسيطات لأن في امريكا القليل من النساء يلبسن الدهب وان شاء الله حين تاتون تصبحون اناس عمليين فضلا ليس لديكي مكان تخفيين به الدهب .
رابعا : كم حداء رياضي نسوي انيق لأنك سوف تحتاجينه في السفر الطويل  وفي امريكا لغرض المشي والتسوق اما الاحدية الرسمية فعدد اثنين مع ضمان عدم لبسه في امريكا .
خامسا : الشحاطة النسوية مهمة هنا كم شحاطة للبيت والخروج
خامسا : المكياج والزينة موجودة في امريكا لكن فيها الغالي جدا ومتوسط الاسعار ولدلك انصح بجلب علبة مكياج متكاملة ومحد سال زوجتي اشجايبه .
سادسا : العطور هنا غالية انصح بجلب كم علبة عطور
سابعا : ساعة يدوية عدد اثنين
ثامنا : كتاب طبخ مثل ما جابت زوجتي رغم انه موجود على الانترنيت
ملاحظات

انصح بجلب قوري للشاي لأن صارلي اسبوعيين ادور وماكو .. قوري متوسط او صغير يفي بالغرض ،
انصح بجلب بطانية ديباج خفيفة لأن المنظمة تعطيك غطه خفيف جدا
والاهم انصح بجلب ابريق التشطيف للمرافق ولا تتحرج بجلبه لأنه سوف تعاني من التشطيف كون حماماتهم غربية ولا يوجد حتى فتحة بالتواليت
، قبل المجيئ اعمل وكالة لأحد الاشخاص الدين تثق بهم كي يقوم مقامك في العراق واعطي اموالك ودهبك له وفي المستقبل يرسله لك ،
اجلب لك ولعائلتك الادوية المهمة واكيد تعرفهه لأ راح تحتاجهه هواية خاصة وان المدكييت قد يطول شهر او اكثر ،
الوثائق الرسمية مثل الجوازات ، شهادة الجنسية ، هويات الاحوال المدنية الوثائق الدراسة مصدقة من الخارجية توصيات للخريجيين من الاساتدة الدين درسوهم توصيات من ارباب العمل وغير دلك من الوثائق المهمة
لا انصح بجلب الاشياء الزائدة مثل الشامبوات او الصوابين او الاكل او الملابس الزائدة ودهون الشعر والجل ، ادوات المطبخ الا الشيئ العزيز وانا حاضر لاي سؤال
اخوكم اوركي

[عكعك التطوى]

احلى بابليه  اوستن  \ تكساس


الســـــــلام عليــــكم اخوان شلونكم اخباركم ان شاءالله تكونون بخير  كلكم

بعد مرور شهر علينه في امريكا اتوضحت عدنا هوايه امور جانت مخفيه ومنها كانت غير مخفيه لكن التجربه
غير عن السمع ..

الحياة في امريكا -

الحياة بأمريكا تختلف هوايه عن العراق ودول الجوار وبكلشي اكو تفاصيل كلش هوايه لازم الشخص يعرفها ويتعلم عليها وبكل شي عدهم تفاصيل مثال على هذا الشقه بحد ذاتها تختلف خصصولنه دوره خاصه فقط علشقه و  كيفية استعمال التبريد والتدفئه بصوره اقتصاديه و على جهاز تنبيه الحرائق وحتى عرفونه بلحشرات
مال الولايه ومتتخيلون ادق التفاصيل طبعا هاي كلها اكيد لصالحنا ...

الحياة هنانه اكثر جديه وحياتهم عمل ثمه عمل ثمه عمل ماكو سهر تالي الليل و بلويكيند يعزلون من ساعه 8 يعني كاعدين بلشقه وكئابه امريكا مو مال ونسه ابد جديه بمعنى الكلمه .. اخاف واححد حاط اباله يتونس من هسه خلي يعرف حتى متصير عنده ردة فعل واعتقد هنانه همه ونستهم بلشغل .


اللغه كلش مهمه  طبعا اكو هنانه دورات ومجانيه ومدتها 5 سنوات يعلموك اللغه مجانا واكو 25 سنه حسب البرنامج و مدرسه التعليم..... بس الي ميعرف لغه يحس نفسه تايهه

طبعا اغلب البنات الي يجون وحدهم تكون كلش صعبه عليهم والاغلبيه يرجعون لحد الان اعرف 5 بنات وحدهم كانت صعبه ممكن البنيه تقاوم لو كانت اول سنه مع اقارب الها يعلموها على الحياة الجديده بين ما تتأقلم ..


مخصصين دورات حول كل المواضيع ومن ضمنها اكو دورات عن تربيه الاطفال و طريقه الكلام و الحديث مع الاطفال والكبار عموما الملاطفه و طولة البال والخلك الطويل و اكو برامج للاطفال حضانه او ما شابه اتهيء الطفل قبل المدرسه من عمر اعتقد 2 الى 6 سنوات واذا متكدر تودي للحضانه يدزولك بيبي ستر خاصه للطفل بلبيت اتعلمه وتكعد وياه ساعات طبعا هاي البرامج مجانيه هنا العنايه بالاطفال لا توصف
و هاي الدورات للمتزوجين وغير المتزوجين الي يحبون يروحون ويسمعون الحديث ويستفادون بلمستقبل  ..


يعني بكد ما هنا الحياة ممله بمعنى الكلمه وجديه وضوجه وكئابه بس الانسان الطموح والانسان الي عنده قابليه وقدره على التحمل راح يتعلم على الوضع وراح ينجح ويكافح حتى يحقق كل اماله وطموحاته ومثل مكالو ويكولون هذا بلد الفرص واكيد مو من شهر وشهرين الانسان يحقق احلامه تحتاج اشهر وسنوات
وان شاءالله الكل توصل وترتاح ..


واحلى شي بامريكا الكل مبتسم وبشوشين و يحبون مساعدة الغير على قدر ميكدرون
طبعا هاي الاميركان ..والكل سواسيه يعني ماكو تفرقه مهما يكون و الكل نفس الحقوق ماكو طائفيه ماكو عنصريه وما الى ذلك

بلنسبه للامان اكو سرقه واكو  واكو لكن على حسب المنطقه والمجمع والله يحفظنه من كل شر

اخيراً وليسه اخراً الي عنده هدف هنانه يكدر يحققه بس يحتاجله وقت والفرق بين امريكا وباقي الدول انه هنانه من تشتغل وتتعلم وتتعب يقدرون تعبك وعملك وتصعد يوم وره يوم .. وهاي الحاله صعب نشوفها ببلدنا


اختكم الي ما تنساااااااااااكم محتاجه دعائكمممم بلصبر والموفقيه  ,, احلى بابليه


اولا اوستن هيه التابعه لولايه تكساس و احب اكول كل ولايه تختلف عن الاخرى مثلا الايجار ايضا يتراوح بين 600 الى 1000 هاي الشقق المي للعوائل عادتاً 40 - 50$ الكهرباء من 70 -100 وطبعا اكيد هاي نسب غير ثابته الانترنت اكو اشكال .. التلفون ايضا بي اشكال انظمه و تدفع شهريه 30$ او 40 او 50 كل شهر  اجور السلع الاكل اسعاره مناسبه بس الخضار غالي ولحم الحلال غالي نسبةً للحم العادي
بس باقي المواد الغذائيه مناسبه واكو اشكال شركات شويه شويه واحد يتعلم ياخذ الشي الرخيص وبجوده لابأس بيها والملابس اكو اسعار مناسبه واكو غالي وبلمنتدى هواي تفاصيل على الاكل والملابس ..

اولا الله يسهل عليكم ان شاءالله و توصلون بلسلامه
بلتأكيد تكدر خصوصا اذا كان شغلك فول تايم  تكدر تشتغل وتشتري سياره و تركض والعشا سوشييييييييييي مو خباز
بس شويه شويه الشغل قليل و بس الي عنده معارف او المنظمه يدبروله شغل وشويه شويه يكدر يستقر ويرتب اموره و يحط الفلس بمكانه طبعا غساله مو بكل مكان يسمحون الك تحط بلشقه مالتك
بلنسبه للاطفال اكيد اكو حضانات بس تكون غاليه ف هنانه اكو هواي انظمه مجانيه حلوه الاطفال الهم حصه الاسد بامريكا اكو منظمات انسانيه و منظمات مدعومه من الحكومه هاي الك الحق ان تخلي ابنك يمهم قبل دخوله المدرسه بلمجان مثل مذكرت واكيد ممنوع يبقون الاطفال بلبيت وحدهم
هوايه اكو شغلات ممنوع بس هيه كلها لصالح المواطن الاميركي
تفائل وتوكل على الله و تكساس ترحب بيك من هسه انت والعائله

[عكعك التطوى]

ارقى شاب \ سان انتونيو


السلام عليكم الاخوه والاخوات بمنتدانا الحلو

بفضل توجيهاتكم ودعواتكم وصلت الى سان انتونيو، تكساس قبل 20 يوم تقريبا
طبعا تفاصيل الرحلة والوصول وغيرها ذكروهه كل الاعضاء واني هم ذكرتهه بمواضيع متفرقة...
اي شخص عنده استفسار او سؤال عن ولاية تكساس بالعموم او مدينة سان انتونيو تحديدا يتفضل هنا
الرجاء عدم اضافة الردود من نوع (الحمد لله عالسلامة وسلملنه على اهل تكساس) وذلك لفسح المجال للاخوة الي عدهم اسئلة ....

مرة اخرى... شكرا لكل من ساهم ويساهم ببناء هذا المنتدى
وشكرا لكل من ساعد ويساعد اخوه ولو بكلمة

اخوكم


اخوان بالبداية احب انوه على شغلة لكل المتوجهين الى امريكا
شغلة اليوم صارت بية ... او على الاقل حاولو يسووهه بية
الا وهي شغلة سرقة الهوية... والقصد مو سرقة الهوية بمعنى البطاقة التعريفية
ولكن بمعني انتخال الشخصية
اخوان هنا لازم واحد يحافظ على معلوماته الشخصية ومينطيهه لاي احد الا للمؤسسات والاشخاص الموثوقين
وهاي المعلومات تشمل:
الاسم الكامل
عنوان السكن الكامل
تاريخ الولادة
رقم الضمان الاجتماعي
الرقم التسلسلي للبطاقة الذكية (الكردت كارد)
وحتى الايميل ورقم التلفون في بعض الاحيان


اني البارحة دخلت على موقع مال ايجاد عمل... موجود بالموقع معلومات عنك تمليهه وتكتب مهاراتك واختصاصاتك حتى اذا واحد محتاج ناس يعينهم يدخل على ملفك ويتصل بيك
المعلومات تشمل الاسم والايميل والمهارات والتعليم وما الى ذلك

اليوم اجاني ايميل يكول علمود طلب العمل مالتك اني اسمي فلان بن فلان وانت مؤهل للعمل ويانه ولازم اسوي وياك مقابلة عالمسنجر
المهم بعد ما ضفته عالمسنجر بده يطلب مني معلومات شخصية فاني حسيت بالنكره وكمت اماطل وياه الى ان عرفت انو هو نصاب ويريد يحصل المعلومات وخليته يعترف بهذا الشي
فيا اخوان نصيحة... ديرو بالكم على معلوماتكم تره الشغلة حساسة جدا


حسب ملاحظتي للعراقيين الواصلين قبلي شفتهم 3 انواع
نوع نايم ليل ونهار وميعرف شديصير ميصير وعايش عالمنظمة والفود ستامب... وهاي شغلة مو دائمية مثل متعرف ، وكل ما يجي طاري الشغل تشوفه بالحجي بس هو وبس يعدللك الشغلات والمهارات بس بالواقع هو عطال بطال

النوع الثاني مثل جيراني، لابس كلاده وفانيله ام الدلعة وكالبهه كله درب النايت كلب وهاي السوالف، وناسي شي اسمه شغل...
طبعا كلمن وحر بحياته اني مو انتقده بس دا اجاوب على سؤالك

النوع الثالث ماشاء الله يشتغلون والله موفقهم واكثر الي من هذا النوع وضحولي انو بدو بشغل مو بالمستوى المطلوب الى ان كونوا صداقات وعلاقات وفهمو الوضعية وحصلو شغل احسن

فيا اخي مخلص الكلام... الي يدور يلكي،، بس بنفس الوقت ماكو شي يجي بالسهل
اتمنى اكون فدتك

الشغل حاليا مو سهل بكل امريكا، واكو هواي ناس عاطلين بما فيهم امريكان مو انوب لاجئين
هذا بس حتى لتكون عايش بحلم وردي مثل بعض الناس الي عبالهم اول ميوصل رح يكون شغل طاك منتظره
بس بنفس الوقت،،، الي يصبر ويبقى يدور يكدر يحصل شغل
اكثر الاشغال المتوفرة هي بمحطات الوقود الي هي اسواق بنفس الوقت
وكذلك بالسوبر ماركتات... ولكن كشخص جديد عالبلد وخصوصا اذا ماكو احد يكفلك هناك، تنعرض عليك شغلات قد تكون مو بالمستوى المطلوب بس واحد يكدر يطور نفسه بسهولة
انطيك مثال ولد صديقي اشتغل بسوبر ماركت,, بالبداية جانت شغلته تنظيف،، الشغل موعيب طبعا
صاحب المحل شافه يشتغل من كل قلبه حتى لو محد يراقبه، عكس بعض العمال الاخرين كانو يسختون
وره اسبوع واحد غير مكانه وصار مسؤول عن جناح كامل بالسوبر ماركت،، صار مسؤول على 8 عمال بعضهم صارله اكثر من سنة بالمحل,,,
هذا مثال بسيط وانت قيس بعد

[ابو عبد الله التكساسي]

الاخ عكعك التطوى

شكرا جزيلا
يمكن بعض الاشياء الي نزلته ((الردود)) خمطناهه منك البارحه اني وريفولفر ونزاناها ليفوك
ههههههههههههههههههههه

اخوان هسه شنو
الي ريد يسال عن تكساس وبحدود معلوماتنا ممكن ان يدخل اهنا ويسال بكيف كيفه - وره ما يقرا الموضوع - ولو طويل وممكن يكون ممل للبعض بس هو حسب اعتقادي لازم يكون بهاي الطريقه لسرد المعلومات

اني حاضر وبالخدمه وتدللون
اخوكم ابو عبد الله التكساسي

[ابو عبد الله التكساسي]

!

[عكعك التطوى]

حبيبي ابو عبدالله ما دام الخمط بصالح المواطن ف اخمط براحتك محلل وموهوب انته و وريفولفر



اخوكم ابو اسد تكساس \ دالاس


قبل قليل وصلنا الى دالاس تكساس والحمد لله
استقبلني خالي بالمطار والمنظمة اتاخروا وخالي اخذني وكان مجضرلي حفلة بسيطة وعشة وعافني وراح وهسة اني دا اكتبلكم مقتطفات من الرحلة الصعبة جدا

الرحلة طولت عندي 48 ساعة من البيت للبيت وكانت شاقة جدا جدا
البوري الي انظربناه في عمان كان ممتوقع اذ كان الترانزيت 14 ساعة وكان لازم  نبقى بالمطار وليس الذهاب الى فندق عالية وتخيلوا الحالة ولغوة الاطفال والنومة على الكراسي واخونة بلاك ووتر مشكور اتكفل بترتيب امور الطعام مع المنظمة

بعدين طرنة الى فرانكفورت وبقينة 4 ساعات وتفاجئنا باسعار الطعام والماء الغالية
طرنة الى شيكاغو وطولت الرحلة 8 ساعات ومناك توزعنة الكل على الولايات المقصودة

اني جدا تعبان وراح انام لأن اسد كسر ظهري من الركض وراه بس رغم ذلك هم لكة ناس تحبه ههههههههههههههه

تحياتي الى كل اخوتي وخواتي اللي سافروا وياية واكلهم حمد الله على السلامة والله يسهل امركم


اخوكم ابو اسد

ني هسة كعدت من النوم وكان نوم عميق وكنت افز بس من يفصل التبريد عبالي طفت الكهرباء واسد يكللي بابا كوم شخل المولدة ههههههه

اني اشكركم جميعا على التهنئة واتمنالكم كل الخير وتسهيل السفر

احاول اجاوب على اسئلتكم

اخت ليسا الحقائب شحناهه ابغداد واستلمناهه بعمان بس ضاعت جنطة  كبيرة لاحد اخوتنة وكلشي مكدر يسوي لأن كنا رح نطير لالمانيا واستلمناهن بشيكاغو وكلمن شحنهن على ولايته واستلمتهن بدالاس عموما للمتزوج العملية مو سهلة وينرادلهه متابعة دائمة
بالنسبة للتفتيش فكان روتيني ومتكرر بكل المطارات بس كان جدا دقيق بمطار شيكاغو وخاص بالنسبة النة وتنزعون حتى تكرمون الاحذية  بس بدالاس محد كلك وين رايح ولا احد شاف حتى الجواز بالنسبة للفلوس محد يكلك شكد شايل بس يتحسسوهن وبس الاردني اباب الطيارة كال هاي فلوس كتلة اي  ولا اي شخص امريكي سالك شكد شايل

اخوية سيزر اني تعرفت على سمير عن طريق الاخ حداد السيوف لان طلع صديق الطفولة مالتة والاخ سمير ذكي ومتعاون وساعدنة هواية بتصليح حاسباتنة وخطية كان يريد يتصل بامه باي طريقة بس مكدر ورغم انه باربع عيون بس خوش يبصبص ههههههههههه تحياتي اله اذا يقرة كلامي

اخوية ماجلان اني كان المفروض اروح للشقة الجديدة بس المنظمة اتاخرت ومن اجوا كنت صاعد بسيارة خالي اخذنة منهم المفتاح والعنوان وبعد شوية نروح نشوف شنو الفلم وان شاء الله اكدر اتواصل وية اخوتي بعد ما احصل انترنت بالشقة بس هنا خالي ممتزوج وهو بعمري يعني صديقي واصدقائة كلهم فرحانين باسد لان اول مرة يشوفون طفل عراقي لان تقريبا كلهم ممتزوجين وهواية عرضوا المساعدة علية

اخويةgeb

الاخ بلاك ووتر بصحة جيدة بس كان معوز معطر ههههههههه ومثل مكلت كان جدا متعاون حتى ابغداد كان واكف على البوردنغ واخر واحد صعد للطيارة وكان يحاول يتصل بيكم بالمانيا وبشيكاغو بس مكدرنة حتى تليفوني الثريا مشتغل بامريكا

بالنسبة لتفاصيل الرحلة فراح اذكر الشغلات الجديدة

احنة طرنة من بغداد على عالية واباب الكاونتر اردني خبث وياية وكال الة تقرير من الطبابة مال المطار علمود حالة زوجتك الصحية رحت للطبابة الي بالمطار اللي تبعد مسافة ربع ساعة مشي كالوا هاي اله نسائية والنسائية خارج المطار واله تاخذ تكسي هاي كلة والطيارة بعدلهه ساعة والله سهلهه وسخرلنة ابو اسعاف بعشر دولارات ودانة وجابنة ومن رجعنة ملكينة الاردني ومحد اخذ التقرير لعد شكد خبيث

بعمان اذا كان عدكم ترنزيت طويل فكبل روح للمصلى وطكلك نومة لان ماكو مكان تنام والانترنت مفتوح بعمان واسيا سيل وعراقنا يشتغل وخابرنة اهلنة والاكل اسعارة مناسبة ومقاربة اذا مو ارخص من بغداد

بالمانيا كلشي غالي بطل المي بسبع دولارات واتريكت 2 نسكافي و2 كرواسو  ب20 دولار

من شيكاغو لدالاس بالطيارة يقدمولك بس شراب واذا تريد اكل تدفع فلوس وكارد مو كاش

انطباعي الاول امريكا منظمة جدا وحلوة ومجمع خالي طاك والاجار غرفة وصالة 600 دولار بس خل اروح لشقتي وافتهم الفلم



خوان مثل متعرفون اني صارلي اسبوع بدالاس ارفنغ وعرفت هواية شغلات بامريكا وهواية انذكرت بالمنتدى ولا ضير من ان نذكرهه للفائدة

1-هنا متحتاج اتشيل وياك لاهوية ولا كلشي ولا اكو مكان ممنوع تروحله ولا حتى الجواز تشيلة ولا شفت شرطي او سيارة شرطة

2-هنا كلشي علية ضرائب يعني من تشوف سعر الحاجة فتكون بدون الضريبة ورح من تدفع تلكة الضريبة انضافت

3- سعر الاكل ارخص من العراق بغض النظر عن الحلال والحرام بس حتى الحلال ارخص من العراق والسمك لتسولفون على الرخص والانواع اله تدوخ حتى يكطعوة ويكلوة ابلاش

4-اذا عدكم اطفال اكو مطاعم بيهه العاب بس لازم تشتري اكل حتى تكدر اتطب لان الشرب ابلاش

5-معظم المجمعات كل 10 شقق بيهه غسالة ومجفف (دراير) تدخل دولار اربع قطع معدنية تغسل ومثلهن للتجفيف لان ممنوع تشر هدوم بالبالكون

6-امريكا اهم شي فيها الاطفال يعني اذا طفل بجة او عاندك بالسوك لتضوج لان محد ضايج يعني مو مثل بالعراق اذا ابنك يوكع فد شي او يكسر فد شي بمحل اتجيبة ابعجل لان اذا مجبتة بعجل رح يكولون متعرف تربي وابنك ناقص تربية هنا اذا الطفل اتعاقبة فتحرمة من فد شي يحبة لمدة ساعتين وهذا اقسى شي عدهم واي شخص بالشارع من حقة يوكفك ويحاسبك اذا ضربت ابنك هاي اذا مبلغ الشرطة عليك ومن رح يجون رح يفحصون الطفل ويشوفون اثار الضرب واذا يحجي يسألوه

7- التليفونات اشكال والتليفون اللي اشتريتة مفتوح شكد متريد تحجي داخل امريكا وانترنت ومسج وبريد صوتي ب 100$ وتدفع 50 $ بالشهر وتكدر تدفعهه اون لاين
واذا تريد تخابر العراق اكو كاردات تنزلهه وتخابر بس هاي الكاردات مال مكالمة وحدة يعني ابو ال5$ ينطيك 51 دقيقة للعراق جرة وحدة  بس اذا خابرت مرتين رح ينطيك 35 دقيقة واذا 3 مكالمات 25 دقيقة وهكذا كلما تخابر اكثر تقل الاستفادة من الكارد لذل يسموه كارد مكالمة واحدة للاستفادة القصوى منه واكو ابو الدولارين وابو ال3 وابو ال5 واذا تريد تخابر من امريكا للعراق تتدك الرقم التالي كمفتاح  011964770 او780او790 وهكذا واذا بالعكس من العراق لامريكا تدك 001 ومن ثم رقمك

8-ارقى شي هنا هو النظام المروري وبنفس الوقت صعب لذلك لازم تعرف النظام زين قبل لتسوق او اتطلع اجازة وهنا اكو هواية كتب اسئلة واجوبة حول امتحان السياقة كل حسب ولايتة

9- السوشيال سيكيورتي سهل  تروح للدائرة وتكطع تكت من الحاسبة الالكترونية ويصيحون رقمك  وينطوك وصل  ومن يخلص ايدزوة على العنوان اللي اتريدة يخلص من اسبوع وفوك

10- اكو فد شي كلش مهم ومتكدر تستغني عنة بالسيارة اسمة النافيكيتر يعني هذا تخلي بية العنوان وتمشة ورة السهم لحد ميوصلك للمكان اللي تريدة

11-بالنسبة للطبخ لتدوخون هنا اذا زوجتك طباخة ماهرة متحس باي فرق لان كلشي موجود هنا حتى الركي هنا مو بالوزن  كل الركي ب4 $ وزنهه تقريبا حكة ونص واني رحت اطبطب عليهن خالي كلي شدسوي كله احمر وحلو ومبيه حب

12- اذا تشتري من الوالمارت شغلات وبعدين تلكة شغلات ارخص تكدر تعوف الشغلات الغالية وين متريد وتاخذ الجديد  لان الوالمارت جبير ويتيه وصعبة ترجع القديم واذا دفعت فلو س ومن رجعت للبيت  لكيت فد  لبس زغير تكدر ترجعة شوكت متريد بس تحتفظ بالرسيت

13- البانزين العادي ب2.35 والمحسن 2.59  للغالون يعني تقريبا اربع لترات


14- الغراض الغالي هو الاثاث والتحفيات والمفروشات
15- الانترنت جدا سريع  يعني تتفرج بيه قنوات تلفزيونية وافلام حديثة

16 نجي على اهم نقطة وهي الشغل اني اللي داير مدايري كلهم عراقيين قدماء يعني 15 سنة وفوك وذولة كلهم مرتاحين بس ماكو واحد كاعد واراحة يعني مو ميشتغلون لا الراحة يعني يشتغل واكو بيهم شغلتين وكالوا بس ترتاح رح يشغلوني يعني اهنا الشغل يعتمد على العلاقات وبالفعل انعرض علية اشتغل مترجم بقاعدة بس لازم ابات وحاليا صعبة لان ما عندي سيارة وبعدني مكاعد بشقة والاهل بعدهم مضابطين اللغة والراتب 3000 دولار

17-تكدر تفتح حساب على الجواز وماكو داعي تنتظر السوشيال

واذا اكو جديد مرح اقصر وتتدللون

[Alawi]

تسلمون على هذا الشرح الوافي
والله اني من مساع كاعد اقرى وكلش متونس على الكتابات

يارب نسمع اخباركم الطيبة,,,, والموفقية للكل يارب و قريبا....

تقبلو مروري اخوكم علاوي
كولورادو

[alwismy]

تسلم اخوي الغالي بوعبود على هالموضوع الرائع

اللي بالفعل الواحد يستفيد منه

وجزاك الله الف خير يالحبيب

[untitled.man]

والله عمي عاشت ايدكم...

سويتولي وهس احول يمكم 

عاشت الايادي على المجهود الرائع

تحياتي وتقبلوا مروري

[ابو عبد الله التكساسي]

الاخوه
علاوي
الوسمي
الرجل الي بلايا اسم
لا  تنسونا بدعائكم والله يوفقكم للخير امين رب العالمين
عكعك الله ينصرك عمي

وهاي معلومات اخرى من اخونا سبع صنايع عن دالاس

اخوان مثل متعرفون اني صارلي اسبوع بدالاس ارفنغ وعرفت هواية شغلات بامريكا وهواية انذكرت بالمنتدى ولا ضير من ان نذكرهه للفائدة

1-هنا متحتاج اتشيل وياك لاهوية ولا كلشي ولا اكو مكان ممنوع تروحله ولا حتى الجواز تشيلة ولا شفت شرطي او سيارة شرطة

2-هنا كلشي علية ضرائب يعني من تشوف سعر الحاجة فتكون بدون الضريبة ورح من تدفع تلكة الضريبة انضافت

3- سعر الاكل ارخص من العراق بغض النظر عن الحلال والحرام بس حتى الحلال ارخص من العراق والسمك لتسولفون على الرخص والانواع اله تدوخ حتى يكطعوة ويكلوة ابلاش

4-اذا عدكم اطفال اكو مطاعم بيهه العاب بس لازم تشتري اكل حتى تكدر اتطب لان الشرب ابلاش

5-معظم المجمعات كل 10 شقق بيهه غسالة ومجفف (دراير) تدخل دولار اربع قطع معدنية تغسل ومثلهن للتجفيف لان ممنوع تشر هدوم بالبالكون

6-امريكا اهم شي فيها الاطفال يعني اذا طفل بجة او عاندك بالسوك لتضوج لان محد ضايج يعني مو مثل بالعراق اذا ابنك يوكع فد شي او يكسر فد شي بمحل اتجيبة ابعجل لان اذا مجبتة بعجل رح يكولون متعرف تربي وابنك ناقص تربية هنا اذا الطفل اتعاقبة فتحرمة من فد شي يحبة لمدة ساعتين وهذا اقسى شي عدهم واي شخص بالشارع من حقة يوكفك ويحاسبك اذا ضربت ابنك هاي اذا مبلغ الشرطة عليك ومن رح يجون رح يفحصون الطفل ويشوفون اثار الضرب واذا يحجي يسألوه

7- التليفونات اشكال والتليفون اللي اشتريتة مفتوح شكد متريد تحجي داخل امريكا وانترنت ومسج وبريد صوتي ب 100$ وتدفع 50 $ بالشهر وتكدر تدفعهه اون لاين
واذا تريد تخابر العراق اكو كاردات تنزلهه وتخابر بس هاي الكاردات مال مكالمة وحدة يعني ابو ال5$ ينطيك 51 دقيقة للعراق جرة وحدة  بس اذا خابرت مرتين رح ينطيك 35 دقيقة واذا 3 مكالمات 25 دقيقة وهكذا كلما تخابر اكثر تقل الاستفادة من الكارد لذل يسموه كارد مكالمة واحدة للاستفادة القصوى منه واكو ابو الدولارين وابو ال3 وابو ال5 واذا تريد تخابر من امريكا للعراق تتدك الرقم التالي كمفتاح  011964770 او780او790 وهكذا واذا بالعكس من العراق لامريكا تدك 001 ومن ثم رقمك

8-ارقى شي هنا هو النظام المروري وبنفس الوقت صعب لذلك لازم تعرف النظام زين قبل لتسوق او اتطلع اجازة وهنا اكو هواية كتب اسئلة واجوبة حول امتحان السياقة كل حسب ولايتة

9- السوشيال سيكيورتي سهل  تروح للدائرة وتكطع تكت من الحاسبة الالكترونية ويصيحون رقمك  وينطوك وصل  ومن يخلص ايدزوة على العنوان اللي اتريدة يخلص من اسبوع وفوك

10- اكو فد شي كلش مهم ومتكدر تستغني عنة بالسيارة اسمة النافيكيتر يعني هذا تخلي بية العنوان وتمشة ورة السهم لحد ميوصلك للمكان اللي تريدة

11-بالنسبة للطبخ لتدوخون هنا اذا زوجتك طباخة ماهرة متحس باي فرق لان كلشي موجود هنا حتى الركي هنا مو بالوزن  كل الركي ب4 $ وزنهه تقريبا حكة ونص واني رحت اطبطب عليهن خالي كلي شدسوي كله احمر وحلو ومبيه حب

12- اذا تشتري من الوالمارت شغلات وبعدين تلكة شغلات ارخص تكدر تعوف الشغلات الغالية وين متريد وتاخذ الجديد  لان الوالمارت جبير ويتيه وصعبة ترجع القديم واذا دفعت فلو س ومن رجعت للبيت  لكيت فد  لبس زغير تكدر ترجعة شوكت متريد بس تحتفظ بالرسيت

13- البانزين العادي ب2.35 والمحسن 2.59  للغالون يعني تقريبا اربع لترات


14- الغراض الغالي هو الاثاث والتحفيات والمفروشات
15- الانترنت جدا سريع  يعني تتفرج بيه قنوات تلفزيونية وافلام حديثة

16 نجي على اهم نقطة وهي الشغل اني اللي داير مدايري كلهم عراقيين قدماء يعني 15 سنة وفوك وذولة كلهم مرتاحين بس ماكو واحد كاعد واراحة يعني مو ميشتغلون لا الراحة يعني يشتغل واكو بيهم شغلتين وكالوا بس ترتاح رح يشغلوني يعني اهنا الشغل يعتمد على العلاقات وبالفعل انعرض علية اشتغل مترجم بقاعدة بس لازم ابات وحاليا صعبة لان ما عندي سيارة وبعدني مكاعد بشقة والاهل بعدهم مضابطين اللغة والراتب 3000 دولار

17-تكدر تفتح حساب على الجواز وماكو داعي تنتظر السوشيال

واذا اكو جديد مرح اقصر وتتدللون

وهنا اريد اوضح نقطة هواية مفاهميهه
امريكا محاطة بالبحار والمحيطات من كل الجهات ومتى ما وجد البحر زادت الرطوبة نعم الجو رطب لكن ليس حار وبمرور الايام تتعود بس التبريد بكل مكان والصيف ينتهي بالتاسع يعني اربع اشهر ودرجة الحرارة على العموم متتجاوز 42 باسوا حالاتها يعني قبل يومين كانت 30 واليوم 35 وهكذا
يعني التبريد بالسيارة والبيت وكل مكان تفوتة وبرة تمطر ومغيمة بس مو حارة وبيهه رطوبة وهذا الشي ليس مهم لأن ماكو واحد يكدر يسوي اي شي بدون سيارة  ونادرا متلكة واحد يمشي بالشارع

العمل موجود يعتمد على العلاقات والمعارف وهذا الشي لم يكن موجود في امريكا في السابق ولكن جلبه المهاجرون واللاجئون الجدد وتستطيع ايضا بالبحث بالانترنت والتقديم ايضا ان توفق بعمل

مشكلة العراقيين انه يرموهم بمناطق العصابات البعيدة والغريب ياخذلة فترة يللة يندل الدروب لذلك العراقيين يتاخرون بالعمل والشغل موجود اذا بحثت عنة

ما اريد افتي بشغلة الاي تي بس اكيد في يوم من الايام رح تشتغل باختصاصك بس بالبداية اشتغل اي شي حتى يكون عدك كردت وتاريخ
بالنسبة اليه فاني صارب\لي اسبوع وبعد السوشيال مطالع ومن تقدم على عمل لازم اقل شي عندك سوشيال
وبالنسبة للعمل مثل مكلت كل العراقيين اللي شفتهم يشتغلون يعني اكيد العمل متوفر وامريكا هي بلد الفرص والوضع الحالي هو مؤقت ولو اني لحد الان مشفت اثار ازمة اقتصادية

عيني يا عيني بغداد

السرقة بكل ولاية موجودة بس بمنطقتي بارفنغ اعوف الباب مفتوحة للصبح ومرات حتى يعوفون السويج بالسيارة ويطبون للبيت ساعة ساعتين ومحد يباوع عليهه لأن على كولة خالي وين يوديهه اللي يبوكهه والكامرات اللي بكل مكان

نعم قد يتعرض العراقيين الى بعض المواقف ولكن السبب هو المنظمات اللي ترميهم بأسوأ المناطق بأعتراف المنظمات نفسهم

اكيد اخوك يريدلك كل الخير وطبعا العازب احسن حتى يتحرك براحتة بس لتنسى مساعدات المتزوج اكثر وحتى الضريبة الفدرالية اللي يدفعهة المتزوج اقل بس طبعا مسؤولية واكيد اللي يتربى بامريكا ويتعلم بمدارسهه احسنلة كمستقبل من اي دولة اخرى ومشكور على المشاركة
 
البارحة وقعت عقد الشقة الجديدة وهية باسمي واني اختاريتهه واني مليت الابلكيشن بس المنظمة تدفع
المهم عقد الشقة بيش فادني كدرت افتح حساب بمصرف chase لان هذا المصرف يريد اي هوية امريكية وية الجواز او عقد ايجار باسمك
وعدهم خدمة عجبتني وهية من تستعمل الكارد مالتك حتى تشتري شغلات رح تجيك رسالة لتليفونك تكول انت صرفت هلكد
يعني اذا احد باك حسابك واشترى بيه رح راسا تجيك رسالة لتليفونك تنبهك وتكدر توقف الكارد راسا


اذا كانت زوجتك حامل او تشك بيهه حامل وبعد المنظمة ممرتبلك الضمان الصحي الي يطول شهر وكنت ساكن بدالاس

تروح لهذا العنوان بعد متتصل بيهم اول شي يسوون فحص حمل وسونار وفحوصات ورعاية للحامل وادوية وحفاضات  كلهه ابلاش وهذا نادر اتشوفة بامريكا وعدهم فروع بكل امريكا ويرتبولك برنامج رعاية للام
طبعا اقل فحص سونار ب300 دولار
وحتى لو مرتك حامل بشهر الخامس  هم يسولهه فحص حمل
العيادة تابعة لكنيسة واحب اكول ملاحظة مهمة لاخوتي المسلمين كلش عادي بامريكا من تملي فورمة حول ديانتك او انت تومن بالله اوحتى ينطوك انجيل لأن العيادة تديرهه الكنيسة ولازم يقومون بهاي الاجرائات بس محد يتقرب لديانتك وهنا حرية اختيار الدين مكفولة لكل شخص يعني حتى لو ما عدك دين ماكو مشكلة
وراح تصادفكم مواقف من هذا الشي فتيكت ايزي ولحد يتعصب ومحد يجبرك على شي انت متريد تسوية

العنوان

تليفون 9723864015
coit rd
zip 75248
رقم الشارع 15727

بناية رقم 308

اسولفلك على المساعدات بدالاس

1-اول متوصل الك 450 $ للنفر مينطوكياها بيدك يشترولك اثاث واكل ومنظفات وياجرولك اول شهر وينطوك بكيت مني تشتري بي اكل لحد متستلمك احدى جهتين بعد شهر اما
الاي ار سي او الماجك كرانت
رح يخصصولك 750 دولار بالشهر للايجار والكهرباء والمي والانترنت ومصرف الجيب لمدة اربعة اشهر ورح يصير عندك ضمان صحي وفود ستامب فاذا انت تصرف اكثر او تاجر باكثر تدفع الزيادة من جيبك ومن تخلص الاربعة اشهر الاولى هم رح يمددو اذا ملكيت شغل بس ينطوك اقل
بعد الثمن اشهر اذا ملكيت شغل تتحول على الويل فير وتبقى الفود ستامب والضمان الصحي احتمال يتمدد بس ميدفعولك ايجار

واي سؤال اني حاضر

احنة نفرض انت رايح على حسابك فكفيلك ياجرلك وشيصرف يسوي بي وصل والمنظمة اتدفعة على شرط يرتب وياهم انه يتكفل بكل شي

اما اذا اتريد تلبس المنظمة فعادي تسكن وين متريد وتدفع من جيبك وتروح للمنظمة وتقدم نفسك وبمعظم الحالات رح يشملوك بالمساعدات

بالنسبة للكفيل فتبقى انت وعلاقتك بيه اني بقيت يم خالي  10 ايام واجرت يمة وهسة المنظمة هي دفعت الايجار وهسة اني عايف بيتي القريب علية وكاعد اجكك بالانترنت لحد ما اشد انترنت يعني كلما علاقتك زينة وية الكفيل تسهل امورك

خوية ابو سارة الشغلة شهرية

وبعد التدقيق الشغلة مو ترجمة الشغلة قريبة بس يمكن هنا العراقيين يخجلون يكولون
الشغلة هنا الجيش يقوم بتدريب جنوده وادخالهم في دورات التعامل مع العرب لذلك يشغلون عرب كممثلين يعني يلبسوهم لبس عربي وشخصيات من الواقع العربي يعني يعيشون الجندي واقع المنطقة العربية وهو هنا وينطوهم ادوار وهكذا

والله اللي شفته هنا من العراقيين القدماء هوانهم واحد يساعد اللاخ ومع الاسف ملتقيت وية الجدد
وهم ارجع واكول تعتمد على العلاقات
يعني اذا عندك صديق او اقارب يشتغل بشركة صارله 15 سنة يشتغل بيهه ويكفلك صدكني باسبوع تشتغل
اما اذا تدور اون لاين او بالجرايد فتبقى تعتمد على حظك لأن المنافسة تصير كبيرة

وهنا الشغل نوعين
الي عندة شهادة امريكية ومهما يكون نوعها فرصته اكبر ويشتغل بشركات
والنوع الثاني اللي ماعندة شهادة امريكية اغلب الاعمال المتوفرة هي يدوية وليس مكتبية ورواتبهه من 8 وفوك

لعمل متعاقد مع الحكومة بية مميزات كثيرة ومن ضمنها الضمان الصحي وحتى الاسنان والعيون وحتى يدفعولك ايجاراك وضرايبك طايحة

بالنسبة للضمان الصحي فالكلام عنة كثير بس بشكل مختصر انت اذا مسجل على البنفت فمشمول 8 اشهر قابلة للتمديد والاطفال لحد عمر 18 مشمولين يالضمان والحوامل مشمولة ايضا

واذا انت تشتغل فاكو انواع من الضمان ورب العمل قد ينطيك ضمان وقد يكون شامل او جزئي
ومرات مينطي فلازم تشتري
بدالاس اكو اسواق لحوم ضخمة والقصابة تكون داخل مخزن بهاي الاسواق يعني مو مثلنه العرض على الملأ لا الشغل كلة جوة بينما برة تلكة ما لذ وطاب ومن اللحوم المسلفنة التي تسر الناظر واكو هواية محلات حلال واصحابهه اما هنود ابو باكستانيين

بالنسبة لقاعة الحديد فهنا ماكو هيجي شي هنا يسموة جم يعني يهتمون بلياقتهم اكثر من بناء اجسامهم وينرادلك لايسنز حتى تفتح قاعة بس اكو شغلة لخ تفيدك وهي ترينر يعني تدرب اشخاص حتى يخفضون وزنهم واغلبهم نسوان تروحلهم للبيت وتقوم بعملك والساعة من 40 دولار وفوك بس ينراد عدك انكليزية زينة وتسويلك موقع بالانترنت

وبالنسبة لابن عمك فمجذب عليك اكيد عندة علاقات هواية ورايح يشغلك

اليوم كنت بالمنظمة وعرفت 3 معلومات احب اشاركم بيهه

اول شي اذا انت لعبت نفسك وتريد تجي على حسابك تكدر تقدم اول متوصل ورح تنشمل بكل المساعدات
ثاني شي وهو يشمل اخونا ابوداليا اذا لعبت نفسك من المنظمة مالتك وتريد تحول لغير ولاية تكدر بس بشرط اتجيب من المنظمة القديمة فد شي اسمه RMP يعني مثل براءة ذمة شكد صرفوا عليك هناك والولاية الجديدة تتكفل بالباقي
ثالث شي

انه المساعدات بدالاس تخلص ب8 اشهر لان اجة ولد عراقي استلم اخر جيك للايجار وغلقوا ملفة

موضوع رائع ومجهود اروع بارك الله بيك اخي


اخوان العمل بدالا متوفر ومحد بتكساس يشيل هم العمل ابدا بأسوء الاحوال يشتغل بوول مارت الساعه بتسع دولار بس اخوان الجو اهناك رطب بصوره مزعجه جدا يعني الي اني شفته الحر الي بالعراق ارحم من الرطوبه الي بتكساس يعني اني خلال شهر ثلاث تيشرتات ذبيتها لان تتلف بسبب الرطوبه ومشكلة تكساس مو المكسيكان مشكلتها السودد

[ابو عبد الله التكساسي]

!

[vincenzo]

هاي شنو ابو عبود
هاي بعد شيريدون المواطنين الاعزاء
بعد حتى دوارة هم دتدورلهم
بس هذا اختراع ال copy-paste غير يسوي مواضيع عملاقة

بالمناسبة من تنقل اي شي من استاذنا عميد اللاجئين النور مو بس كوبي بيست....يعني شوية اقراهه للسالفة وتكون مشتريلك فد كونية "ال" التعريف وكل ما تشوف كلمة بلا ال الزكهه بوحدة لان هو يكتب كللللللش مستعجل
بس لا هم يزعل مني ولو هو اخوية الجبير و وردة مال الله ويدري بيه اتشاقة وياه دائما

وحي الله اهل تكساس المحافضة الواحد والعشرين بعد تحريرها من الاحتلال المكسيكي (طبعا التاسعة عشر هي دترويت وديربورن بمشيكان والعشرين هي ساندييغو بكاليفورنيا)

وهديتي الكم هذا المقطع الفديوي الرهيب اتمنى يعجبكم
http://www.youtube.com/watch?v=l7qKD-Ph7ds

[show]

معلومه قد يستفاد منه التكساسيون
 
http://www.iaant.org/

Iraqi American Association of North Texas

بالتوفيق للجميع

[Abo Rami]

اخي العزيز ابو عبدالله التكساسي (والله هاي حلوه قبل جنا نكول الموصلي والبصري هسه التكساسي) وراها الله واعلم اخوك من جماعة SIV
 اني الان في مرحلة المقابلة في السفارة  واختاريت انشاء الله هيوستن تكساس -طبعا متزوج  وعندي اطفال واختصاصي محاسبة ومالية فكيف هيه معلوماتك عن فرص العمل للمحاسبين على فكرة عندي شهادة عليا في المحاسبة المالية وكل شغلي كان ويه الربع في هذا المجال شنوا مجال او فرص العمل الية في تكساس اذا ممكن تخدمني في هذا الشي واكون ممنون منك ومن الاخوان في المنتدى الكريم
اخوك ابو رامي

[عاشق الوزة]

بسبب نشاط جماعة تكساس صرت اعرف عنها اكثر من الشام وبغداد

[ابو عبد الله التكساسي]

الاخ شو تسلم عالرابط الحلو  ويارب ايوفقك
الاخ عاشق الوزه الف شكر عالمرور
تحياتي الى الاخ ابو رامي
اخي العزيز الارزاق على الله ومحد يكدر يكلك غير شي
بس هم انكول انه اختصاصك كلش مرغوب وهوايه ناس تتمنا انا لان اذا عادلت شهادتك و تقدم على شغل فاعتبر الساعه مالتك مو اقل من 25 الى 30 دولار بالساعه كبدايه وممكن توصا الى 40 بمرور الوقت والتوفيق من الله

[Abo Andrew]

ابو عبد الله شلونك حبيت بس اسلم وروحة الجدي مشتاقلك

يا اخي كلما اقرا ردودك ينفتح قلبي ما ادري ليش

[ابو عبد الله التكساسي]

حبيبي الغالي
الله يرحم والديكم والدينا يا غالي
تسلم عالرساله الحلوه هاي
والله اني افرح اكثر من اشوفك مشارك بموضوع لان انت بساطه (( متجامل)) والي بكلبك على لسانك واني حيييييييل يعجبني هيج واحد
يا الف مليون هله بيك وبتكساس العزيزه

[ابو عبد الله التكساسي]

1

[ابو عبد الله التكساسي]

الاخوان الي بتكساس بلكي شويه تفاعل بلا زحمه
ندري البعض شغلته خلصت ويا  المنتدى بس الباقين اشبيكم عمي

[عكعك التطوى]

شيبو (ابو الشيب)   تكساس \ اوستن


السلام عليكم أخواني وأخواتي الطيبين
مثل ما وعدتكم أخواني بذكر كافة التفاصيل وراح ابدئها من البداية في مطار القاهرة لغاية مطار تكساس- أوستن
وصلت الى مطار القاهرة الساعة 1 ليلا واخذنا الكيسات وبعد التوريق للكدعان وكفنه سره على الوزن وسلمنه لجنط اخذنه التذاكر وكان ويايه بالرحلة مثل ما تعرفون الاخ الغالي كمال ابو الشط والبط والاخ الورده ستزن (الي سكن ويايه نفس الشقه بس كان طريقه نيويورك ووصل ثاني يوم) والاخ الغالي الخالدي الاصيل على الخطوط الجوية لفتانزا وصلنا الى فرانكفورت بعد رحلة دامت 4.30 ساعة ومباشرتا بعد الوصول استقبلتنا موظفة الiom واخبرتنا بان رحلتنا الى ميامي راح تطلع خلال نصف ساعه وعلسريعععع رحنا بسيارة المطار ودخلنا لمطار وهم تفتيش وراها صعدنا وانطلقت الطائرة مره اخرى ودامت الرحلة 9.30 ساعة طبعا ما احجيلكم على التعامل الراقي في المانيا وامريكا بعد ما خلصنا من الكدعان والرشاوي والضابط يكلي انت زهقان مننا فين الحلاوة (كأنما ديكلي اذا ما تورق اسويلك مشكلة ويفتري عليه) ونطيته 5جنهيه ولحمال الي مشال كل شي هم 5 وبقلبي كتلهم بس خل اخلص من جهرتكم ماحجيلكم على التعامل الراقي في الخطوط الجوية الالمانية والمداراه على طول الطريق وبدون توقف كافة انواع الطعام والمشروبات والعصائر والابتسامة الطيبة وره ما وصلنا والحمد لله ميامي فتحو الكيس وبصمونا وطكولنا صور و انطونا ال i94 الوايت كارت ورها اخذتنا موظفه اني وجم ارتيري وهم تعاملها كان حلو وعزمتنا واخذنا لجنط مره ثانية وسلمتها حتى اخذها باوستن واهم طرنا الى دلاص وستمرت الرحلة تقريبا ساعتين ونصف وراها في دلاص انتهت مهمه الiom اول ما وصلت شفت ولد مصري طيب يسوق داخل المطار وهذا رب العالمين جابه الي وصلني الى كايت الرحلة وطلبت منه يدليني شون اخابر جان يخابريلي على الكفيل بنفسه وحاولت انطي مبلغ بسيط بس رفض وبصراحه انصدمت لمهم استمرت الرحلة ساعة تقريبا ووصلنا الى أوستن واستقبلني الكفيل والحمد لله ووصلني الى الشقه الحلو بالرحلة لا مبيت ولا توقف من وصلت للشقه كان محضريلي بيها كل مستلزمات الراحه من طعام جاهز للاكل وكيس كل احتياجاتي لمدة اسبوع وان شاء الله بكره استلم كارت طعام مؤقت بمبلغ 25 دولار كل اسبوع ومصرف جيب 30 دولار وكارت الباص 31 يوم وشكد متريد تصعد بمواصلات اسمها مترووو ايجار الشقه يوكع عليه تقريبا 174 دولار لان احنه 4 اشخاص وهم مخصصيلي ايجار 445 دولار بلشهر لمدة 4 اشهر ولزايد راح ادفع بي فواتير الماء والكهرباء ويبقه شويه اوفره
طبعا ثاني يوم اجاني الاخ الغالي شبعت من الاهرامات وماقصر فرني على المولات والبحيره القريبه والنهر وشفنه الطبيعه الخلابه وشرحلي عن طبيعه الحياة ومشكور ماقصر طبعا اكثر الاشياء هنا رخيصه وان شاء الله موضوع اخر اشرحلكم تفاصيل عن الاسعار والرخص
تحياتي
شيبوووو أوستن

[US2010]

انا ردت اسال على انواع الاعمال المتوفره للاجئ خصوصا الي مايملك اي شهاده غير المدرسيه ولغتة الانجليزيه لاباس

واريد اسال على الكومنتي كولج شلون الدراسه بيها وتكاليفها تقريبا بالسنه

وهل بالفعل التحويل للجامعه ممكن ويعادلون السنتين؟


وهم سؤال بس ماله علاقه بالولايه واكيد بخبرتكم تفيدوني

خمس سنوات الجنسية الامريكيه تحسب من اول يوم وصول لو من يوم استلام الاقائمه الدائمه القرين كارد

[alwismy]

خمس سنوات الجنسية الامريكيه تحسب من اول يوم وصول لو من يوم استلام الاقائمه الدائمه القرين كارد


بالنسبة للجواب لهذا السوؤال وهو :

تحتسب المدة لاستلام الجنسية الامريكية من اول يوم دخولك الاراضي الامريكية

[US2010]

الاخ العزيز الوسمي ( لا اعرف هل هذا النطق الصحيح او اني اخطاءت عذرا لو اخطائت )

شكرا لجوابك لاكن سؤال اخر لو سمحت كيف يتم التقديم على الجنسية الامريكيه هل عن طريق محامي؟

وكم يستغرق الوقت لاستخراج الجنسية ؟؟

لو اكو اخوان ويانا يملكون تجربه بهذا الصدد ياريت تفيدونا

[ابو عبد الله التكساسي]

اخي يو اس 2010 اهلا بيك بالمنتدى واريد اجاوبك عالاسئله
معضم الاعمال الي راح ايحصلها القادم الجديد هي تكون ((انتري لفل جوب)) وتكون القدر الادنى من الراتب الي هو بولايه تكساس 7,25 دولار بالساعه وكلهه اعمال ذي احتياج للعمل اليدوي -يعني - حماله وكراب بالبدايه
بس تحصل شهاده من امريكا الوضع راح يختلف وتصير للاحسن
بالنسبه للكوميونيتي كولج
ممكن تدرس بيهه بالتقديم على برنامج المساعدات الماليه الخاصه بالدراسه وهذا البرنامج كلش حلو ولطيف وممكن تساعدك المنظمه بالبدايه باخذ دروس تقويه باللغه الانكليزيه او اي اختصاص اخر مثل الاعمال الحره وغيرها

الجنسيه تحصلها بلايا محامي وعالفيزا مالتك والكرين كارد من دائره الهجره الى دائره التجنيس وتطول المعامله حوالي اسبوعين بتكساس
وكلام الوسمس صح ميه ميه
وبيك خير وتدلل

[US2010]

الف شكر على المعلوماااات .. وانا فتاه خخخخخ وليس فتى 

بالنسبة للدراسه بالكومنتي كولج هالمساعدات الماليه تسترجع من احصل على وظيفه؟

[abomagid]

السلام عليكم
اشلونك اخويه
اكو شغله حرت بيها انت ابو عبد الله لو ابو قمر لو عندك بنيه ولد الله يخليهم لو اني دايخ شنو القصه ؟
وهمين هسه يلله عرفت انو هيوستن واوستن هيه من ضمن ولاية تكساس عبالي كل وحده ولايه ؟
لا تتفاجئ لان هاي مو باب الشرجي لو باب المعظم علمود ما اتيه بيناتهم يعني عادي ؟( ومنكم نستفيد)
وماشاء الله عليك كاعد تحجي كل الي صار وياك بالمظبوط اكيد جنت كاتبه بالورقه ؟
وهمين اكو شئ لاخ الرحله الى امريكا يعني رحلة السفر امبين مو طبيعي التعب بيها ابين ماتوصل للولايه الي انت بيها وخاصتا الي عنده اربع اطفال بشكل حالي؟؟؟؟   بس الله كريم كلشي ايهون بس ايكون الله رب العالمين ايحالفه الحظ ويمشي بالحياة ويمضي في بلاد الغربه بعون تعالى 
اخوكم
ابو ماجد
تحياتي

[ابو عبد الله التكساسي]

الف شكر على المعلوماااات .. وانا فتاه خخخخخ وليس فتى  

بالنسبة للدراسه بالكومنتي كولج هالمساعدات الماليه تسترجع من احصل على وظيفه؟

اختي العزيزه الف هلا بيج واسف عالغلط الغير مقود
بالنسبه للفلوس الي تاخذيه من الفينانشيل ايد ما يطالبون بيهه بعدين لان هيه مساعدات مو قرض واتمنى جاوبتج صحيح
اخوكي ابو عبد الله التكساسي

[ابو عبد الله التكساسي]

السلام عليكم
اشلونك اخويه
اكو شغله حرت بيها انت ابو عبد الله لو ابو قمر لو عندك بنيه ولد الله يخليهم لو اني دايخ شنو القصه ؟
وهمين هسه يلله عرفت انو هيوستن واوستن هيه من ضمن ولاية تكساس عبالي كل وحده ولايه ؟
لا تتفاجئ لان هاي مو باب الشرجي لو باب المعظم علمود ما اتيه بيناتهم يعني عادي ؟( ومنكم نستفيد)
وماشاء الله عليك كاعد تحجي كل الي صار وياك بالمظبوط اكيد جنت كاتبه بالورقه ؟
وهمين اكو شئ لاخ الرحله الى امريكا يعني رحلة السفر امبين مو طبيعي التعب بيها ابين ماتوصل للولايه الي انت بيها وخاصتا الي عنده اربع اطفال بشكل حالي؟؟؟؟   بس الله كريم كلشي ايهون بس ايكون الله رب العالمين ايحالفه الحظ ويمشي بالحياة ويمضي في بلاد الغربه بعون تعالى 
اخوكم
ابو ماجد
تحياتي

اخي ابو ماجد
اني شوقي ابو عبد الله وما عندي غيره بس هالوليد وهو حييييييييييل وكح
بس ما افتهمت سؤالك شنو؟؟

تحياتي الك يا غالي

[ابو عبد الله التكساسي]

تسلم ريفو

[Revolver]

بلخدمة تاج راسي ابو عبدالله, واجبي هذا .

ريفولفر

[ابو عبد الله التكساسي]

وثائقي عن اول قنوات التلفزيون في هيوستن جدا لطيف
http://www.youtube.com/watch?v=M08yIAxhs70&feature=PlayList&p=C4A477E3DDCE8375&playnext=1&playnext_from=PL&index=11

[storm2]

ابو عبد الله متالق دائما تحياتي الك بس حبيت اسلم عليك

[angie-dawood]

عاشت الايادي موضوع غاية الروعه  تسلم وتعيش اخي الغالي ابو عبد اللة

[ابو عبد الله التكساسي]

هذي شهاده اعتز بيهه من اختنا الغاليه انجي
اشكر لطفج وشكرا عالمرور
واني ما اصير قطره في بحر المعلومات الي هو انت

اخوج الجبير ابو عبدالله

[ابو عبد الله التكساسي]

من ابو قمر بعد غياب هههههههه
صباح الورد بتوقيت تكساس , مساء الخير بتوقيت بغداد الحبيبة ودول الجوار الله يهديهم علينا ...
طبعا حبييت بهذا الموضوع ابينكم النقاط الاساسية والمهمة الي المفروض الجميع يفكر بيها .. واذا تلاحظون خليت العمل بالمرتبة الاولى لان هو الاساس ...
العمل : طبعا العمل هو الاساس في تطورك كانسان في المجتمع ، اهم شي ان يكون الك التفكير والاصرار على العمل , وللعلم ي امريكا ماكو واحد يجوع او ينشمر بالشارع حتى لو كان ميشتغل , فالفود ستامب ستامب يستمر وياك لسنين ( صحيح كل سنة يغيرون بعض الاليات بس النتيجة الفود ستامب باقي ) واذا خلصت مساعداتك ممكن تقدم على بيوت الدولة وتدفع 25 دولار بالشهر ويا الكهرباء والمي ... بس انت مقتنع بهذا الشي ؟؟؟ يعني انت جاي حتى تاكل وتان وتشرب ؟؟؟ متفكر بمستقبلك ؟؟؟ متريد تشتريلك بيت ؟؟ متريد اتعلم اهلك واطورهم ؟؟ متريد تسكن بمناطق بيها ناس مثقفين ؟؟؟ متريد تكون انسان اله وزنه بالمجتمع ؟؟؟ والاهم والاساس متريد يكون الك اتقلالية ؟؟
اذا جاوبت على الاسئلة الي فاتت فراح تفهم ان العمل افضل من الفود ستامب والسكن الحكومي ... وراح انطيكم امثلة .. تعرفت على جماعة عراقيين جايين لامريكا من سنة 1991 ولحد الان كاعدين ببيوت الدولة وياخذون فوت ستامب والمصيبة بعد 18 سنة معدهم درهم بامريكا واقسم منهم مماخذين الكرين كارت اصلا .. الجانب الثاني اني الفود ستامب مالتي انقطع صارلة 4 اشهر , بس ممهتم لان الحمد لله شغلي يكفي ويزود والحمد لله كلشهر نطور اكثر ماديا وثقافيا ولغويا ... بعض الاخوان هنا يشتغلون بس يكلك اني اشتغل ساعات قليلة او ما اشتغل اوفر تايم لينقصون الفوت ستامب ؟؟ واكو منهم ميشتغلون اصلا يكلك اني شكو مشتغل ومتعب نفسي والمصيبة من يحجون يكولك عمي ماكو شغل وللعلم الشغل موجود ...
بعد هاي المقدمة ... شتحتاج حتى تشتغل ووين ممكن تشتغل ؟؟ اكيد قبل لتبلش بالعمل لازم كون اوراقك كاملة السوشيل وايدي العمل وهاي تاخذلها هنا بتكساس من اسبوعين لثلاثة واحيانا اكثر شوية .. طيب بهاي الاسبوعين انت شلازم اتسوي ... المفروض انك تبلش اطلع اجازة السوق طبعا اكيد راح تحتاج السوشيل حتى تاخذ اجازة السوق بس انت خلال هاي ال3 اسابيع المفروض تقرا وتتهيا للامتحان النظري والي هو عقدة اغلب العراقيين ....
ماشي اخذنا السوشيل وطلعنا اجازة السوق .. شلون نلكه شغل .. نحط ايدنا على خدنا وننتظر المنظمة تلكانا شغل ؟؟؟ لا لان اغلب المنظمات تحتاجلها الي يعينها لين هيا معاينا نفسها فاكيد مراح تعينك ( بعض وليس الجميع ) انت هنا حاول دائما تشتغل على اكثر من طريق خلي المنظمة تساعدك وحسسهم ان انت تريد تشتغل فورا ... وانت تبلش تلكه شغل ... الطريق الاضبط للحصول لى شغل هنا بتكساس عن طريق شركات التوظيف .. طيب انت جديد شلون راح تندل الطريق ...
الحل اطب لانترنت عن طريق المكتبه او احد العراقيين القديمين وتبحث عن جوب ستاف وتحط الزيب كود مالتك بالسيرج وراح ينطيك كم شركة ... وممكن تسأل العراقيين او العرب القديمين او الجيران من الاجانب اذا كانت لغتك زينة عن هاي المكاتب .. والاهم لمن تروح للمكتب تحاول ان تتب بالابليكيشن كلشي الي تعرفه .. واطلب اشتغل اي شي , يعني بالعراقي لتفيك لان هنا بامريكا الشغل مو عيب العيب ان تكعد من غير شغل وصدكني اذا كنت مثابر بشغلك راح تتطور ...
اغلب العراقيين او الناس بامريكا يشتغلون من خلال هاي الطريقة ...
الفوت ستامب : الفوت ستامب تستلمه عند وصولك واحيانا بعد وصولك حسب الولاية والمنظمة .. عموما الفوت ستامب راح يكون كافي جدا .. بس لازم تنتبه لامر مهم جدا .. خلال كل ثلاثة اشهر يتم تقييم حالتك من خلال ارسال رسالة الك بيها ابليكيشن تعبيه وبعده يحددولك مقابلة ... في حالة مرت الثلاث اشهر وما اجاك شي روح للمنظمة واخبرهم حتى يتصلون بدائرة الفود ستامب والافضل اذا كنت شاطر تاخذ عنوان الدائرة وتراجع بنفسك لان المنظمة مباقية وياك طول العمر يعني بعد ست اشهر انت لازم تراجع بنفسك .. هنا للاسف كثير من العراقيين وقف الفود ستامب لان ممعبين الابليكيشن يعني قسم منهم ميعرف انكيزي من اجته الرسالة لباله اعلانات وشمرها بالزباله !!!! ... هسه احنا نعرف ان الفود ستامب تقييم كل ثلاثة اشهر واذا اشتغلت مينقطع الا ان يتجاوز راتبك مبلغ من المال تحدده الك دائرة الود ستامب يوم الي تستلم الكارت لاول مره راح ينطوك ورقة مكتوب بيها الحد الاعلى للروس كم مالتك يعني الدخل الشهري مالتك وغالبا مايكون مبلغ عالي يتجاوز 2300 وحسب افراد العائلة ..
التامين الصحي : التامين الصحي يستمر وياك من 6 اشهر الى 8 اشهر حسب البرنامج والولاية ... زين اذا انتهى شلون ...؟؟؟
هنا بتكساس ممكن تقدم مرة ثانية عليها وتاخذ مدكيت اخر اذا كنت ماعندك شغل وحالتك بعدها مستقرت .. نعم ممكن تقدم مرة ثانية وتاخذ المدكيت واكو عراقيين سووا هذا الشي وعدهم مدكيت حاليا .. والتقديم للمدكيت يكون بنفس دائرة الفود ستامب ولهذا انصح بان تعرف عنوان دائرة الفود ستامب مالك وتحاول ان تعلم شلون تعبي الابليكيشي .....
طبعا المقالة طويلة لكن صعب الاختصار ... فارجوا ماتكون عيونكم تعبت واي سؤال او استفسار اني حاضر ..

تحياتي
أبو قمر

[alwismy]

في قمة الروعة اخوي بوعبدالله

تألق - امتياز - جرأة في التعبير

اتمنى لك التوفيق على درب الخير الذي تحمله لاخوانك واهلك بالمنتدى

اخوك
alwismy

[ابو عبد الله التكساسي]

ريفو الورد

شكرا لرفع المعنويات
شكرا لمتابعه الموضوع

[fddd]

[السلام عليكم شكرا للجهود المبذولة ودمتم لفعل الخير سئلت سؤال ولم يجبنى احد سؤالى عن  ولاية تكساس مدينة الباسو  وهل يوجد احد بها من العراقيين من هذا المنتدى ولكم جزيل الشكر

[Abo Rami]

اخي العزيز ابو عبدالله
 بالنسبة لمعادلة الشهادة في هيوستن هل هناك معاهد او جامعات خاصة في هذا الشي وكيف هي اسعار الشقق او البيوت في هيوستن ---مع الشكر
اخوك ابو رامي

[ابو عبد الله التكساسي]

ابو رامي الله ايساعدك
اكو معاهذ لهذا الشي بهيوستن
اكو بلاش واتطول الشغله مالتهم اشهر
واكو بفلوس واتطول من اسبوع الى 14 يوم

بالنسبه للايجارات يمكن انت ما قاري الموضوع الفوك لان الجماعه امفصخيهه اتفصخ
حسب المنطقه وعدد الغرف والمساحه
عموما من 450 غرفه وحده الى 1500 3 غرف بالساوث ويست

fddd
اخي انت تريد  عراقيين بالباسو اكو موضوع اسمه اعرف جيرانك من اعضاء المنتدى لشبح بغداد باهم المواضيع المثبته راح حيل ايفيدك

اخوكم ابو عبد الله التكساسي

[fddd]

شكرا اخوية ابو عبد الله انى ردت اعرف تفاصيل عن المنطقة المنظمات الموجودة فيها الايجارات يعنى باختصار كلشى وانى اختك مو اخوك ودمتم لفعل الخير

[ابو عبد الله التكساسي]

شكرا اخوية ابو عبد الله انى ردت اعرف تفاصيل عن المنطقة المنظمات الموجودة فيها الايجارات يعنى باختصار كلشى وانى اختك مو اخوك ودمتم لفعل الخير

هاي اني يوميه مجفص ومدا اعرف البنات من الولد هههههههههه
بس مو مشكله اعذريني خيتي
بالنسبه لالباسو ما عندي معلمات كامله عنهه بس انطيني مجال يومين واجيبلج الخبر اليقين باذن الله

[Revolver]

للرفع ......

[ابو عبد الله التكساسي]

اخوان الي عنده سؤال او معلومه عن الباسو
ياريت ايخليها اهنا

[storm2]

ابو عبد الله محتاج مساعد..؟؟

[عراقي1995]

والله اخوان عاشت اديكم على هذا المجهود الكبير
وان شاءالله من نوصل لامريكا ,, نحفر الگاع ونطلع شغل
واحاول ويه الشغل معادلة شهادة او دراسة بكلوريوس جديدة
اخوكم مهندس بس عبقرينوا بالرياضيات وعندي بالبكلوريا بالثالث والسادس 100%
وبالهندسة بكل الدروس كنت مقبول ومتوسط ما عدا الرياضيات والتحليلات كنت جيد
امنيتي ادرس تربية رياضيات عندي احساس ما اوكف بدراسة الرياضيات الا بالدكتوراه
وما عندي اي اشكال اشتغل اي شغلة وادرس وياها
الله يوفق الجميع
تقبلوا تحياتي
اخوكم ابو احمد العراقي

[prison]

شكرا اخوان على المعلومات الحلوه والي ترفع معنويات الاشخاص الي راح يجون هسه والي ناوين والي وصلو المهم اخوان علقت بكل مكان سويت موضوع وكل شي سويت ردت مثل ماهسه كتبتو عن تكساس ودلاس وهيوستن الي من ضمن تكساس انه اذا عدكم معارف داخل كليفورنيا ونيويورك سويت موضوع وابو عبد الله التكساسي الي اني ممنون جدا منه ومن مشاركاته بكل مكان كلي هنا موجوده المعلومات هنا هم كليت بس تكساس كلكم عايشين بنفس المكان مادري ليش كليفورنيا اريد اعرف عنه اترجاكم الله يوفقكم انه تنطوني معلومات مثل هسه يعني شلون مكتبتو بهاي التفاصيل المهمه عن كليفورنيا وعن نيويورك وشنو الجو وكل شي وشنو الوضعيه كله وشكرا جزيلا للجميع واتمنى الموفقيه للجميع اخوكم     prison

[ابو انس]

السلام عليكم اخي الغالي  ابو عبدالله
 بارك الله بجهدك وبجهد اخوتك وتسلم ايدك على هذا الموضوع  القيم

 ان دل على شي دل على اصلك الطيب وعراقيتك وغيرت العراقي ما تتغير بالبلاد والازمان
 اخي الحبيب  

ارجو مساعدتي  في هذا الموضوع

لقد وصلت الى امريكا  قبل 8 اشهر انا وعائلتي  الى ولاية رود ايلند ولسوء الحظ خلال 3 اسابيع من وصولي

الحمدلله وجدت عمل ولكن لاصابتي القوية في العراق  لم استطع ان اكمل  العمل بنفس  اليوم  ونقلت الى المستشفى واجريت ثلاثة عمليات خلا ال8 شهور التي مضت علما ان اخر عملية  هي بشهر 11
موضوعي هو اخي ان  الولاية التي اسكن فيها  الوضع الاقتصادي سيئ جدا ولا يوجد فرص عمل جيدة ولا يوجد اي بصيص امل في غدا لان هذة الولاية  بمعنى الكلمة متعبة  ولا يوجد اي تغير فيها  ووضعها يسوء يوم بعد يوم والجو ثلج وبارد جدا ولا يناسب وضعي الصحي
اخي الحبيب اردت الاستعانة بك لاسالك

1 لو اردت الانتقال الى تكساس ما هي المدينة المناسبة لي
2وهل توجد فرص عمل جيدة
3 وكم ايجار الشقة  غرفتين لعائلة مكونة من اربع افراد طفلة عمرها2 سنة  وولد عمرة 14 سنة وانا وزوجتي
4 وكم مدة المساعدات  بالنسبة للاجئ على الاي او ام  واي المدن احسن
5 مهنتي الثانوية هي الحلاقة هل هناك فرصة جيدة بالعمل

6 اذا انتقلت قبل الجرين كارت هل يوثر
7كم  يكلف اثا ث البيت وهل هناك منظمات ممكن تساعد في تاثيث البيت لانة الوضع المالي زفت
8 كم المدة وترجع المساعدات  والفود استامب بعد انتقالي الى تكساس وهل عملي حلاقة يجدي نفع
علما انة العمل الوحيد الذي يناسبني  بالنسبة لوضعي الصحي لانة  لا استطيع  ان اعمل  باعمال ثقيلة لانة العمليات التي اجريتها بقدمي الاثنين  ويدي  الاثنين وعملية فتق كبرى  لا  استطيع ان احمل ثقل او  جهد عضلي  كبير
9 المستشفيات والاطباء جيدين ابعدك الله عنهم وشافاك وحماك انت وعائلتك لانة لدي عمليتين اخرى ولكن الان اجلتها الى وقت لانة تعبت واريد ان اعمل  وانشاء الله اكمل مشواري بعد تيسير الامور واستقر بولاية جيدة 
شكرا لك اخي الحبيب لسعة صدرك وارجو ان لا اكون اثقلت عليك باسألتي
وجزاك الله الف خير عني وعن عائلتي


اخوك ابو انس _رود ايلند المسكينة  
  

[محمد ابو منتظر]

السلام عليكم
 اني ساكن فورت ورث
وصلت 16/10/2009

واستلمني من المطار ممثل المنظمة ووصلني للشقة اني وعائلتي طبعا وطبعا الدهشة كانت موجودة من المكان والغربة انه انت ابمكان متعرف عنة اي شي ومحد اكو يمك لحد ما اذكرني ابو المنظمة واجاني وعرفني على ساكن الشقة اللي ابصفي ولو ما شايف هذا الرجل اني جان رجعت وطبعا هوة عراقي وبالمناسبة عوفكم من هذا الحجي انه لا تختلط بالعراقيين المهم طبعا اخذني ابو المنظمة كملي اوراق عقد الايجار وانطاني الشيك مالتي ورا يومين اجاني شخص ثاني اخذني كملي معاملة السوشل والحمد الله والشكر بعد مشفت اي طير منهم الى ان كملت شهر ولو مو هذا جاري العراقي انه عرفني على عدد من العوائل العراقية الساكنة ابمحيطنا وهمة اللي ساعدوني ابهاي الفترة الشهر من ناخية التنقل للمسواك لانه ما اندل وماعندي سيارة والساكنين بالولايات يعرفون المسافات مو مال مشي المهم ورا شهر بين الشفية يتعذر اخذني للمنظمة وكلي لازم تحضر دروس مال عمل حيجيك موظف من شركة الباص ويدليك على الطريق دلاني الرجال على الطريق للمنظمة وبديت اروح للدرس اللي من المفروض يكون لمدة اربع اسابيع كملت لحد ثالث اسبوع اتورطت واشتريت سيارة عرفت ام الكيس ووركر مالتي جان اتكلي هاي هية لعد انت اتروح ادور شغل بعد كتلها زين اشلون اروح واني ما اندل غير طريق المنظمة وجم مكان اسوك منة بديت ادور على شغل وطبعا ويا العراقيين اللي اخذوني لاكثر من مكان وقدمت لانة اذا ما اتقدم على شغل تنكطع المساعدات عنك لحد ما انقبلت ابمعمل ملابس وياريتني ما انقبلت لانه حملت تحميل بس الله يعلم بيه واكمل هاي السوالف بيوم ثاني مع الشكر للجميع

[IT FOR EVER]

ابو عبدالله الورد تحياتي وسلامي الى الجميع

[ابو عبد الله التكساسي]

عراقي 95 الف شكر على مرورك وبالموفقيه ان شاء الله

اخي بريسن
اكو موضوع عن كليفورنيا لاخونا ماجلان واخونا ابو اندرو بنفس الصفحه


اغاتي ابو انس جاوبتك على الاسئله مالتك بالتلفون وبيك خير وتدلل

اغاتي ابو منتضر الف شكر لمرورك

اخي ات فور ايفير الف شكر لمرورك

[السفير80]

السلام عليكم ورحمة الله

اخوان كثرت الاراء على الولايات في امريكا
ايهما احسن من ناحية العمل
انا عندي كفيل بتكساس هيوستن ولكن الكثير من الناس لاتنصحني بهذه الولاية فما هو الحل برأيكم
وشكرا



السفير

[ابو عبد الله التكساسي]

اخي السفير
عن تجربه شخصيه اعتقد هيوستن افضل مكان للعراقيين

تحياتي

[السفير80]

شكرا الك ابو عبد الله التكساسي

الله يطمن قلبك مثل ما طمنتني

السفير

[sonmaz]

الرفع للاستفاده

[kambo]

ممكن ان نضيف اسئله الاخ الغيور العراقي في مو ضوعنا وهي كالتالي لتسهيل الامور

الاسئلة هي عن الولاية ...

1_ اسم الولاية التي انت ساكن فيها ؟؟؟

2-  كم الفترة التي انت عايش بيها في الولاية ؟؟

3- العمل متوفر بكثرة او قليل وماهو العمل الذي يوجود بكثرة  ؟؟؟

4-الايجارات ااشكد الاسعار من الارخص وفما فوق ومن ناحية النظافة البيت وعدد الغرف  وكل شي ؟؟

5_ من كم سنة وانت مهاجر من العراق ؟؟

6- هل يوجد عراقيين معك في الولاية وكم تقدر عددهم ؟؟

7- هل تستطيع  ان تكفل شخص من المنتدى ؟؟

8- حالة الجو ؟؟

9- برائيك  ماهو احلى شي  في ولايتك؟؟

10 هل انت تدرس  ام تعمل وما هو عملك وكيف تصف عملك ؟؟

11- ما نوع عيشتك هل انت ساكن في البيت ام شقة؟؟

12_ كم عدد الجامعات في ولايتك وارجو ذكر اسمائها ؟؟

13_ المواصلات شنو موجود اكثر شي وشنو انت تستعمل اكثر شي للوصول الى المكان الي 

  انت اتريد توصلة ؟؟

14_  من اي نوع من هذه المساعدات لديك(فود ستام _ راتب _ معيشة كاملة_ لاشي )

15 _ الخدمات المجانية المتوفرة شنو هيا ؟؟ ارجو ذكرها ؟؟

16_   على اي منظمة تتبع ؟ وماهي اسمها ؟؟

17_ عدد المنظمات الموجودة في ولايتك وماهي اسمائها ؟؟

18_وما هي نظريتك العامة حولة امريكا ؟؟

19_ماذا تنصح القادم الى امريكا او الى الولاية مالتك ؟؟

20_ ماذا تصف الناس الاميركان او الغير جنسيات  الي عايشيين بنفس ولايتك ؟؟

21- هل يتوفر لديك انترنيت والجهاز الهاتفي؟؟

22- هل لديك عمل لوحدك ام انت عامل؟؟
 
21_ ماذا رائيك بالموضوع ؟؟  احسنت ابو عبداللة الوردة معلوماتك كلش دقيقة وغنية واللة يوفقك اخوك كمبو.



وارجو الجواب من الجميع الي موجودين بأمريكا للفائدة العامة  ... واي عضو  من 

  الاعضاء عندا سؤال حاب يضيفة ارجو اضافتة على الموضوع  ..


تحياتي


اIRaQI JEALOUS   

[POWERDAN]

الله يساعدكم


والله من دخلت هنا حسيت الكل متعاونين ويقدمون نصائح وتوجيهات اتمنى الكي اجوبة لسؤالي يمكم وما تقصرون ان شاء الله

اني اشتغل ببغداد وية شركة متعاقدة وية الاميركان واريد ابدي اجراءات الهجرة عن طريق ال(   USRAP ) فاذا اكو واحد من الخيرين يكدر يكلي ممكن ابدي بيها من بغداد لو الا اطلع برة ومشكورين اخوان

[may76]

شكرا لك اخي ابو عبد الله التكساسي ع هل كم من المعلومات عن تكساس

انا من مواليد ولاية تكساس ولكن لا اعرف عنها شي لاني طلعت من امريكا اني وصغيرونه

وان شاء الله ياربي ارجعلها مع زوجي

[ابو مسك]

شكر خاص الى ابو عبدالله التكساسي خصوصاو الى جميع من اغنى الموضوع عموما

ارجو ان تزودوني بمعلومات عن مدين دالاس


ممنون منكم اخوتي

ابو مسك

[ابو عبد الله التكساسي]

شكرا باور مان
ابو مسك
مي 76

[baird70]

الشكر والامتنان الى هذا المنتدى الجميل الذي عرفنا بهذه النخبة المحترمة من الاعضاء الذين لايبخلون بوقتهم ولا باي معلومات متوفرة لديهم وخاصة الاخ الكريم ابوعبدالله.

سؤال بالاضافة الى سؤال الاخ ابومسك حول مدينة دالاس هل احد يسكن فيها من اعضاء المنتدى يوفيدنا بمعلومات عنها مثلا الجو المدارس الاسواق قريبة لو لا  الاماكن العامة المنضمات علما اني مقدم وعائلتي على iom وطلعنا توطين على ولاية تكساس مدينة دلاس واسم المنظمة  the irc افيدونا جزاكم الله

[ابو عبد الله التكساسي]

اخي baird70 تقريبا نفس الشي بكل تكساس وماكو اي فرق بين المدن
ومنضمتك كلش زينه
توكل على الله وشد العزم

[baird70]

شكرا جزيلا اخي العزيز ابوعدالله

[العايدي]

السلام عليكم أخوية أني قصتي نفس قصتك ومريت بكل أجرأت التقديم نصيحتي ألك أن متقدم من ألعراق ,أن تقدم من أي دولة مجاورة بالنسبه للدول ألي أتكون ألأجرأت بيه سريعه فهيه تركيا ولبنان وألأردن بس لازم أيكون بمعلومك أنه أول شي راح يطلبو منك هوه أميل رسمي للجهة ألأمريكية ألي أشتغلت وياها الشركة ألي أنته كنت تعمل فيها ولازم تعرف أنه الجهة المعنية ببرنامج الهجرة با النسبة للعراقين العاملين مع القوات أو الشركات ألأمريكية سوف يقمو با الأتصال با الجهة الأمريكية عن طريق ألأميل الرسمي ألي أنته حتقوم بتسليمه الى iom وطبعا حيسئلوهم عنك شخصيا وطلب معلومات عن عملك معهم وأنه أهم كلشي أضبط أمورك قبل ميتصلون بيهم  هذه أهم المعلومات ألي ممكن أخبرك بيه وأي أستفسار ثاني تحتاجه أني برسم ألخدمة

[مُغترب]

الله يساعدكم


والله من دخلت هنا حسيت الكل متعاونين ويقدمون نصائح وتوجيهات اتمنى الكي اجوبة لسؤالي يمكم وما تقصرون ان شاء الله

اني اشتغل ببغداد وية شركة متعاقدة وية الاميركان واريد ابدي اجراءات الهجرة عن طريق ال(   USRAP ) فاذا اكو واحد من الخيرين يكدر يكلي ممكن ابدي بيها من بغداد لو الا اطلع برة ومشكورين اخوان

السلام عليكم

شوف حبيبي

اني اليوم شفت سؤالك وماعرف اذا حصلت جواب او لا

المهم اذا انت مشتغل ويا جهه متعاقدة مع الجانب الامريكي لازم تحصل كتاب اثبات من HR الجهة الي اشتغلت بيها
واعتقد لازم يذكرون رقم عقد العمل مع الجهة الامريكية ونوع العمل

واذا ماكتبوا تكدر منظمة الهجرة تتاكد من هذا الشي

من تستلم الكتاب

ترسلة بالبريد الالكتروني مع باقي الوثائق كالجنسية ونسخة من الجواز والاسم والمواليد وتفاصيل العائلة وغيرها

وراها يجيك رد منهم بالتطورات او الاحتياجات

هذا شرح اولي

واذا تحتاج شي راسلني حبيبي

تحياتي لك

بالمناسبة اعتقد تقدم على iom  افضل لان siv تحتاج مسؤول امريكي مباشر وانت هم اسال واتاكد

[eagle_eyes]

حبيبي ابو عبدالله التكساسي فد استفسار اني كنت مترجم ويه الامريكان وبنفس الوقت ميكانيكي لان اني اصلا فيتر وصلحتلهم مولدات عجزوا يصلحوهه مهندسيهم فشنو نوع العمل الي اكدر الكاه بتكساس مثل اكو شغل زين للفيتر وتحياتي للجميع

[nawary]

شكرا لك اخي ابو عبدالله التكساسي
سؤالي عندك معلومات اذا كان الشخص متعرض لحادث بسبب اعمال العنف بعد2003 ويحتاج عمليات وعلاج طبيعي تتكفل بيها المنظمة ام لا؟
تحياتي إلك

[ابو عبد الله التكساسي]

حبيبي ابو عبدالله التكساسي فد استفسار اني كنت مترجم ويه الامريكان وبنفس الوقت ميكانيكي لان اني اصلا فيتر وصلحتلهم مولدات عجزوا يصلحوهه مهندسيهم فشنو نوع العمل الي اكدر الكاه بتكساس مثل اكو شغل زين للفيتر وتحياتي للجميع

اخي الرزق على الله تعال واله كريم ربك ما يكطع

[ابو عبد الله التكساسي]

شكرا لك اخي ابو عبدالله التكساسي
سؤالي عندك معلومات اذا كان الشخص متعرض لحادث بسبب اعمال العنف بعد2003 ويحتاج عمليات وعلاج طبيعي تتكفل بيها المنظمة ام لا؟
تحياتي إلك

نعم اخي العلاج تتكفل بيه الهيومن سيرفسس وبعض الحالات تتكفل بيه السوشل سيكيورتي ادمنستريشن اوفس
مو المنظمه

الي يهمك بالموضوع انه على المدكيت اكو علاج و بدون حدود

[aymanz30]

السلام عليكم اخوي ابو قمر
اخوك ابو زهير مسافر الى اوستن يوم 2 نوفمبر
اريد نصيحتك الله يوفقك
وشمرا على كل المعلومات وحرامات ماتصير كاتب للواقعية

[احمد الطائي]

سؤال بنسبة الى التاخير المعاملات الامنيه اني من سنه 2009 ولحد الان انتظر الموافقه الامنيه هل لديكم معلومات عن هذا الموضوع

[aymanz30]

أخي احمد الطائي
كلش عادي التأخير اني الموافقة طولت ويايا سنة وثمانية اشهر.
اريدك تكون متحضر لكلشي لان راح ينطوك موعد السفر بدون سابق انذار وبس 15 يوم يعني السيارة البيت الغراض لازم تكون متحضر لان اني لصت لوصة مرتبة.
وبالتوفيق

[سامر المغترب]

الاخ الفاضل أبو عبد الله وباقي الاخوه المشاركين في الموضوع

لكم تحيه وقبله على الجبين على هذه الروح وعلى الموضوع الشيق

لو تكرمتم بالاجابه على اسئلتي المباشره

ما هي أفضل مدينه في تكساس تصلح لعيش عائله عراقيه وبالذات الاطفال ومستقبلهم؟

ما هي اعلى وادنى درجة حراره في تكساس خلال العام ؟؟

وكم هو المبلغ التقديري الذي يكفي لعيش عائله شهربا بالعمل مباشرة حالة عدم وجود مساعدات علما انه لدي طفلين صغيرين

وما هي فرص العمل العادي جدا بوجود لغه تحت الوسط لكن ممكن تمشي الحال وبوجود رخصة قياده ؟؟

واذا وصلت لهيوستن مثلا بجوازي فكيف استطيع الحصول على رفم سوشيال والاذن بالعمل لأنني ممكن ادخل بفيزه سياحيه لمدة تسعين يوما فقط فهل ممكن تدبر العمل والسكن بهذه الفتره ؟؟

المساجد الاسلاميه في هيوستن هل كثيره أم قليله وهل فيها نشاط للاطفال من تعليم وتحفيظ ؟؟

الاسئله كثيره لكن لا اريد ان اثقل عليكم اخواني ولكم جزبل الشكر على سعة صدركم وتحملكم مقدما

[yousif 123]

السلام على جميع الاعضاء وابو عبدالله شكرا على هذا الموضوع وحبيت اسألك (اني عمري 19 سنة واحب اسافر لhouston فاذا امكن تتكرم وتكلي سشوي وين اروح واصير ولو لا وليش الله ينطيك الصحة يا طيب) ارجو الجواب باسرع ما لديك اذا ماكو زحمة

http://www.iraqpics.net/images/hdcs320c2j7lxq65899.gif

[yousif 123]

اني هسة ببغداد

[amher4ll]

am so regret to come to united state i have phd in chemical engineering and i cant get any job only job i can get here minimum wage 7 $/hr thats mean ur have very bad and shity life...i know many doctor were very famous in iraq now they here in Houston TX working in cleaning building and streets,,,,imagine if dont have any degree and cant speak English ...How your life gonna be   specially the health endurance  ,,,i recommend my personal opinion DONT COME TO FUCKING UNITED STATE ......(IRAQIS BEGGING FOR  LIVING HERE )    and dont depend on food  stamps ,,,,its over in 8 months ,,,,then the starvation period begin specially if you cant speak in English and thats mean u cant find any fucking job.....BY THE WAY AM GOING TO BACK NEXT WEEK TO IRAQ


GOOD LUCK FOR EVERY BODY     

[storm2]

L.O.S.E.R

[ابن الحلة]

Dear Mr. Amher4ll
thanks alot for your kind efforts
please come back to Iraq, why did you left the country, it needs you , come back to the nice trash in the roads, to the holes in the asphelt, to the missing electric power, to the very bad services for people, to the MAFIA goverments, to the nice explosions every day, to the empty schools and education
com back to the perfect SHIT life in Iraq and then say what you said

respectfully

Ibn Al Hillah

[Black Angel]

طبعا عذرا سيدي صاحب الموضوع للاجابة في موضوعك


Mr.Amher4all,
First of all I would like to thank you about sharing us your personnel opinion regarding going to the United States. It’s hard for me to imagine that person like you who has PhD in chemical Engineering couldn’t find any proper job yet but it’s even harder for me to believe that a PhD holder – like yourself- could speak in such kind of language. Now we can see that you already took your decision to leave back to your own country Iraq which might be the correct decision for people like you and as you the people are different, so good luck leaving the states and welcome back to Iraq in advance.

[jebelshamx]

السلام عليكم اخواننا في دالاس بتكساس
ارجوا اعلامنا عن نوعية الاعمال المتوفرة للاجيء هناك وكمية الاجور المدفوعة ونوعية وكمية المساعدات وايجار البيوت و انا حاليا في تركيا ومتوجه الى دالاس انشاء الله  . ولكم فائق تقديري

[القطيفيه]

اخويه ابو قمر اني  اايدك بكل حجايه كلتها ويعجبني دائما اقرا كتاباتك حتى كبل مصير عضوه بهذا المنتدى
ولو اني بعدني مواصله لتكساس دالاس بس ادعيلي اوصل
الله يوفق الجميع ومدونا بعد بالمعلومات وشكرا لكل الاخوة ع المعلومات

[lionofiraq]

تحية من القلب الى ابو عبد الله التكساسي و لجميع اخوتي في المنتدى المحترم

انا اخوكم عراقي انتقلت الى دالاص تكساس و صارلي تقريبا 24 يوم و حاليا ادور على شغل و ناشدت جميع الأخوة بس ماكو استجابة وافية بس بعض الردود جزاهم الله خير اني بصراحة ما عندي معلومات عن الولاية بس الي سمعته انه بيها شغل و الي شفته انه ولاية جبيرة و حلوة و شكرا جزيلا اسف على الأطالة

[TO US]

موضوع رهيب وخرافي.... الله يكتبلنا ونوصل يمكم بالسلامة ان شاء الله

بس عندي سؤال ... اذا واحد عنده طفل بالمدرسة ويجي بنص الفصل الدراسي، يكدر يكمل مباشرة لو لازم يعيد السنة؟ وشنو الاوراق اللي لازم يجيبهه وياه حتى يكمل؟

وشكرا مقدما

[lionofiraq]

  اني بصراحة ما عندي طفل لآن اصلا ممتزوج ههههههههههه بس اعتقد نعم يخلوا يعيد السنة بس خلي انشوف الي عدهم اطفال شنو ردهم

تقبل تحيات اخوك

[lovely_boy77]

مرحبا
اخوكم ماثيو ساكن ب دالاس صارلي 3 سنوات ونص وجيت من تركيا
اي سوال اني حاضر وياهلا بالواصلين وخلونا نتعرف اول متوصلون بلكي نكدر نساعدكم

[lovely_boy77]

مرحبا
اخوكم ماثيو ساكن ب دالاس صارلي 3 سنوات ونص وجيت من تركيا
اي سوال اني حاضر وياهلا بالواصلين وخلونا نتعرف اول متوصلون بلكي نكدر نساعدكم

[lovely_boy77]

رد على 101
بالنسبة للاطفال اول ميروحون يسولهم اختبار بسيط وبعدها يحددون وين يخلو وهي تعتمد حسب المدرسة يمكن يمشو او تنتضر الموسم القادم بس نصيحه اختار المنطقة الزينه اللي تودي بيها اطفاللك للمدرسة وخاصة اول منطقة تسكن بيها من قبل المنضمة تكون تعبانة ويفضل بس تخلص المساعدات اطلع منها وروح شمال دالاس احسن

[lovely_boy77]

رد على 100
قدم على walmart
بس اكو امتحان لازم تسوي اونلاين

[ابويوسف77]

مرحبا
اخوكم ماثيو ساكن ب دالاس صارلي 3 سنوات ونص وجيت من تركيا
اي سوال اني حاضر وياهلا بالواصلين وخلونا نتعرف اول متوصلون بلكي نكدر نساعدكم

السلام عليكم اخوي انا مقدم من تركيا ومكمل فحوصات ومنتظر الموافقه الامنيه والطيران اخوك مهندس ميكانيك وهاي ما تاكل هناك بامريكا بس هم فيتر مولدات ديزل واعجبك  هههههههههه
وبس اني ما اعرف احد هناك بامريكا وكلش عاجبتني تكساس من خلال تجارب المكتوبه وشتنصحني بيها اذا تنصحني بتكساس تقبل تكفلني
واجرك عند الله ما يضيع

[steveo]

السلام عليكم جميعا طبعا اني مقدم اس اي في وعندي سؤالين ... اولا الكرين كارد العائلة كلهة تستلم كرين كارد لو بس صاحب الكيس وشكد يطول ....
ثانيا : اريد اعرف اشلون الولحد يكدر يطوع على الشرطة الامريكية وشنو المطلوب وشنو الامتيازات وشكر الكم جميعا

[lionofiraq]

iهلة بيك ستيفو بالنسبة للتطوع فلالالالالالالالالازم اتكون مواطن امريكي و اكو امتحان لازم تجتازه اما بالنسبة للكرين كارد اعتقد انه جميع افراد العائلة يحصلة بنفس الوقت

[برنسيسة]

الله يبارك بيكم ويوفقكم يارب على هذا الموضوع
شكد تعبتوا بي لخدمة اخوانكم ياطيبين
الله يوفقكم ويسهل امركم وين ماتكونون

[ali_lion71]

سلام عليكم انا من سوريا انتظر فيزه امريكا صارلي اكثر من سنه ونصف وايضا كفيلي في تكساس بس اعجوزي في سان انطونيو اريد اعرف اني على اي منظمه للسفر ملتزمتي وشكرا

[ORCA]

عاشت ايدك ابو عبدالله

[محارب]

up

[ahmadsabryahmad]

سؤالي اليكم شنو المسموح بلسفر اقصد اكدراخذ لابتوب او اقراص بيه صورعائلية او فلاش او كامرة او شنو نوع الموبايل الي يشتغل بامريكا اقصد الي سعره بالعراق مقبول وسؤالي الثاني بعد الفحص الطبي ومقابلة المحلفين الي هي الثانيه شكد الفترة ونسافر لانه القلق دمرنه ارجو الاجابه وكم من الوقت قبل السفر تعرفون واحد اصفي اموره مع شكري واحترامي الكم

[برنسيسة]

سؤالي اليكم شنو المسموح بلسفر اقصد اكدراخذ لابتوب او اقراص بيه صورعائلية او فلاش او كامرة او شنو نوع الموبايل الي يشتغل بامريكا اقصد الي سعره بالعراق مقبول وسؤالي الثاني بعد الفحص الطبي ومقابلة المحلفين الي هي الثانيه شكد الفترة ونسافر لانه القلق دمرنه ارجو الاجابه وكم من الوقت قبل السفر تعرفون واحد اصفي اموره مع شكري واحترامي الكم

اخي اسئلتك هاي اطرحها بموضوع منفصل حتى الاخوان يردون عليك

[محارب]

للرفع

[omclassic]

السلام عليكم أخ ابوقمر وشكراً الك والإخوان على الموضوع والردود والتوضيح جعله الله في ميزان حسناتكم ...سؤالي حول موضوع الدواء مثال اني اخذ دواء مزمن للمعدة فما هو الإجراء المتبع وهل مثل ما نسمع فان سعر الدواء يتجاوز المئة دولار او اكثر والدواء هو لانسبرازول للمعدة وهل يشترط بعد فترة المدك يشترط الذهاب بكل عملية شراء الى الطبيب لصرف الدواء ارجو التوضيح وشكراً لكم ولإدارة المنتدى الأكثر من رائع